Chapter 15

[English text for this chapter is available]

śaunaka uvāca |
kathayasva mahābhāga māhātmyaṃ pāpanāśanam |
ekādaśyāḥ phalaṃ kiṃ vā kilbiṣaṃ syādakurvataḥ || 1 ||
[Analyze grammar]

sūta uvāca |
ekādaśyāstu māhātmyaṃ kimahaṃ vacmi sāṃpratam |
śrutvā caikādaśīnāma yamadūtāśca śaṃkitāḥ || 2 ||
[Analyze grammar]

bhavaṃti nātra saṃdeho sarvaprāṇibhayaṃkarāḥ |
vratānāṃ caiva sarveṣāṃ śreṣṭhāṃ caikādaśīṃ śubhām || 3 ||
[Analyze grammar]

upoṣya jāgṛyādviṣṇoḥ kuryyācca maṃḍanaṃ mahat |
tulasīdalaistu yo martyo haripūjāṃ karoti vai || 4 ||
[Analyze grammar]

dalenaikena labhate koṭiyajñaphalaṃ dvija |
agamyāgamane caiva yatpāpaṃ samudāhṛtam || 5 ||
[Analyze grammar]

tatpāpaṃ yāti vilayaṃ caikādaśyāmupoṣaṇāt |
ghṛtapūrṇaṃ pradīpaṃ yo dadyādviṣṇudine dvija || 6 ||
[Analyze grammar]

aṃte viṣṇupuraṃ yāti tamo hatvā svatejasā |
dhanyā janapadāste vai dhanyaḥ sa ca mahīpatiḥ || 7 ||
[Analyze grammar]

harerdine yasya rājye caikādaśyā mahotsavaḥ |
nārāyaṇasya śayane pārśvasya parivarttane || 8 ||
[Analyze grammar]

viśeṣeṇa prabodhinyā nirāhārā bhavaṃti ye |
madaṃti kaṃ nānayadhvaṃprāṇinaḥpuṇyabhāginaḥ || 9 ||
[Analyze grammar]

aharniśaṃ pitṛpatiḥ samādiśati dūtakān |
ekādaśī jagannātha vallabhā puṇyavardhinī || 10 ||
[Analyze grammar]

viṣṇurdehaṃ dohatyeva tasyāmannasya bhakṣaṇe |
teṣāṃ dhigjīvanaṃ saṃpatdhiksauṃdaryaṃ ca vartanam || 11 ||
[Analyze grammar]

ye'nnamaśnaṃti pāpiṣṭhāścaikādaśyāṃ hi viḍbhujaḥ |
ekādaśyāṃ dvijaśreṣṭha bhuktimāśritya kevalam || 12 ||
[Analyze grammar]

bahūni vividhānyeva tiṣṭhaṃti duritāni ca |
amāvāsyāṃ yathā strīṇāṃ saṃgame kaluṣaṃ mahat || 13 ||
[Analyze grammar]

ekādaśyāṃ tathaivānnabhakṣaṇe vṛjinaṃ bhavet |
rogiṇaśca tathā khaṃja kāsasodarakuṣṭhakāḥ || 14 ||
[Analyze grammar]

bhavaṃti prāṇinaste vai tasyāmannasya bhakṣaṇe |
grāmaśūkaratāṃ yāṃti dāridryaṃ ca prayāṃti vai || 15 ||
[Analyze grammar]

rājabaddhā dvijaśreṣṭha tasyāmannasya bhakṣaṇe |
saṃsāre yāni pāpāni tāni vipra harerdine || 16 ||
[Analyze grammar]

bhuktimāśritya tiṣṭhaṃti jalabhakṣaṇamājñayā |
kurvatāṃ sarvapāpāni narakānniṣkṛtirbhavet || 17 ||
[Analyze grammar]

na niṣkṛtirbhavennṝṇāṃ bhuṃjatāṃ ca harerdine |
narā yāvaṃti cānnāni bhuṃjate ca harerdine || 18 ||
[Analyze grammar]

pratyannaṃ ca brahmahatyākoṭijaṃ vṛjinaṃ bhavet |
punarvacmi punarvacmi śrūyatāṃ śrūyatāṃ narāḥ || 19 ||
[Analyze grammar]

na bhoktavyaṃ na bhoktavyaṃ na bhoktavyaṃ harerdine |
gaṃgādiṣu ca tīrtheṣu snātvā yatphalamāpyate || 20 ||
[Analyze grammar]

caṃdrasūryoparāge ca caikādaśyāmupoṣitaḥ |
arcitvotpalamālābhistasyāṃ ca kamalāpatim || 21 ||
[Analyze grammar]

vidhivatpāraṇaṃ kṛtvā na māturgarbhabhājanam |
ekādaśyāṃ harergehe karoti maṃḍanaṃ dvija || 22 ||
[Analyze grammar]

paramāṃ gatimāsādya tiṣṭhedviṣṇuniketane |
ekādaśīṃ samāsādya nirāhārā bhavaṃti ye || 23 ||
[Analyze grammar]

teṣāṃ viṣṇupure śaśvannivāso'pi na saṃśayaḥ |
tulasībhaktisaṃlīnaṃ mano yeṣāṃ virājate || 24 ||
[Analyze grammar]

te yāṃti paramaṃ viṣṇoḥ sthānameva na saṃśayaḥ |
paradravyeṣvabhiruciryeṣāṃ caiva na vidyate || 25 ||
[Analyze grammar]

saṃtuṣṭamanaso ye'pi teṣāṃ viṣṇupuraṃ dhruvam |
durbhikṣakālamāsādya prāṇibhyo ye narottamāḥ || 26 ||
[Analyze grammar]

dadatyannaṃ hareḥ sadma teṣāṃ caiva na saṃśayaḥ |
gavāṃ dvijānāṃ trāṇāya svāmino yoṣitastathā || 27 ||
[Analyze grammar]

prāṇānmuṃcaṃti ye marttyāsteṣāṃ viṣṇupuraṃ dhruvam |
prāṇibhirdaśamīviddhā na copoṣyā kadācana || 28 ||
[Analyze grammar]

parihāryaṃ dvijaśreṣṭha durjanasyāṃtikaṃ yathā |
aruṇodayavelāyāṃ daśamī saṃgatā yadi || 29 ||
[Analyze grammar]

tatropoṣyā dvādaśī syāttrayodaśyāṃ tu pāraṇam |
daśamīśeṣasaṃyukto yadi syādaruṇodayaḥ || 30 ||
[Analyze grammar]

vaiṣṇavena na karttavyaṃ taddinaikādaśīvratam |
catasro ghaṭikāḥ prātararuṇodaya ucyate || 31 ||
[Analyze grammar]

yatīnāṃ snānakāloyaṃ gaṃgāṃbhaḥ sadṛśaḥ smṛtaḥ |
aruṇodayakāle tu daśamī yadi dṛśyate || 32 ||
[Analyze grammar]

na tatraikādaśī kāryā dharmakāmārthanāśinī |
svalpāṃ ca daśamīviddhāṃ tyajedekādaśīṃ budhaḥ || 33 ||
[Analyze grammar]

surābiṃdostu saṃparkātghṛtakuṃbhaṃ tyajedyathā |
saṃpūrṇaikādaśī yatra dvādaśyāṃ punareva sā || 34 ||
[Analyze grammar]

uttarā yatibhiḥ kāryā pūrvāmupavasedgṛhī |
ekādaśīkalā yatra dvādaśīparato na cet || 35 ||
[Analyze grammar]

tatra kratuśataṃ puṇyaṃ trayodaśyāṃ tu pāraṇam |
ekādaśī viluptā cetparato dvādaśīyutā || 36 ||
[Analyze grammar]

upoṣyā dvādaśī pūrṇā yadīcchetparamāṃ gatim |
saṃpūrṇai'kādaśī yatra prabhāte punareva sā || 37 ||
[Analyze grammar]

sarvairevottarā kāryā parato dvādaśī yadi |
ekādaśīvrate yeṣāṃ manaḥ saṃlīyate nṛṇām || 38 ||
[Analyze grammar]

teṣāṃ svargo hi vāso'tha yāṃti te sadanaṃ hareḥ |
ekādaśyāḥ paraṃ nāsti paralokasya sādhanam || 39 ||
[Analyze grammar]

bahupāpasamāyuktaḥ karoti harivāsaram |
sarvapāpavinirmuktaḥ sa yāti harimaṃdiram || 40 ||
[Analyze grammar]

