Chapter 67

[English text for this chapter is available]

| yayātiruvāca |
asmadbhāgyaprasaṃgena bhavato darśanaṃ mama |
saṃjātaṃ śakrasaṃvāha etacchreyo mamātulam || 1 ||
[Analyze grammar]

mānavā martyaloke ca pāpaṃ kurvaṃti dāruṇam |
teṣāṃ karmavipākaṃ ca mātale vada sāṃpratam || 2 ||
[Analyze grammar]

mātaliruvāca |
śrūyatāmabhidhāsyāmi pāpācārasya lakṣaṇam |
śrute sati mahajjñānamatraloke prajāyate || 3 ||
[Analyze grammar]

vedaniṃdāṃ prakurvaṃti brahmācārasya kutsanam |
mahāpātakamevāpi jñātavyaṃ jñānapaṃḍitaiḥ || 4 ||
[Analyze grammar]

sādhūnāmapi sarveṣāṃ yaḥ pīḍāṃ hi samācaret |
mahāpātakamevāpi prāyaścitte na hi vrajet || 5 ||
[Analyze grammar]

kulācāraṃ parityajya anyācāraṃ vrajaṃti ca |
etacca pātakaṃ ghoraṃ kathitaṃ kṛtyavedibhiḥ || 6 ||
[Analyze grammar]

mātāpitrośca yo niṃdāṃ tāḍanaṃ bhaginīṣu ca |
pitṛsvasṛniṃdanaṃ ca tadeva pātakaṃ dhruvam || 7 ||
[Analyze grammar]

saṃprāpte śrāddhakālepi paṃcakrośāṃtaresthitam |
jāmātaraṃ parityajya tathā ca duhituḥ sutam || 8 ||
[Analyze grammar]

svasāraṃ caiva svasrīyaṃ parityajya pravartate |
kāmātkrodhādbhayādvāpi anyaṃ bhojayate yadā || 9 ||
[Analyze grammar]

pitaro naiva bhuṃjaṃti devāścaiva na bhuṃjate |
etacca pātakaṃ tasya pitṛghātasamaṃ kṛtam || 10 ||
[Analyze grammar]

dānakālepi saṃprāpte āgate brāhmaṇe kila |
bhūridānaṃ parityajya katibhyo hi pradīyate || 11 ||
[Analyze grammar]

ekasmai dīyate dānamanyebhyopi na dīyate |
etacca pātakaṃ ghoraṃ dānabhraṃśakaraṃ smṛtam || 12 ||
[Analyze grammar]

yajamānagṛhe sevā saṃsthitānbrāhmaṇānnijān |
parityajya hi yaddānaṃ na dānasya ca lakṣaṇam || 13 ||
[Analyze grammar]

samāśritaṃ hi yaṃ vipraṃ dharmācārasamanvitam |
sarvopāyaiḥ supuṣyettaṃ sudānairbahubhirnṛpa || 14 ||
[Analyze grammar]

na gaṇayenmūrkhaṃ vidvāṃsaṃ poṣyo vipraḥ sadā bhavet |
sarvaiḥ puṇyaiḥ samāyuktaṃ sudānairbahubhirnṛpa || 15 ||
[Analyze grammar]

taṃ samabhyarcya vidvāṃsaṃ prāptaṃ vipraṃ sadārhayet |
taṃ hi tyaktvā dadeddānamanyasmai brāhmaṇāya vai || 16 ||
[Analyze grammar]

dattaṃ hutaṃ bhavettasya niṣphalaṃ nātra saṃśayaḥ |
brāhmaṇaḥ kṣatriyo vaiśyaḥ śūdraścāpi caturthakaḥ || 17 ||
[Analyze grammar]

puṇyakāleṣu sarveṣu saṃśritaṃ pūjayeddvijam |
mūrkhaṃ vāpi hi vidvāṃsaṃ tasya puṇyaphalaṃ śṛṇu || 18 ||
[Analyze grammar]

aśvamedhasya yajñasya phalaṃ tasya prajāyate |
kasmāddhikāraṇādrājañchakyaṃ prāpya na kārayet || 19 ||
[Analyze grammar]

anyo vipraḥ samāyātastatkālaṃ śrāddhakarmaṇi |
ubhau tau pūjayettatra bhojanācchādanaistataḥ || 20 ||
[Analyze grammar]

