Padma Purana [sanskrit]

462,305 words | ISBN-13: 9789385005305

The Padma-purana Book 3 Chapter 39 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

nārada uvāca |
atha saṃdhyāṃ samāsādya sa vidyāṃtīrthamuttamam |
upaspṛśya naro vidvānbhavennāstyatra saṃśayaḥ || 1 ||
[Analyze grammar]

rāmasya ca prasādena tīrtharājaṃ kṛtaṃ purā |
tallauhityaṃ samāsādya viṃdyādbahusuvarṇakam || 2 ||
[Analyze grammar]

karatoyāṃ samāsādya trirātropoṣito naraḥ |
aśvamedhamavāpnoti śakralokaṃ ca gacchati || 3 ||
[Analyze grammar]

gaṃgāyāstvatha rājeṃdra sāgarasya ca saṃgame |
aśvamedhaṃ daśaguṇaṃ pravadaṃti manīṣaṇaḥ || 4 ||
[Analyze grammar]

gaṃgāyāstu paraṃ dvīpaṃ prāpya yaḥ snāti bhārata |
trirātropoṣito rājansarvakāmamavāpnuyāt || 5 ||
[Analyze grammar]

tato vaitaraṇīṃ gatvā nadīṃ pāpapramocanīm |
virajaṃ tīrthamāsādya virājati yathā śaśī || 6 ||
[Analyze grammar]

prabhāve ca kulaṃ pūtvā sarvapāpaṃ vyapohati |
gosahasraphalaṃ labdhvā punāti svakulaṃ naraḥ || 7 ||
[Analyze grammar]

śoṇasya jyotirathyāśca saṃgame nivasañchuciḥ |
tarpayitvā pitṝndevānagniṣṭomaphalaṃ labhet || 8 ||
[Analyze grammar]

śoṇasya narmadāyāśca prabhave kurupuṃgava |
vaṃśagulmamupaspṛśya vājimedhaphalaṃ labhet || 9 ||
[Analyze grammar]

ṛṣabhaṃ tīrthamāsādya kośalāyāṃ narādhipa |
vājimedhamavāpnoti trirātropoṣito naraḥ || 10 ||
[Analyze grammar]

kośalāyāṃ samāsādya kālatīrthamupaspṛśet |
vṛṣabhaikādaśaguṇaṃ labhate nātra saṃśayaḥ || 11 ||
[Analyze grammar]

puṣpavatyāmupaspṛśya trirātropoṣito naraḥ |
gosahasraphalaṃ viṃdyātkulaṃ caiva samuddharet || 12 ||
[Analyze grammar]

tato badārikātīrthe snātvā prayatamānasaḥ |
dīrghāyuṣyamavāpnoti svargalokaṃ ca gacchati || 13 ||
[Analyze grammar]

tato maheṃdramāsādya jāmadagnyaniṣevitam |
rāmatīrthe naraḥ snātvā vājimedhaphalaṃ labhet || 14 ||
[Analyze grammar]

mataṃgasya tu kedāraṃ tatraiva bharatarṣabha |
tatra snātvā naro rājangosahasraphalaṃ labhet || 15 ||
[Analyze grammar]

śrīparvataṃ samāsādya nadītīramupaspṛśet |
aśvamedhamavāpnoti parāṃ siddhiṃ ca gacchati || 16 ||
[Analyze grammar]

śrīparvate mahādevo devyā saha mahādyutiḥ |
nyavasatparamaprīto brahmā ca tridaśairvṛtaḥ || 17 ||
[Analyze grammar]

tatra devahrade snātvā śuciḥ prayatamānasaḥ |
aśvamedhamavāpnoti parāṃ siddhiṃ ca gacchati || 18 ||
[Analyze grammar]

ṛṣabhaṃ parvataṃ gatvā bhāṃḍeṣu surapūjitam |
vājapeyamavāpnoti nākapṛṣṭhe ca modate || 19 ||
[Analyze grammar]

tato gaccheta kāverīṃ vṛtāmṛpsarasāṃ gaṇaiḥ |
tatra snātvā naro rājangosahasraphalaṃ labhet || 20 ||
[Analyze grammar]

tatra tīrthe samudrasya kanyātīrthamupaspṛśet |
tatropaspṛśya rājeṃdra sarvapāpaiḥ pramucyate || 21 ||
[Analyze grammar]

