Chapter 3

[English text for this chapter is available]

śaunaka uvāca |
kārttikasya ca māhātmyaṃ brūhi sūta mamāgrataḥ |
tadvratasya phalaṃ kiṃ vā doṣaṃ kiṃ tadakurvataḥ || 1 ||
[Analyze grammar]

sūta uvāca |
puraikadā muniśreṣṭha vyāsaṃ satyavatīsutam |
jaiminiḥ pṛṣṭavānetadārebhe kathitaṃ muniḥ || 2 ||
[Analyze grammar]

vyāsa uvāca |
tilatailaṃ maithunaṃ yaḥ śubhade kārttike tyajet |
bahujanmakṛtaiḥpāpairmukto yāti harergṛham || 3 ||
[Analyze grammar]

matsyaṃ ca maithunaṃ yo vai kārttike na parityajet |
pratijanmani saṃmūḍhaḥ śūkaraśca bhaveddhruvam || 4 ||
[Analyze grammar]

kārttike tulasīpatraiḥ pūjayedvai janārdanam |
patrepatre'śvamedhasya phalaṃ prāpnoti mānavaḥ || 5 ||
[Analyze grammar]

kārttike munipuṣpairyaḥ pūjayenmadhusūdanam |
devānāṃ durlabhaṃ mokṣaṃ prāpnoti kṛpayā hareḥ || 6 ||
[Analyze grammar]

kārttike muniśākaṃ vai yo'śnāti ca narottamaḥ |
saṃvatsarakṛtaṃ pāpaṃ śākenaikena naśyati || 7 ||
[Analyze grammar]

phalaṃ tasya naro'śnāti corje yo vai haripriye |
pradattvā tu harerbrahmanvṛjinaṃ koṭijanmajam || 8 ||
[Analyze grammar]

surasaṃ sarpiṣāyuktaṃ dadyādyo harayepi ca |
sarvapāpairvinirmuktaḥ sa gaccheddharimaṃdiram || 9 ||
[Analyze grammar]

kārtike yo naro dadyādekapadmaṃ harāvapi |
aṃte viṣṇupadaṃ gacchetsarvapāpavivarjitaḥ || 10 ||
[Analyze grammar]

prātaḥsnānaṃ naro yo vai kārtike śrīharipriye |
karotisarvatīrtheṣuyatsnātvātatphalaṃlabhet || 11 ||
[Analyze grammar]

kārtike yo naro dadyātpradīpaṃ nabhasi dvijaḥ |
viprahatyādibhiḥ pāpairmukto gaccheddharergṛham || 12 ||
[Analyze grammar]

muhūrtamapi yo dadyātkārttike prītaye hareḥ |
dīpaṃ nabhasi viprendra tasmiṃstuṣṭaḥ sadā hariḥ || 13 ||
[Analyze grammar]

yo dadyācca gṛhe dīpaṃ kṛṣṇasya saghṛtaṃ dvijaḥ |
kārtike cāśvamedhasya phalaṃ syādvai dinedine || 14 ||
[Analyze grammar]

pradīpasya ca māhātmyaṃ viśeṣamucyate mayā |
niśāmaya dvijaśreṣṭha setihāsaṃ samāhitaḥ || 15 ||
[Analyze grammar]

pūrvaṃ tretāyuge vipro vaikuṃṭho nāmataḥ śuciḥ |
yasya saṃgaprabhāveṇa mukto bhavati pātakī || 16 ||
[Analyze grammar]

ekadā kārtike so'pi pradīpaṃ purato hareḥ |
datvā gṛhaṃ gato vipro ghṛtapūrṇaṃ dvijarṣabhaḥ || 17 ||
[Analyze grammar]

sarpistatsvāditu cākhurāgato'pi pradīpataḥ |
yāvatkhāditumārebhe bodhito'sau pradīpakaḥ || 18 ||
[Analyze grammar]

mūṣako'gnibhayāttatra vegenāpi palāyitaḥ |
ākhośca sakalaṃ pāpaṃ vinaṣṭaṃ kṛpayā hareḥ || 19 ||
[Analyze grammar]

sarpeṇa daṃśitaścākhuḥ prāṇatyāgaṃ cakāra ha |
tato yamājñayā dūtāḥ pāśamudgarapāṇayaḥ || 20 ||
[Analyze grammar]

āgatāstaṃ samānetuṃ babaṃdhuścarmarajjubhiḥ |
yāvannetuṃ manaścakruḥ śaṃkhacakragadādharāḥ || 21 ||
[Analyze grammar]

āgatā garuḍārūḍhā viṣṇudūtāścaturbhujāḥ |
vimānaṃ gagane caiva rājahaṃsayutaṃ śubham || 22 ||
[Analyze grammar]

nirmitaṃ kanakaiḥ śuddhaiḥ kāmagaṃ kṛpayā hareḥ |
pāśaṃ chitvā tato dūtāḥ procuste yamakiṃkarān || 23 ||
[Analyze grammar]

viṣṇubhakto'pyasau mūḍhā vyarthaṃ tu baṃdhanaṃ kṛtam |
gacchadhvaṃ śamanapreṣyā yadi vāṃchāsti jīvitum || 24 ||
[Analyze grammar]

śrutvā prakaṃpitāste vai pṛcchaṃti vinayānvitāḥ |
kena puṇyaprabhāveṇa yuṣmābhirnīyate puram || 25 ||
[Analyze grammar]

asau viṣṇormahāpāpī yūyaṃ tadvaktumarhatha |
viṣṇudūtā ūcuḥ |
purato vāsudevasya pradīpabodhanaṃ kṛtam || 26 ||
[Analyze grammar]

tenaiva karmaṇā dūtā nayāmo viṣṇumaṃdiram |
anicchayāpi yaḥ kuryādviṣṇordīpasya bodhanam || 27 ||
[Analyze grammar]

koṭijanmārjitaṃ pāpaṃ tyaktvā yāti harergṛham |
bhaktyā pradīpaṃ yo dadyātkārtike tu harerdinaiḥ || 28 ||
[Analyze grammar]

tasya puṇyaṃ samākhyātuṃ na śakto hariṇā vinā |
ghṛtapūrṇapradīpaṃ yo bhaktyā dadyāddharergṛhe || 29 ||
[Analyze grammar]

aśvamedhasahasreṇa tasya kiṃ vā prayojanam |
aśvamedhaprakartā yaḥ svargaṃ yāti harerdine || 30 ||
[Analyze grammar]

kārtike dīpadātā ca sa gaccheddharimaṃdiram |
vyāsa uvāca |
iti śrutvā tato dūtā gatāste vai yathāgatāḥ || 31 ||
[Analyze grammar]

viṣṇudūtā rathe kṛtvā gatāstaṃ viṣṇumaṃdiram |
viṣṇusānnidhya evāsya manvaṃtaraśataṃ gatam || 32 ||
[Analyze grammar]

tato martye rājakanyā babhūva kṛpayā hareḥ |
putrapautrasamāyuktā ciraṃ bhogaṃ cakāra sā || 33 ||
[Analyze grammar]

itaḥ punargatā sā tu golokaṃ harisevayā |
sūta uvāca |
bhaktyā śṛṇoti yo martyo dīpamāhātmyamuttamam || 34 ||
[Analyze grammar]

sarvapāpavinirmuktaḥ sa yāti viṣṇumaṃdiram || 35 ||
[Analyze grammar]

iti śrīpādme mahāpurāṇe brahmakhaṃḍe dīpadānamāhātmyaṃ |
nāma tṛtīyo'dhyāyaḥ || 3 ||
[Analyze grammar]