Chapter 96

[English text for this chapter is available]

subāhuruvāca |
kīdṛśaiḥ karmabhiḥ pretya gacchaṃti narakaṃ narāḥ |
svargaṃ tu kīdṛśaiḥ pretya tanme tvaṃ vaktumarhasi || 1 ||
[Analyze grammar]

jaiminiruvāca |
brāhmaṇyaṃ puṇyamutsṛjya ye dvijā lobhamohitāḥ |
kukarmāṇyupajīvaṃti te vai nirayagāminaḥ || 2 ||
[Analyze grammar]

nāstikā bhinnamaryādāḥ kaṃdarpaviṣayonmukhāḥ |
dāṃbhikāśca kṛtaghnāśca te vai nirayagāminaḥ || 3 ||
[Analyze grammar]

brāhmaṇebhyaḥ pratiśrutya na prayacchaṃti ye dhanam |
brahmasvānāṃ ca hartāro narā nirayagāminaḥ || 4 ||
[Analyze grammar]

puruṣāḥ piśunāścaiva mānino'nṛtavādinaḥ |
asaṃbaddhapralāpāśca te vai nirayagāminaḥ || 5 ||
[Analyze grammar]

ye parasvāpahartāraḥ paradūṣaṇasūcakāḥ |
parastrīgāmino ye ca te vai nirayagāminaḥ || 6 ||
[Analyze grammar]

prāṇināṃ prāṇahiṃsāyāṃ ye narā niratāḥ sadā |
paraniṃdāratā ye vai te vai nirayagāminaḥ || 7 ||
[Analyze grammar]

sukūpānāṃ taḍāgānāṃ prapānāṃ ca paraṃtapa |
sarasāṃ caiva bhettāro narā nirayagāminaḥ || 8 ||
[Analyze grammar]

viparyasyaṃti ye dārāñchiśūnbhṛtyātithīṃstathā |
utsannapitṛdevejyā narā nirayagāminaḥ || 9 ||
[Analyze grammar]

pravrajyādūṣakā rājanye caivāśramadūṣakāḥ |
sakhīnāṃ dūṣakāścaiva te vai nirayagāminaḥ || 10 ||
[Analyze grammar]

ādyaṃ puruṣamīśānaṃ sarvalokamaheśvaram |
na ciṃtayaṃti ye viṣṇuṃ te vai nirayagāminaḥ || 11 ||
[Analyze grammar]

prayājānāṃ makhānāṃ ca kanyānāṃ suhṛdāṃ tathā |
sādhūnāṃ ca gurūṇāṃ ca dūṣakā nirayagāminaḥ || 12 ||
[Analyze grammar]

kāṣṭhairvā śaṃkubhirvāpi śūnyairaśmabhireva vā |
ye mārgānuparuṃdhaṃti te vai nirayagāminaḥ || 13 ||
[Analyze grammar]

sarvabhūteṣvaviśvastāḥ kāmenārtāstathaiva ca |
sarvabhūteṣu jihmāśca te vai nirayagāminaḥ || 14 ||
[Analyze grammar]

āgatānbhojanārthaṃ tu brāhmaṇānvṛttikarśitān |
pratiṣedhaṃ ca kurvaṃti te vai nirayagāminaḥ || 15 ||
[Analyze grammar]

kṣetravṛttigṛhacchedaṃ prīticchedaṃ ca ye narāḥ |
āśācchedaṃ prakurvaṃti te vai nirayagāminaḥ || 16 ||
[Analyze grammar]

śastrāṇāṃ caiva karttāraḥ śalyānāṃ dhanuṣāṃ tathā |
vikretāraśca rājeṃdra narā nirayagāminaḥ || 17 ||
[Analyze grammar]

anāthaṃ viklavaṃ dīnaṃ rogārttaṃ vṛddhameva ca |
nānukaṃpaṃti ye mūḍhāste vai nirayagāminaḥ || 18 ||
[Analyze grammar]

niyamānpūrvamādāya ye paścādajiteṃdriyāḥ |
atikrāmaṃti cāṃcalyātte vai nirayagāminaḥ || 19 ||
[Analyze grammar]

ityete kathitā rājannarā nirayagāminaḥ |
svargalokasya gaṃtāro ye janāstānnibodha me || 20 ||
[Analyze grammar]

satyena tapasā kṣāṃtyā dānenādhyayanena ca |
ye dharmamanuvartaṃte te narāḥ svargagāminaḥ || 21 ||
[Analyze grammar]

ye ca homaparā dhyānadevatārcanatatparāḥ |
ādadānā mahātmānaste narāḥ svargagāminaḥ || 22 ||
[Analyze grammar]

śucayaśca śucau deśe vāsudevaparāyaṇāḥ |
paṭhaṃti viṣṇuṃ gāyaṃti te narāḥ svargagāminaḥ || 23 ||
[Analyze grammar]

mātāpitrośca śuśrūṣāṃ ye kurvaṃti sadādṛtāḥ |
varjayaṃti divāsvapnaṃ te narāḥ svargagāminaḥ || 24 ||
[Analyze grammar]

sarvahiṃsānivṛttāśca sādhusaṃgāśca ye narāḥ |
sarvasyāpi hite yuktāste narāḥ svargagāminaḥ || 25 ||
[Analyze grammar]

sarvalobhanivṛttāśca sarvasāhāśca ye narāḥ |
sarvasyāśrayabhūtāśca te narāḥ svargagāminaḥ || 26 ||
[Analyze grammar]

