Chapter 103

[English text for this chapter is available]

kuṃjala uvāca |
aśokasuṃdarī jātā sarvayoṣidvarā tadā |
reme sunaṃdane puṇye sarvakāmaguṇānvite || 1 ||
[Analyze grammar]

surūpābhiḥ sukanyābhirdevānāṃ cāruhāsinī |
sarvānbhogānprabhuṃjānā gītanṛtyavicakṣaṇā || 2 ||
[Analyze grammar]

vipracitteḥ suto huṃḍo raudrastīvraśca sarvadā |
svecchācāro mahākāmī naṃdanaṃ praviveśa ha || 3 ||
[Analyze grammar]

aśokasuṃdarīṃ dṛṣṭvā sarvālaṃkārasaṃyutām |
tasyāstu darśanāddaityo viddhaḥ kāmasya mārgaṇaiḥ || 4 ||
[Analyze grammar]

tāmuvāca mahākāyaḥ kā tvaṃ kasyāsi vā śubhe |
kasmāttvaṃ kāraṇāccātra āgatāsi vanottamam || 5 ||
[Analyze grammar]

aśokasuṃdaryuvāca |
śivasyāpi supuṇyasya sutāhaṃ śṛṇu sāṃpratam |
svasāhaṃ kārtikeyasya jananī gotrajāpi me || 6 ||
[Analyze grammar]

bālabhāvena saṃprāptā līlayā naṃdanaṃ vanam |
bhavānkohi kimarthaṃ tu māmevaṃ paripṛcchati || 7 ||
[Analyze grammar]

huṃḍa uvāca |
vipracitteḥ sutaścāhaṃ guṇalakṣaṇasaṃyutaḥ |
huṃḍeti nāmnā vikhyāto balavīryamadoddhataḥ || 8 ||
[Analyze grammar]

daityānāmapyahaṃ śreṣṭho matsamo nāsti rākṣasaḥ |
deveṣu martyalokeṣu tapasā yaśasā kule || 9 ||
[Analyze grammar]

anyeṣu nāgalokeṣu dhanabhogairvarānane |
darśanātte viśālākṣi hataḥ kaṃdarpamārgaṇaiḥ || 10 ||
[Analyze grammar]

śaraṇaṃ te hyahaṃ prāptaḥ prasādasumukhī bhava |
bhava svavallabhā bhāryā mama prāṇasamā priyā || 11 ||
[Analyze grammar]

aśokasuṃdaryuvāca |
śrūyatāmabhidhāsyāmi sarvasaṃbaṃdhakāraṇam |
bhavitavyā sujātasya loke strī puruṣasya hi || 12 ||
[Analyze grammar]

bhavitavyastathā bhartā striyā yaḥ sadṛśo guṇaiḥ |
saṃsāre lokamārgoyaṃ śṛṇu huṃḍa yathāvidhi || 13 ||
[Analyze grammar]

astyeva kāraṇaṃ cātra yathā tena bhavāmyaham |
subhāryā daityarājeṃdra śṛṇuṣva yatamānasaḥ || 14 ||
[Analyze grammar]

vṛkṣarājādahaṃ jātā yadā kāle mahāmate |
śaṃbhorbhāvaṃ susaṃgṛhya pārvatyā kalpitā hyaham || 15 ||
[Analyze grammar]

devasyānumate devyā sṛṣṭo bhartā mamaiva hi |
somavaṃśe mahāprājñaḥ sa dharmātmā bhaviṣyati || 16 ||
[Analyze grammar]

jiṣṇurjiṣṇusamo vīrye tejasā pāvakopamaḥ |
sarvajñaḥ satyasaṃdhaśca tyāge vaiśravaṇopamaḥ || 17 ||
[Analyze grammar]

yajvā dānapatiḥ sopi rūpeṇa manmathopamaḥ |
nahuṣonāma dharmātmā guṇaśīla mahānidhiḥ || 18 ||
[Analyze grammar]

devyā devena me dattaḥkhyātobhartābhaviṣyati |
tasmātsarvaguṇopetaṃ putramāpsyāmi suṃdaram || 19 ||
[Analyze grammar]

