Padma Purana [sanskrit]
462,305 words | ISBN-13: 9789385005305
The Padma-purana Book 4 Chapter 10 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.
Chapter 10
[English text for this chapter is available]
sūta uvāca |
airāvatastato jajñe tathaivoccaiḥśravā hayaḥ |
dhanvaṃtariḥ pārijātaḥ surabhiścāpsarodayaḥ || 1 ||
[Analyze grammar]
tataḥ prabhātasamaye dvādaśyāmudite ravau |
utpannā śrīrmahālakṣmīḥ sarvalakṣaṇaśobhitā || 2 ||
[Analyze grammar]
dadṛśustāṃ mahādevīṃ mātaraṃ dharmadevatāḥ |
prahṛṣṭāḥ sarvajaṃtūnāṃ śrīkṛṣṇahṛdayālayām || 3 ||
[Analyze grammar]
lakṣmībhrātā śītaraśmirjātaśca sudhayā tataḥ |
utpannā sā harerjāyā tulasī lokapāvanī || 4 ||
[Analyze grammar]
taṃ śailaṃ pūrvavatsthāpya paripūrṇamanorathāḥ |
sametya mātaraṃ stutvā jepuḥ śrīsūktamuttamam || 5 ||
[Analyze grammar]
tataḥ prasannā sā devī sarvāndevānuvāca ha |
varaṃ vṛṇīdhvaṃ bhadraṃ vo varadāhaṃ surottamāḥ || 6 ||
[Analyze grammar]
devā ūcuḥ |
prasīda kamale devi sarvamātarharipriye |
tvayā vinā jagacchūnyaṃ kuru prāṇaprarakṣaṇam || 7 ||
[Analyze grammar]
ityuktā sā mahālakṣmīḥ prāha nārāyaṇapriyā |
idānīṃ sarvajaṃtūnāṃ prāṇarakṣāṃ karomyaham || 8 ||
[Analyze grammar]
tato nārāyaṇaḥ śrīmāñchaṃkhacakragadādharaḥ |
āvirbabhūva sahasā dayālurjagadīśvaraḥ || 9 ||
[Analyze grammar]
tataste tuṣṭuvurdevāḥ praṇamya jagatāṃ patim |
kṛtāṃjalipuṭāḥ procuḥ harṣagadgadabhāṣiṇaḥ || 10 ||
[Analyze grammar]
gṛhāṇa mātaraṃ viṣṇo mahiṣīṃ vallabhāṃ tava |
saṃsārarakṣaṇārthāya lakṣmīmanapagāminīm |
yāvatpratijñāṃ no cakre tāvatprāheṃdirā harim || 11 ||
[Analyze grammar]
lakṣmīruvāca |
avivāhya kathaṃ jyeṣṭhāmalakṣmīṃ madhusūdana |
tasyāḥ kaniṣṭhāṃ māṃ nātha vivāhaṃ kartumicchasi |
jyeṣṭhāyāṃ ca sthitāyāṃ vai kaniṣṭhā pariṇīyate || 12 ||
[Analyze grammar]
sūta uvāca |
iti śrutvā tato viṣṇurdadau coddālakāya ca |
vedavākyānurūpeṇa hyalakṣmīṃ nirjaraiḥ saha || 13 ||
[Analyze grammar]
tato nārāyaṇaḥ śrīmānlakṣmīmaṃgīcakāra ha |
tataḥ suragaṇāḥ sarve namaścakruḥ punaḥpunaḥ || 14 ||
[Analyze grammar]
atha te cāsurānsarvānjaghnuḥ sarve balādhikāḥ |
sarve te kraṃdamānāśca gatāścaiva diśo daśa || 15 ||
[Analyze grammar]
sudhāṃ tatkhādituṃ cakrurdevāḥ paṃktiṃ yathākramam |
śrīviṣṇorājñayā sarve cocuścaiva parasparam || 16 ||
[Analyze grammar]
tvaṃ ca dehi tvaṃ ca dehi tvaṃ ca dehīti cābruvan |
na śakto'smi na śakto'smi na śakto'smīti cābruvan || 17 ||
[Analyze grammar]
tato viṣṇuḥ samuttasthau strīrūpaṃ ca dadhāra ha |
cakāra svarṇapātre tatpīyūṣapariveṣaṇam || 18 ||
[Analyze grammar]
pīyūṣabhakṣaṇaṃ rāhuryāvatkuryāddvijottama |
caṃdrasūryau coktavaṃtau rākṣaso'sau chalāgataḥ || 19 ||
[Analyze grammar]
tataḥ kruddho jagannātho jaghāna svarṇapātrataḥ |
śirastasya papātorvyāṃ keturnāmnā babhūva ha || 20 ||
[Analyze grammar]
rāhuketū tatastūrṇaṃ gatau tau bhayavihvalau |
idānīṃ taddine prāpte caṃdrasūryau sa yudhyati || 21 ||
[Analyze grammar]
kuryādgrāsaṃ saiṃhikeyastatkṣaṇaṃ durlabhaṃ bhavet |
sarvaṃ gaṃgāsamaṃ toyaṃ vedavyāsasamā dvijāḥ || 22 ||
[Analyze grammar]
snānaṃ vāyasatīrthe yo gaṃgāsnānaphalaṃ labhet |
dānamakṣayapuṇyaṃ syātkoṭijanmārjitaṃ tathā || 23 ||
[Analyze grammar]
pāpaṃ naśyetsamūlaṃ ca kiṃ punaḥ kratukoṭibhiḥ |
vidyārthī labhate vidyāṃ putrārthī putramāpyate || 24 ||
[Analyze grammar]
mokṣārthī labhate mokṣaṃ maṃtrasiddhirbhaveddhruvam |
iti te kathitaṃ vipra samudramathanaṃ tu tat || 25 ||
[Analyze grammar]
iti śrīpādme mahāpurāṇe brahmakhaṃḍe sūtaśaunakādikasaṃvāde samudramathanaṃ |
nāma daśamo'dhyāyaḥ || 10 ||
[Analyze grammar]
Other editions:
Also see the following editions of the Sanskrit text or (alternative) English translations of the Padma Purana Chapter 10
Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)
Sanskrit Text and Hindi Translation with Sloka Index (Set of 7 Volumes)
Buy now!
Padma Purana (In Six Volumes)
by Chowkhamba Sanskrit Series Office (2007)
Sanskrit Text Only
Buy now!
Sri Padma Purana (Tamil)
by Azhwargal Aaivu Maiyam, Chennai (2015)
Translated by S. Jagatrakshgan
Buy now!