Chapter 6

[English text for this chapter is available]

ṛṣaya ūcuḥ |
yadidaṃ bhārataṃ varṣaṃ puṇyaṃ puṇyavidhāyakam |
tatsarvaṃ naḥ samācakṣva tvaṃ hi no buddhimānmataḥ || 1 ||
[Analyze grammar]

sūta uvāca |
atra te kīrttayiṣyāmi varṣaṃ bhāratamuttamam |
priya mitrasya devasya manorvaivasvatasya ca || 2 ||
[Analyze grammar]

pṛthośca prājña vai nyasya tathaikṣvākormahātmanaḥ |
yayāteraṃbarīṣasya māṃdhāturnahuṣasya ca || 3 ||
[Analyze grammar]

tathaiva mucukuṃdasya kuberośīnarasya ca |
ṛṣabhasya tathailasya nṛgasya nṛpatestathā || 4 ||
[Analyze grammar]

kuśikasyaiva rājarṣergādheścaiva mahātmanaḥ |
somasya caiva rājarṣerdilīpasya tathaiva ca || 5 ||
[Analyze grammar]

anyeṣāṃ ca mahābhāgāḥ kṣatriyāṇāṃ balīyasām |
sarveṣāmeva bhūtānāṃ priyaṃ bhāratamuttamam || 6 ||
[Analyze grammar]

tato varṣaṃ pravakṣyāmi yathāśrutamaho dvijāḥ |
maheṃdro malayaḥsahyaḥ śuktimānṛkṣavānapi || 7 ||
[Analyze grammar]

viṃdhyaśca pāriyātraśca saptaite kulaparvatāḥ |
teṣāṃ sahasraśo viprā parvatāste samīpataḥ || 8 ||
[Analyze grammar]

avijñātāḥ sāravaṃto vipulāścitrasānavaḥ |
anye tu ye parijñātā hrasvā hrasvopajīvinaḥ || 9 ||
[Analyze grammar]

āryamlecchasadharmāṇaste miśrāḥ puruṣā dvijāḥ |
nadīṃ pibaṃti vimalāṃ gaṃgāṃ siṃdhuṃsarasvatīm || 10 ||
[Analyze grammar]

godāvarīṃ narmadāṃ ca bahūdāṃ ca mahānadīm |
śatadruṃ caṃdrabhāgāṃ ca yamunāṃ ca mahānadīm || 11 ||
[Analyze grammar]

dṛṣadvatīṃ vitastāṃ ca vipāpāṃ svacchavālukām |
nadīṃ vetravatīṃ caiva kṛṣṇāṃ veṇīṃ ca nimnagām || 12 ||
[Analyze grammar]

irāvatīṃ vitastāṃ ca payoṣṇīṃ devikāmapi |
vedasmṛtiṃ vedaśirāṃ tridivāṃ siṃdhulā kṛmim || 13 ||
[Analyze grammar]

karīṣiṇīṃ citravahāṃ trisenāṃ caiva nimnagām |
gomatīṃ dhūtapāpāṃ ca caṃdanāṃ ca mahānadīm || 14 ||
[Analyze grammar]

kauśikīṃ tridivāṃ hṛdyāṃ nācitāṃ rohitāraṇīm |
rahasyāṃ śatakuṃbhāṃ ca sarayūṃ ca dvijottamāḥ || 15 ||
[Analyze grammar]

carmaṇvatīṃ vetravatīṃ hastisomāṃ diśaṃ tathā |
śarāvatīṃ payoṣṇīṃ ca bhīmāṃ bhīmarathīmapi || 16 ||
[Analyze grammar]

kāverīṃ culukāṃ cāpi tāpīṃ śatamalāmapi |
nīvārāṃ mahitāṃ cāpi suprayogāṃ tathā nadīm || 17 ||
[Analyze grammar]

pavitrāṃ kṛṣṇalāṃ siṃdhuṃ vājinīṃ puramālinīm |
pūrvābhirāmāṃ vīrāṃ ca bhīmāṃ mālāvatīṃ tathā || 18 ||
[Analyze grammar]

palāśinīṃ pāpaharāṃ maheṃdrāṃ paṭalāvatīm |
karīṣiṇīmasiknīṃ ca kuśacīrīṃ mahānadīm || 19 ||
[Analyze grammar]

marutāṃ pravarāṃ menāṃ hemāṃ ghṛtavatīṃ tathā |
anāvatīmanuṣṇāṃ ca sevyāṃ kāpīṃ ca sattamāḥ || 20 ||
[Analyze grammar]

sadāvīrāmadhṛṣyāṃ ca kuśacīrāṃ mahānadīm |
rathacitrāṃ jyotirathāṃ viśvāmitrāṃ kapiṃjalām || 21 ||
[Analyze grammar]

caṃdrāvahaphaladyaṃ caiva kucīrāmaṃbuvāhinīm |
vainadīṃ piṃgalāṃ veṇāṃ tuṃgavegāṃ mahānadīm || 22 ||
[Analyze grammar]

vidiśāṃ kṛṣṇaveṇāṃ ca tāmrāṃ ca kapilāmapi |
dhenuṃ sakāmāṃ vedasvāṃ haviḥsrāvāṃ mahāpathām || 23 ||
[Analyze grammar]

