Chapter 30

[English text for this chapter is available]

nārada uvāca |
atra te varṇayiṣyāmi itihāsaṃ purātanam |
purā kṛtayuge rājanniṣadhe nagare vare || 1 ||
[Analyze grammar]

āsīdvaiśyaḥ kuberābho nāmato hemakuṃḍalaḥ |
kulīnaḥ satkriyo devadvijapāvakapūjakaḥ || 2 ||
[Analyze grammar]

kṛṣivāṇijyakarttāsau vividhakrayavikrayī |
goghoṭakamahiṣyādi paśupoṣaṇatatparaḥ || 3 ||
[Analyze grammar]

payo dadhīni takrāṇi gomayāni tṛṇāni ca |
kāṣṭhāni phalamūlāni lavaṇādrā rdipippalī || 4 ||
[Analyze grammar]

dhānyāni śākatailāni vastrāṇi vividhāni ca |
dhātūnikṣuvikārāṃśca vikrīṇīte sa sarvadā || 5 ||
[Analyze grammar]

itthaṃ nānāvidhairvaiśya upāyairaparaistathā |
upārjayāmāsa sadā aṣṭau hāṭakakoṭayaḥ || 6 ||
[Analyze grammar]

evaṃ mahādhanaḥ sotha hākarṇapalitobhavat |
paścādvicārya saṃsārakṣaṇikatvaṃ svacetasi || 7 ||
[Analyze grammar]

taddhanasya ṣaḍaṃśena dharmakāryaṃ cakāra saḥ |
viṣṇorāyatanaṃ cakre gṛhaṃ cakre śivasya ca || 8 ||
[Analyze grammar]

taḍāgaṃ khānayāmāsa vipulaṃ sāgaropamam |
vāpyaśca puṣkariṇyaśca bahudhā tena kāritāḥ || 9 ||
[Analyze grammar]

vaṭāśvatthāmrakaṃkola jaṃbū niṃbādi kānanam |
svasatvena tadā cakre tathā puṣpavanaṃ śubham || 10 ||
[Analyze grammar]

udayāstamanaṃ yāvadannapānaṃ cakāra saḥ |
purādbahiścaturdikṣu prapāṃ cakre'tiśobhanām || 11 ||
[Analyze grammar]

purāṇeṣu prasiddhāni yāni dānāni bhūpate |
dadau tāni sadharmmātmā nityaṃ dānaparastadā || 12 ||
[Analyze grammar]

yāvajjīvakṛte pāpe prāyāścittamathākarot |
devapūjāparo nityaṃ nityaṃ cātithipūjakaḥ || 13 ||
[Analyze grammar]

tasyetthaṃ varttamānasya saṃjātau dvau sutau nṛpa |
tau suprasiddha nāmānau śrīkuṃḍala vikuṃḍalau || 14 ||
[Analyze grammar]

tayormūrdhni gṛhaṃ tyaktvā jagāma tapase vanam |
tatrārādhya paraṃ devaṃ goviṃdaṃ varadaṃ prabhum || 15 ||
[Analyze grammar]

tapaḥkliṣṭa śarīro'sau vāsudevamanāḥ sadā |
prāptaḥ sa vaiṣṇavaṃ lokaṃ yatra gatvā na śocati || 16 ||
[Analyze grammar]

atha tasya sutau rājanmahāmāna samanvitau |
taruṇau rūpasaṃpannau dhanagarveṇa garvitau || 17 ||
[Analyze grammar]

duḥśīlau vyasanāsaktau dharmakarmādyadarśakau |
na vākyaṃ cāgatau māturvṛddhānāṃ vacanaṃ tathā || 18 ||
[Analyze grammar]

kumārgagau durātmānau pitṛmitraniṣedhakau |
adharmaniratau duṣṭau paradārābhigāminau || 19 ||
[Analyze grammar]

gītavāditraniratau vīṇāveṇuvinodinau |
vārastrīśatasaṃyuktau gāyaṃtau ceratustadā || 20 ||
[Analyze grammar]

cāṭukārajanairyuktau biṃboṣṭhīṣu viśāradau |
suveṣau cāruvasanau cārucaṃdanarūṣitau || 21 ||
[Analyze grammar]