iṃdropeṃdra samaṃ loke yayātiṃ janavallabham |
lapsyāmyahaṃ raṇe dhīraṃ tasmācchaṃbhoḥ prasādataḥ || 20 ||
[Analyze grammar]

ahaṃ pativratā vīra parabhāryā viśeṣataḥ |
atastvaṃ sarvathā huṃḍa tyaja bhrāṃtimito vraja || 21 ||
[Analyze grammar]

prahasyaiva vaco brūte aśokasuṃdarīṃ prati |
huṃḍa uvāca |
naiva yuktaṃ tvayā proktaṃ devyā devena caiva hi || 22 ||
[Analyze grammar]

nahuṣonāma dharmātmā somavaṃśe bhaviṣyati |
bhavatī vayasā śreṣṭhā kaniṣṭho na sa yujyate || 23 ||
[Analyze grammar]

kaniṣṭhā strī praśastā tu puruṣo na praśasyate |
kadā sa puruṣo bhadre tava bhartā bhaviṣyati || 24 ||
[Analyze grammar]

tāruṇyaṃ yauvanaṃ cāpi nāśamevaṃ prayāsyati |
yauvanasya balenāpi rūpavatyaḥ sadā striyaḥ || 25 ||
[Analyze grammar]

puruṣāṇāṃ vallabhatvaṃ prayāṃti varavarṇini |
tāruṇyaṃ hi mahāmūlaṃ yuvatīnāṃ varānane || 26 ||
[Analyze grammar]

tasyā dhāreṇa bhuṃjaṃti bhogānkāmānmanonugān |
kadā sobhyeṣyate bhadre āyoḥ putraḥ śṛṇuṣva me || 27 ||
[Analyze grammar]

yauvanaṃ vartate'dyaiva vṛthā caiva bhaviṣyati |
garbhatvaṃ ca śiśutvaṃ ca kaumāraṃ ca niśāmaya || 28 ||
[Analyze grammar]

kadāsau yauvanopetastava yogyo bhaviṣyati |
yauvanasya prabhāvena pibasva madhumādhavīm || 29 ||
[Analyze grammar]

mayā saha viśālākṣi ramasva tvaṃ sukhena vai |
huṃḍasya vacanaṃ śrutvā śivasya tanayā punaḥ || 30 ||
[Analyze grammar]

uvāca dānaveṃdraṃ taṃ sādhvasena samanvitā |
aṣṭāviṃśatike prāpte dvāparākhye yuge tadā || 31 ||
[Analyze grammar]

śeṣāvatāro dharmātmā vasudevasuto balaḥ |
revatasya sutāṃ divyāṃ bhāryāṃ sa ca kariṣyati || 32 ||
[Analyze grammar]

sāpi jātā mahābhāga kṛtākhye hi yugottame |
yugatrayapramāṇena sā hi jyeṣṭhā balādapi || 33 ||
[Analyze grammar]

balasya sā priyā jātā revatī prāṇasaṃmitā |
bhaviṣyadvāpare prāpta iha sā tu bhaviṣyati || 34 ||
[Analyze grammar]

māyāvatī purā jātā gaṃdharvatanayā varā |
apahṛtya niyamyaiva śaṃbaro dānavottamaḥ || 35 ||
[Analyze grammar]

tasyā bhartā samākhyāto mādhavasya suto balī |
pradyumno nāma vīreśo yādaveśvaranaṃdanaḥ || 36 ||
[Analyze grammar]

tasminyuge bhaviṣyeta bhāvyaṃ dṛṣṭaṃ purātanaiḥ |
vyāsādibhirmahābhāgairjñānavadbhirmahātmabhiḥ || 37 ||
[Analyze grammar]

evaṃ hi dṛśyate daitya vākyaṃ devyā tadoditam |
māṃ prati hi jagaddhātryā putryā himavatastadā || 38 ||
[Analyze grammar]

tvaṃ tu lobhena kāmena lubdho vadasi duṣkṛtam |
kilbiṣeṇa samājuṣṭaṃ vedaśāstravivarjitam || 39 ||
[Analyze grammar]

yadyasyadiṣṭamevāsti śubhaṃ vāpyaśubhaṃ dṛḍham |
pūrvakarmānusāreṇa tattasya parijāyate || 40 ||
[Analyze grammar]

