Chapter 56

[English text for this chapter is available]

vyāsa uvāca |
nādyācchūdrasya vipronnaṃ mohādvā yadi kāmataḥ |
sa śūdrayoniṃ vrajati yastu bhuṃkte tvanāpadi || 1 ||
[Analyze grammar]

ṣaṇmāsānyo dvijo bhuṃkte śūdrasyānnaṃ vigarhitam |
jīvanneva bhavecchūdro mṛtaḥ śvā cābhijāyate || 2 ||
[Analyze grammar]

brāhmaṇakṣatriyaviśāṃ śūdrasya ca munīśvarāḥ |
yasyānnenodarasthena mṛtastadyonimāpnuyāt || 3 ||
[Analyze grammar]

rājānnaṃ vartakānnaṃ ca ṣaṃḍhānnaṃ carmmakāriṇām |
gaṇānnaṃ gaṇikānnaṃ ca ṣaḍannaṃ ca vivarjayet || 4 ||
[Analyze grammar]

cakropajīvi rajaka taskaradhvajināṃ tathā |
gāṃdharvalohakārānnaṃ mṛtakānnaṃ vivarjayet || 5 ||
[Analyze grammar]

kulāla citrakārānnaṃ vārdhuṣeḥ patitasya ca |
paunarbhavacchatrikayorabhiśaptasya caiva hi || 6 ||
[Analyze grammar]

suvarṇakāra śailūṣa vyādha vaṃdhyāturasya ca |
cikitsakasya caivānnaṃ puṃścalyā daṃḍakasya ca || 7 ||
[Analyze grammar]

stena nāstikayorannaṃ devatāniṃdakasya ca |
somavikrayiṇaścānnaṃ śvapākasya viśeṣataḥ || 8 ||
[Analyze grammar]

bhāryyājitasya caivānnaṃ yasya copapatirgṛhe |
utsṛṣṭasya kadaryasya tathaivocchiṣṭabhojinaḥ || 9 ||
[Analyze grammar]

pāpīyonnaṃ ca saṃghānnaṃ śastrājīvasya caiva hi |
bhītasya ruditasyānnamavakruṣṭaṃ parikṣatam || 10 ||
[Analyze grammar]

brahmadviṣaḥ pāparuceḥ śrāddhānnaṃ mṛtakasya ca |
vṛthāpākasya caivānnaṃ śāvānnaṃ cāturasya ca || 11 ||
[Analyze grammar]

aprajānāṃ tu nārīṇāṃ kṛtaghnasya tathaiva ca |
kārukānnaṃ viśeṣeṇa śastravikrayiṇastathā || 12 ||
[Analyze grammar]

śauṃḍānnaṃ ghāṃṭikānnaṃ ca bhiṣajāmannameva ca |
vidvatprajananasyānnaṃ parivetrannameva ca || 13 ||
[Analyze grammar]

punarbhuvo viśeṣeṇa tathaiva didhiṣūpateḥ |
avajñātaṃ cāvadhūtaṃ saroṣaṃ vismayānvitam || 14 ||
[Analyze grammar]

gurorapi na bhoktavyamannaṃ saṃskāravarjitam |
duṣkṛtaṃ hi manuṣyasya sarvamanne vyavasthitam || 15 ||
[Analyze grammar]

yo yasyānnaṃ samaśnāti sa tasyāśnāti kilbiṣam |
arddhakā kulaṃ mitraṃ ca gopālo vāhanāpi tau || 16 ||
[Analyze grammar]

ete śūdreṣu bhojyānnā yaścātmānaṃ nivedayet |
kuśīlavaḥ kuṃbhakaśca kṣetrakarmaka eva ca || 17 ||
[Analyze grammar]

ete śūdreṣu bhojyānnā dṛṣṭvā svalpaguṇaṃ budhaiḥ |
pāyasaṃ snehapakvaṃ ca gorasaścaiva saktavaḥ || 18 ||
[Analyze grammar]

piṇyākaṃ caiva tailaṃ ca śūdrādgrāhyaṃ dvijātibhiḥ |
vṛṃtākaṃ nālikāśākaṃ kusuṃbhaṃ bhasmakaṃ tathā || 19 ||
[Analyze grammar]

palāṃḍuṃ laśunaṃ śuktaṃ niryyāsaṃ caiva varjayet |
chatrākaṃ viḍvarāhaṃ ca svinnaṃ pīyūṣameva ca || 20 ||
[Analyze grammar]

vilayaṃ vimukhaṃ caiva korakāṇi vivarjayet |
gṛṃjanaṃ kiṃśukaṃ caiva kūṣmāṃḍaṃ ca tathaiva ca || 21 ||
[Analyze grammar]

uduṃbaramalābuṃ ca jagdhvā patati vai dvijaḥ |
tathā kṛsarasaṃyāvau pāyasāpūpameva ca || 22 ||
[Analyze grammar]

anupākṛta māṃsaṃ ca devānnāni havīṃṣi ca |
yavāgūṃ mātuligaṃ ca matsyānapyanupākṛtān || 23 ||
[Analyze grammar]

nīpaṃ kapitthaṃ plakṣaṃ ca prayatnena vivarjayet |
piṇyākaṃ coddhṛtasnehaṃ devadhānyaṃ tathaiva ca || 24 ||
[Analyze grammar]

rātrau ca tilasaṃbaṃdhaṃ prayatnena dadhi tyajet |
nāśnīyātpayasā takraṃ nābhakṣyānupayojayet || 25 ||
[Analyze grammar]

kṛmiduṣṭaṃ bhāvaduṣṭaṃ mṛtsaṃsargaṃ ca varjayet |
kṛmikīṭāvapannaṃ ca suhṛtkledaṃ ca nityaśaḥ || 26 ||
[Analyze grammar]

