Chapter 75

[English text for this chapter is available]

sukarmovāca |
viṣṇuṃ kṛṣṇaṃ hariṃ rāmaṃ mukuṃdaṃ madhusūdanam |
nārāyaṇaṃ viṣṇurūpaṃ nārasiṃhaṃ tamacyutam || 1 ||
[Analyze grammar]

keśavaṃ padmanābhaṃ ca vāsudevaṃ ca vāmanam |
vārāhaṃ kamaṭhaṃ matsyaṃ hṛṣīkeśaṃ surādhipam || 2 ||
[Analyze grammar]

viśveśaṃ viśvarūpaṃ ca anaṃtamanaghaṃ śucim |
puruṣaṃ puṣkarākṣaṃ ca śrīdharaṃ śrīpatiṃ harim || 3 ||
[Analyze grammar]

śrīnivāsaṃ pītavāsaṃ mādhavaṃ mokṣadaṃ prabhum |
ityevaṃ hi samuccāraṃ nāmabhirmānavāḥ sadā || 4 ||
[Analyze grammar]

prakurvaṃti narāḥ sarve bālavṛddhāḥ kumārikāḥ |
striyo hariṃ sugāyaṃti gṛhakarmaratāḥ sadā || 5 ||
[Analyze grammar]

āsane śayane yāne dhyāne vacasi mādhavam |
krīḍamānāstathā bālā goviṃdaṃ praṇamaṃti te || 6 ||
[Analyze grammar]

divārātrau sumadhuraṃ bruvaṃti harināma ca |
viṣṇūccāro hi sarvatra śrūyate dvijasattama || 7 ||
[Analyze grammar]

vaiṣṇavena prabhāveṇa martyā vartaṃti bhūtale |
prāsādakalaśāgreṣu devatāyataneṣu ca || 8 ||
[Analyze grammar]

yathā sūryasya biṃbāni tathā cakrāṇi bhāṃti ca |
vaikuṃṭhe dṛśyate bhāvastadbhāvaṃ jagatītale || 9 ||
[Analyze grammar]

tena rājñā kṛtaṃ vipra puṇyaṃ cāpi mahātmanā |
viṣṇulokasya samatāṃ tathānītaṃ mahītalam || 10 ||
[Analyze grammar]

nahuṣasyāpi putreṇa vaiṣṇavena yayātinā |
ubhayorlokayorbhāvamekībhūtaṃ mahītalam || 11 ||
[Analyze grammar]

bhūtalasyāpi viṣṇośca aṃtaraṃ naiva dṛśyate |
viṣṇūccāraṃ tu vaikuṃṭhe yathā kurvaṃti vaiṣṇavāḥ || 12 ||
[Analyze grammar]

bhūtale tādṛśoccāraṃ prakurvaṃti ca mānavāḥ |
ubhayorlokayorvipra ekabhāvaḥ pradṛśyate || 13 ||
[Analyze grammar]

jarārogabhayaṃ nāsti mṛtyuhīnā narā babhuḥ |
dānabhogaprabhāvaśca adhiko dṛśyate bhuvi || 14 ||
[Analyze grammar]

putrāṇāṃ tu sukhaṃ puṇyamadhikaṃ pautrajaṃ narāḥ |
prabhuṃjaṃti sukhenāpi mānavā bhuvi sattama || 15 ||
[Analyze grammar]

viṣṇoḥ prasādadānena upadeśena tasya ca |
sarvavyādhivinirmuktā mānavā vaiṣṇavāḥ sadā || 16 ||
[Analyze grammar]

svargalokaprabhāvo hi kṛto rājñā mahītale |
paṃcaviṃśapramāṇena varṣāṇi nṛpasattama || 17 ||
[Analyze grammar]

gadairhīnā narāḥ sarve jñānadhyānaparāyaṇāḥ |
yajñadānaparāḥ sarve dayābhāvāśca mānavāḥ || 18 ||
[Analyze grammar]