devānāṃ brāhmaṇānāṃ ca vadane yatsubhāṣitam |
niḥsaredyadi satyaṃ tadanyathā naiva jāyate || 41 ||
[Analyze grammar]

madbhāgyādevamājñātaṃ nahuṣasyāpi tasya ca |
samāyogaṃ vicāryaivaṃ devyā proktaṃ śivena ca || 42 ||
[Analyze grammar]

evaṃ jñātvā śamaṃ gaccha tyaja bhrāṃtiṃ manaḥsthitām |
naiva śakto bhavāndaitya me manaścālituṃ dhruvam || 43 ||
[Analyze grammar]

pativratā dṛḍhā citte sa ko me cālituṃ kṣamaḥ |
mahāśāpena dhakṣyāmi ito gaccha mahāsura || 44 ||
[Analyze grammar]

evamākarṇya tadvākyaṃ huṃḍo vai dānavo balī |
manasā ciṃtayāmāsa kathaṃ bhāryā bhavediyam || 45 ||
[Analyze grammar]

viciṃtya huṃḍo māyāvī aṃtardhānaṃ samāgataḥ |
tato niṣkramya vegena tasmātsthānādvihāya tām |
anyasmindivase prāpte māyāṃ kṛtvā tamomayīm || 46 ||
[Analyze grammar]

divyaṃ māyāmayaṃ rūpaṃ kṛtvā nāryāstu dānavaḥ |
māyayā kanyakā rūpo babhūva mama naṃdana || 47 ||
[Analyze grammar]

sā kanyāpi varārohā māyārūpāgamattataḥ |
hāsyalīlā samāyuktā yatrāste bhavanaṃdinī || 48 ||
[Analyze grammar]

uvāca vākyaṃ snigdheva aśokasuṃdarīṃ prati |
kāsi kasyāsi subhage tiṣṭhasi tvaṃ tapovane || 49 ||
[Analyze grammar]

kimarthaṃ kriyate bāle kāmaśoṣaṇakaṃ tapaḥ |
tanmamācakṣva subhage kiṃnimittaṃ suduṣkaram || 50 ||
[Analyze grammar]

tanniśamya śubhaṃ vākyaṃ dānavenāpi bhāṣitam |
māyārūpeṇa channena sābhilāṣeṇa satvaram || 51 ||
[Analyze grammar]

ātmasṛṣṭi suvṛttāṃtaṃ pravṛttaṃ tu yathā purā |
tapasaḥ kāraṇaṃ sarvaṃ samācaṣṭa suduḥkhitā || 52 ||
[Analyze grammar]

upaplavaṃ tu tasyāpi dānavasya durātmanaḥ |
māyārūpaṃ na jānāti sauhṛdātkathitaṃ tayā || 53 ||
[Analyze grammar]

huṃḍa uvāca |
pativratāsi he devi sādhuvrataparāyaṇā |
sādhuśīlasamācārā sādhucārā mahāsatī || 54 ||
[Analyze grammar]

ahaṃ pativratā bhadre pativrataparāyaṇā |
tapaścarāmi subhage bharturarthe mahāsatī || 55 ||
[Analyze grammar]

mama bhartā hatastena huṃḍenāpi durātmanā |
tasya nāśāya vai ghoraṃ tapasyāmi mahattapaḥ || 56 ||
[Analyze grammar]

ehi me svāśrame puṇye gaṃgātīre vasāmyaham |
anyairmanoharairvākyairuktā pratyayakārakaiḥ || 57 ||
[Analyze grammar]

huṃḍena sakhibhāvena mohitā śivanaṃdinī |
samākṛṣṭā suvegena mahāmohena mohitā || 58 ||
[Analyze grammar]

ānītātmagṛhaṃ divyamanaupamyaṃ suśobhanam |
merostu śikhare putra vaiḍūryākhyaṃ purottamam || 59 ||
[Analyze grammar]

asti sarvaguṇopetaṃ kāṃcanākhyaṃ mahāśivam |
tuṃgaprāsādasaṃbādhaiḥ kalaśairdaṃḍacāmaraiḥ || 60 ||
[Analyze grammar]

nānavṛkṣasamopetairvanairnīlairghanopamaiḥ |
vāpīkūpataḍāgaiśca nadībhistu jalāśayaiḥ || 61 ||
[Analyze grammar]

śobhamānaṃ mahāratnaiḥ prākārairhemasaṃyataiḥ |
sarvakāmasamṛddhārthaṃ saṃpūrṇaṃ dānavasya hi || 62 ||
[Analyze grammar]

dadṛśe sā puraṃ ramyamaśokasuṃdarī tadā |
kasya devasya saṃsthānaṃ kathayasva sakhe mama || 63 ||
[Analyze grammar]

sovāca dānaveṃdrasya dṛṣṭapūrvasya vai tvayā |
tasya sthānaṃ mahābhāge so'haṃ dānavapuṃgavaḥ || 64 ||
[Analyze grammar]

mayā tvaṃ tu samānītā māyayā varavarṇini |
tāmābhāṣya gṛhaṃ nītā śātakauṃbhaṃ suśobhanam || 65 ||
[Analyze grammar]

nānāveśmaiḥ samājuṣṭaṃ kailāsaśikharopamam |
niveśya suṃdarīṃ tatra dolāyāṃ kāmapīḍitaḥ || 66 ||
[Analyze grammar]

punaḥ svarūpī daityeṃdraḥ kāmabāṇaprapīḍitaḥ |
karasaṃpuṭamābadhya uvāca vacanaṃ tadā || 67 ||
[Analyze grammar]

yaṃ yaṃ tvaṃ vāṃchase bhadre taṃ taṃ dadmi na saṃśayaḥ |
bhaja māṃ tvaṃ viśālākṣi bhajaṃtaṃ kāmapīḍitam || 68 ||
[Analyze grammar]

śrīdevyuvāca |
naiva cālayituṃ śakto bhavānmāṃ dānaveśvaraḥ |
manasāpi na vai dhāryaṃ mama mohaṃ samāgatam || 69 ||
[Analyze grammar]

bhavādṛśairmahāpāpairdevairvā dānavādhamaiḥ |
duṣprāpyāhaṃ na saṃdeho mā vadasva punaḥ punaḥ || 70 ||
[Analyze grammar]

skaṃdānujā sā tapasābhiyuktā jājvalyamānā mahatā ruṣā ca |
saṃhartukāmā pari dānavaṃ taṃ kālasya jihveva yathā sphuraṃtī || 71 ||
[Analyze grammar]

punaruvāca sā devī tamevaṃ dānavādhamam |
ugraṃ karma kṛtaṃ pāpa cātmanāśanahetave || 72 ||
[Analyze grammar]

ātmavaṃśasya nāśāya svajanasyāsya vai tvayā |
dīptā svagṛhamānītā suśikhā kṛṣṇavartmanaḥ || 73 ||
[Analyze grammar]

yathā'śubhaḥ kūṭapakṣī sarvaśokaiḥ samudgataḥ |
gṛhaṃ tu viśate yasya tasya nāśaṃ prayacchati || 74 ||
[Analyze grammar]

svajanasya ca sarvasya sadhanasya kulasya ca |
sa dvijo nāśamiccheta viśatyeva yadā gṛham || 75 ||
[Analyze grammar]

tathā tehaṃ gṛhaṃ prāptā tava nāśaṃ samīhatī |
putrāṇāṃ dhanadhānyasya tava vaṃśasya sāṃpratam || 76 ||
[Analyze grammar]

jīvaṃ kulaṃ dhanaṃ dhānyaṃ putrapautrādikaṃ tava |
sarvaṃ te nāśayitvāhaṃ yāsyāmi ca na saṃśayaḥ || 77 ||
[Analyze grammar]

yathā tvayāhamānītā caraṃtī paramaṃ tapaḥ |
patikāmā pravāṃcchaṃtī nahuṣaṃ cāyunaṃdanam || 78 ||
[Analyze grammar]

tathā tvāṃ mama bhartā ca nāśayiṣyati dānava |
mannimittaupāyo'yaṃ dṛṣṭo devena vai purā || 79 ||
[Analyze grammar]

