Chapter 117

[English text for this chapter is available]

kuṃjala uvāca |
nahuṣaḥ priyayā sārddhaṃ tayā caiva saraṃbhayā |
aiṃdreṇāpi sa divyena syaṃdanena vareṇa ca || 1 ||
[Analyze grammar]

nāgāhvayaṃ puraṃ prāptaḥ sarvaśobhāsamanvitam |
divyairmaṃgalakairyuktaṃ bhavanairupaśobhitam || 2 ||
[Analyze grammar]

hematoraṇasaṃyuktaṃ patākābhiralaṃkṛtam |
nānāvāditranādaiśca baṃdicāraṇaśobhitam || 3 ||
[Analyze grammar]

devarūpopamaiḥ puṇyaiḥ puruṣaiḥ samalaṃkṛtam |
nārībhirdivyarūpābhirgajāśvaiḥ syaṃdanaistathā || 4 ||
[Analyze grammar]

nānāmaṃgalaśabdaiśca vedadhvanisamākulam |
gītavāditraśabdaiśca vīṇāveṇusvanaistataḥ || 5 ||
[Analyze grammar]

sarvaśobhāsamākīrṇaṃ viveśa sa purottamam |
vedamaṃgalaghoṣaiśca brāhmaṇaiścaiva pūjitaḥ || 6 ||
[Analyze grammar]

dadṛśe pitaraṃ vīro mātaraṃ ca supuṇyakām |
harṣeṇa mahatāviṣṭaḥ pituḥ pādau nanāma saḥ || 7 ||
[Analyze grammar]

aśokasuṃdarī sā tu tayoḥ pādau punaḥ punaḥ |
nanāma bhaktyā bhāvena ubhayoḥ sā varānanā || 8 ||
[Analyze grammar]

raṃbhā ca sā nanāmātha prītiṃ caivāpyadarśayat |
namaskṛtvā samābhāṣya svaguruṃ nṛpanaṃdanaḥ || 9 ||
[Analyze grammar]

anāmayaṃ ca papraccha mātaraṃ pitaraṃ prati |
evamukto mahābhāgaḥ sānaṃdapulakodgamaḥ || 10 ||
[Analyze grammar]

āyuruvāca |
adyaiva vyādhayo naṣṭā duḥkhaśokāvubhau gatau |
bhavato darśanātputra sutuṣṭyā hṛṣyate jagat || 11 ||
[Analyze grammar]

kṛtakṛtyosmi saṃjātastvayi jāte mahaujasi |
svavaṃśoddharaṇaṃ kṛtvā ahameva samuddhṛtaḥ || 12 ||
[Analyze grammar]

iṃdumatyuvāca |
parvaṇi prāpya iṃdostu tejo dṛṣṭvā mahodadhiḥ |
vṛddhiṃ yāti mahābhāga tathāhaṃ tava darśanāt || 13 ||
[Analyze grammar]

varddhitāsmi suhṛṣṭāsmi ānaṃdena samākulā |
darśanātte mahāprājña dhanyā jātāsmi mānada || 14 ||
[Analyze grammar]

evaṃ saṃbhāṣya taṃ putramāliṃgya tanayottamam |
śiraścāghrāya tasyāpi vatsaṃ dhenuryathā svakam || 15 ||
[Analyze grammar]

abhinaṃdya sutaṃ prāptaṃ nahuṣaṃ devarūpiṇam |
āśīrbhiścārcayaddevī puṇyā iṃdumatī tadā || 16 ||
[Analyze grammar]

sūta uvāca |
athāsau mātaraṃ puṇyāṃ devīmiṃdumatīṃ sutaḥ |
kathayāmāsa vṛttāṃtaṃ yathāharaṇamātmanaḥ || 17 ||
[Analyze grammar]

svabhāryāyāstathotpattiṃ prāptiṃ caiva mahāyaśāḥ |
huṃḍenāpi yathā yuddhaṃ huṃḍasyāpi nipātanam || 18 ||
[Analyze grammar]

samāsena samastaṃ tadākhyātaṃ svayameva hi |
mātāpitroryathā vṛttaṃ tayorānaṃdadāyakam || 19 ||
[Analyze grammar]

mātāpitarāvākarṇya putrasya vikramodyamam |
harṣeṇa mahatāviṣṭau saṃjātau pūrṇamānasau || 20 ||
[Analyze grammar]

nahuṣo dhanurādāya iṃdrasya syaṃdanena vai |
jigāya pṛthivīṃ sarvāṃ saptadvīpāṃ sapattanām || 21 ||
[Analyze grammar]

pitre samarpayāmāsa vasupūrṇāṃ vasuṃdharām |
pitaraṃ harṣayannityaṃ dānadharmaiḥ sukarmabhiḥ || 22 ||
[Analyze grammar]

pitaraṃ yājayāmāsa rājasūyādibhistadā |
mahāyajñaiśca dānaiśca vratairniyamasaṃyamaiḥ || 23 ||
[Analyze grammar]

sudānairyaśasā puṇyairyajñaiḥ puṇyamahodayaiḥ |
susaṃpūrṇau kṛtau tau tu pitarau cāyusūnunā || 24 ||
[Analyze grammar]

atha devāḥ samāgatya nāgāhvayaṃ purottamam |
abhyaṣiṃcanmahātmānaṃ nahuṣaṃ vīramardanam || 25 ||
[Analyze grammar]

munibhiśca susiddhaiśca āyunā tena bhūbhujā |
abhiṣiṃcya svarājye taṃ sametaṃ śivakanyayā || 26 ||
[Analyze grammar]

bhāryāyuktaḥ svakāyena āyu rājā mahāyaśāḥ |
divaṃ jagāma dharmātmā devaiḥ siddhaiḥ supūjitaḥ || 27 ||
[Analyze grammar]

aiṃdraṃ padaṃ parityajya brahmalokaṃ gataḥ punaḥ |
haralokaṃ jagāmātha munibhirdevapūjitaḥ || 28 ||
[Analyze grammar]

svakarmabhirmahārājaḥ putrasyāpi sutejasā |
harerlokaṃ gataḥ puṇyairnivasatyeṣa bhūpatiḥ || 29 ||
[Analyze grammar]

puruṣaiḥ puṇyakarmākhyairīdṛśaṃ puṇyamuttamam |
janitavyaṃ mahābhāga kimanyaiḥ śokakārakaiḥ || 30 ||
[Analyze grammar]

yathā jātaḥ sa dharmātmā nahuṣaḥ pitṛtārakaḥ |
kulasya dharttā sarvasya nahuṣo jñānapaṃḍitaḥ || 31 ||
[Analyze grammar]

etatte sarvamākhyātaṃ caritraṃ tasya bhūpateḥ |
anyatkiṃ te pravakṣyāmi vada putra kapiṃjala || 32 ||
[Analyze grammar]

evaṃvidhaṃ puṇyamayaṃ pavitraṃ caritrametadyaśasā sametam |
āyoḥ sutasyāpi śṛṇoti martyo bhogānsa bhuktvaiti padaṃ murāreḥ || 33 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre nahuṣākhyāne saptadaśādhikaśatatamo'dhyāyaḥ || 117 ||
[Analyze grammar]