Padma Purana [sanskrit]

462,305 words | ISBN-13: 9789385005305

The Padma-purana Book 2 Chapter 101 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

sūta uvāca |
devadevo hṛṣīkeśastvaṃgaputraṃ nṛpottamam |
samācaṣṭa mahāśreya ākhyānaṃ pāpanāśanam || 1 ||
[Analyze grammar]

śrūyatāmabhidhāsyāmi caritraṃ śreyadāyakam |
dvijasyāpi ca vṛttāṃtaṃ kuṃjalasya mahātmanaḥ || 2 ||
[Analyze grammar]

viṣṇuruvāca |
kuṃjalaścāpi dharmātmā caturthaṃ putrameva ca |
samāhūya mudāyukta uvācainaṃ kapiṃjalam || 3 ||
[Analyze grammar]

kiṃ nu putra tvayā dṛṣṭamapūrvaṃ kathayasva me |
bhojanārthaṃ tu yāsi tvamitaḥ kasminsutottama || 4 ||
[Analyze grammar]

tadācakṣva mahābhāga yadi dṛṣṭaṃ supuṇyadam |
kapiṃjala uvāca |
yacca tāta tvayā pṛṣṭamapūrvaṃ pravadāmyaham || 5 ||
[Analyze grammar]

yanna dṛṣṭaṃ śrutaṃ kena kasmānnaiva śrutaṃ mayā |
tadihaiva pravakṣyāmi śrūyatāmadhunā pitaḥ || 6 ||
[Analyze grammar]

śṛṇvaṃtu bhrātaraḥ sarve mātastvaṃ śṛṇu sāṃpratam |
kailāsaḥ parvataśreṣṭho dhavalaścaṃdra sannibhaḥ || 7 ||
[Analyze grammar]

nānādhātusamākīrṇo nānāvṛkṣopaśobhitaḥ |
gaṃgājalaiḥ śubhaiḥ puṇyaiḥ kṣālitaḥ sarvataḥ pitaḥ || 8 ||
[Analyze grammar]

nadīnāṃ tu sahasrāṇi divyāni vividhāni ca |
yasmāttāta prasūtāni jalāni vividhāni ca || 9 ||
[Analyze grammar]

taḍāgāni sahasrāṇi sodakāni mahāgirau |
nadyaḥ saṃti viśālinyo haṃsasārasasevitāḥ || 10 ||
[Analyze grammar]

tasmiñchikhariṇāṃ śreṣṭhe puṇyadāḥ pāpanāśanāḥ |
vanāni vividhānyeva puṣpitāni phalāni ca || 11 ||
[Analyze grammar]

nānāvṛkṣopayuktāni haritāni śubhāni ca |
kinnarāṇāṃ gaṇairyuktaścāpsarobhiḥ samākulaḥ || 12 ||
[Analyze grammar]

gaṃdharvacāraṇaiḥ siddhairdevavṛṃdaiḥ suśobhitaḥ |
divyavṛkṣavanopeto divyabhāvaiḥ samākulaḥ || 13 ||
[Analyze grammar]

divyagaṃdhaiḥ suśobhāḍhyairnānāratnasamanvitaḥ |
śilābhiḥ sphaṭikasyāpi śuklābhistu suśobhanaḥ || 14 ||
[Analyze grammar]

sūryatejomayo rājaṃstejobhistu samākulaḥ |
caṃdanaiścārugaṃdhaiśca bakulairnīlapuṣpakaiḥ || 15 ||
[Analyze grammar]

nānāpuṣpamayairvṛkṣaiḥ sarvatra samalaṃkṛtaḥ |
pakṣiṇāṃ suninādaiśca divyānāṃ madhurāyate || 16 ||
[Analyze grammar]