atha gokamarṇamāsādya triṣulokeṣu viśrutam |
samudramadhye rājeṃdra sarvalokanamaskṛtam || 22 ||
[Analyze grammar]

yatra brahmādayo devā munayaśca tapodhanāḥ |
bhūtayakṣāḥ piśācāśca kinnarāḥ samahoragāḥ || 23 ||
[Analyze grammar]

siddhacāraṇagaṃdharvā mānuṣāḥ pannagāstathā |
saritaḥ sāgarāḥ śailā upāsaṃte umāpatim || 24 ||
[Analyze grammar]

tatreśānaṃ samabhyarcya trirātropoṣito naraḥ |
daśāśvamedhamāpnoti gāṇapatyaṃ ca viṃdati || 25 ||
[Analyze grammar]

upoṣya dvādaśarātraṃ kṛtārtho jāyate naraḥ |
tasminneva tu gāyatryāḥ sthānaṃ trailokyaviśrutam || 26 ||
[Analyze grammar]

trirātramuṣitastatra gosahasraphalaṃ labhet |
nidarśanaṃ ca pratyakṣaṃ brāhmaṇānāṃ narādhipa || 27 ||
[Analyze grammar]

gāyatrīṃ paṭhate yastu yonisaṃkarajo dvijaḥ |
gāthā vā gītikā vāṇī tasya saṃpadyate nṛpa || 28 ||
[Analyze grammar]

abrāhmaṇasya paṭhataḥ sāvitrī tūpanaśyati |
saṃvartasya tu viprarṣe vāpīmāsādya durllabhām || 29 ||
[Analyze grammar]

rūpasya bhāgī bhavati subhagaścābhijāyate |
tato veṇāṃ samāsādya tarpayetpitṛdevatāḥ || 30 ||
[Analyze grammar]

mayūrahaṃsasaṃyuktaṃ vimānaṃ labhate naraḥ |
tato godāvarīṃ prāpya nityasiddhaniṣevitām || 31 ||
[Analyze grammar]

gavāmayamavāpnoti vāyulokaṃ ca gacchati |
veṇāyāḥ saṃgame snātvā vājapeyaphalaṃ labhet || 32 ||
[Analyze grammar]

varadāsaṃgamaṃ snātvā gosahasraphalaṃ labhet |
brahmasthūṇāṃ samāsādya trirātropoṣito naraḥ || 33 ||
[Analyze grammar]

gosahasraphalaṃ viṃdyātsvargalokaṃ ca gacchati |
kubjāvanaṃ samāsādya brahmacārī samāhitaḥ || 34 ||
[Analyze grammar]

trirātropoṣitaḥ snātvā gosahasraphalaṃ labhet |
tato devahrade snātvā kṛṣṇaveṇā jalodbhave || 35 ||
[Analyze grammar]

jyotirmātra hrade caiva tathā kanyāśrame nṛpa |
yatra kratuśatairiṣṭvā devarājo divaṃ gataḥ || 36 ||
[Analyze grammar]

agniṣṭomaśataṃ viṃdyādgamanādeva tatra tu |
sarvadevahrade snātvā gosahasraphalaṃ labhet || 37 ||
[Analyze grammar]

jātimātra hrade snātvā bhavejjātismaro naraḥ |
śarabhaṃgāśramaṃ gatvā śukasya ca mahātmanaḥ || 38 ||
[Analyze grammar]

pitṛdevārcanarato gosahasraphalaṃ labhet |
daṃḍakāraṇyamāsādya mahārāja upaspṛśet || 39 ||
[Analyze grammar]

śarabhaṃgāśramaṃ gatvā śukasya ca mahātmanaḥ |
na durgatimavāpnoti punāti svakulaṃ naraḥ || 40 ||
[Analyze grammar]

tataḥ sūryārakaṃ gacchejjamadagniniṣevitam |
rāmatīrthaṃ naraḥ snātvā viṃdyādbahusuvarṇakam || 41 ||
[Analyze grammar]

saptagodāvarīṃ snātvā niyato niyatāśanaḥ |
mahāpuṇyamavāpnoti devalokaṃ ca gacchati || 42 ||
[Analyze grammar]

tato devapathaṃ gacchenniyato niyatāśanaḥ |
devasatrasya yatpuṇyaṃ tadavāpnoti mānavaḥ || 43 ||
[Analyze grammar]

tuṃgakāraṇyamāsādya brahmacārī jiteṃdriyaḥ |
vedānadhyāpayattatra munīnsārasvataḥ purā || 44 ||
[Analyze grammar]

tatra vedānpraṇaṣṭāṃstu munerāṃgirasaḥ sutaḥ |
upaviṣṭo maharṣīṇāmuttarīyeṣu bhārata || 45 ||
[Analyze grammar]

oṃkāreṇa yathānyāyaṃsamyaguccāritena ha |
yena yatpūrvamabhyastaṃ tasya tatsamupasthitam || 46 ||
[Analyze grammar]

