Chapter 121

[English text for this chapter is available]

kāmodovāca |
na vidurdevatāḥ sarvā yasyāṃtaṃ rūpameva ca |
yasmillīṃnastu sarvoyaṃ sa caikātmā prakathyate || 1 ||
[Analyze grammar]

yasyā māyāprapaṃcastu saṃsāraḥ śṛṇu nārada |
kasmātprayāti saṃsāraṃ mama svāmī jagatpatiḥ || 2 ||
[Analyze grammar]

pāpaiścāpi supuṇyaiśca narobaddhastu karmabhiḥ |
saṃsāraṃ sarate vipra hariḥ kasmādvrajedvada || 3 ||
[Analyze grammar]

nārada uvāca |
śṛṇu devi pravakṣyāmi yatkṛtaṃ tena cakriṇā |
bhṛgoragre pratijñātaṃ yajñarakṣāṃ karomyaham || 4 ||
[Analyze grammar]

iṃdrasya vacanātsadyo gato'sau dānavaiḥ saha |
yoddhuṃ vihāya goviṃdo bhṛgoścaiva makhottamam || 5 ||
[Analyze grammar]

makhaṃ tyaktvā gate deve paścāttairdānavottamaiḥ |
āgatya dhvaṃsitaḥ sarvaḥ sa yajñaḥ pāpacetanaiḥ || 6 ||
[Analyze grammar]

hariṃ kruddhaḥ sa yogīṃdraḥ śaśāpa bhṛgureva tam |
daśajanmāni bhuṃkṣva tvaṃ macchāpakaluṣīkṛtaḥ || 7 ||
[Analyze grammar]

karmaṇaḥ svasya saṃbhogaṃ saṃbhokṣyati janārdanaḥ |
tannimittaṃ tvayā devi duḥsvapnaḥ parivīkṣitaḥ || 8 ||
[Analyze grammar]

ityuktvā tāṃ gato vipro brahmalokaṃ sa nāradaḥ |
kṛṣṇasyāpi suduḥkhena duḥkhitā sābhavattadā || 9 ||
[Analyze grammar]

ruroda karuṇaṃ bālā hāheti vadatī muhuḥ |
gaṅgātīropaviṣṭā sā jalāṃte śṛṇu nandana || 10 ||
[Analyze grammar]

sunetrābhyāṃ tathāśrūṇi duḥkhenāpi pramuṃcati |
tānyaśrūṇi pramuktāni gaṃgātoye pataṃtyapi || 11 ||
[Analyze grammar]

jale caiva nimajjaṃti tasyāścāpyaśrubiṃdavaḥ |
saṃbhavaṃti punastāta padmarūpāṇi tāni ca || 12 ||
[Analyze grammar]

gaṃgātoye praphullāni vāhitāni prayāṃti vai |
dadṛśe dānavaśreṣṭho viṣṇumāyāpramohitaḥ || 13 ||
[Analyze grammar]

duḥkhajāni na jānāti muninā kathitānyapi |
harṣeṇa mahatāviṣṭaḥ parijagrāha so'suraḥ || 14 ||
[Analyze grammar]

padmaistu puṣpitaiḥ sopi pūjayedgirijāpriyam |
saptakoṭibhirdaityeṃdro viṣṇumāyāpramohitaḥ || 15 ||
[Analyze grammar]

atha kruddhā jagaddhātrī śaṃkaraṃ vākyamabravīt |
paśyaitasya vikarma tvaṃ dānavasya mahāmate || 16 ||
[Analyze grammar]

śokotpannāni padmāni gaṃgātoyagatāni vai |
ayameṣa pragṛhṇāti kāmākulitacetanaḥ || 17 ||
[Analyze grammar]

pūjayeccāpi duṣṭātmā śokasaṃtāpakārakaiḥ |
duḥkhajaiḥ śokajaiḥ puṣpaistaiḥ suśreyaḥ kathaṃ bhavet || 18 ||
[Analyze grammar]

yādṛśenāpi bhāvena māmeva paripūjayet |
tādṛśenāpi bhāvena asya siddhirbhaviṣyati || 19 ||
[Analyze grammar]

satyadhyānavihīnoyaṃ kāmodā nyastamānasaḥ |
saṃjātaḥ pāpacāritro jahi devi svatejasā || 20 ||
[Analyze grammar]

evamākarṇya tadvākyaṃ śaṃbhoścaiva mahātmanaḥ |
asyaiva saṃkṣayaṃ śaṃbho kariṣye tava śāsanāt || 21 ||
[Analyze grammar]

evamuktvā tato devī tasyāpi vadhakāṃkṣayā |
varttate hi vihuṃḍasya vadhopāyaṃ vyaciṃtayat || 22 ||
[Analyze grammar]

kṛtvā māyāmayaṃ rūpaṃ brāhmaṇasya mahātmanaḥ |
pūjayecchaṃkaraṃ nāthaṃ supuṣpaiḥ pārijātajaiḥ || 23 ||
[Analyze grammar]

sametya dānavaḥ pāpo divyāṃ pūjāṃ vināśayet |
kāmākulaḥ suduḥkhārtastadgato bhāvatatparaḥ || 24 ||
[Analyze grammar]

viṣṇoścaiva mahāmāyāṃ pūrvadṛṣṭāṃ sa dānavaḥ |
sasmāra dānavaḥ pāpaḥ kāmabāṇaiḥ prapīḍitaḥ || 25 ||
[Analyze grammar]

tasyāḥ smaraṇamātreṇa kaṃdarpeṇa balīyasā |
virahākuladuḥkhārto rodate hi muhurmuhuḥ || 26 ||
[Analyze grammar]

kālākṛṣṭaḥ sa duṣṭātmā śokajātāni tāni saḥ |
parigṛhya samāyātaḥ pūjanārthī maheśvaram || 27 ||
[Analyze grammar]

devyā kṛtāṃ hi pūjāṃ ca supuṣpaiḥ pārijātajaiḥ |
tāṃ nirṇāśya sulobhena śokajaiḥ paripūjayet || 28 ||
[Analyze grammar]

netrābhyāṃ tasya duṣṭasya biṃdavaste'śrusaṃbhavāḥ |
aviralāstato vatsa pataṃti liṃgamastake || 29 ||
[Analyze grammar]

devī brāhmaṇarūpeṇa tamuvāca mahāmate |
ko bhavānpūjayeddevaṃ śokākulamanāḥ sadā || 30 ||
[Analyze grammar]

pataṃtyaśrūṇi devasya mastake śokajāni te |
apavitrāṇi me brūhi etamarthaṃ mamāgrataḥ || 31 ||
[Analyze grammar]

vihuṃḍa uvāca |
pūrvaṃ dṛṣṭā mayā nārī sarvasaubhāgyasaṃpadā |
sarvalakṣaṇasaṃpannā kāmasyāyatanaṃ mahat || 32 ||
[Analyze grammar]

tasyā mohena saṃdagdhaḥ kāmenākulatāṃ gataḥ |
tayā proktaṃ hi saṃbhoge dehi me dāyamuttamam || 33 ||
[Analyze grammar]

kāmodasaṃbhavaiḥ puṣpaiḥ pūjayasva maheśvaram |
teṣāṃ puṣpakṛtāṃ mālāṃ mama kaṃṭhe parikṣipa || 34 ||
[Analyze grammar]

koṭibhiḥ saptasaṃkhyātaiḥ pūjayasva maheśvaram |
tadarthaṃ pūjayāmyeva īśvaraṃ phaladāyakam || 35 ||
[Analyze grammar]

kāmodasaṃbhavaiḥ puṣpairdurlabhairdevadānavaiḥ |
śrīdevyuvāca |
kva te bhāvaḥ kva te dhyānaṃ kva te jñānaṃ durātmanaḥ || 36 ||
[Analyze grammar]

īśvarasyāpi saṃbaṃdho nāsti kiṃcittvayaiva hi |
kāmodāyā varaṃ rūpaṃ kīdṛśaṃ vada sāṃpratam || 37 ||
[Analyze grammar]

kva labdhāni supuṣpāṇi tasyā hāsyodbhavāni ca |
vihuṃḍa uvāca |
bhāvaṃ dhyānaṃ na jānāmi na dṛṣṭā sā mayā kadā || 38 ||
[Analyze grammar]

gaṃgātoyagatānyeva parigṛhṇāmi nityaśaḥ |
tairahaṃ pūjayāmyekaṃ śaṃkaraṃ pravadāmyaham || 39 ||
[Analyze grammar]

mamāgre kathitaṃ vipra śukreṇāpi mahātmanā |
vacanāttasya deveśamarcayāmi dinadine || 40 ||
[Analyze grammar]

etatte sarvamākhyātaṃ yacca pṛṣṭosmi sāṃpratam |
śrīdevyuvāca |
kāmodārodanājjātaiḥ puṣpaistairduḥkhasaṃbhavaiḥ || 41 ||
[Analyze grammar]

liṃgamarcayase duṣṭa prabhāte nityameva ca |
yādṛśenāpi bhāvena puṣpaiśca yādṛśaistvayā || 42 ||
[Analyze grammar]

arcito devadeveśastādṛśaṃ phalamāpnuhi |
divyapūjāṃ vināśyaivaṃ śokapuṣpaiḥ prapūjasi || 43 ||
[Analyze grammar]

asau doṣastavaivādya samutpannaḥ sudāruṇaḥ |
tasmāddaṇḍaṃ pradāsyāmi bhuṃkṣva svakarmajaṃ phalam || 44 ||
[Analyze grammar]

tasyā vākyaṃ samākarṇya kālakṛṣṭo babhāṣa tām |
re re duṣṭa durācāra mama karmapradūṣaka || 45 ||
[Analyze grammar]

hanmi tvāmiha khaḍgena anenāpi na saṃśayaḥ |
ityuktvā brāhmaṇaṃ taṃ sa niśitaṃ khaḍgamādade || 46 ||
[Analyze grammar]

haṃtukāmaḥ sa duṣṭātmā abhyadhāvata dānavaḥ |
sā devī viprarūpeṇa saṃkruddhā parameśvarī || 47 ||
[Analyze grammar]

hanmi tvāmiha khaḍgena anenāpi na saṃśayaḥ |
svasthānamāgataṃ dṛṣṭvā huṃkāraṃ visasarja ha |
tena huṃkāranādena patito dānavādhamaḥ || 48 ||
[Analyze grammar]

niśceṣṭaḥ kāmarūpeṇa vajrāhata ivācalaḥ |
patite dānave tasminsarvalokavināśake || 49 ||
[Analyze grammar]

lokāḥ svāsthyaṃ gatāḥ sarve duḥkhatāpavivarjitāḥ |
etasmātkāraṇādvatsa sā strī vai paridevati || 50 ||
[Analyze grammar]

gaṃgātīre varārohā duḥkhavyākulamānasā |
etatte sarvamākhyātaṃ yattvayā paripṛcchitam || 51 ||
[Analyze grammar]

viṣṇuruvāca |
evamuktvā suputraṃ taṃ kuṃjalo aṃḍajeśvaraḥ |
virarāma mahāprājñaḥ kiñcinnovāca bhūpate || 52 ||
[Analyze grammar]