Padma Purana [sanskrit]
462,305 words | ISBN-13: 9789385005305
The Padma-purana Book 2 Chapter 118 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.
Chapter 118
[English text for this chapter is available]
kapiṃjala uvāca |
gaṃgāmukhe purā tāta rodamānā varāṃganā |
netrābhyāmaśrubiṃdūni pataṃti ca mahājale || 1 ||
[Analyze grammar]
gaṃgāmadhye nimajjaṃti bhavaṃti kamalāni ca |
puṣpāṇi divyarūpāṇi saugaṃdhāni mahāṃti ca || 2 ||
[Analyze grammar]
tasyāstāta sunetrābhyāṃ kimarthaṃ prapataṃti ca |
gaṃgodake mahābhāga nirmalā aśrubiṃdavaḥ || 3 ||
[Analyze grammar]
asthicarmāvaśeṣastu jaṭācīradharaḥ punaḥ |
tāni saugaṃdhayuktāni padmāni vicinoti saḥ || 4 ||
[Analyze grammar]
hemavarṇāni divyāni nītvā śivaṃ samarcayet |
sā kā nārī samācakṣva sa vā ko hi mahāmate || 5 ||
[Analyze grammar]
arcayitvā śivaṃ sotha kasmātpaścātpradevati |
etanme sarvamācakṣva yadyahaṃ vallabhastava || 6 ||
[Analyze grammar]
kuṃjala uvāca |
śṛṇu vatsa pravakṣyāmi vṛttāṃtaṃ devanirmitam |
caritraṃ sarvapāpaghnaṃ viṣṇoścaiva mahātmanaḥ || 7 ||
[Analyze grammar]
yosau huṃḍo mahāvīryo nahuṣeṇa hato raṇe |
tasya putrastu vikhyāto vihuṃḍastapa āsthitaḥ || 8 ||
[Analyze grammar]
nihataṃ pitaraṃ śrutvā sāmātyaṃ saparicchadam |
āyuputreṇa vīreṇa nahuṣeṇa balīyasā || 9 ||
[Analyze grammar]
tapastapati sakrodhāddevānhaṃtuṃ samudyataḥ |
pauruṣaṃ tasya duṣṭasya tapasā varddhitasya ca || 10 ||
[Analyze grammar]
jānaṃti devatāḥ sarvā duḥsahaṃ samarāṃgaṇe |
huṃḍātmajo vihuṃḍastu trailokyaṃ haṃtumudyataḥ || 11 ||
[Analyze grammar]
piturvairaṃ kariṣyāmi haniṣye mānavānsurān |
evaṃ samudyataḥ pāpī devabrāhmaṇakaṃṭakaḥ || 12 ||
[Analyze grammar]
upadravaṃ samārebhe prajāḥ pīḍayate ca saḥ |
tasyaiva tejasā dagdhā devāśceṃdrapurogamāḥ || 13 ||
[Analyze grammar]
śaraṇaṃ devadevasya jagmurviṣṇormahātmanaḥ |
devadevaṃ jagannāthaṃ śaṃkhacakragadādharam || 14 ||
[Analyze grammar]
ūcuśca pāhi no nityaṃ vihuṃḍasya mahābhayāt |
śrīviṣṇuruvāca |
varddhaṃtu devatāḥ sarvāḥ susukhena maheśvarāḥ || 15 ||
[Analyze grammar]
vihuṃḍaṃ nāśayiṣyāmi pāpiṣṭhaṃ devakaṃṭakam |
evamābhāṣya tāndevānmāyāṃ kṛtvā janārdanaḥ || 16 ||
[Analyze grammar]
svayamevasthitastatra naṃdane sumahāyaśāḥ |
māyāmayaṃ cakārātha strīrūpaṃ ca guṇānvitam || 17 ||
[Analyze grammar]
viṣṇumāyā mahābhāgā sarvaviśvapramohinī |
cakāra rūpamatulaṃ viṣṇormāyāpramohinī || 18 ||
[Analyze grammar]
vihuṃḍasya vadhārthāya rūpalāvaṇyaśālinī |
kuṃjala uvāca |
sa devānāṃ vadhārthāya divyamārgaṃ jagāma ha || 19 ||
[Analyze grammar]
naṃdanāṃte tato māyāmapaśyadditijeśvaraḥ |
tayā vimohito daityaḥ kāmabāṇakṛtāṃtaraḥ || 20 ||
[Analyze grammar]
ātmanāśaṃ na jānāti kālarūpāṃ varastriyam |
tāṃ dṛṣṭvā navahemābhāṃ rūpadraviṇaśālinīm || 21 ||
[Analyze grammar]
lubdho vihuṃḍaḥ pāpātmā tāmuvāca varāṃganām |
kāsi kasya varārohe mamacittapramāthini || 22 ||
[Analyze grammar]
saṃgamaṃ dehi me bhadre rakṣarakṣa varānane |
saṃgamāttava deveśi yadyadicchasi sāṃpratam || 23 ||
[Analyze grammar]
tattaddadmi mahābhāge durlabhaṃ devadānavaiḥ |
māyovāca |
māmeva bhoktumicchā ceddāyaṃ me dehi dānava || 24 ||
[Analyze grammar]
saptakoṭimitaiścaiva puṣpaiḥ pūjaya śaṃkaram |
kāmodasaṃbhavairdivyaiḥ saugaṃdhairdevadurlabhaiḥ || 25 ||
[Analyze grammar]
teṣāṃ puṣpakṛtāṃ mālāṃ mama kaṃṭhe tu dānava |
āropaya mahābhāga etaddāyaṃ pradehi me || 26 ||
[Analyze grammar]
tadāhaṃ supriyā bhāryā bhaviṣyāmi na saṃśayaḥ |
vihuṃḍa uvāca |
evaṃ devi kariṣyāmi varaṃ dadmi prayācitam || 27 ||
[Analyze grammar]
vanāni yāni puṇyāni divyāni ditijeśvaraḥ |
babhrāmamanmathāviṣṭo na ca paśyati taṃ drumam || 28 ||
[Analyze grammar]
kāmodakākhyaṃ papraccha yatratatra gataḥ svayam |
kāmodākhyadrumo nāsti vadaṃtyevaṃ mahājanāḥ || 29 ||
[Analyze grammar]
pṛcchamānaḥ sa duṣṭātmā kāmabāṇaiḥ prapīḍitaḥ |
papraccha bhārgavaṃ gatvā bhaktyā namita kaṃdharaḥ || 30 ||
[Analyze grammar]
kāmodakaṃ drumaṃ brūhi kāṃtaṃ puṣpasamanvitam |
śukra uvāca |
kāmodaḥ pādapo nāsti yoṣidevāsti dānava || 31 ||
[Analyze grammar]
yadā sā hasate caiva prasaṃgena praharṣitā |
taddhāsājjajñire daitya sugaṃdhīni varāṇyapi || 32 ||
[Analyze grammar]
sumānyetāni divyāni kāmodāyā na saṃśayaḥ |
hṛdyāni pītapuṣpāṇi saurabheṇa yutāni ca || 33 ||
[Analyze grammar]
tenāpyekena puṣpeṇa yaḥ samarcati śaṃkaram |
tasyepsitaṃ mahākāmaṃ saṃpūrayati śaṃkaraḥ || 34 ||
[Analyze grammar]
asyāśca rodanāddaitya prabhavaṃti na saṃśayaḥ |
tādṛśānyeva puṣpāṇi lohitāni mahāṃti ca || 35 ||
[Analyze grammar]
saurabheṇa vinā daitya teṣāṃ sparśaṃ na kārayet |
evamākarṇitaṃ tena vākyaṃ śukrasya bhāṣitam || 36 ||
[Analyze grammar]
uvāca sā tu kutrāsti kāmodā bhṛgunaṃdana |
śukra uvāca |
gaṃgādvāre mahāpuṇye mahāpātakanāśane || 37 ||
[Analyze grammar]
kāmodākhyaṃ puraṃ tatra nirmitaṃ viśvakarmaṇā |
kāmodapattane nārī divyabhogairalaṃkṛtā || 38 ||
[Analyze grammar]
tathā cābharaṇairbhāti sarvadevaiḥ supūjitā |
tvayā tatraiva gaṃtavyaṃ pūjitavyā varāpsarāḥ || 39 ||
[Analyze grammar]
upāyenāpi puṇyena tāṃ prahāsaya dānava |
evamuktvā tu yogīṃdra saḥ śukro dānavaṃ prati || 40 ||
[Analyze grammar]
virarāma mahātejāḥ svakāryāyodyato'bhavat || 41 ||
[Analyze grammar]
Other editions:
Also see the following editions of the Sanskrit text or (alternative) English translations of the Padma Purana Chapter 118
Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)
Sanskrit Text and Hindi Translation with Sloka Index (Set of 7 Volumes)
Buy now!
Padma Purana (In Six Volumes)
by Chowkhamba Sanskrit Series Office (2007)
Sanskrit Text Only
Buy now!
Sri Padma Purana (Tamil)
by Azhwargal Aaivu Maiyam, Chennai (2015)
Translated by S. Jagatrakshgan
Buy now!