śiprāṃ ca picchalāṃ caiva bhāradvājīṃ ca nimnagām |
kaurṇikīṃ nimnagāṃ śoṇāṃ bāhudāmatha caṃdramām || 24 ||
[Analyze grammar]

durgāmaṃtaḥ śilāṃ caiva brahmamedhyāṃ dṛṣadvatīm |
parokṣāmatha rohīṃ ca tathā jaṃbūnadīmapi || 25 ||
[Analyze grammar]

sunāsāṃ tamasāṃ dāsīṃ sāmānyāṃ varaṇāmasim |
nīlāṃ dhṛtikarīṃ caiva parṇāśāṃ ca mahānadīm || 26 ||
[Analyze grammar]

mānavīṃ vṛṣabhāṃ bhāsāṃ brahmamedhyāṃ dṛṣadvatīm |
etāścānyāśca bahulā mahānadyo dvijarṣabhāḥ || 27 ||
[Analyze grammar]

sadā nirāmayāṃ kṛṣṇāṃ maṃdagāṃ maṃdavāhinīm |
brāhmaṇīṃ ca mahāgaurīṃ durgāmapi ca sattamāḥ || 28 ||
[Analyze grammar]

citrotpalāṃ citrarathāmatulāṃ rohiṇīṃ tathā |
maṃdākinīṃ vaitaraṇīṃ kokāṃ cāpi mahānadīm || 29 ||
[Analyze grammar]

śuktimatīmanaṃgāṃ ca tathaiva vṛṣasāhvayām |
lohityāṃ karatoyāṃ ca tathaiva vṛṣakātvayām || 30 ||
[Analyze grammar]

kumārīmṛṣitulyāṃ ca māriṣāṃ ca sarasvatīm |
maṃdākinīṃ supuṇyāṃ ca sarvāṃ gaṃgāṃ ca sattamāḥ || 31 ||
[Analyze grammar]

viśvasya mātaraḥ sarvāḥ sarvāścaiva mahāphalāḥ |
tathā nadyaḥ suprakāśāḥ śataśotha sahasraśaḥ || 32 ||
[Analyze grammar]

ityetā sarito viprāḥ samākhyātā yathāsmṛti |
ataūrddhvaṃ janapadānnibodha gadato mama || 33 ||
[Analyze grammar]

tatreme kurupāṃcālāḥ śālvamātreya jāṃgalāḥ |
śūrasenāḥ puliṃdāśca baudhāmālāstathaiva ca || 34 ||
[Analyze grammar]

matsyāḥ kuśaṭṭāḥ saugaṃdhyāḥ kutsapāḥ kāśikośalāḥ |
cedimatsyakarūṣāśca bhojāḥ siṃdhupuliṃdakāḥ || 35 ||
[Analyze grammar]

uttamāśca daśārṇāśca mekalāścotkalaiḥ saha |
paṃcālāḥ kośalāścaiva naikapṛṣṭhayugaṃdharāḥ || 36 ||
[Analyze grammar]

bodhā madrāḥ kaliṃgāśca kāśayo parakāśayaḥ |
jaṭharāḥ kukurāścaiva sudaśārṇāḥ susattamāḥ || 37 ||
[Analyze grammar]

kuṃtayo'vaṃtayaścaiva tathaivāparakuṃtayaḥ |
gomaṃtā mallakāḥ puṃḍrāḥ vidarbhā nṛpavāhikāḥ || 38 ||
[Analyze grammar]

aśmakāḥ sottarāścaiva goparāṣṭrāḥ kanīyasaḥ |
adhirājyakuśaṭṭāśca mallarāṣṭrāśca keralāḥ || 39 ||
[Analyze grammar]

mālavāścopavāsyāśca cakrāvakrālayāḥ śakāḥ |
videhā magadhāḥ sadmā malajā vijayāstathā || 40 ||
[Analyze grammar]

aṃgā vaṃgāḥ kaliṃgāśca yakṛllomāna eva ca |
mallāḥ sudeṣṇāḥ prahlādā mahiṣāḥ śaśakāstathā || 41 ||
[Analyze grammar]

bāhlikā vāṭadhānāśca ābhīrāḥ kālatoyakāḥ |
aparāṃtāḥ parāṃtāśca paṃkalāścarmacaṃḍikāḥ || 42 ||
[Analyze grammar]

aṭavīśekharāścaiva merubhūtāśca sattamāḥ |
upāvṛtānupāvṛtāḥ surāṣṭrāḥ kekayāstathā || 43 ||
[Analyze grammar]