śvāghrātaṃ ca punaḥ siddhaṃ caṃḍālāvekṣitaṃ tathā |
udakyayā ca patitairgavā saṃghrātameva ca || 27 ||
[Analyze grammar]

asaṃgataṃ paryyuṣitaṃ paryastānnaṃ ca nityaśaḥ |
kākakukkuṭasaṃspṛṣṭaṃ kṛmibhiścaiva saṃgatam || 28 ||
[Analyze grammar]

manuṣyairapyavaghrātaṃ kuṣṭhinā spṛṣṭameva ca |
na rajasvalayā dattaṃ na puṃścalyā sarogayā || 29 ||
[Analyze grammar]

malavadvāsasā vāpi paravāsotha varjayet |
vivatsāyāśca gokṣīraṃ meṣasyānirdaśasya ca || 30 ||
[Analyze grammar]

āvikaṃ saṃdhinīkṣīramapeyaṃ manurabravīt |
balākaṃ haṃsadātyūhaṃ kalaviṃkaṃ śukaṃ tathā || 31 ||
[Analyze grammar]

kururaṃ ca cakoraṃ ca jālapādaṃ ca kokilam |
vāyasānkhaṃjarīṭāṃśca śyenaṃ gṛdhraṃ tathaiva ca || 32 ||
[Analyze grammar]

ulūkaṃ cakravākaṃ ca bhāsaṃ pārāvataṃ tathā |
kapotaṃ ṭiṭṭibhaṃ caiva grāmakukkuṭameva ca || 33 ||
[Analyze grammar]

siṃhaṃ vyāghraṃ ca mārjāraṃ śvānaṃ sūkarameva ca |
śṛgālaṃ markaṭaṃ caiva garddabhaṃ na ca bhakṣayet || 34 ||
[Analyze grammar]

na bhakṣayetsarpamṛgāñchikhinonyānvanecarān |
jalecarānsthalacarānprāṇinaśceti dhāraṇā || 35 ||
[Analyze grammar]

godhā kūrmaḥ śaśaḥ khaḍgaḥ sallakaśceti sattamāḥ |
bhakṣyānpaṃcanakhānnityaṃ manurāha prajāpatiḥ || 36 ||
[Analyze grammar]

matsyānsaśalkānbhuṃjīta māṃsaṃ rauravameva ca |
nivedya devatābhyastu brāhmaṇebhyaśca nānyathā || 37 ||
[Analyze grammar]

mayūraṃ tittiraṃ caiva kapotaṃ ca kapiṃjalam |
vārdhrīṇasaṃ bakaṃ bhakṣyaṃ mīnaṃ haṃsaṃ parājitam || 38 ||
[Analyze grammar]

śapharī siṃhatuṃḍaṃ ca tathā pāṭhīnarohitau |
matsyāścaite samuddiṣṭā bhakṣaṇīyā dvijottamāḥ || 39 ||
[Analyze grammar]

prokṣitaṃ bhakṣayedeṣāṃ māṃsaṃ ca dvijakāmyayā |
yathāvidhi prayuktaṃ ca prāṇānāmapi cātyaye || 40 ||
[Analyze grammar]

bhakṣayennaiva māṃsāni śeṣabhojī na lipyate |
auṣadhārthamaśakto vā niyogādyajñakāraṇāt || 41 ||
[Analyze grammar]

āmaṃtritaśca yaḥ śrāddhe daive vā māṃsamutsṛjet |
yāvaṃti paśuromāṇi tāvannarakamṛcchati || 42 ||
[Analyze grammar]

adeyaṃ vāpyapeyaṃ vā tathaivāspṛśyameva vā |
dvijātīnāmanālokyaṃ nityaṃ madyamiti sthitiḥ || 43 ||
[Analyze grammar]

tasmātsarvaprayatnena madyaṃ nityaṃ vivarjayet |
pītvā patati karmmabhyastvasaṃbhāṣyo bhaveddvijaḥ || 44 ||
[Analyze grammar]

bhakṣayitvāpyabhakṣyāṇi pītvā'peyānyapi dvijaḥ |
nādhikārī bhavettāvadyāvattanna jahātyadhaḥ || 45 ||
[Analyze grammar]

tasmātpariharennityamabhakṣyāṇi prayatnataḥ |
apeyāni ca vipro vai tathā cedyāti rauravam || 46 ||
[Analyze grammar]

iti śrīpādme mahāpurāṇe svargakhaṃḍe bhakṣyābhakṣyaniyamo |
nāma ṣaṭpaṃcāśattamo'dhyāyaḥ || 56 ||
[Analyze grammar]