ṛṣayastatra devāśca varuṇo'gniprajāpatiḥ |
harirnārāyaṇo devo mahādevastathaiva ca || 47 ||
[Analyze grammar]

pitāmahaśca bhagavāndevaissaha mahādyutiḥ |
bhṛguṃ niyojayāmāsa yājanārthe mahādyutim || 48 ||
[Analyze grammar]

tataḥ sa cakre bhagavānṛṣīṇāṃ vidhivattadā |
sarveṣāṃ punarādhānaṃ devadṛṣṭena karmaṇā || 49 ||
[Analyze grammar]

ājyabhāgena vai tatra tarpitāstu yathāvidhi |
devāstribhuvanaṃ yātā ṛṣayaśca yathāsukham || 50 ||
[Analyze grammar]

tadaraṇyaṃ praviṣṭasya tuṃgakaṃ rājasattama |
pāpaṃ vinaśyate sadyaḥ striyā vai puruṣasya vā || 51 ||
[Analyze grammar]

tatra māsaṃ vaseddhīro niyato niyatāśanaḥ |
brahmalokaṃ vrajedrājanpunīte ca kulaṃ punaḥ || 52 ||
[Analyze grammar]

medhāvanaṃ samāsādya pitṛdevāṃśca tarpayet |
agniṣṭomamavāpnoti smṛtiṃ medhāṃ ca viṃdati || 53 ||
[Analyze grammar]

tatra kālaṃjaraṃ gatvā gosahasraphalaṃ labhet |
ātmānaṃ sādhayettatra girau kālaṃjare nṛpa || 54 ||
[Analyze grammar]

svargaloke mahīyeta naro nāstyatra saṃśayaḥ |
tato girivaraśreṣṭhe citrakūṭe viśāṃpate || 55 ||
[Analyze grammar]

maṃdākinīṃ samāsādya nadīṃ pāpavimocanīm |
atrābhiṣekaṃ kurvāṇaḥ pitṛdevārcane rataḥ || 56 ||
[Analyze grammar]

aśvamedhamavāpnoti gatiṃ ca paramāṃ vrajet |
tato gaccheta rājeṃdra guhasthānamanuttamam || 57 ||
[Analyze grammar]

yatra devo mahāseno nityaṃ sannihito nṛpa |
pumāṃstatra naraḥśreṣṭha gamanādeva sidhyati || 58 ||
[Analyze grammar]

koṭitīrthe naraḥ snātvā gosahasraphalaṃ labhet |
pradakṣiṇamupāvṛtya yaśaḥsthānaṃ vrajennaraḥ || 59 ||
[Analyze grammar]

abhigamya mahādevaṃ virājati yathā śaśī |
tatra kūpo mahārāja viśruto bharatarṣabha || 60 ||
[Analyze grammar]

samudrā yatra catvāro nivasaṃti yudhiṣṭhira |
tatopaspṛśya rājeṃdra kṛtvā cāpi pradakṣiṇam || 61 ||
[Analyze grammar]

niyatātmā naraḥ pūto gaccheta paramāṃ gatim |
tato gacchetkuruśreṣṭha śṛṃgaverapuraṃ mahat || 62 ||
[Analyze grammar]

yatra tīrṇo mahāprājño rāmo dāśarathiḥ purā |
gaṃgāyāṃ tu naraḥ snātvā brahmacārī jiteṃdriyaḥ || 63 ||
[Analyze grammar]

vidhūtapāpmā bhavati vājapeyaṃ ca viṃdati |
tato muṃjavaṭaṃ gachetsthānaṃ devasya dhīmataḥ || 64 ||
[Analyze grammar]

abhigamya mahādevamabhyarcya ca narādhipa |
pradakṣiṇamupāvṛtya gāṇapatyamavāpnuyāt || 65 ||
[Analyze grammar]

tato gaccheta rājeṃdra prayāgamṛṣisaṃstutam |
yatra brahmādayo devā diśaśca sadigīśvarāḥ || 66 ||
[Analyze grammar]

