Chapter 124

[English text for this chapter is available]

sūta uvāca |
aṃtarddhānaṃ gate viṣṇau veno rājā mahāmatiḥ |
kva gato devadeveśa iti ciṃtāparo'bhavat || 1 ||
[Analyze grammar]

harṣeṇa mahatāviṣṭaściṃtayitvā nṛpottamaḥ |
samāhūya nṛpaśreṣṭhaṃ taṃ pṛthuṃ madhurākṣaraiḥ || 2 ||
[Analyze grammar]

tamuvāca mahātmānaṃ harṣeṇa mahatā tadā |
tvayā putreṇa bhūrloke tāritosmi supātakāt || 3 ||
[Analyze grammar]

nīta ujjvalatāṃ vatsa vaṃśo me sāṃprataṃ pṛtho |
mayā vināśito doṣaistvayā guṇaiḥ prakāśitaḥ || 4 ||
[Analyze grammar]

yajehamaśvamedhena dāsye dānānyanekaśaḥ |
viṣṇulokaṃ vrajāmyadya sakāyaste prasādataḥ || 5 ||
[Analyze grammar]

saṃbharasva mahābhāga saṃbhārāṃstvaṃ nṛpottama |
āmaṃtraya mahābhāga brāhmaṇānvedapāragān || 6 ||
[Analyze grammar]

evaṃ pṛthuḥ samādiṣṭo venenāpi mahātmanā |
pratyuvāca mahātmā sa venaṃ pitaramādarāt || 7 ||
[Analyze grammar]

kuru rājyaṃ mahārāja bhuṃkṣva bhogānmanonugān |
divyānvā mānuṣānpuṇyānyajñairyaja janārdanam || 8 ||
[Analyze grammar]

evamuktvā praṇamyaiva pitaraṃ jñānatatparam |
dhanurādāya pṛthvīśaḥ sabāṇaṃ yatnapūrvakam || 9 ||
[Analyze grammar]

ādideśa bhaṭānsarvānghoṣadhvaṃ bhūtale mama |
pāpameva na kartavyaṃ karmaṇā trividhena vai || 10 ||
[Analyze grammar]

kariṣyaṃti ca yatpāpaṃ ājñāṃ venasya bhūpateḥ |
ullaṃghya vadhyatāṃ so hi yāsyate nātra saṃśayaḥ || 11 ||
[Analyze grammar]

dānameva pradātavyaṃ yajñaiścaiva janārdanam |
yajadhvaṃ mānavāḥ sarve tanmanaskā vimatsarāḥ || 12 ||
[Analyze grammar]

evaṃ śikṣāṃ pradatvāsau rājyaṃ bhṛtyeṣu venajaḥ |
niḥkṣipya ca gato viprāstapasorthe tapovanam || 13 ||
[Analyze grammar]

sarvāndoṣānparityajya saṃyamya viṣayendriyān |
śatavarṣapramāṇaṃ vai nirāhāro babhūva ha || 14 ||
[Analyze grammar]

tapasā tasya vai tuṣṭo brahmā pṛthumuvāca ha |
tapastapasi kasmāttvaṃ tanme tvaṃ kāraṇaṃ vada || 15 ||
[Analyze grammar]

pṛthuruvāca |
vena eṣa mahāprājñaḥ pitā me kīrtivarddhanaḥ |
samācarati yaḥ pāpamasya rājye narādhamaḥ || 16 ||
[Analyze grammar]

śiraśchettā bhavatveṣa tasya devo janārdanaḥ |
adṛṣṭaiśca mahācakrairhariḥ śāstā bhavetsvayam || 17 ||
[Analyze grammar]

manasā karmaṇā vācā kartuṃ vāṃchati pātakam |
teṣāṃ śirāṃsi truṭyaṃtu phalaṃ pakvaṃ yathā drumāt || 18 ||
[Analyze grammar]

etadeva varaṃ manye tvattaḥ śṛṇu sureśvara |
prajānāṃ doṣabhāvena na lipyati pitā mama || 19 ||
[Analyze grammar]

tathā kuruṣva deveśa varaṃ dātuṃ yadīcchasi |
dadasva uttamaṃ kāmaṃ caturmukhanamo'stu te || 20 ||
[Analyze grammar]

brahmovāca |
evamastu mahābhāga pitā te pūtatāṃ gataḥ |
viṣṇunā śāsito vatsa putreṇāpi tvayā pṛtho || 21 ||
[Analyze grammar]

evaṃ pṛthuṃ samuddiśya varaṃ datvā gato vibhuḥ |
pṛthureva samāyāto rājyakarmaṇi saṃsthitaḥ || 22 ||
[Analyze grammar]

vainyasya rājye viprendrāḥ pāpaṃ kaścinna cācaret |
yastu ciṃtayate pāpaṃ trividhenāpi karmaṇā || 23 ||
[Analyze grammar]

śiraśchedo bhavettasya yathācakrairnikṛṃtitaḥ |
tadāprabhṛti vai pāpaṃ naiva kopi samācaret || 24 ||
[Analyze grammar]

ityājñā vartate tasya vainyasyāpi mahātmanaḥ |
sarvalokāḥ samācāraiḥ parivartaṃti nityaśaḥ || 25 ||
[Analyze grammar]

dānabhogaiḥ pravartaṃte sarvadharmaparāyaṇāḥ |
sarvasaukhyaiḥ pravarddhaṃte prasādāttasya bhūpateḥ || 26 ||
[Analyze grammar]

iti śrīpadmapurāṇe bhūmikhaṃḍe venopākhyāne caturviṃśatyadhika śatatamo'dhyāyaḥ || 124 ||
[Analyze grammar]