ṣaṭpadānāṃ ninādaiśca vṛkṣaughairmadhurāyate |
rutaiśca kokilānāṃ tu śobhate sa vano giriḥ || 17 ||
[Analyze grammar]

gaṇakoṭisamākīrṇaṃ tatrāsti śivamaṃdiram |
aṃśubhirdhavalaṃ puṇyaṃ puṇyarāśiśiloccayam || 18 ||
[Analyze grammar]

siṃhaiśca garjamānaiśca sairibhaiḥ kuṃjaraistataḥ |
diggajānāṃ sughoṣaiśca śabditaṃ ca samaṃtataḥ || 19 ||
[Analyze grammar]

nānāmṛgaiḥ samākīrṇaṃ śākhāmṛgagaṇākulam |
mayūrakekāghoṣaiśca guhāsu ca vināditam || 20 ||
[Analyze grammar]

kaṃdarairlepanaiḥ kūṭaiḥ sānubhiśca virājitam |
nānāprasravaṇopetamoṣadhībhirvirājitam || 21 ||
[Analyze grammar]

divyaṃ divyaguṇaṃ puṇyaṃ puṇyadhāma samākulam |
sevitaṃ puṇyalokaiśca puṇyarāśiṃ mahāgirim || 22 ||
[Analyze grammar]

puliṃdabhillakolaiśca sevitaṃ parvatottamam |
vikaṭaiḥ śikharaiḥ koṭairadrirājaḥ prakāśate || 23 ||
[Analyze grammar]

anyairnānāvidhaiḥ puṇyaiḥ kautukairmaṃgalaiḥ śubhaiḥ |
gaṃgodakapravāhaiśca mahāśabdaṃ prasusruve || 24 ||
[Analyze grammar]

śaṃkarasya gṛhaṃ tatra kailāsaṃ gatavānaham |
tatrāścaryaṃ mayā dṛṣṭaṃ yanna dṛṣṭaṃ kadā śrutam || 25 ||
[Analyze grammar]

śrūyatāmabhidhāsyāmi tāta sarvaṃ mayoditam |
śikharādgirirājasya meroḥ puṇyānmahodayāt || 26 ||
[Analyze grammar]

himakṣīrasuvarṇastu pravāhaḥ patate bhuvi |
gaṃgāyāśca mahābhāga raṃhasā ghoṣabhūṣitaḥ || 27 ||
[Analyze grammar]

kailāsasya śiraḥ prāpya tatra vistaratāṃ gataḥ |
daśayojanamānena tatra gaṃgā hrado mahān || 28 ||
[Analyze grammar]

mahātoyena puṇyena vimalena virājate |
sarvatobhadratāṃ prāpto mahāhaṃsaiḥ praśobhate || 29 ||
[Analyze grammar]

sāmoccāreṇa puṇyena divyena madhureṇa ca |
haṃsāstatra prakūjaṃti sarastena virājate || 30 ||
[Analyze grammar]

tasya tīre śilāyāṃ vai himakanyā mahāmate |
āsīnā muktakeśāṃtā rūpadraviṇaśālinī || 31 ||
[Analyze grammar]

divyarūpasusaṃpannā saguṇā divyalakṣaṇā |
divyālaṃkārabhūṣā ca tasyāstīre virājate || 32 ||
[Analyze grammar]

na jāne girirājasya tanayā vā mahodadheḥ |
no vāsti brahmaṇaḥ patnī sā vā svāhā bhaviṣyati || 33 ||
[Analyze grammar]

iṃdrāṇī vā mahābhāgā rohiṇī vā bhaviṣyati |
īdṛśī rūpasaṃpattiryuvatīnāṃ na dṛśyate || 34 ||
[Analyze grammar]

anyāsāṃ ca sudivyānāṃ nārīṇāṃ tāta sarvathā |
yādṛśaṃ rūpasaṃbhāvaṃ guṇaśīlaṃ pradṛśyate || 35 ||
[Analyze grammar]

apsarasāṃ kadā nāsti tādṛśaṃ rūpalakṣaṇam |
yādṛśaṃ tu mayā dṛṣṭaṃ tadaṃgaṃ viśvamohanam || 36 ||
[Analyze grammar]

