Chapter 122

[English text for this chapter is available]

viṣṇuruvāca |
kuṃjalo dharmapakṣī sa ityuktvā tānsutānprati |
virarāma mahāprājñaḥ kiṃcinnovāca tānprati || 1 ||
[Analyze grammar]

vaṭādhaḥstho dvijaśreṣṭhastamuvāca mahāśukam |
ko bhavāndharmavaktā hi pakṣirūpeṇa vartate || 2 ||
[Analyze grammar]

kiṃ vā devo'tha gaṃdharvaḥ kiṃ vā vidyādharo bhavān |
kasya śāpādimāṃ prāpto yoniṃ kīrasya pātakīm || 3 ||
[Analyze grammar]

kasmātte īdṛśaṃ jñānaṃ vartate'tīdriyaṃ śuka |
supuṇyasya tu kasyāpi kasya vai tapasaḥ phalam || 4 ||
[Analyze grammar]

kiṃ vā cchannena rūpeṇa anenāpi mahāmate |
kastvaṃ siddho'si devo vā tanme kathaya kāraṇam || 5 ||
[Analyze grammar]

kuṃjala uvāca |
bhoḥ siddha tvāmahaṃ jāne kulaṃ te gotramuttamam |
vidyāṃ tapaḥprabhāvaṃ ca yasmādbhramasi medinīm || 6 ||
[Analyze grammar]

sarvaṃ vipra pravakṣyāmi svāgataṃ tava suvrata |
upaviśyāsane puṇye chāyāmāśrayaśītalām || 7 ||
[Analyze grammar]

avyaktaprabhavo brahmā tasmājjajñe prajāpatiḥ |
brāhmaṇastu guṇairyukto bhṛgurbrahmasamo dvijaḥ || 8 ||
[Analyze grammar]

bhārgavo nāma tasyāsītsarvadharmārthatatvavit |
tasyānvaye bhavānvipra cyavanaḥ khyātimānbhuvi || 9 ||
[Analyze grammar]

nāhaṃ devo na gaṃdharvo nāhaṃ vidyādharaḥ punaḥ |
yohaṃ vipra pravakṣyāmi tanme nigadataḥ śṛṇu || 10 ||
[Analyze grammar]

kaśyapasya kule jātaḥ kaścidbrāhmaṇasattamaḥ |
vedavedāṃgatattvajñaḥ sarvakarmaprakāśakaḥ || 11 ||
[Analyze grammar]

vidyādhareti vikhyātaḥ kulaśīlaguṇairyutaḥ |
rājamānaḥ śriyā vipra ācāraistapasā tadā || 12 ||
[Analyze grammar]

saṃbabhūvuḥ sutāstasya vidyādharasya te trayaḥ |
vasuśarmā nāmaśarmā dharmaśarmā ca te trayaḥ || 13 ||
[Analyze grammar]

teṣāmahaṃ dharmaśarmā kaniṣṭho guṇavarjitaḥ |
vasuśarmā mama bhrātā vedaśāstrārthakovidaḥ || 14 ||
[Analyze grammar]

ācāreṇa susaṃpanno vidyādisuguṇaiḥ punaḥ |
nāmaśarmā mahāprājñastadvaccāsīdguṇādhikaḥ || 15 ||
[Analyze grammar]

ahameko mahāmūrkhaḥ saṃjātaḥ śṛṇu sattama |
vidyānāmuttamaṃ vipra bhāvamarthaṃ śubhaṃ kadā || 16 ||
[Analyze grammar]

na śṛṇomi na vai yāmi gurugehamanuttamam |
tatastu janako me tu māmevaṃ pariciṃtayet || 17 ||
[Analyze grammar]

dharmaśarmeti putrasya nāmāsya tu nirarthakam |
saṃjātaḥ kṣitimadhye tu na vidvānme guṇākaraḥ || 18 ||
[Analyze grammar]

iti saṃciṃtya dharmātmā māmuvāca suduḥkhitaḥ |
vraja putra gurorgehaṃ vidyārthaṃ parisādhaya || 19 ||
[Analyze grammar]

evamākarṇya tattasya piturvākyaṃ mayāśubham |
nāhaṃ tāta gamiṣyāmi gurorgehaṃ suduḥkhadam || 20 ||
[Analyze grammar]

yatra vai tāḍanaṃ nityaṃ bhrūbhaṃgādi ca krośanam |
annaṃ na dṛśyate tatra karmaṇā śṛṇusattama || 21 ||
[Analyze grammar]

divārātrau na nidrāsti nāsti sukhasya sādhanam |
tasmādduḥkhamayaṃ tāta na yāsye gurumaṃdiram || 22 ||
[Analyze grammar]

vidyākāryaṃ kariṣye na krīḍārthamahamutsukaḥ |
bhokṣye svapsye prasādātte kariṣye krīḍanaṃ pitaḥ || 23 ||
[Analyze grammar]

ḍiṃbhaiḥ sārddhaṃ sukhenāpi divārātramataṃdritaḥ |
māmuvāca sa dharmātmā mūḍhaṃ jñātvā suduḥkhitaḥ || 24 ||
[Analyze grammar]

vidyādhara uvāca |
mā putra sāhasaṃ kārṣīrvidyārthamudyamaṃ kuru |
vidyayā prāpyate saukhyaṃ yaśaḥ kīrtistathātulā || 25 ||
[Analyze grammar]

jñānaṃ svargaśca mokṣaśca tasmādvidyāṃ prasādhaya |
pūrvaṃ suduḥkhamūlā tu paścādvidyā sukhapradā || 26 ||
[Analyze grammar]

tasmātsādhaya putra tvaṃ vidyāṃ gurugṛhaṃ vraja |
piturvākyamakurvāṇo ahamevaṃ dinadine || 27 ||
[Analyze grammar]

yatrayatra sthito nityamarthahāniṃ karomyaham |
upahāsaḥ kṛto lokairmamavipra prakutsanam || 28 ||
[Analyze grammar]

mama lajjā samutpannā jīvanāśakarī tadā |
vidyārthamudyato vipra kaṃ guruṃ prārthayāmyaham || 29 ||
[Analyze grammar]

iti ciṃtāparo jāto duḥkhaśokasamākulaḥ |
kathaṃ vidyāmahaṃ jāne kathaṃ viṃdāmyahaṃ guṇān || 30 ||
[Analyze grammar]

kathaṃ me jāyate svargaḥ kathaṃ mokṣaṃ vrajāmyaham |
ityevaṃ ciṃtayanvipra vārddhakyamagamaṃ punaḥ || 31 ||
[Analyze grammar]

devatāyatane duḥkhī upaviṣṭastvahaṃ kadā |
madbhāgyaiḥ preritaḥ kaścitsiddha ekaḥ samāgataḥ || 32 ||
[Analyze grammar]

nirāśrayo jitāhāraḥ sadānaṃdastu niḥspṛhaḥ |
ekāṃtamāsthito vipra yogayukto jiteṃdriyaḥ || 33 ||
[Analyze grammar]

parabrahmaṇi saṃlīno jñānadhyānasamādhimān |
tamahaṃ saṃśrito vipra jñānarūpaṃ mahāmatim || 34 ||
[Analyze grammar]

ahaṃ śuddhena bhāvena bhaktyā namitakaṃdharaḥ |
namaskṛtya mahātmānaṃ puratastasya saṃsthitaḥ || 35 ||
[Analyze grammar]

dīnarūpo hyahaṃ jāto maṃdabhāgyastathā punaḥ |
tenāhaṃ pṛcchito vipra kasmādbhavānpraśocati || 36 ||
[Analyze grammar]

kenābhiprāyabhāvena duḥkhameva bhunakti vai |
tenetyuktosmi vipreṃdra jñāninā yoginā tadā || 37 ||
[Analyze grammar]

sumūḍhena mayā tasya pūrvavṛttāṃtameva hi |
tamevaṃ śrāvitaṃ sarvaṃ sarvajñatvaṃ kathaṃ vrajet || 38 ||
[Analyze grammar]

etadarthaṃ mahāduḥkhī bhavānmama gatiḥ sadā |
sa covāca mahātmā me sarvaṃ jñānasya kāraṇam || 39 ||
[Analyze grammar]