Chapter 94

[English text for this chapter is available]

kuṃjala uvāca |
śrūyatāmabhidhāsyāmi tatsarvaṃ kāraṇaṃ suta |
yasmāttau tādṛśau jātau svamāṃsaparibhakṣakau || 1 ||
[Analyze grammar]

sarvatra kāraṇaṃ karma śubhāśubhaṃ na saṃśayaḥ |
puṇyena karmaṇā putra naraḥ saukhyaṃ prabhuṃjati || 2 ||
[Analyze grammar]

duṣkṛtaṃ bhuṃjate cātra pāpayuktena karmaṇā |
sūkṣmavartmavicāryaivaṃ śāstrajñānena cakṣuṣā || 3 ||
[Analyze grammar]

sthūladharmaṃ pradṛṣṭvaiva suvicārya punaḥ punaḥ |
samārabhennaraḥ karma manasā nipuṇena ca || 4 ||
[Analyze grammar]

samūrtikārakaḥ śilpī rasamāvarttayedyathā |
agneśca tejasā putra jvālābhiśca samaṃtataḥ || 5 ||
[Analyze grammar]

dravībhūto bhaveddhāturvahninā tāpitaḥ śanaiḥ |
yādṛśaṃ vatsa bhakṣyaṃtu rasapakvaṃ niṣecyate || 6 ||
[Analyze grammar]

tādṛśaṃ jāyate vatsa rūpaṃ caiva na saṃśayaḥ |
yādṛśaṃ kriyate karma tādṛśaṃ paribhujyate || 7 ||
[Analyze grammar]

karma eva pradhānaṃ yadvarṣārūpeṇa varttate |
kṣetreṣu yādṛśaṃ bījaṃ vapate kṛṣikārakaḥ || 8 ||
[Analyze grammar]

tādṛśaṃ bhuṃjate tāta phalameva na saṃśayaḥ |
yādṛśaṃ kriyate karma tādṛśaṃ paribhujyate || 9 ||
[Analyze grammar]

vināśahetuḥ karmāsya sarve karmavaśā vayam |
karma dāyādakā loke karma saṃbaṃdhibāṃdhavāḥ || 10 ||
[Analyze grammar]

karmāṇi codayaṃtīha puruṣaṃ sukhaduḥkhayoḥ |
suvarṇaṃ rajataṃ vāpi yathārūpaṃ niṣicyate || 11 ||
[Analyze grammar]

tathā niṣicyate jaṃtuḥ pūrvakarmavaśānugaḥ |
paṃcaitānīha dṛśyaṃte garbhasthasyaiva dehinaḥ || 12 ||
[Analyze grammar]

āyuḥ karma ca vittaṃ ca vidyāni dhanameva ca |
yathā mṛtpiṃḍakaṃ karttā kurute yadyadicchati || 13 ||
[Analyze grammar]

tathā karmakṛtaṃ caiva karttāraṃ pratipadyate |
devatvamatha mānuṣyaṃ paśutvaṃ pakṣitāṃ tathā || 14 ||
[Analyze grammar]

tiryaktvaṃ sthāvaratvaṃ vā yāti jaṃtuḥ svakarmabhiḥ |
sa eva tu tathā bhuṃkte nityaṃ vihitamātmanaḥ || 15 ||
[Analyze grammar]

ātmanā vihitaṃ duḥkhamātmanā vihitaṃ sukham |
garbhaśayyāmupādāya bhuṃjate pūrvadehikam || 16 ||
[Analyze grammar]

pūrvadehakṛtaṃ karma na kaścitpuruṣottamaḥ |
balena prajñayā vāpi samarthaḥ kartumanyathā || 17 ||
[Analyze grammar]

svakṛtānyeva bhuṃjaṃti duḥkhāni ca sukhāni ca |
hetutaḥ kāraṇairvāpi sohaṃ kāreṇa bādhyate || 18 ||
[Analyze grammar]

yathā dhenusahasreṣu vatso viṃdati mātaram |
tadvacchubhāśubhaṃ karma kartāramanugacchati || 19 ||
[Analyze grammar]

upabhogādṛte yasya nāśa eva na vidyate |
prāktanaṃ baṃdhanaṃ karma konyathākartumarhati || 20 ||
[Analyze grammar]

suśīghramanudhāvaṃtaṃ vidhānamanudhāvati |
śobhate saṃnipātena yathākarma purākṛtam || 21 ||
[Analyze grammar]

upatiṣṭhati tiṣṭhaṃtaṃ gacchaṃ tamanugacchati |
karoti kurvataḥ karmacchāyevānu vidhīyate || 22 ||
[Analyze grammar]

yathā chāyātapau nityaṃ susaṃbaddhau parasparam |
upasargā hi viṣayā upasargā jarādayaḥ || 23 ||
[Analyze grammar]

pīḍayaṃti naraṃ paścātpīḍitaṃ pūrvakarmaṇā |
yena yatropabhoktavyaṃ duḥkhaṃ vā sukhameva ca || 24 ||
[Analyze grammar]

sa tatra baddhvā rajjveva balāddaivena nīyate |
daivaṃ prāhuśca bhūtānāṃ sukhaduḥkhopapādanam || 25 ||
[Analyze grammar]

anyathā karmatacciṃtyaṃ jāgrataḥ svapatopi vā |
anyathā hyudyate daivaṃ badhyate ca jighāṃsati || 26 ||
[Analyze grammar]

śastrāgniviṣadurgebhyo rakṣitavyaṃ surakṣati |
yathā pṛthivyāṃ bījāni vṛkṣagulmatṛṇānyapi || 27 ||
[Analyze grammar]

tathaivātmani karmāṇi tiṣṭhaṃti prabhavaṃti ca |
tailakṣayādyathā dīpo nirvāṇamadhigacchati || 28 ||
[Analyze grammar]

karmakṣayāttathā jaṃtoḥ śarīraṃ nāśamṛcchati |
karmakṣayāttathā mṛtyustattvavidbhirudāhṛtam || 29 ||
[Analyze grammar]

vividhāḥ prāṇināṃ rogāḥ smṛtāsteṣāṃ ca hetavaḥ |
tasmāttattvapradhānastu karma eva hi prāṇinām || 30 ||
[Analyze grammar]

yatpurā kriyate karma tadihaiva prabhujyate |
yattvayā dṛṣṭamevāpi pṛcchitaṃ tāta sāṃpratam || 31 ||
[Analyze grammar]

tasyārthaṃ tu mayā proktaṃ bhuṃjāte tau hi sāṃpratam |
ānaṃde kānane dṛṣṭaṃ tayoḥ karmasudāruṇam || 32 ||
[Analyze grammar]

tayośceṣṭāṃ pravakṣyāmi śṛṇu vatsa prabhāṣataḥ |
karmabhūmiriyaṃ tāta anyā bhogārthabhūmayaḥ || 33 ||
[Analyze grammar]

sargādīnāṃ mahāprājña tāsu gatvā subhuṃjati |
sūta uvāca |
cauladeśe mahāprājñaḥ subāhurnāma bhūmipaḥ || 34 ||
[Analyze grammar]

rūpavānguṇavāndhīraḥ pṛthivyāṃ nāsti tādṛśaḥ |
viṣṇubhakto mahāprājño vaiṣṇavānāṃ ca supriyaḥ || 35 ||
[Analyze grammar]

karmaṇā trividhenāpi pradhyāyanmadhusūdanam |
aśvamedhādikānyajñānyajeta sakalānnṛpa || 36 ||
[Analyze grammar]

purodhāstasya caivāsti jaiminirnāma brāhmaṇaḥ |
sa cāhūya subāhuṃ tamidaṃ vacanamabravīt || 37 ||
[Analyze grammar]

rājandehi sudānāni yaiḥ sukhaṃ tu prabhuṃjyata |
dānaistu tarate lokāndurgānpretya gato naraḥ || 38 ||
[Analyze grammar]

dānena sukhamāpnoti yaśaḥ prāpnoti śāśvatam |
dānena cātulā kīrtirjāyate mṛtyumaṃḍale || 39 ||
[Analyze grammar]

yāvatkīrtiḥ sthitā cātra tāvatkartā divaṃ vaset |
taddānaṃ duṣkaraṃ prāhurdātuṃ naiva praśakyate || 40 ||
[Analyze grammar]

tasmātsarvaprayatnena dātavyaṃ mānavaiḥ sadā |
subāhuruvāca |
dānācca tapaso vāpi dvayormadhye suduṣkaram || 41 ||
[Analyze grammar]

kiṃ vā mahatphalaṃ pretya tanme brūhi dvijottama |
jaiminiruvāca |
dānānna duṣkarataraṃ pṛthivyāmasti kiṃcana || 42 ||
[Analyze grammar]

rājanpratyakṣamevaikaṃ dṛśyate lokasākṣikam |
parityajya priyānprāṇāndhanārthaṃ lobhamohitāḥ || 43 ||
[Analyze grammar]

praviśaṃti narā loke samudramaṭavīṃ tathā |
sevāmanye prapadyaṃte'śvavṛttiriti yā sthitā || 44 ||
[Analyze grammar]

hiṃsāprāyāṃ bahukleśāṃ kṛṣiṃ caiva tathā purā |
tasya duḥkhārjitasyāpi prāṇebhyopi garīyasaḥ || 45 ||
[Analyze grammar]

arthasya puruṣavyāghra parityāgaḥ suduṣkaraḥ |
viśeṣato mahārāja tasya nyāyārjitasya ca || 46 ||
[Analyze grammar]

śraddhayā vidhivatpātre dattasyāṃto na vidyate |
śraddhā dharmasutā devī pāvanī viśvatāriṇī || 47 ||
[Analyze grammar]

sāvitrī prasavitrī ca saṃsārārṇavatāriṇī |
śraddhayā sādhyate dharmo mahadbhirnnārtharāśibhiḥ || 48 ||
[Analyze grammar]

niṣkiṃcanāstu munayaḥ śraddhādharmā divaṃ gatāḥ |
saṃti dānānyanekāni nānābhedairnṛpottama || 49 ||
[Analyze grammar]

annadānātparaṃ nāsti prāṇināṃ gatidākayam |
tasmādannaṃpradātavyaṃpayasācasamanvitam || 50 ||
[Analyze grammar]

madhureṇāpi puṇyena vacasā ca samanvitam |
nāstyannāttu paraṃ dānamihaloke paratra ca || 51 ||
[Analyze grammar]

tāraṇāya hitāyaiva sukhasaṃpattihetave |
śraddhayā vidhivatpātre nirmalenāpi cetasā || 52 ||
[Analyze grammar]

annaikasya pradānasya phalaṃ bhuṃkte bhavennaraḥ |
grāsādgrāsaṃ pradātavyaṃ muṣṭiprasthaṃ na saṃśayaḥ || 53 ||
[Analyze grammar]

akṣayaṃ jāyate tasya dānasyāpi mahāphalam |
na ca prasthaṃ na vā muṣṭiṃ narasya hi na saṃbhavet || 54 ||
[Analyze grammar]

anāstikyaprabhāveṇa parvaṇi prāpya mānavaḥ |
śraddhayā brāhmaṇaṃ caikaṃ bhaktyā caiva prabhojayet || 55 ||
[Analyze grammar]

ekasyāpipradhānasyaannasyāpiprajeśvara |
janmāṃtaraṃ susaṃprāpya nityaṃ cānnaṃ prabhuṃjati || 56 ||
[Analyze grammar]

pūrvajanmani yaddattaṃ bhaktyā pātre sakṛnnaraiḥ |
janmāṃtaraṃ susaṃprāpya nityameva bhunakti ca || 57 ||
[Analyze grammar]

annadānaṃ prayacchaṃti brāhmaṇebhyo hi nityaśaḥ |
miṣṭānnapānaṃ bhuṃjaṃti te narā annadāyinaḥ || 58 ||
[Analyze grammar]

annameva vadaṃtyeta ṛṣayo vedapāragāḥ |
prāṇabhūtaṃ na saṃdehamamṛtāddhi samudbhavam || 59 ||
[Analyze grammar]

prāṇāstena pradattā hi yena cānnaṃ samarpitam |
annadānaṃ mahārāja dehi tvaṃ tu prayatnataḥ || 60 ||
[Analyze grammar]

evamākarṇya vai rājā jaiminestu mahātmanaḥ |
punaḥ papraccha taṃ vipraṃ jaiminiṃ jñānapaṃḍitam || 61 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre caturnavatitamo'dhyāyaḥ || 94 ||
[Analyze grammar]