Chapter 19

[English text for this chapter is available]

nārada uvāca |
bhārgaveśaṃ tato gacchedbhaktyā yatra ca viṣṇunā |
huṃkāritāstu devena dānavāḥ pralayaṃ gatāḥ || 1 ||
[Analyze grammar]

tatra snātvā tu rājeṃdra sarvapāpaiḥ pramucyate |
śuklatīrthasya cotpattiṃ śṛṇu tvaṃ pāṃḍunaṃdana || 2 ||
[Analyze grammar]

himavacchikhare ramye nānādhātuvicitrite |
taruṇādityasaṃkāśe taptakāṃcanasaṃnibhe || 3 ||
[Analyze grammar]

vajrasphaṭikasopāne citrapaṭṭaśilātale |
jāṃbūnadamaye divye nānā padmopaśobhite || 4 ||
[Analyze grammar]

tatrāsīnaṃ mahādevaṃ sarvajñaṃ prabhumavyayam |
lokānugrāhakaṃ śāṃtaṃ gaṇavṛṃdaiḥ samāvṛtam || 5 ||
[Analyze grammar]

skaṃdanaṃdimahākālairvīrabhadra gaṇādibhiḥ |
umayā sahitaṃ devaṃ mārkaṃḍaḥ paripṛcchati || 6 ||
[Analyze grammar]

devadeva mahādeva indra kāmādi saṃstuta |
saṃsārabhavabhītohaṃ sukhopāyaṃ bravīhi me || 7 ||
[Analyze grammar]

bhagavanbhūtabhavyeśa sarvapāpapraṇāśanam |
tīrthānāṃ paramaṃ tīrthaṃ tadvadasva maheśvara || 8 ||
[Analyze grammar]

īśvara uvāca |
śṛṇuvipra mahābhāga sarvaśāstraviśārada |
snānādi kuru gaccha tvaṃ ṛṣisaṃghaissamāvṛtaḥ || 9 ||
[Analyze grammar]

manvatri yājñavalkyāśca kāśyapaścaiva aṃgirāḥ |
yamāpastaṃba saṃvartāḥ kātyāyanabṛhaspatī || 10 ||
[Analyze grammar]

nārado gautamaścaiva pṛcchaṃti dharmakāṃkṣiṇaḥ |
gaṃgākanakhale puṇyā prayāgaṃ puṣkaraṃ gayā || 11 ||
[Analyze grammar]

kurukṣetraṃ tu puṇyaṃ ca rāhugraste divākare |
divā vā yadi vā rātrau śuklatīrthaṃ mahāphalam || 12 ||
[Analyze grammar]

darśanātsparśanāccaiva snānāddhyānāttaporjanāt |
homāccaivopavāsācca śuklatīrthaphalaṃ mahat || 13 ||
[Analyze grammar]

śuklatīrthaṃ mahāpuṇyaṃ nadyāṃ tu saṃvyavasthitam |
cāṇikyonāma rājarṣiḥ siddhiṃ tatra samāgataḥ || 14 ||
[Analyze grammar]

etatkṣetraṃ samutpannaṃ yojanāvṛttisaṃsthitam |
śuklatīrthaṃ mahāpuṇyaṃ sarvapāpapraṇāśanam || 15 ||
[Analyze grammar]

pādapāgreṇa dṛṣṭena brahmahatyāṃ vyapohati |
ahamatra ṛṣiśreṣṭha tiṣṭhāmi hyumayā saha || 16 ||
[Analyze grammar]

vaiśākhe vimale māsi kṛṣṇapakṣe caturdaśī |
kailāsāccāpi nirgatya tatra saṃnihito hyaham || 17 ||
[Analyze grammar]

devakinnaragaṃdharvāḥ siddhavidyādharāstathā |
gaṇāścāpsaraso nāgāḥ sarve devāḥ samāgatāḥ || 18 ||
[Analyze grammar]

gaganasthāstu tiṣṭhaṃti vimānaiḥ sarvakāmakaiḥ |
śuklatīrthe tu rājeṃdra āgatā dharmakāṃkṣiṇaḥ || 19 ||
[Analyze grammar]

rajakena yathā vastraṃ śuklaṃ bhavati vāriṇā |
ājanmasaṃcitaṃ pāpaṃ śuklatīrthe vyapohati || 20 ||
[Analyze grammar]

snānaṃ dānaṃ mahāpuṇyaṃ mārkaṃḍa ṛṣisattama |
śuklatīrthātparaṃ tīrthaṃ na bhūtaṃ na bhaviṣyati || 21 ||
[Analyze grammar]

pūrve vayasi karmāṇi kṛtvā pāpāni mānavaḥ |
ahorātropavāsena śuklatīrthe vyapohati || 22 ||
[Analyze grammar]

tapasā brahmacaryeṇa yajñairdānena vā punaḥ |
devadānena yā puṣṭirna sā kratuśatairapi || 23 ||
[Analyze grammar]

kārtikasya ca māsasya kṛṣṇapakṣe caturdaśī |
ghṛtena snāpayeddevamupoṣya parameśvaram || 24 ||
[Analyze grammar]

ekaviṃśatkulopeto na cyaveccaiśvarātpadāt |
śuklatīrthaṃ paraṃ tīrthamṛṣisiddhaniṣevitam || 25 ||
[Analyze grammar]

tatra snātvā tato rājanpunarjanma na vidyate |
snātvā vai śuklatīrthepi arcayedvṛṣabhadhvajam || 26 ||
[Analyze grammar]

jāgaraṃ kārayettatra nṛtyagītādimaṃgalaiḥ |
prabhāte śuklatīrthe tu snānaṃ vai devatārcanam || 27 ||
[Analyze grammar]

ācāryaṃ bhojayetpaścācchivavrataparaḥ śuciḥ |
bhojanaṃ ca yathāśaktyā vittaśāṭhyaṃ na kārayet || 28 ||
[Analyze grammar]

pradakṣiṇaṃ tataḥ kṛtvā śanairdevāṃtikaṃ vrajet |
evaṃ vai kurute yastu tasya puṇyaphalaṃ śṛṇu || 29 ||
[Analyze grammar]

divyayānasamārūḍhastūyamāno'psarogaṇaiḥ |
śivatulyabalopetastiṣṭhatyābhūtasaṃplavam || 30 ||
[Analyze grammar]

śuklatīrthe tu yā nārī dadāti kanakaṃ śubham |
ghṛtena snāpayeddevaṃ kumāraṃ cābhipūjayet || 31 ||
[Analyze grammar]

evaṃ yā kurute bhaktyā tasyāḥ puṇyaphalaṃ śṛṇu |
modate devalokasthā yāvadiṃdrāścaturdaśa || 32 ||
[Analyze grammar]

ayane vā caturdaśyāṃ saṃkrāṃtau viṣuve tathā |
snātvā tu sopavāsaḥ sa nirjitātmā samāhitaḥ || 33 ||
[Analyze grammar]

dānaṃ dadyādyathāśaktyā prīyetāṃ hariśaṃkarau |
śuklatīrthaprabhāveṇa sarvaṃ bhavati cākṣayam || 34 ||
[Analyze grammar]

anāthaṃ durgataṃ vipraṃ nāthavaṃtamathāpi vā |
udvāhayati yastīrthe tasya puṇyaphalaṃ śṛṇu || 35 ||
[Analyze grammar]

yāvattadromasaṃkhyā tu tatprasūtikuleṣu ca |
tāvadvarṣasahasrāṇi śivaloke mahīyate || 36 ||
[Analyze grammar]

iti śrīpādme mahāpurāṇe svargakhaṃḍe ūnaviṃśodhyāyaḥ || 19 ||
[Analyze grammar]