lokapālāśca siddhāśca niratāḥ pitarastathā |
sanatkumārapramukhāstathaiva ca maharṣayaḥ || 67 ||
[Analyze grammar]

tathā nāgāḥ suparṇāśca siddhāḥ śukradharāstathā |
saritaḥ sāgarāścaiva gaṃdharvāpsarasastathā || 68 ||
[Analyze grammar]

hariśca bhagavānāste prajāpatipuraskṛtaḥ |
tatra trīṇyapi kuṃḍāni tayormadhyena jāhnavī || 69 ||
[Analyze grammar]

prayāgātsamatikrāṃtā sarvatīrthapuraskṛtā |
tapanasya sutā tatra triṣu lokeṣu viśrutā || 70 ||
[Analyze grammar]

yamunāgaṃgayā sārddhaṃ saṃgatā lokabhāvinī |
gaṃgāyamunayormadhye pṛthivyā jaghanaṃ smṛtam || 71 ||
[Analyze grammar]

prayāgaṃ jaghanasyāṃtamupasthamṛṣayo viduḥ |
prayāgaṃ supratiṣṭhānaṃ kaṃbalāśvatarāvubhau || 72 ||
[Analyze grammar]

tīrthaṃ bhogavatī caiva vedī proktā prajāpateḥ |
tatra vedāśca yajñāśca mūrttimaṃto yudhiṣṭhira || 73 ||
[Analyze grammar]

prajāpatimupāsaṃta ṛṣayaśca mahānaghāḥ |
yajaṃte kratubhirdevāṃstathā cakradharā nṛpa || 74 ||
[Analyze grammar]

tataḥ puṇyatamaṃ nāsti triṣu lokeṣu bhārata |
prayāgaṃ sarvatīrthebhyaḥ prabhāveṇādhikaṃ prabho || 75 ||
[Analyze grammar]

śravaṇāttasya tīrthasya nāmasaṃkīrtanādapi |
mūrdhakā namanādvāpi sarvapāpaiḥ pramucyate || 76 ||
[Analyze grammar]

tatrābhiṣekaṃ yaḥ kuryātsaṃgame saṃśitavrataḥ |
puṇyaṃ sumahadāpnoti rājasūyāśvamedhayoḥ || 77 ||
[Analyze grammar]

eṣā yajanabhūmirhi devānāmapi tatkathā |
dattaṃ tatra svalpamapi mahadbhavati bhārata || 78 ||
[Analyze grammar]

na devavacanāttāta na lokavacanādapi |
matirutkramaṇīyā te prayāgamaraṇaṃ prati || 79 ||
[Analyze grammar]

daśatīrthasahasrāṇi ṣaṣṭikoṭyastathāparāḥ |
yeṣāṃ sānnidhyamatraiva kīrttitaṃ kurunaṃdana || 80 ||
[Analyze grammar]

caturvidye ca yatpuṇyaṃ satyavādiṣu caiva yat |
snātaevatadāpnotigaṃgāyāmunasaṃgame || 81 ||
[Analyze grammar]

tato bhogavatī nāma vāsukestīrthamuttamam |
tatrābhiṣekaṃ yaḥ kuryātso'śvamedhamavāpnuyāt || 82 ||
[Analyze grammar]

tatra haṃsaprapatanaṃ tīrthaṃ trailokyaviśrutam |
daśāśvamedhikaṃ caiva gaṃgāyāṃ kurunaṃdana || 83 ||
[Analyze grammar]

kurukṣetrasamā gaṃgā yatra tatrāvagāhitā |
viśeṣo vai kanakhale prayāgaṃ paramaṃ mahat || 84 ||
[Analyze grammar]

yadyakāryaśataṃ kṛtvā kṛtaṃ gaṃgāvasevanam |
sarvaṃ tattasya gaṃgāpo dahatyagniriveṃdhanam || 85 ||
[Analyze grammar]

sarvaṃ dahati gaṃgāpastūlarāśimivānalaḥ |
sarvaṃ kṛtayuge puṇyaṃ tretāyāṃ puṣkaraṃ smṛtam || 86 ||
[Analyze grammar]

dvāpare tu kurukṣetraṃ gaṃgā kaliyuge smṛtā |
puṣkare tu tapastapyeddānaṃ dadyānmahālaye || 87 ||
[Analyze grammar]