patisahitā yā yoṣitkaroti harivāsaram |
suputrā svāmisubhagā yāti pretya harergṛham || 41 ||
[Analyze grammar]

yo yacchati hareragre pradīpaṃ bhaktibhāvataḥ |
harerddine rdvijaśreṣṭha puṇyasaṃkhyā na vidyate || 42 ||
[Analyze grammar]

yāṃganā bhartṛsahitā kurute jāgaraṃ hareḥ |
harerniketane tiṣṭhecciraṃ patyā saha dvija || 43 ||
[Analyze grammar]

yatkiñciddharaye vastu bhaktyā yacchati yo dvija |
harerdine tasya puṇyamakṣayaṃ caiva sarvadā || 44 ||
[Analyze grammar]

purāsīdvallabho nāmnā nagare kāṃcanāhvaye |
dhanena puṣkalenāpi rājate sa dhaneśvaraḥ || 45 ||
[Analyze grammar]

tasya priyā mahārūpā nāmnā hemaprabhā dvija |
garīyānmukharastatra bādhate ca kalerguṇaḥ || 46 ||
[Analyze grammar]

sā sadā kalahaṃ kuryātpatyā saha tapodhana |
śaśvadgurujanānkāmaṃ bhartsanānnīcabhāṣayā || 47 ||
[Analyze grammar]

pākapātre sadāśnīyātguptā saikāṃtikemalā |
ucchiṣṭaṃ gurujanebhyaśca dadyādvai prativāsaram || 48 ||
[Analyze grammar]

jāre sadā sthitaṃ cittamahaṃ sādhvīti sā vadet |
svāminaḥ kalahairbrahmanmanodvegakarā sadā || 49 ||
[Analyze grammar]

ekadā cāgatāṃ dṛṣṭvā cakāra bhartsanāṃ ca tām |
bharttā tasyāḥ prahāraṃ ca sarvapāpayutāṃ dvija || 50 ||
[Analyze grammar]

saiva roṣasamāyuktā gatā śūnyagṛhe tu vai |
suptā'jñātā sthitā kasminjalānnaṃ na cakhāda ha || 51 ||
[Analyze grammar]

daivāttatra dine viṣṇoḥ pārśvasya parivarttanam |
ekādaśīvrataṃ vipra sarvapāpapraṇāśanam || 52 ||
[Analyze grammar]

tataḥ prabhāte rajanī dvādaśī śravaṇānvitā |
āgatā tatra sā nārī roṣanirbharamānasā || 53 ||
[Analyze grammar]

nirāhārau kṛtau dvau ca nirmalā sā babhūva ha |
rātrau ca paṃcatāṃ yātā jayaṃtīvāsare dvija || 54 ||
[Analyze grammar]

yamājñayā tato dūtā āgatāstāṃ tathāvidhām |
netuṃ bhayaṃkarāste ca pāśamudgarapāṇayaḥ || 55 ||
[Analyze grammar]

baddhvā netuṃ manaścakre kṛtāṃtasadanaṃ yadā |
tadāgatā viṣṇudūtāḥ śaṃkhacakragadādharāḥ || 56 ||
[Analyze grammar]

chittvā pāśaṃ tato divye syaṃdane tāṃ gatainasam |
te vai cārohayāmāsu nirmalāṃ bhavanaṃ hareḥ || 57 ||
[Analyze grammar]

gatā tairveṣṭitā sātha durllabhaṃ nirjaraiḥ śubham |
viṣṇordivasamāhātmyaṃ kathitaṃ te dvijarṣabha || 58 ||
[Analyze grammar]

anicchayāpi yaḥ kuryātsa yāti harimaṃdiram |
ekādaśyādine martyo dīpaṃ dātuṃ harergṛhe || 59 ||
[Analyze grammar]

gacchetpratipadaṃ so'pi cāśvamedhaphalādhikam |
śṛṇvaṃti ca purāṇāni paṭhaṃti ca harerdine |
pratyakṣaraṃ labhaṃte te kapilādānajaṃ phalam || 60 ||
[Analyze grammar]

iti śrīpādme mahāpurāṇe sūtaśaunakasaṃvāde brahmakhaṃḍe harivāsaramāhātmyakathanaṃ |
nāma paṃcadaśo'dhyāyaḥ || 15 ||
[Analyze grammar]