śuśrūṣābhistapobhiśca gurūṇāṃ mānadā narāḥ |
pratigrahanivṛttā ye te narāḥ svargagāminaḥ || 27 ||
[Analyze grammar]

sahasrapariveṣṭārastathaiva ca sahasradāḥ |
trātāraśca sahasrāṇāṃ te narāḥ svargagāminaḥ || 28 ||
[Analyze grammar]

bhayātpāpāttapācchokāddāridryavyādhikarśitān |
vimuṃcaṃti ca ye jaṃtūṃste narāḥ svargagāminaḥ || 29 ||
[Analyze grammar]

ātmasvarūpavaṃtaśca yauvanasthāśca bhārata |
ye vai jiteṃdriyā dhīrāste narāḥ svargagāminaḥ || 30 ||
[Analyze grammar]

suvarṇasya ca dātāro gavāṃ bhūmeśca bhārata |
annānāṃ vāsasāṃ caiva te narāḥ svargagāminaḥ || 31 ||
[Analyze grammar]

ye yācitāḥ prahṛṣyaṃti priyaṃ datvā vadaṃti ca |
tyaktadānaphalecchāśca te narāḥ svargagāminaḥ || 32 ||
[Analyze grammar]

niveśanānāṃ dhānyānāṃ narāṇāṃ ca paraṃtapa |
svayamutpādya dātāraḥ puruṣāḥ svargagāminaḥ || 33 ||
[Analyze grammar]

dviṣatāmapi ye doṣānna vadaṃti kadācana |
kīrtayaṃti guṇānye ca te narāḥ svargagāminaḥ || 34 ||
[Analyze grammar]

ye pareṣāṃ śriyaṃ dṛṣṭvā na vitapyaṃti matsarāt |
prahṛṣṭāścābhinaṃdaṃti te narāḥ svargagāminaḥ || 35 ||
[Analyze grammar]

pravṛttau ca nivṛttau ca śrutiśāstroktameva ca |
ācaraṃti mahātmānaste narāḥ svargagāminaḥ || 36 ||
[Analyze grammar]

ye narāṇāṃ vaco vaktuṃ na jānaṃti ca vipriyam |
priyavākyaikavijñātāste narāḥ svargagāminaḥ || 37 ||
[Analyze grammar]

ye nāmabhāgānkurvaṃti kṣuttṛṣṇā śramapīḍitāḥ |
haṃtakārasya kartāraste narāḥ svargagāminaḥ || 38 ||
[Analyze grammar]

vāpīkūpataḍāgānāṃ prapānāṃ caiva veśmanām |
ārāmāṇāṃ ca kartāraste narāḥ svargagāminaḥ || 39 ||
[Analyze grammar]

asatyeṣvapi ye satyā ṛjavo nārjaveṣvapi |
ripuṣvapihitā ye ca te narāḥ svargagāminaḥ || 40 ||
[Analyze grammar]

yasminkasminkule jātā bahuputrāḥ śatāyuṣaḥ |
sānukrośāḥ sadācārāste narāḥ svargagāminaḥ || 41 ||
[Analyze grammar]

kurvaṃtyavaṃdhyaṃ divasaṃ dharmeṇaikena sarvadā |
vrataṃ gṛhṇaṃti ye nityaṃ te narāḥ svargagāminaḥ || 42 ||
[Analyze grammar]

ākrośaṃtaṃ stuvaṃtaṃ ca tulyaṃ paśyaṃti ye narāḥ |
śāṃtātmāno jitātmānaste narāḥ svargagāminaḥ || 43 ||
[Analyze grammar]

ye cāpi bhayasaṃtrastānbrāhmaṇāṃśca tathā striyaḥ |
sārthānvā parirakṣaṃti te narāḥ svargagāminaḥ || 44 ||
[Analyze grammar]

gaṃgāyāṃ puṣkare tīrthe gayāyāṃ ca viśeṣataḥ |
pitṛpiṃḍapradātāraste narāḥ svargagāminaḥ || 45 ||
[Analyze grammar]

na vaśe ceṃdriyāṇāṃ ca ye narāḥ saṃyamasthitāḥ |
tyaktalobhabhayakrodhāste narāḥ svargagāminaḥ || 46 ||
[Analyze grammar]

yūkā matkuṇadaṃśādīnye jaṃtūṃstudatastanum |
putravatparirakṣaṃti te narāḥ svargagāminaḥ || 47 ||
[Analyze grammar]

ajñānācca yathoktena vidhinā saṃcayaṃti ca |
sarvadvaṃdvasahā loke te narāḥ svargagāminaḥ || 48 ||
[Analyze grammar]

ye pūtāḥ paradārāṃśca karmaṇā manasā girā |
ramayaṃti na satvasthāste narāḥ svargagāminaḥ || 49 ||
[Analyze grammar]

niṃditāni na kurvaṃti kurvaṃti vihitāni ca |
ātmaśaktiṃ vijānaṃti te narāḥ svargagāminaḥ || 50 ||
[Analyze grammar]

evaṃ te kathitaṃ sarvaṃ mayā tattvena pārthiva |
durgatiḥ sadgatiścaiva prāpyate karmabhiryathā || 51 ||
[Analyze grammar]

naraḥ pareṣāṃ pratikūlamācaranprayāti ghoraṃ narakaṃ sudāruṇam |
sadānukūlasya narasya jīvinaḥ sukhāvahā muktiradūrasaṃsthitā || 52 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre ṣaṇṇavatitamo'dhyāyaḥ || 96 ||
[Analyze grammar]