Chapter 95

[English text for this chapter is available]

subāhuruvāca |
svargasya me guṇānbrūhi sāṃprataṃ dvijasattama |
etatsarvaṃ dvijaśreṣṭha kariṣyāmi svabhāvikam || 1 ||
[Analyze grammar]

jaiminiruvāca |
naṃdanādīni ramyāṇi divyāni vividhāni ca |
tatrodyānāni puṇyāni sarvakāmayutāni ca || 2 ||
[Analyze grammar]

sarvakāmaphalairvṛkṣaiḥ śobhanāni samaṃtataḥ |
vimānāni sudivyāni sevitānyapsarogaṇaiḥ || 3 ||
[Analyze grammar]

sarvatraiva vicitrāṇi kāmagāni vaśāni ca |
taruṇādityavarṇāni muktājālāṃtarāṇi ca || 4 ||
[Analyze grammar]

caṃdramaṃḍalaśubhrāṇi hemaśayyāsanāni ca |
sarvakāmasamṛddhāśca sarvaduḥkhavivarjitāḥ || 5 ||
[Analyze grammar]

narāḥ sukṛtinasteṣu vicaraṃti yathā bhuvi |
na tatra nāstikā yāṃti na stenā nājiteṃdriyāḥ || 6 ||
[Analyze grammar]

na nṛśaṃsā na piśunā na kṛtaghnā na māninaḥ |
satyāstapaḥsthitāḥ śūrā dayāvaṃtaḥ kṣamāparāḥ || 7 ||
[Analyze grammar]

yajvāno dānaśīlāśca tatra gacchaṃti te narāḥ |
na rogo na jarāmṛtyurna śoko na himātapau || 8 ||
[Analyze grammar]

na tatra kṣutpipāsā ca kasya glānirna vidyate |
ete cānye ca bahavo guṇāḥ svargasya bhūpate || 9 ||
[Analyze grammar]

doṣāstatraiva ye saṃti tāñchṛṇuṣva ca sāṃpratam |
śubhasya karmaṇaḥ kṛtsnaṃ phalaṃ tatraiva bhujyate || 10 ||
[Analyze grammar]

na cātra kriyate bhūyaḥ so'tra doṣo mahānsmṛtaḥ |
asaṃtoṣaśca bhavati dṛṣṭvā dīptāṃ parāṃ śriyam || 11 ||
[Analyze grammar]

sukhavyāptamanaskānāṃ sahasā patanaṃ tathā |
iha yatkriyate karma phalaṃ tatraiva bhujyate || 12 ||
[Analyze grammar]

karmabhūmiriyaṃ rājanphalabhūmirasau smṛtā |
subāhuruvāca |
mahāṃtastu ime doṣāstvayā svargasya kīrtitāḥ || 13 ||
[Analyze grammar]

nirdoṣāḥ śāśvatā yenye tāṃstvaṃ lokānvada dvija |
jaiminiruvāca |
ābrahmasadanādeva doṣāḥ saṃti ca vai nṛpa || 14 ||
[Analyze grammar]

ataeva hi necchaṃti svargaprāptiṃ manīṣiṇaḥ |
ābrahmasadanādūrdhvaṃ tadviṣṇoḥ paramaṃ padam || 15 ||
[Analyze grammar]

śubhaṃ sanātanaṃ jyotiḥ paraṃbrahmeti tadviduḥ |
na tatra mūḍhā gacchaṃti puruṣā viṣayātmakāḥ || 16 ||
[Analyze grammar]

daṃbhamohabhayadroha krodhalobhairabhidrutāḥ |
nirmamā nirahaṃkārā nirdvaṃdvāssaṃyateṃdriyāḥ || 17 ||
[Analyze grammar]

dhyānayogaratāścaiva tatra gacchaṃti sādhavaḥ |
etatte sarvamākhyātaṃ yanmāṃ tvaṃ paripṛcchasi || 18 ||
[Analyze grammar]

evaṃ svargaguṇaṃ śrutvā subāhuḥ pṛthivīpatiḥ |
tamuvāca mahātmānaṃ jaiminiṃ vadatāṃvaram || 19 ||
[Analyze grammar]

subāhuruvāca |
nāhaṃ svargaṃ gamiṣyāmi na caivecchāmyahaṃ mune |
yasmācca patanaṃ proktaṃ tatkarma na karomyaham || 20 ||
[Analyze grammar]

dānamekaṃ mahābhāga nāhaṃ dāsyekadādhruvam |
dānācca phalalobhācca tasmātpatati vai naraḥ || 21 ||
[Analyze grammar]

ityevamuktvā dharmātmā subāhuḥ pṛthivīpatiḥ |
dhyānayogena deveśaṃ yajiṣye kamalāpriyam || 22 ||
[Analyze grammar]

dāhapralayasaṃvarjaṃ viṣṇulokaṃ vrajāmyaham |
jaiminiruvāca |
satyamuktaṃ tvayā bhūpa sarvaśreyaḥ samākulam || 23 ||
[Analyze grammar]

rājāno dharmaśīlāśca mahāyajñairyajaṃti te |
sarvadānāni dīyaṃte yajñeṣu nṛpanaṃdana || 24 ||
[Analyze grammar]

ādāvannaṃ tu yajñeṣu vastraṃ tāṃbūlameva ca |
kāṃcanaṃ bhūmidānaṃ ca godānaṃ pradadaṃti ca || 25 ||
[Analyze grammar]

suyajñairvaiṣṇavaṃ lokaṃ te prayāṃti narottamāḥ |
dānena tṛptimāyāṃti saṃtuṣṭāḥ saṃti bhūmipāḥ || 26 ||
[Analyze grammar]

tapasvino mahātmāno nityamevaṃ yajaṃti te |
subhikṣāṃ yācayitvā tu svasthānaṃ tu samāgatāḥ || 27 ||
[Analyze grammar]

bhikṣārthaṃ tasya bhāgāni prakurvaṃti ca bhūpate |
brāhmaṇāya vibhāgaikaṃ gogrāsaṃ tu mahāmate || 28 ||
[Analyze grammar]

supārśvavartināṃ caikaṃ prayacchaṃti tapodhanāḥ |
tasyānnasya pradānena phalaṃ bhuṃjaṃti mānavāḥ || 29 ||
[Analyze grammar]

kṣudhātṛṣāvihīnāste viṣṇulokaṃ vrajaṃti vai |
tasmāttvamapi rājeṃdra dehi nyāyārjitaṃ dhanam || 30 ||
[Analyze grammar]

dānājjñānaṃ tataḥ prāpya jñānātsiddhiṃ prayāsyati |
ya idaṃ śṛṇuyānmartyaḥ puṇyākhyānamanuttamam || 31 ||
[Analyze grammar]

tasya sarvārthasiddhiḥ syātpāpaṃ sarvaṃ vilīyate |
vimuktaḥ sarvapāpebhyo viṣṇulokaṃ sagacchati || 32 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthe cyavanacaritre paṃcanavatitamo'dhyāyaḥ || 95 ||
[Analyze grammar]