malaye tvagnimārohedbhṛgutuṃge tvanāśanam |
puṣkare tu kurukṣetre gaṃgāpo madhyageṣu ca || 88 ||
[Analyze grammar]

sadyastārayate jaṃtuḥ saptasaptāvarāṃstathā |
punāti kīrttitā pāpaṃ dṛṣṭvā puṇyaṃ prayacchati || 89 ||
[Analyze grammar]

avagāḍhā ca pītvā ca punātyāsaptamaṃ kulam |
yāvadasthi manuṣyasya gaṃgāyāḥ spṛśate jalam || 90 ||
[Analyze grammar]

tāvatsa puruṣo rājansvargaloke mahīyate |
yathā puṇyāni tīrthāni puṇyānyāyatanāni ca || 91 ||
[Analyze grammar]

upāsya puṇyaṃ labdhvā ca bhavati paralokabhāk |
na gaṃgā sadṛśaṃ tīrthaṃ na devaḥ keśavātparaḥ || 92 ||
[Analyze grammar]

brāhmaṇebhyaḥ paraṃ nāsti evamāha pitāmahaḥ |
yatra gaṃgā mahārāja sa deśastatra yojanam || 93 ||
[Analyze grammar]

siddhakṣetraṃ ca vijñeyaṃ gaṃgātīrasamāśritam |
idaṃ satyaṃ dvijātīnāṃ sādhūnāṃ mānaseṣu ca || 94 ||
[Analyze grammar]

muktiṃ caiva japetkarṇe śiṣṭasyānugatasya ca |
idaṃ dharmyamidaṃ medhyamidaṃ svargyamidaṃ sukham || 95 ||
[Analyze grammar]

idaṃ puṇyatamaṃ ramyaṃ pāvanaṃ dharmamuttamam |
mahīśīrṣamidaṃ guhyaṃ sarvapāpapramocanam || 96 ||
[Analyze grammar]

adhītya dvijamadhye ca nirmalatvamavāpnuyāt |
śrīmatsvargyaṃ mahāpuṇyaṃ sapatnaśamanaṃ śivam || 97 ||
[Analyze grammar]

medhājananamagryaṃ vai tīrthavaṃśānukīrttanam |
aputro labhate putramadhano dhanamāpnuyāt || 98 ||
[Analyze grammar]

mahīṃ vijayate rājā vaiśyo dhanamavāpnuyāt |
śūdro yātīpsitānkāmānbrāhmaṇaḥ pāragaḥ paṭhan || 99 ||
[Analyze grammar]

yaścedaṃ śṛṇuyānnityaṃ tīrthapuṇyaṃ sadā śuci |
jātismaratvamāpnoti nākapṛṣṭhe ca modate || 100 ||
[Analyze grammar]

gamyānyapi ca tīrthāni kīrtitānyagamānyapi |
manasāpyabhigaccheta sarvatīrthamanīṣayā || 101 ||
[Analyze grammar]

etāni vasubhiḥ sādhyairādityairmarudaśvibhiḥ |
ṛṣibhirdevakalpaiśca kṛtāni sukṛtaiṣibhiḥ || 102 ||
[Analyze grammar]

evaṃ tvamapi kauravya vidhinānena suvrata |
vraja tīrthāni niyataḥ puṇyaṃ puṇyena varddhate || 103 ||
[Analyze grammar]

bhāvitaiḥ karaṇaiḥ pūrvamāstikyāchrutidarśanāt |
prāpyaṃte tāni tīrthāni sadbhiḥ śiṣṭānudarśibhiḥ || 104 ||
[Analyze grammar]

nākṛto nākṛtātmā ca nāśucirna ca taskaraḥ |
snāti tīrtheṣu kauravya na ca vakramatirnaraḥ || 105 ||
[Analyze grammar]

tvayā tu samyagvṛttena nityaṃ dharmārthadarśinā |
pitarastarpitāstāta sarve ca prapitāmahāḥ |
pitāmahapurogāśca devāḥ sarṣigaṇāstathā || 106 ||
[Analyze grammar]

vasiṣṭha uvāca |
tvaṃ ca dharmeṇa dharmajña nityamevābhitoṣitāḥ |
dilīpakīrtiṃ mahatīṃ prāpsyase bhuvi śāśvatīm || 107 ||
[Analyze grammar]

nārada uvāca |
evamuktvābhyanujñāpya vasiṣṭho bhagavānṛṣiḥ |
prītaḥ prītenamanasā tatraivāṃtaradhīyata || 108 ||
[Analyze grammar]

