Padma Purana [sanskrit]

462,305 words | ISBN-13: 9789385005305

The Padma-purana Book 2 Chapter 119 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

ekonaviṃśatyadhikaśatatamo'dhyāyaḥ |
kapiṃjala uvāca |
yasyāḥ prahasanāttāta suhṛdyāni bhavaṃti vai |
puṣpāṇi divyagaṃdhīni durlabhāni surāsuraiḥ || 1 ||
[Analyze grammar]

kasmāttu devatāḥ sarvāḥ pravāṃchaṃti mahāmate |
śaṃkaraḥ sukhamāyāti hāsyapuṣpaiḥ supūjitaḥ || 2 ||
[Analyze grammar]

ko guṇastasya puṣpasya tanme kathaya vistarāt |
kāmodā sā bhavetkā tu kasya putrī varāṃganā || 3 ||
[Analyze grammar]

hāsyāttasyā mahābhāga supuṣpāṇi bhavaṃti ca |
ko guṇastatkathāṃ brūhi sakalāṃ vistareṇa ca || 4 ||
[Analyze grammar]

kuṃjala uvāca |
purā devairmahādaityaiḥ kṛtvā sauhārdamuttamam |
mamaṃthuḥ sāgaraṃ kṣīramamṛtārthaṃ samudyatāḥ || 5 ||
[Analyze grammar]

mathanāddevadaityānāṃ kanyāratnacatuṣṭayam |
varuṇena darśitaṃ pūrvaṃ somenaiva tathā punaḥ || 6 ||
[Analyze grammar]

paścātsaṃdarśitaṃ puṇyamamṛtaṃ kalaśe sthitam |
kanyā catuṣṭayaṃ pūrvaṃ devānāṃ hitamicchati || 7 ||
[Analyze grammar]

sulakṣmīrnāma sā caikā dvitīyā vāruṇī tathā |
jyeṣṭhā nāma tathā khyātā kāmodānyā pracakṣate || 8 ||
[Analyze grammar]

tāsāṃ madhye varā śreṣṭhā pūrvaṃ jātā mahāmate |
tasmājjyeṣṭheti vikhyātā loke pūjyā sadaiva hi || 9 ||
[Analyze grammar]

vāruṇīpānarūpā ca payaḥphenasamudbhavā |
amṛtasya taraṃgācca kāmodākhyā babhūva ha || 10 ||
[Analyze grammar]

somo rājā tathā lakṣmīrjajñāte amṛtādapi |
trailokyabhūṣaṇaḥ somaḥ saṃjātaḥ śaṃkarapriyaḥ || 11 ||
[Analyze grammar]

mṛtyurogaharā jātā surāṇāṃ vāruṇī tathā |
jyeṣṭhāsu puṇyadā jātā lokānāṃ hitamicchatām || 12 ||
[Analyze grammar]

amṛtādutthitā devī kāmodā nāma puṇyadā |
viṣṇoḥ prītyai bhaviṣye tu vṛkṣarūpaṃ prayāsyati || 13 ||
[Analyze grammar]

viṣṇuprītikarī sā tu bhaviṣyati sadaiva hi |
tulasī nāma sā puṇyā bhaviṣyati na saṃśayaḥ || 14 ||
[Analyze grammar]

tayā saha jagannātho ramiṣyati na saṃśayaḥ |
tulasyāḥ patramekaṃ yo nītvā kṛṣṇāya dāsyati || 15 ||
[Analyze grammar]

mene tasyopakārāṇāṃ kimasmai ca dadāmyaham |
ityevaṃ ciṃtayennityaṃ tasya prītikaro bhavet || 16 ||
[Analyze grammar]

evaṃ kāmoda nāmāsau pūrvaṃ jātā samudrajā |
yadā sā hasate devī harṣagadgadabhāṣiṇī || 17 ||
[Analyze grammar]

sauhṛdyāni sugaṃdhīni mukhāttasyāḥ pataṃti vai |
amlānāni supuṣpāṇi yo gṛhṇāti samudyataḥ || 18 ||
[Analyze grammar]

pūjayecchaṃkaraṃ devaṃ brahmāṇaṃ mādhavaṃ tathā |
tasya devāḥ pratuṣyaṃti yadicchati dadaṃti tat || 19 ||
[Analyze grammar]

rodityeṣā yadā sā ca kena duḥkhena duḥkhitā |
netrāśrubhyo hi tasyāstu prabhavaṃti pataṃti ca || 20 ||
[Analyze grammar]

tāni caiva mahābhāga hṛdyāni sumahāṃti ca |
saurabheṇa vinā taistu yaḥ pūjayati śaṃkaram || 21 ||
[Analyze grammar]

tasya duḥkhaṃ ca saṃtāpo jāyate nātra saṃśayaḥ |
puṣpaistu tādṛśairdevānsakṛdarcati pāpadhīḥ || 22 ||
[Analyze grammar]

tasya duḥkhaṃ prakurvaṃti devāstatra na saṃśayaḥ |
etatte sarvamākhyātaṃ kāmodākhyānamuttamam || 23 ||
[Analyze grammar]

atha kṛṣṇo viciṃtyaiva dṛṣṭvā vikramasāhasam |
vihuṃḍasyāpi pāpasya udyamaṃ sāhasaṃ tadā || 24 ||
[Analyze grammar]

nāradaṃ preṣayāmāsa mohayainaṃ durāsadam |
nāradastvatha saṃśrutya vākyaṃ viṣṇormahātmanaḥ || 25 ||
[Analyze grammar]

gacchamānaṃ durātmānaṃ kāmodāṃ prati dānavam |
gatvā tamāha daityeṃdraṃ nāradaḥ prahasanniva || 26 ||
[Analyze grammar]

kva yāsi tvaṃ ca daityeṃdra satvaraṃ ca samāturaḥ |
sāṃprataṃ kena kāryeṇa kasyārthaṃ kena noditaḥ || 27 ||
[Analyze grammar]

brahmātmajaṃ namaskṛtya pratyuvāca kṛtāṃjali |
kāmodapuṣpārthamahaṃ prasthito dvijasattama || 28 ||
[Analyze grammar]

tamuvāca sa dharmātmā puṣpaiḥ kiṃ te prayojanam |
vipravaryaṃ punaḥ prāha kāryakāraṇamātmanaḥ || 29 ||
[Analyze grammar]

naṃdanasya vanoddeśe kācinnārī varānanā |
tasyā darśanamātreṇa gato'haṃ kāmavaśyatām || 30 ||
[Analyze grammar]

tayā prokto'smi vipreṃdra puṣpaiḥ kāmodasaṃbhavaiḥ |
pūjayasva mahādevaṃ puṣpaistu saptakoṭibhiḥ || 31 ||
[Analyze grammar]

tataste supriyā bhāryā bhaviṣyāmi na saṃśayaḥ |
tadarthe prasthito'smyadya kāmodākhyaṃ puraṃ prati || 32 ||
[Analyze grammar]

tāmahaṃ kāmayiṣyāmi siṃdhujāṃ śuṇu sāṃpratam |
manollāsairmahāhāsairhāsayiṣyāmyahaṃ punaḥ || 33 ||
[Analyze grammar]

prītā satī mahābhāgā hasiṣyati punaḥ punaḥ |
taddhāsyaṃ gadgadaṃ vipra mama kāryapravarddhanam || 34 ||
[Analyze grammar]

tasmāddhāsyātpatiṣyaṃti divyāni kusumāni ca |
taistu devamumākāṃtaṃ pūjayiṣyāmi sāṃpratam || 35 ||
[Analyze grammar]

tena pūjāpradānena tuṣṭo dāsyati me phalam |
īśvaraḥ sarvabhūteśaḥ śaṃkaro lokabhāvanaḥ || 36 ||
[Analyze grammar]

nārada uvāca |
tatra daitya na gaṃtavyaṃ kāmodākhye purottame |
viṣṇurasti sumedhāvī sarvadaityakṣayāvahaḥ || 37 ||
[Analyze grammar]

yenopāyena puṣpāṇi kāmodākhyāni dānava |
tava haste prayāsyaṃti tamupāyaṃ vadāmyaham || 38 ||
[Analyze grammar]

gaṃgātoyeṣu divyāni patiṣyaṃti na saṃśayaḥ |
vāhitāni jalairdivyairāgamiṣyaṃti sāṃpratam || 39 ||
[Analyze grammar]

tāni tvaṃ tu pratigṛhāṇa suhṛdyāni mahāṃti ca |
gṛhītvā tāni puṣpāṇi sādhayasva manīpsitam || 40 ||
[Analyze grammar]

nārado dānavaśreṣṭhaṃ mohayitvā tataḥ punaḥ |
tataśca sa tu dharmātmā ciṃtayāmāsa vai punaḥ || 41 ||
[Analyze grammar]

kathamaśrūṇi sā muṃcetkenopāyena duḥkhitā |
ciṃtayānasya tasyaivaṃ kṣaṇaṃ vai nāradasya ca || 42 ||
[Analyze grammar]

tato buddhiḥ samutpannā kāmodākhyaṃ puraṃ gataḥ || 43 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre kāmodākhyāne ekonaviṃśatyadhikaśatatamo'dhyāyaḥ || 119 ||
[Analyze grammar]

Other editions:

Also see the following editions of the Sanskrit text or (alternative) English translations of the Padma Purana Chapter 119

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Like what you read? Consider supporting this website: