Chapter 74

[English text for this chapter is available]

sukarmovāca |
dūtāstu grāmeṣu vadaṃti sarve dvīpeṣu deśeṣvatha pattaneṣu |
lokāḥ śṛṇudhvaṃ nṛpatestadājñāṃ sarvaprabhāvairharimarcayaṃtu || 1 ||
[Analyze grammar]

dānaiśca yajñairbahubhistapobhirdharmābhilāṣairyajanairmanobhiḥ |
dhyāyaṃtu lokā madhusūdanaṃ tu ādeśamevaṃ nṛpatestu tasya || 2 ||
[Analyze grammar]

evaṃ sughuṣṭaṃ sakalaṃ tu puṇyamākarṇya taṃ bhūmitaleṣu lokaiḥ |
tadāprabhṛtyeva yajaṃti viṣṇuṃ dhyāyaṃti gāyaṃti japaṃti martyāḥ || 3 ||
[Analyze grammar]

vedapraṇītaiśca susūktamaṃtraiḥ stotraiḥ supuṇyairamṛtopamānaiḥ |
śrīkeśavaṃ tadgatamānasāste vratopavāsairniyamaiśca dānaiḥ || 4 ||
[Analyze grammar]

vihāya doṣānnijakāyacittavāgudbhavānpremaratāḥ samastāḥ |
lakṣmīnivāsaṃ jagatāṃ nivāsaṃ śrīvāsudevaṃ paripūjayaṃti || 5 ||
[Analyze grammar]

ityājñātasya bhūpasya vartate kṣitimaṃḍale |
vaiṣṇavenāpi bhāvena janāḥ sarve jayaṃti te || 6 ||
[Analyze grammar]

nāmabhiḥ karmabhirviṣṇuṃ yajaṃte jñānakovidāḥ |
taddhyānāstadvyavasitā viṣṇupūjāparāyaṇāḥ || 7 ||
[Analyze grammar]

yāvadbhūmaṃḍalaṃ sarvaṃ yāvattapati bhāskaraḥ |
tāvaddhi mānavā lokāḥ sarve bhāgavatā babhuḥ || 8 ||
[Analyze grammar]

viṣṇordhyānaprabhāveṇa pūjāstotreṇa nāmataḥ |
ādhivyādhivihīnāste saṃjātā mānavāstadā || 9 ||
[Analyze grammar]

vītaśokāśca puṇyāśca sarve caiva tapodhanāḥ |
saṃjātā vaiṣṇavā vipra prasādāttasya cakriṇaḥ || 10 ||
[Analyze grammar]

āmayaiśca vihīnāste doṣairoṣaiśca varjitāḥ |
sarvaiśvaryasamāpannāḥ sarvarogavivarjitāḥ || 11 ||
[Analyze grammar]

prasādāttasya devasya saṃjātā mānavāstadā |
amarāḥ nirjarāḥ sarve dhanadhānyasamanvitāḥ || 12 ||
[Analyze grammar]

martyā viṣṇuprasādena putrapautrairalaṃkṛtāḥ |
teṣāmeva mahābhāga gṛhadvāreṣu nityadā || 13 ||
[Analyze grammar]

kalpadrumāḥ supuṇyāste sarvakāmaphalapradāḥ |
sarvakāmadughā gāvaḥ saciṃtāmaṇayastathā || 14 ||
[Analyze grammar]

saṃti teṣāṃ gṛhe puṇyāḥ sarvakāmapradāyakāḥ |
amarā mānavā jātāḥ putrapautrairalaṃkṛtāḥ || 15 ||
[Analyze grammar]

sarvadoṣavihīnāste viṣṇoścaiva prasādataḥ |
sarvasaubhāgyasaṃpannāḥ puṇyamaṃgalasaṃyutāḥ || 16 ||
[Analyze grammar]

supuṇyā dānasaṃpannā jñānadhyānaparāyaṇāḥ |
na durbhikṣaṃ na ca vyādhirnākālamaraṇaṃ nṛṇām || 17 ||
[Analyze grammar]

tasmiñśāsati dharmajñe yayātau nṛpatau tadā |
vaiṣṇavā mānavāḥ sarve viṣṇuvrataparāyaṇāḥ || 18 ||
[Analyze grammar]

taddhyānāstadgatāḥ sarve saṃjātā bhāvatatparāḥ |
teṣāṃ gṛhāṇi divyāni puṇyāni dvijasattama || 19 ||
[Analyze grammar]

patākābhiḥ suśuklābhiḥ śaṃkhayuktāni tāni vai |
gadāṃkitadhvajābhiśca nityaṃ cakrāṃkitāni ca || 20 ||
[Analyze grammar]

padmāṃkitāni bhāsaṃte vimānapratimāni ca |
gṛhāṇi bhittibhāgeṣu citritāni sucitrakaiḥ || 21 ||
[Analyze grammar]

sarvatra gṛhadvāreṣu puṇyasthāneṣu sattamāḥ |
vanāni saṃti divyāni śādvalāni śubhāni ca || 22 ||
[Analyze grammar]

tulasyā ca dvijaśreṣṭha teṣu keśavamaṃdiraiḥ |
bhāsaṃte puṇyadivyāni gṛhāṇi prāṇināṃ sadā || 23 ||
[Analyze grammar]

sarvatra vaiṣṇavo bhāvo maṃgalo bahu dṛśyate |
śaṃkhaśabdāśca bhūloke mithaḥ sphoṭaravaiḥ sakhe || 24 ||
[Analyze grammar]

śrūyaṃte tatra vipreṃdra doṣapāpavināśakāḥ |
śaṃkhasvastikapadmāni gṛhadvāreṣu bhittiṣu || 25 ||
[Analyze grammar]

viṣṇubhaktyā ca nārībhirlikhitāni dvijottama |
gītarāgasuvarṇaiśca mūrcchanā tānasusvaraiḥ || 26 ||
[Analyze grammar]

gāyaṃti keśavaṃ lokā viṣṇudhyānaparāyaṇāḥ || 27 ||
[Analyze grammar]

hariṃ murāriṃ pravadaṃti keśavaṃ prītyā jitaṃ mādhavameva cānye |
śrīnārasiṃhaṃ kamalekṣaṇaṃ taṃ goviṃdamekaṃ kamalāpatiṃ ca || 28 ||
[Analyze grammar]

kṛṣṇaṃ śaraṇyaṃ śaraṇaṃ japaṃti rāmaṃ ca japyaiḥ paripūjayaṃti |
daṃḍapraṇāmaiḥ praṇamaṃti viṣṇuṃ taddhyānayuktāḥ paravaiṣṇavāste || 29 ||
[Analyze grammar]

iti śrīpadmapurāṇe bhūmikhaṃḍe venopākhyāne mātāpitṛtīrthavarṇane yayāti |
caritre catuḥsaptatitamo'dhyāyaḥ || 74 ||
[Analyze grammar]