upakāraratāḥ puṇyā dhanyāste kīrtibhājanāḥ |
sarve dharmaparā vipra viṣṇudhyānaparāyaṇāḥ || 19 ||
[Analyze grammar]

rājñā tenopadiṣṭāste saṃjātā vaiṣṇavā bhuvi |
viṣṇuruvāca |
śrūyatāṃ nṛpaśārdūla caritraṃ tasya bhūpateḥ || 20 ||
[Analyze grammar]

sarvadharmaparo nityaṃ viṣṇubhaktaśca nāhuṣiḥ |
abdānāṃ tatra lakṣaṃ hi tasyāpyevaṃ gataṃ bhuvi || 21 ||
[Analyze grammar]

nūtano dṛśyate kāyaḥ paṃcaviṃśābdiko yathā |
paṃcaviṃśābdiko bhāti rūpeṇa vayasā tadā || 22 ||
[Analyze grammar]

prabalaḥ prauḍhisaṃpannaḥ prasādāttasya cakriṇaḥ |
mānuṣā bhuvamāsthāya yamaṃ naiva prayāṃti te || 23 ||
[Analyze grammar]

rāgadveṣavinirmuktāḥ kleśapāśavivarjitāḥ |
sukhino dānapuṇyaiśca sarvadharmaparāyaṇāḥ || 24 ||
[Analyze grammar]

vistāraṃ tejanāḥ sarve saṃtatyāpi gatā nṛpa |
yathā dūrvāvaṭāścaiva vistāraṃ yāṃti bhūtale || 25 ||
[Analyze grammar]

yathā te mānavāḥ sarve putrapautraiḥ pravistṛtāḥ |
mṛtyudoṣavihīnāste ciraṃ jīvaṃti vai janāḥ || 26 ||
[Analyze grammar]

sthirakāyāśca sukhino jarārogavivarjitāḥ |
paṃcaviṃśābdikāḥ sarve narā dṛśyaṃti bhūtale || 27 ||
[Analyze grammar]

satyācāraparāḥ sarve viṣṇudhyānaparāyaṇāḥ |
evaṃ sarve ca martyāste prasādāttasya cakriṇaḥ || 28 ||
[Analyze grammar]

saṃjātā mānavāḥ sarve dānabhogaparāyaṇāḥ |
mṛto na śrūyate loke martyaḥ kopi narottama || 29 ||
[Analyze grammar]

śokaṃ naiva prapaśyaṃti doṣaṃ naiva prayāṃti te |
yadrūpaṃ svargalokasya tadrūpaṃ bhūtalasya ca || 30 ||
[Analyze grammar]

saṃjātaṃ mānavaśreṣṭha prasādāttasya cakriṇaḥ |
vibhraṣṭā yamadūtāste viṣṇudūtaiśca tāḍitāḥ || 31 ||
[Analyze grammar]

rudamānā gatāḥ sarve dharmarājaṃ parasparam |
tatsarvaṃ kathitaṃ dūtaiśceṣṭitaṃ bhūpatestu taiḥ || 32 ||
[Analyze grammar]

amṛtyubhūtalaṃ jātaṃ dānabhogena bhāskare |
nahuṣasyātmajenāpi kṛtaṃ devayayātinā || 33 ||
[Analyze grammar]

viṣṇubhaktena puṇyena svargarūpaṃ pradarśitam |
evamākarṇitaṃ sarvaṃ dharmarājena vai tadā || 34 ||
[Analyze grammar]

dharmarājastadā tatra dūtebhyaḥ śrutavistaraḥ |
ciṃtayāmāsa sarvārthaṃ śrutvaivaṃnṛpaceṣṭitam || 35 ||
[Analyze grammar]

iti śrīpadmapurāṇe bhūmikhaṃḍe venopākhyāne mātāpitṛtīrthavarṇane yayāti |
caritre paṃcasaptatitamo'dhyāyaḥ || 75 ||
[Analyze grammar]