tathā sugaṃdhimālāḍhyau kastūrīlakṣmalakṣitau |
nānālaṃkāraśobhāḍhyau mauktikāhārahāriṇau || 22 ||
[Analyze grammar]

gajavājirathaughena krīḍaṃtau tāvitastadā |
madhupānasamāyuktau parastrīratimohitau || 23 ||
[Analyze grammar]

nāśayaṃtau pitṛdravyaṃ sahasraṃ dadatuḥ śatam |
tasthatuḥ svagṛhe ramye nityaṃ bhogaparāyaṇau || 24 ||
[Analyze grammar]

itthaṃ tu taddhanaṃ tābhyāṃ viniyuktamasadvyayaiḥ |
vārastrī viṭa śailūṣa malla cāraṇa baṃdiṣu || 25 ||
[Analyze grammar]

apātre taddhanaṃ dattaṃ kṣiptaṃ bījamivoṣare |
na satpātre ca taddattaṃ na brāhmaṇamukhe hutam || 26 ||
[Analyze grammar]

nārcito bhūtabhṛdviṣṇuḥ sarvapāpapraṇāśanaḥ |
ubhayoreva taddravyamacireṇa kṣayaṃ yayau || 27 ||
[Analyze grammar]

tatastau duḥkhamāpannau kārpaṇyaṃ paramaṃ gatau |
śocamānau tu muhyaṃtau kṣutpīḍāduḥkhapīḍitau || 28 ||
[Analyze grammar]

tayostu tiṣṭhatorgehe nāsti yadbhujyate tadā |
svajanairbāṃdhavaissarvaiḥ sevakairupajīvibhiḥ || 29 ||
[Analyze grammar]

dravyābhāve parityaktau ciṃtyamānau tataḥ pure |
paścāccauryyaṃ samārabdhaṃ tābhyāṃ ca nagare nṛpa || 30 ||
[Analyze grammar]

rājato lokato bhītau svapurānniḥsṛtau tadā |
cakraturvanavāsaṃ tau sarveṣāmupapīḍitau || 31 ||
[Analyze grammar]

jaghnatuḥ satataṃ mūḍhau śitairbāṇairviṣārpitaiḥ |
nānāpakṣivarāhāṃśca hariṇānrohitāṃstathā || 32 ||
[Analyze grammar]

śaśakāñchallakāngodhānśvāpadāṃścetarānbahūn |
mahābalau bhillasaṃgāvākheṭakabhujau sadā || 33 ||
[Analyze grammar]

evaṃ māṃsamayāhārau pāpāhārau paraṃtapa |
kadācidbhūdharaṃ prāpto hyeko'nyaśca vanaṃ gataḥ || 34 ||
[Analyze grammar]

śārdūlena hato jyeṣṭhaḥ kaniṣṭhaḥ sarpadaṃśitaḥ |
ekasmindivase rājanpāpiṣṭhau nidhanaṃ gatau || 35 ||
[Analyze grammar]

yamadūtaistatobaddhvā pāpairnītau yamālayam |
gatvābhijagaduḥsarve te dūtāḥ pāpināvubhau || 36 ||
[Analyze grammar]

dharmarāja narāvetāvānītau tava śāsanāt |
ājñāṃ dehi svabhṛtyeṣu prasīda karavāma kim || 37 ||
[Analyze grammar]

ālocya citraguptena tadā dūtāñjagau yamaḥ |
ekastu nīyatāṃ vīra nirayaṃ tīvravedanam || 38 ||
[Analyze grammar]

aparaḥ sthāpyatāṃ svargeyatra bhogā hyanuttamāḥ |
kṛtāṃtājñāṃ tataḥ śrutvā dūtaiśca kṣiprakāribhiḥ || 39 ||
[Analyze grammar]

nikṣipto raurave ghore yo jyeṣṭho hi narādhipa |
teṣāṃ dūtavaraḥ kaściduvāca madhuraṃ vacaḥ || 40 ||
[Analyze grammar]

vikuṃḍala mayā sārddhamehi svargaṃ dadāmi te |
bhuṃkṣva bhogānsudivyāṃstvamarjitānsvena karmaṇā || 41 ||
[Analyze grammar]

iti śrīpādme mahāpurāṇe svargakhaṃḍe triṃśo'dhyāyaḥ || 30 ||
[Analyze grammar]