śilāpade samāsīnā duḥkhenāpi samākulā |
rudate susvarairbālā anekaiḥ svajanairvinā || 37 ||
[Analyze grammar]

aśrūṇi muṃcamānā sā muktābhāni bahūni ca |
nirmalāni sarasyatra pataṃtyeva mahāmate || 38 ||
[Analyze grammar]

biṃdavo mauktikābhāste nipataṃti mahodake |
tebhyo bhavaṃti padmāni hṛdyāni surabhīṇi tu || 39 ||
[Analyze grammar]

padmāni jajñire tebhyo netrāśrubhyo mahāmate |
gaṃgāṃbhasi taraṃtyeva asaṃkhyātāni tāni tu || 40 ||
[Analyze grammar]

patitāni suhṛdyāni raṃhasā yāni tāni tu |
gaṃgāpravāhamadhye tu haṃsavṛṃdaiḥ susevite || 41 ||
[Analyze grammar]

bhāgīrathyāḥ pravāhastu tasmātsthānādvinirgataḥ |
kailāsaśikharaṃ prāpya ratnākhyaṃ cārukaṃdaram || 42 ||
[Analyze grammar]

vartate toyapūrṇastu yojanadvayavistṛtaḥ |
haṃsavṛṃdasamākīrṇo jalapakṣi samākulaḥ || 43 ||
[Analyze grammar]

nānāvarṇaviśeṣāṇi saṃti padmāni tatra ca |
pravāhe nirmale tāta munivṛṃdaniṣevite || 44 ||
[Analyze grammar]

aśrubhyo yāni jātāni prabhāte kamalāni tu |
gaṃgodakaplutānyeva saurabhāṇi mahāṃti ca || 45 ||
[Analyze grammar]

prataraṃti pravāhe tu nirmale jalapūrite |
madhye madhye suhaṃsaiśca jalapakṣininādite || 46 ||
[Analyze grammar]

sūta uvāca |
ratnākhye tu girau tasminratneśvaramaheśvaraḥ |
devadaityasupūjyopi tiṣṭhate tāta sarvadā || 47 ||
[Analyze grammar]

tatra dṛṣṭo mayā tāta kaścitpuṇyamayo muniḥ |
jaṭābhārasamākrāṃto nirvāsā daṃḍadhārakaḥ || 48 ||
[Analyze grammar]

nirādhāro nirāhārastapasātīva durbalaḥ |
kṛśāṃgo'pyasthisaṃghātastvacāmātreṇa veṣṭitaḥ || 49 ||
[Analyze grammar]

bhasmoddhūlitamātrāṇi sarvāṃgāni mahātmanaḥ |
śuṣkapatrāṇi bhakṣeta śīrṇāni patitāni ca || 50 ||
[Analyze grammar]

śivabhaktisamāsīno durādhāro mahātapāḥ |
aśrubhyo yāni jātāni padmāni surabhīṇi ca || 51 ||
[Analyze grammar]

gaṃgātoyātsamānīya devadevaṃ prapūjayet |
ratneśvaraṃ mahābhāgo gītanṛtyaviśāradaḥ || 52 ||
[Analyze grammar]

gāyate nṛtyate tasya dvārasthastripuradviṣaḥ |
maṭhamāgatya dharmātmā rodate susvarairapi || 53 ||
[Analyze grammar]

etaddṛṣṭaṃ mayā tāta apūrvaṃ vadatāṃvara |
kathayasva prasādānme yadi tvaṃ vetsi kāraṇam || 54 ||
[Analyze grammar]

sā kā nārī mahābhāgā kasmāttāta praroditi |
kasmātsa devapuruṣo devamarcenmaheśvaram || 55 ||
[Analyze grammar]

tanme tvaṃ vistarādbrūhi sarvasaṃdehakāraṇam |
evamukto mahāprājñaḥ kuṃjalopi sutena hi || 56 ||
[Analyze grammar]

kapiṃjalena provāca vistarācchṛṇvato muneḥ || 57 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Padma Purana Chapter 101

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Like what you read? Consider supporting this website: