Chapter 104

[English text for this chapter is available]

kuṃjala uvāca |
gate tasminmahābhāge dattātreye mahāmunau |
ājagāma mahārāja āyuśca svapuraṃ prati || 1 ||
[Analyze grammar]

iṃdumatyā gṛhaṃ hṛṣṭaḥ praviveśa śriyānvitam |
sarvakāmasamṛddhārthamiṃdrasya sadanopamam || 2 ||
[Analyze grammar]

rājyaṃ cakre sa medhāvī yathā svarge puraṃdaraḥ |
svarbhānusutayā sārddhamiṃdumatyā dvijottama || 3 ||
[Analyze grammar]

sā ca iṃdumatī rājñī garbhamāpa phalāśanāt |
dattātreyasya vacanāddivyatejaḥ samanvitam || 4 ||
[Analyze grammar]

iṃdumatyā mahābhāga svapnaṃ dṛṣṭamanuttamam |
rātrau divānvitaṃ tāta bahumaṃgaladāyakam || 5 ||
[Analyze grammar]

gṛhāṃtare viśaṃtaṃ ca puruṣaṃ sūryasannibham |
muktāmālānvitaṃ vipraṃ śvetavastreṇaśobhitam || 6 ||
[Analyze grammar]

śvetapuṣpakṛtāmālā tasya kaṃṭhe virājate |
sarvābharaṇaśobhāṃgo divyagaṃdhānulepanaḥ || 7 ||
[Analyze grammar]

caturbhujaḥ śaṃkhapāṇirgadācakrāsidhārakaḥ |
chatreṇa dhriyamāṇena caṃdrabiṃbānukāriṇā || 8 ||
[Analyze grammar]

śobhamāno mahātejā divyābharaṇabhūṣitaḥ |
hārakaṃkaṇakeyūra nūpurābhyāṃ virājitaḥ || 9 ||
[Analyze grammar]

caṃdrabiṃbānukārābhyāṃ kuṃḍalābhyāṃ virājitaḥ |
evaṃvidho mahāprājño naraḥ kaścitsamāgataḥ || 10 ||
[Analyze grammar]

iṃdumatīṃ samāhūya snāpitā payasā tadā |
śaṃkhena kṣīrapūrṇena śaśivarṇena bhāminī || 11 ||
[Analyze grammar]

ratnakāṃcanabaddhena saṃpūrṇena punaḥ punaḥ |
śvetaṃ nāgaṃ surūpaṃ ca sahasraśirasaṃ varam || 12 ||
[Analyze grammar]

mahāmaṇiyutaṃ dīptaṃ dhāmajvālāsamākulam |
kṣiptaṃ tena mukhaprāṃte dattaṃ muktāphalaṃ punaḥ || 13 ||
[Analyze grammar]

kaṃṭhe tasyāḥ sa deveśa iṃdumatyā mahāyaśāḥ |
padmaṃ haste tato datvā svasthānaṃ prati jagmivān || 14 ||
[Analyze grammar]

evaṃvidhaṃ mahāsvapnaṃ tayā dṛṣṭaṃ sutottamam |
samācaṣṭa mahābhāgā āyuṃ bhūmipatīśvaram || 15 ||
[Analyze grammar]

samākarṇya mahārājaściṃtayāmāsa vai punaḥ |
samāhūya guruṃ paścātkathitaṃ svapnamuttamam || 16 ||
[Analyze grammar]

śaunakaṃ sumahābhāgaṃ sarvajñaṃ jñānināṃ varam |
rājovāca |
adya rātrau mahābhāga mama patnyā dvijottama || 17 ||
[Analyze grammar]

vipro gehaṃ viśandṛṣṭaḥ kimidaṃ svapnakāraṇam |
śaunaka uvāca |
varo dattastu te pūrvaṃ dattātreyeṇa dhīmatā || 18 ||
[Analyze grammar]

ādiṣṭaṃ ca phalaṃ rājñāṃ suguṇaṃ sutahetave |
tatphalaṃ kiṃ kṛtaṃ rājankasmai tvayā niveditam || 19 ||
[Analyze grammar]

subhāryāyai mayā dattamiti rājñoditaṃ vacaḥ |
śrutvovāca mahāprājñaḥ śaunako dvijasattamaḥ || 20 ||
[Analyze grammar]

dattātreyaprasādena tava gehe sutottamaḥ |
vaiṣṇavāṃśena saṃyukto bhaviṣyati na saṃśayaḥ || 21 ||
[Analyze grammar]

svapnasya kāraṇaṃ rājannetatte kathitaṃ mayā |
iṃdropeṃdra samaḥ putro divyavīryo bhaviṣyati || 22 ||
[Analyze grammar]

putraste sarvadharmātmā somavaṃśasya varddhanaḥ |
dhanurvede ca vede ca saguṇosau bhaviṣyati || 23 ||
[Analyze grammar]

evamuktvā sa rājānaṃ śaunako gatavāngṛham |
harṣeṇa mahatāviṣṭo rājābhūtpriyayā saha || 24 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre caturadhikaśatatamo'dhyāyaḥ || 104 ||
[Analyze grammar]