kuṭṭāparāṃtā māheyāḥ kakṣāḥ sāmudra niṣkuṭāḥ |
aṃdhāśca bahavo viprā aṃtargiryastathaiva ca || 44 ||
[Analyze grammar]

bahirgiryyoṃgamaladā magadhā mālavārghaṭāḥ |
sattvatarāḥ prāvṛṣeyāḥ bhārgavāśca dvijarṣabhāḥ || 45 ||
[Analyze grammar]

puṃḍrā bhārgāḥ kirātāśca sudeṣṇā bhāsurāstathā |
śakā niṣādā niṣadhāstathaivānarta naiṛtāḥ || 46 ||
[Analyze grammar]

pūrṇalāḥ pūtimatsyāśca kuṃtalā kuśakāstathā |
tarigrahāśśūrasenā ījikāḥ kalpakāraṇāḥ || 47 ||
[Analyze grammar]

tilabhāgāmasārāśca madhumattāḥ kakuṃdakāḥ |
kāśmīrāḥ siṃdhusauvīrā gāṃdhārā darśakāstathā || 48 ||
[Analyze grammar]

abhīsārāḥ kudrutāśca saurilā bāhlikāstathā |
darvī ca mālavā darvā vātajāmarathoragāḥ || 49 ||
[Analyze grammar]

balaraṭṭāstathā viprāḥ sudāmānaḥ mumallikāḥ |
baṃdhākarīkaṣāścaiva kuliṃdā gaṃdhikāstathā || 50 ||
[Analyze grammar]

vanāyavodaśāḥ pārśvaromāṇaḥ kuśabiṃdavaḥ |
kācchā gopālakacchāśca jāṃgalāḥ kuruvarṇakāḥ || 51 ||
[Analyze grammar]

kirātābarbarāḥ siddhā vaidehāstāmraliptikāḥ |
auḍramlecchāḥ sasairiṃdrāḥ pārvatīyāśca sattamāḥ || 52 ||
[Analyze grammar]

athāpare janapadā dakṣiṇā munipuṃgavāḥ |
draviḍāḥ keralāḥ prācyā mūṣikā bālamūṣikāḥ || 53 ||
[Analyze grammar]

karṇāṭakā māhiṣakā vikaṃdhā mūṣikāstathā |
jhallikāḥ kuṃtalāścaiva sauhṛdānalakānanāḥ || 54 ||
[Analyze grammar]

kaukkuṭakāstathā bolāḥ kokaṇā maṇivālakāḥ |
samaṃgā kanakāścaiva kuṃkurāṃgāramāriṣāḥ || 55 ||
[Analyze grammar]

dhvajinyutsavasaṃketāstrivargā mālyasenayaḥ |
vyūḍhakāḥ korakāḥ proṣṭāḥ saṃgavegadharāstathā || 56 ||
[Analyze grammar]

tathaiva viṃdyarulikāḥ puliṃdā balvalaiḥ saha |
mālavā malarāścaiva tathaivāparavartakāḥ || 57 ||
[Analyze grammar]

kuliṃdāḥ kāladāścaiva caṃḍakāḥ kuraṭāstathā |
muśalāstanavālāśca satīrthā pūtisṛṃjayāḥ || 58 ||
[Analyze grammar]

anidāyāḥ śivāṭāśca tapanāḥ sūtapāstathā |
ṛṣikāśca vidarbhāśca staṃganā parataṃgakāḥ || 59 ||
[Analyze grammar]

uttarāścāparemlecchā janā hi munipuṃgavāḥ |
javanāśca sakāṃbojā dāruṇā mlecchajātayaḥ || 60 ||
[Analyze grammar]

sakṛghṛhāḥ kulaṭyāśca hūṇā pārasikaiḥ saha |
tathaiva ramaṇāścānyāstathā ca daśamālikāḥ || 61 ||
[Analyze grammar]

kṣatriyopaniveśāśca vaiśyaśūdra kulāni ca |
śūrābhīrāśca daradāḥ kāśmīrāḥ paśubhiḥ saha || 62 ||
[Analyze grammar]

khāṃḍīkāśca tuṣārāśca padmagā girigahvarāḥ |
ādreyāḥ sabhirādājāstathaiva stanapoṣakāḥ || 63 ||
[Analyze grammar]

droṣakāśca kaliṃgāśca kirātānāṃ ca jātayaḥ |
tomarā hanyamānāśca tathaiva karabhaṃjakāḥ || 64 ||
[Analyze grammar]

ete cānye janapadāḥ prācyodīcyāstathaiva ca |
uddeśamātreṇa mayā deśāḥ saṃkīrtitā dvijāḥ |
yathāguṇabalaṃ cāpi trivargasya mahāphalam || 65 ||
[Analyze grammar]

iti śrīpādme mahāpurāṇe svargakhaṃḍe ṣaṣṭho'dhyāyaḥ || 6 ||
[Analyze grammar]