satyeyaṃ laukikī gāthā yāṃ gāyaṃti vido janāḥ |
pratyakṣaṃ dṛśyate loke na viṃdaṃti kubuddhayaḥ || 80 ||
[Analyze grammar]

yena yatra prabhoktavyaṃ yasmādduḥkhasukhādikam |
sa eva bhuṃjate tatra tasmādeva na saṃśayaḥ || 81 ||
[Analyze grammar]

karmaṇosya phalaṃ bhuṃkṣva svakīyasya mahītale |
yāsyase nirayasthānaṃ paradārābhimarśanāt || 82 ||
[Analyze grammar]

sutīkṣṇaṃ hi sudhāraṃ tu sukhaḍgaṃ ca vighaṭṭati |
aṃgulyagreṇa kopāya tathā māṃ viddhi sāṃpratam || 83 ||
[Analyze grammar]

siṃhasya saṃmukhaṃ gatvā kruddhasya garjitasya ca |
ko lunāti mukhātkeśānsāhasākārasaṃyutaḥ || 84 ||
[Analyze grammar]

satyācārāṃ damopetāṃ niyatāṃ tapasi sthitām |
nidhanaṃ cecchate yo vai sa vai māṃ bhoktumicchati || 85 ||
[Analyze grammar]

samaṇiṃ kṛṣṇasarpasya jīvamānasya sāṃpratam |
gṛhītumicchate so hi yathā kālena preṣitaḥ || 86 ||
[Analyze grammar]

bhavāṃstu preṣito mūḍha kālena kālamohitaḥ |
tadā te īdṛśī jātā kumatiḥ kiṃ napaśyasi || 87 ||
[Analyze grammar]

ṛte tu āyuputreṇa samālokayate hi kaḥ |
anyo hi nidhanaṃ yāti mamarūpāvalokanāt || 88 ||
[Analyze grammar]

evamābhāṣayitvā taṃ gaṃgātīraṃ gatā satī |
saśokā duḥkhasaṃvignā niyatāni yamānvitā || 89 ||
[Analyze grammar]

pūrvamācaritaṃ ghoraṃ patikāmanayā tapaḥ |
tava nāśārthamicchaṃtī cariṣye dāruṇaṃ punaḥ || 90 ||
[Analyze grammar]

yadā tvāṃ nihataṃ duṣṭaṃ nahuṣeṇa mahātmanā |
niśitairvajrasaṃkāśairbāṇairāśīviṣopamaiḥ || 91 ||
[Analyze grammar]

raṇe nipatitaṃ pāpa muktakeśaṃ salohitam |
gatāsuṃ ca prapaśyāmi tadā yāsyāmyahaṃ patim || 92 ||
[Analyze grammar]

evaṃ suniyamaṃ kṛtvā gaṃgātīramanuttamam |
saṃsthitā huṃḍanāśāya niścalā śivanaṃdinī || 93 ||
[Analyze grammar]

vahneryathādīptimatī śikhojjvalā tejobhiyuktā pradahetsulokān |
krodhena dīptā vibudheśaputrī gaṃgātaṭe duścaramācarattapaḥ || 94 ||
[Analyze grammar]

kuṃjala uvāca |
evamuktā mahābhāga śivasya tanayā gatā |
gaṃgāṃbhasi tataḥ snātvā svapure kāṃcanāhvaye || 95 ||
[Analyze grammar]

tapaścacāra tanvaṃgī huṃḍasya vadhahetave |
aśokasuṃdarī bālā satyena ca samanvitā || 96 ||
[Analyze grammar]

huṃḍopi duḥkhitobhūtaḥ śāpadagdhena cetasā |
ciṃtayāmāsa saṃtapta atīva vacanānalaiḥ || 97 ||
[Analyze grammar]

samāhūya amātyaṃ taṃ kaṃpanākhyamathābravīt |
samācaṣṭa sa vṛttāṃtaṃ tasyāḥ śāpodbhavaṃ mahat || 98 ||
[Analyze grammar]