dilīpaḥ kuruśārdūla śāstratattvārthadarśanāt |
vasiṣṭhavacanāccaiva pṛthivīmanucakrame || 109 ||
[Analyze grammar]

evameṣā mahābhāga pratiṣṭhāne pratiṣṭhitā |
tīrthayātrā mahāpuṇyā sarvapāpapramocanī || 110 ||
[Analyze grammar]

anena vidhinā yastu pṛthivīṃ paryaṭiṣyati |
aśvamedhaśataṃ sāgraṃ phalaṃ pretyaiṣa bhokṣyate || 111 ||
[Analyze grammar]

tataścāṣṭaguṇaṃ pārtha prāpsyase dharmamuttamam |
dilīpaḥ pārtha nṛpatiryathāpūrvamavāptavān || 112 ||
[Analyze grammar]

netā ca tvamṛṣīnyasmāttasmātteṣṭaguṇaṃ phalam |
rakṣogaṇavikīrṇāni tīrthānyetāni bhārata || 113 ||
[Analyze grammar]

na gatirvidyate'nyasya tvāmṛte kurunaṃdana |
idaṃ devarṣicaritaṃ sarvatīrthānusaṃśritam || 114 ||
[Analyze grammar]

yaḥ paṭhetkalyamutthāya sarvapāpaiḥ pramucyate |
ṛṣimukhyāḥ sadā yatra vālmīkistvatha kaśyapaḥ || 115 ||
[Analyze grammar]

ātreyastvatha kauṃḍinyo viśvāmitro'tha gautamaḥ |
asito devalaścaiva mārkaṃḍeyo'tha gālavaḥ || 116 ||
[Analyze grammar]

bharadvājasya śiṣyaśca muniruddālakastathā |
śaunakaḥ saha putreṇa vyāsaśca tapatāṃ varaḥ || 117 ||
[Analyze grammar]

durvāsāśca muniśreṣṭho jābāliśca mahātapāḥ |
ete ṛṣivarāḥ sarve tvatpratīkṣyāstapodhanāḥ || 118 ||
[Analyze grammar]

ebhiḥ saha mahābhāga tīrthānyetānyanuvraja |
prāpsyase mahatīṃ kīrtiṃ yathā rājā mahābhiṣaḥ || 119 ||
[Analyze grammar]

yathā yayātirdharmātmā yathā rājā purūravāḥ |
tathā tvaṃ kuruśārdūla svena dharmeṇa śobhase || 120 ||
[Analyze grammar]

yathā bhagīratho rājā yathā rāmaśca viśrutaḥ |
yathā vai vṛtrahā sarvānsapatnānadahat purā || 121 ||
[Analyze grammar]

trailokyaṃ pālayāmāsa devarāṭvigatajvaraḥ |
tathā śatrukṣayaṃ kṛtvā tvaṃ prajāḥ pālayiṣyasi || 122 ||
[Analyze grammar]

svadharmeṇārjitāmurvīṃ prāpya rājīvalocana |
khyātiṃ yāsyasi vīryeṇa kārttavīryārjuno yathā || 123 ||
[Analyze grammar]

sūta uvāca |
evamābhāṣya rājānaṃ nārado bhagavānṛṣiḥ |
anujñāpya mahārājaṃ tatraivāṃtaradhīyata || 124 ||
[Analyze grammar]

yudhiṣṭhiro'pi dharmātmā ṛṣibhiḥ saha suvrataḥ |
jagāmākhilatīrthāni sādaraḥ pṛthivīpatiḥ || 125 ||
[Analyze grammar]

mayoktāmṛṣayaḥ sarve tīrthayātrāśrayāṃ kathām |
yaḥ paṭhecchṛṇuyādvāpi sa muktaḥ sarvapātakaiḥ || 126 ||
[Analyze grammar]

mayoktamakhilaṃ tattvaṃ kiṃ bhūyaḥ śrotumicchatha |
ṛṣīṇāṃ puṇyakīrtīnāṃ nāvaktavyaṃ mamāsti vai || 127 ||
[Analyze grammar]

iti śrīpādme mahāpurāṇe svargakhaṃḍe nānāvidhatīrthakathanaṃ |
nāma navatriṃśo'dhyāyaḥ || 39 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Padma Purana Chapter 39

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Like what you read? Consider supporting this website: