Chapter 93

[English text for this chapter is available]

kuṃjala uvāca |
kiṃ vijvala tvayā dṛṣṭamapūrvaṃ bhramatā mahīm |
āścaryeṇa samāyuktaṃ tanme kathaya suvrata || 1 ||
[Analyze grammar]

itaḥ prayāsi kaṃ deśamāhārārthaṃ tu sodyamī |
yadya dṛṣṭaṃ tvayā citraṃ samākhyāhi sutottama || 2 ||
[Analyze grammar]

vijvala uvāca |
asti merugireḥ pṛṣṭhe ānaṃdaṃ nāma kānanam |
divyavṛkṣaiḥ samākīrṇaṃpha lapuṣpamayaiḥ sadā || 3 ||
[Analyze grammar]

devavṛṃdaiḥ samākīrṇaṃ munisiddhasamanvitam |
apsarobhiḥ surūpābhirgaṃdharvaiḥ kinnaroragaiḥ || 4 ||
[Analyze grammar]

vāpīkūpataḍāgaiśca nadīprasravaṇaistathā |
ānaṃdakānanaṃ puṇyaṃ divyabhāvaiḥ prabhāsate || 5 ||
[Analyze grammar]

vimānaiḥ koṭisaṃkhyābhirhaṃsakuṃdeṃdusannibhaiḥ |
gītakolāhalaiḥ ramyairmeghadhvaninināditam || 6 ||
[Analyze grammar]

ṣaṭpadānāṃ ninādena sarvatra madhurāyate |
caṃdanaiścūtavṛkṣaiśca caṃpakaiḥ puṣpitairvṛtam || 7 ||
[Analyze grammar]

nānāvṛkṣaiḥ prabhātyevamānaṃdavanamuttamam |
nānāpakṣininādena bahukolāhalānvitam || 8 ||
[Analyze grammar]

evamānaṃdanaṃ dṛṣṭaṃ mayā tatra suśobhanam |
vimalaṃ ca sarastāta śobhate sāgaropamam || 9 ||
[Analyze grammar]

saṃpūrṇaṃ puṇyatoyena padmasaugaṃdhikaiḥ śubhaiḥ |
jalajaistu samākīrṇaṃ haṃsakāraṃḍavānvitam || 10 ||
[Analyze grammar]

evamāsītsarastasya sumadhye kānanasya hi |
devagaṃdharvasaṃbādhairmunivṛṃdairalaṃkṛtam || 11 ||
[Analyze grammar]

kiṃnaroragagaṃdharvaiścāraṇaiśca suśobhate |
tatrāścaryaṃ mayā dṛṣṭaṃ vaktuṃ tāta na śakyate || 12 ||
[Analyze grammar]

vimānenāpi divyena kalaśairupaśobhate |
chatradaṃḍapatākābhīrājamānena sattama || 13 ||
[Analyze grammar]

sarvabhogāvilenāpi gīyamānetha kinnaraiḥ |
gaṃdharvairapsarobhiśca śobhamānotha suvrata || 14 ||
[Analyze grammar]

stūyamāno mahāsiddhaṛṣibhistattvavedibhiḥ |
rūpeṇāpratimo loke na dṛṣṭastādṛśaḥ kvacit || 15 ||
[Analyze grammar]

sarvābharaṇaśobhāṃgo divyamālāviśobhitaḥ |
mahāratnakṛtāmālā yasyorasi virājate || 16 ||
[Analyze grammar]

tatsamīpe sthitā caikā nārī dṛṣṭā varānanā |
hemahāraiśca muktānāṃ valayaiḥ kaṃkaṇairyutā || 17 ||
[Analyze grammar]

divyavastraiśca gaṃdhaiśca caṃdanaiścārulepanaiḥ |
stūyamāno gīyamānaḥ puruṣastatra cāgataḥ || 18 ||
[Analyze grammar]

ratirūpā varārohā pīnaśroṇipayodharā |
sarvābharaṇaśobhāṃgī tādṛśī rūpasaṃpadā || 19 ||
[Analyze grammar]

dvāvetau tau mayā dṛṣṭau vimānenāpi cāgatau |
rūpalāvaṇyamādhuryau sarvaśobhāsamāvilau || 20 ||
[Analyze grammar]

samuttīrṇau vimānāttāvāgatau sarasontike |
snātau tāta mahātmānau strīpuṃsau kamalekṣaṇau || 21 ||
[Analyze grammar]

pragṛhya tau mahāśastrau daṃpatī tu parasparam |
tādṛśau ca śavau tatra patitau sarasastaṭe || 22 ||
[Analyze grammar]

prabhāse te tadā tau tu strīpuṃsau kamalekṣaṇau |
rūpeṇāpi mahābhāga tādṛśāveva tau śavau || 23 ||
[Analyze grammar]

devarūpopamastāta yathā puṃsastathā śavaḥ |
yathārūpaṃ hi tasyāpi tādṛśastatra dṛśyate || 24 ||
[Analyze grammar]

yathārūpaṃ tu bhāryāyāstathā śavo dvitīyakaḥ |
strīśavasya tu yanmāṃsaṃ śastreṇotkṛtya sā tataḥ || 25 ||
[Analyze grammar]

bhakṣate tasya māṃsāni raktāplutāni tāni tu |
puruṣo bhakṣate tadvacchavamāṃsaṃ samāturaḥ || 26 ||
[Analyze grammar]

kṣudhayā pīḍyamānau tau bhakṣete piśitaṃ tayoḥ |
yāvattṛptiṃ samāyātau tāvanmāṃsaṃ prabhakṣitam || 27 ||
[Analyze grammar]

sarasyatha jalaṃ pītvā saṃjātau sukhitau pitaḥ |
kiyatkālaṃ sthitau tatra vimānena gatau punaḥ || 28 ||
[Analyze grammar]

anye dve tu striyau tāta mayā dṛṣṭe ca tatra vai |
rūpasaubhāgyasaṃpanne te striyau cārulakṣaṇe || 29 ||
[Analyze grammar]

tābhyāṃ prabhakṣitaṃ māṃsaṃ yadā tāta mahāvane |
prahasete tadā te dve hāsyairaṭṭāṭṭakaiḥpunaḥ || 30 ||
[Analyze grammar]

bhakṣate ca svamāṃsāni tāvetau parinityaśaḥ |
kṛtvā snānādikaṃ māṃsaṃ paśyato mama tatra hi || 31 ||
[Analyze grammar]

anye striyau mahābhāga raudrā kārasamanvite |
daṃṣṭrākarālavadane tatraivāti vibhīṣaṇe || 32 ||
[Analyze grammar]

ūcatustau tadā te tu dehidehīti vai punaḥ |
evaṃ dṛṣṭaṃ mayā tāta vasatā vanasaṃnidhau || 33 ||
[Analyze grammar]

nityamutkīrya bhakṣyete tau dvau tu māṃsameva ca |
jāyete ca susaṃpūrṇau kāyau ca śavayoḥ punaḥ || 34 ||
[Analyze grammar]

nityamuttīrya tāvevaṃ te cāpyanye ca vai pitaḥ |
kurvaṃti sadṛśīṃ ceṣṭāṃ pūrvoktāṃ mama paśyataḥ || 35 ||
[Analyze grammar]

etadāścarya saṃjātaṃ dṛṣṭaṃ tāta mayā tadā |
bhavatā pṛcchitaṃ tāta dṛṣṭamāścaryameva ca || 36 ||
[Analyze grammar]

mayā khyātaṃ tavāgre vai sarvasaṃdehakāraṇam |
kathayasva prasādācca prīyamāṇena cetasā || 37 ||
[Analyze grammar]

vimānenāgato yosau striyā sārddhaṃ dvijottama |
divyarūpadharo yastu sa kastu kamalekṣaṇaḥ || 38 ||
[Analyze grammar]

kā ca nārī mahābhāga mahāmāṃsaṃ prabhakṣati |
sa kaścāpyāgatastāta sā caivābhyetya bhakṣati || 39 ||
[Analyze grammar]

prahasete tadā te dve striyau tāta vadasva naḥ |
ūcatustau tathā cānye dehidehīti vā punaḥ || 40 ||
[Analyze grammar]

tedvetvaṃ me samācakṣva mahābhīṣaṇake striyau |
etanme saṃśayaṃ tāta chettumarhasi suvrata || 41 ||
[Analyze grammar]

evamuktvā mahārāja virarāma sa cāṃḍajaḥ |
evaṃ pṛṣṭastṛtīyena vijvalenātmajena saḥ || 42 ||
[Analyze grammar]

provāca sarvaṃ vṛttāṃtaṃ cyavanasyāpi śṛṇvataḥ || 43 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthe cyavanacaritre trinavatitamo'dhyāyaḥ || 93 ||
[Analyze grammar]