śaptosmyaśokasuṃdaryā śivasyāpi sukanyayā |
nahuṣasyāpi me bharttustvaṃ tu hastānmariṣyasi || 99 ||
[Analyze grammar]

naiva jātastvasau garbha āyorbhāryā ca gurviṇī |
yathā satyādvyalīkastu tasyāḥ śāpastathā kuru || 100 ||
[Analyze grammar]

kaṃpana uvāca |
apahṛtya priyāṃ tasya āyoścāpi samānaya |
anenāpi prakāreṇa tava śatrurna jāyate || 101 ||
[Analyze grammar]

no vā prapātayasva tvaṃ garbhaṃ tasyāḥ prabhīṣaṇaiḥ |
anenāpi prakāreṇa tava śatrurna jāyate || 102 ||
[Analyze grammar]

janmakālaṃ pratīkṣasva nahuṣasya durātmanaḥ |
apahṛtya samānīya jahi tvaṃ pāpacetanam || 103 ||
[Analyze grammar]

evaṃ saṃmaṃtrya tenāpi kaṃpanena sa dānavaḥ |
abhūtsa udyamopeto nahuṣasya praṇāśane || 104 ||
[Analyze grammar]

viṣṇuruvāca |
elaputro mahābhāga āyurnāma kṣitīśvaraḥ |
sārvabhaumaḥ sa dharmātmā satyavrataparāyaṇaḥ || 105 ||
[Analyze grammar]

iṃdropeṃdrasamo rājā tapasā yaśasā balaiḥ |
dānayajñaiḥ supuṇyaiśca satyena niyamena ca || 106 ||
[Analyze grammar]

ekacchatreṇa vai rājyaṃ cakre bhūpatisattamaḥ |
pṛthivyāṃ sarvadharmajñaḥ somavaṃśasya bhūṣaṇam || 107 ||
[Analyze grammar]

putraṃ na viṃdate rājā tena duḥkhī vyajāyata |
ciṃtayāmāsa dharmātmā kathaṃ me jāyate sutaḥ || 108 ||
[Analyze grammar]

iti ciṃtāṃ samāpede āyuśca pṛthivīpatiḥ |
putrārthaṃ paramaṃ yatnamakarotsusamāhitaḥ || 109 ||
[Analyze grammar]

atriputro mahātmā vai dattātreyo mahāmuniḥ |
krīḍamānaḥ striyā sārddhaṃ madirāruṇalocanaḥ || 110 ||
[Analyze grammar]

vāruṇyā matta dharmātmā strīvṛṃdaiśca samāvṛtaḥ |
aṃke yuvatimādhāya sarvayoṣidvarāṃ śubhām || 111 ||
[Analyze grammar]

gāyate nṛtyate vipraḥ surāṃ ca pibate bhṛśam |
vinā yajñopavītena mahāyogīśvarottamaḥ || 112 ||
[Analyze grammar]

puṣpamālābhirdivyābhirmuktāhāraparicchadaiḥ |
caṃdanāgurudigdhāṃgo rājamāno munīśvaraḥ || 113 ||
[Analyze grammar]

tasyāśramaṃ nṛpo gatvā taṃ dṛṣṭvā dvijasattamam |
praṇāmamakaronmūrdhnā daṇḍavatsusamāhitaḥ || 114 ||
[Analyze grammar]

atriputraḥ sa dharmātmā samālokya nṛpottamam |
āgataṃ purato bhaktyā atha dhyānaṃ samāsthitaḥ || 115 ||
[Analyze grammar]

evaṃ varṣaśataṃ prāptaṃ tasya bhūpasya sattama |
niścalaṃ śāṃtimāpannaṃ mānasaṃ bhaktitatparam || 116 ||
[Analyze grammar]

samāhūya uvācedaṃ kimarthaṃ kliśyase nṛpa |
brahmācāreṇa hīnosmi brahmatvaṃ nāsti me kadā || 117 ||
[Analyze grammar]

surāmāṃsapralubdho'smi striyāsaktaḥ sadaiva hi |
varadāne na me śaktiranyaṃ śuśrūṣa brāhmaṇam || 118 ||
[Analyze grammar]

āyuruvāca |
bhavādṛśo mahābhāga nāsti brāhmaṇasattamaḥ |
sarvakāmapradātā vai trailokye parameśvaraḥ || 119 ||
[Analyze grammar]

atrivaṃśe mahābhāga goviṃdaḥ parameśvaraḥ |
brāhmaṇasya svarūpeṇa bhavānvai garuḍadhvajaḥ || 120 ||
[Analyze grammar]

namo'stu devadeveśa namo'stu parameśvara |
tvāmahaṃ śaraṇaṃ prāptaḥ śaraṇāgatavatsala || 121 ||
[Analyze grammar]

uddharasva hṛṣīkeśa māyāṃ kṛtvā pratiṣṭhasi |
viśvasthānāṃ prajānāṃ tu vidvāṃsaṃ viśvanāyakam || 122 ||
[Analyze grammar]

jānāmyahaṃ jagannāthaṃ bhavaṃtaṃ madhusūdanam |
māmeva rakṣa goviṃda viśvarūpa namostu te || 123 ||
[Analyze grammar]

kuṃjala uvāca |
gate bahutithe kāle dattātreyo nṛpottamam |
uvāca mattarūpeṇa kuruṣva vacanaṃ mama || 124 ||
[Analyze grammar]

kapāle me surāṃ dehi pācitaṃ māṃsabhojanam |
evamākarṇya tadvākyaṃ sa cāyuḥ pṛthivīpatiḥ || 125 ||
[Analyze grammar]

utsukastu kapālena surāmāhṛtya vegavān |
palaṃ supācitaṃ caiva cchittvā hastena satvaram || 126 ||
[Analyze grammar]

nṛpeṃdraḥ pradadau cāpi dattātreyāya sattama |
atha prasannacetāḥ sa saṃjāto munipuṃgavaḥ || 127 ||
[Analyze grammar]

dṛṣṭvā bhaktiṃ prabhāvaṃ ca guruśuśrūṣaṇaṃ param |
samuvāca nṛpeṃdraṃ tamāyuṃ praṇatamānasam || 128 ||
[Analyze grammar]

varaṃ varaya bhadraṃ te durlabhaṃ bhuvi bhūpate |
sarvameva pradāsyāmi yaṃyamicchasi sāṃpratam || 129 ||
[Analyze grammar]

rājovāca |
bhavāndātā varaṃ satyaṃ kṛpayā munisattama |
putraṃ dehi guṇopetaṃ sarvajñaṃ guṇasaṃyutam || 130 ||
[Analyze grammar]

devavīryaṃ sutejaṃ ca ajeyaṃ devadānavaiḥ |
kṣatriyai rākṣasairghorairdānavaiḥ kinnaraistathā || 131 ||
[Analyze grammar]

devabrāhmaṇasaṃbhaktaḥ prajāpālo viśeṣataḥ |
yajvā dānapatiḥ śūraḥ śaraṇāgatavatsalaḥ || 132 ||
[Analyze grammar]

dātā bhoktā mahātmā ca vedaśāstreṣu paṃḍitaḥ |
dhanurvedeṣu nipuṇaḥ śāstreṣu ca parāyaṇaḥ || 133 ||
[Analyze grammar]

anāhatamatirdhīraḥ saṃgrāmeṣvaparājitaḥ |
evaṃ guṇaḥ surūpaśca yasmādvaṃśaḥ prasūyate || 134 ||
[Analyze grammar]

dehi putraṃ mahābhāga mamavaṃśapradhārakam |
yadi cāpi varo deyastvayā me kṛpayā vibho || 135 ||
[Analyze grammar]

dattātreya uvāca |
evamastu mahābhāga tava putro bhaviṣyati |
gṛhe vaṃśakaraḥ puṇyaḥ sarvajīvadayākaraḥ || 136 ||
[Analyze grammar]

ebhirguṇaistu saṃyukto vaiṣṇavāṃśena saṃyutaḥ |
rājā ca sārvabhaumaśca iṃdratulyo nareśvaraḥ || 137 ||
[Analyze grammar]

evaṃ khalu varaṃ datvā dadau phalamanuttamam |
bhūpamāha mahāyogī subhāryāyai pradīyatām || 138 ||
[Analyze grammar]

evamuktvā visṛjyaiva tamāyuṃ praṇataṃ puraḥ |
āśīrbhirabhinaṃdyaiva aṃtarddhānamadhīyata || 139 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre tryadhikaśatatamo'dhyāyaḥ || 103 ||
[Analyze grammar]