tāṃbūladakṣiṇābhiśca pitarastasya harṣitāḥ |
śrāddhabhuktāya dātavyaṃ sadā dānaṃ ca dakṣiṇā || 21 ||
[Analyze grammar]

na dadecchrāddhakartā yo gohatyādi samaṃ bhavet |
dvāvetau pūjayettasmācchraddhayā nṛpasattama || 22 ||
[Analyze grammar]

nirddhanatva prabhāvādvai tamekaṃ hi prapūjayet |
vyatīpātepi saṃprāpte vaidhṛtau ca nṛpottama || 23 ||
[Analyze grammar]

amāvāsyāṃ tathā rājankṣayāhe parapakṣake |
śrāddhamevaṃ prakartavyaṃ brāhmaṇādi trivarṇakaiḥ || 24 ||
[Analyze grammar]

yajñe tathā mahārāja ṛtvijaśca prakārayet |
tathā viprāḥ prakartavyāḥ śrāddhadānāya sarvadā || 25 ||
[Analyze grammar]

avijñātaḥ prakartavyo brāhmaṇo naiva jānatā |
yasyāpi jñāyate vaṃśaḥ kulaṃ tripuruṣaṃ tathā || 26 ||
[Analyze grammar]

ācāraśca tathā rājaṃstaṃ vipraṃ sannimaṃtrayet |
kulaṃ na jñāyate yasya ācāreṇa vicārayet || 27 ||
[Analyze grammar]

śrāddhadāne prakartavye viśuddho mūrkha eva hi |
avijñāto bhavedvipro vedavedāṃgapāragaḥ || 28 ||
[Analyze grammar]

śrāddhadānaṃ prakartavyaṃ tasmādvipraṃ nimaṃtrayet |
ātithyaṃ tu prakartavyamapūrvaṃ nṛpasattama || 29 ||
[Analyze grammar]

anyathā kurute pāpī sa yāti narakaṃ dhruvam |
tasmādvipraḥ prakartavyo dāne śrāddhe ca parvasu || 30 ||
[Analyze grammar]

ādau parīkṣayedvipraṃ śrāddhe dāne prakārayet |
nāśnaṃti tasya vai gehe pitaro vipravarjitāḥ || 31 ||
[Analyze grammar]

śāpaṃ dattvā tato yāṃti śrāddhādvipravivarjitāt |
mahāpāpī bhavetsopi brahmaṇaḥ sadṛśo yadi || 32 ||
[Analyze grammar]

paitrācāraṃ parityajya yo varteta narottama |
mahāpāpī sa vijñeyaḥ sarvadharmabahiṣkṛtaḥ || 33 ||
[Analyze grammar]

ye tyajaṃti śivācāraṃ vaiṣṇavaṃ bhogadāyakam |
niṃdaṃti brāhmaṇaṃ dharmaṃ vijñeyāḥ pāpavarddhanāḥ || 34 ||
[Analyze grammar]

ye tyajaṃti śivācāraṃ śivabhaktāndviṣaṃti ca |
hariṃ niṃdaṃti ye pāpā brahmadveṣakarāḥ sadā || 35 ||
[Analyze grammar]

ācāraniṃdakā ye te mahāpātakakṛttamāḥ |
ādyaṃ pūjyaṃ paraṃ jñānaṃ puṇyaṃ bhāgavataṃ tathā || 36 ||
[Analyze grammar]

vaiṣṇavaṃ harivaṃśaṃ vā matsyaṃ vā kūrmameva ca |
pādmaṃ vā ye pūjayaṃti teṣāṃ śreyo vadāmyaham || 37 ||
[Analyze grammar]

pratyakṣaṃ tena vai devaḥ pūjito madhusūdanaḥ |
tasmātprapūjayejjñānaṃ vaiṣṇavaṃ viṣṇuvallabham || 38 ||
[Analyze grammar]

devasthāne ca nityaṃ vai vaiṣṇavaṃ pustakaṃ nṛpa |
tasminprapūjite vipra pūjitaḥ kamalāpatiḥ || 39 ||
[Analyze grammar]

asaṃpūjya harerjñānaṃ ye gāyaṃti likhaṃti ca |
ajñāya tatprayacchaṃti śṛṇvaṃtyuccārayaṃti ca || 40 ||
[Analyze grammar]

vikrīḍaṃti ca lobhena kujñāna niyamena ca |
asaṃskṛtapradeśeṣu yatheṣṭaṃ sthāpayaṃti ca || 41 ||
[Analyze grammar]

harijñānaṃ yathākṣemaṃ pratyakṣācca prakāśayet |
adhīte ca samarthaśca yaḥ pramādaṃ karoti ca || 42 ||
[Analyze grammar]

aśuciścāśucau sthāne yaḥ pravakti śṛṇoti ca |
iti sarvaṃ samāsena jñānaniṃdā samaṃ smṛtam || 43 ||
[Analyze grammar]

gurupūjāmakṛtvaiva yaḥ śāstraṃ śrotumicchati |
na karoti ca śuśrūṣāmājñābhaṃgaṃ ca bhāvataḥ || 44 ||
[Analyze grammar]

nābhinaṃdati tadvākyamuttaraṃ saṃprayacchati |
gurukarmaṇi sādhye ca tadupekṣāṃ karoti ca || 45 ||
[Analyze grammar]

gurumārtamaśaktaṃ ca videśaṃ prasthitaṃ tathā |
aribhiḥ paribhūtaṃ vā yaḥ saṃtyajati pāpakṛt || 46 ||
[Analyze grammar]

paṭhamānaṃ purāṇaṃ tu tasya pāpaṃ vadāmyaham |
kuṃbhīpāke vasettāvadyāvadiṃdrāścaturdaśa || 47 ||
[Analyze grammar]

paṭhamānaṃ guruṃ yo hi upekṣayati pāpadhīḥ |
tasyāpi pātakaṃ ghoraṃ ciraṃ narakadāyakam || 48 ||
[Analyze grammar]

bhāryāputreṣu mitreṣu yaścāvajñāṃ karoti ca |
ityetatpātakaṃ jñeyaṃ gurunindāsamaṃ mahat || 49 ||
[Analyze grammar]

brahmahā svarṇasteyī ca surāpī gurutalpagaḥ |
mahāpātakinaścaite tatsaṃyogī ca paṃcamaḥ || 50 ||
[Analyze grammar]

krodhāddveṣādbhayāllobhādbrāhmaṇasya viśeṣataḥ |
marmātikṛntako yaśca brahmaghnaḥ sa prakīrtitaḥ || 51 ||
[Analyze grammar]

brāhmaṇaṃ yaḥ samāhūya yācamānamakiṃcanam |
paścānnāstīti yo brūyātsa ca vai brahmahā nṛpa || 52 ||
[Analyze grammar]

yastu vidyābhimānena nistejayati vai dvijam |
udāsīnaṃ sabhāmadhye brahmahā sa prakīrtitaḥ || 53 ||
[Analyze grammar]

mithyāguṇairathātmānaṃ nayatyutkarṣatāṃ punaḥ |
guruṃ virodhayedyastu sa ca vai brahmahā smṛtaḥ || 54 ||
[Analyze grammar]

kṣuttṛṣātaptadehānāmannabhojanamicchatām |
yaḥ samācarate vighnaṃ tamāhurbrahmaghātakam || 55 ||
[Analyze grammar]

piśunaḥ sarvalokānāṃ raṃdhrānveṣaṇatatparaḥ |
udvejanakaraḥ krūraḥ sa ca vai brahmahā smṛtaḥ || 56 ||
[Analyze grammar]

devadvija gavāṃ bhūmiṃ pūrvadattāṃ harettu yaḥ |
pranaṣṭāmapi kālena tamāhurbrahmaghātakam || 57 ||
[Analyze grammar]

dvijavittāpaharaṇaṃ nyāsena samupārjitam |
brahmahatyāsamaṃ jñeyaṃ tasya pātakamuttamam || 58 ||
[Analyze grammar]

agnihotraṃ parityajya paṃcayajñīyakarmaṇi |
mātāpitrorgurūṇāṃ ca kūṭasākṣyaṃ ca yaścaret || 59 ||
[Analyze grammar]

apriyaṃ śivabhaktānāmabhakṣyāṇāṃ ca bhakṣaṇam |
vane niraparādhānāṃ prāṇināṃ ca pramāraṇam || 60 ||
[Analyze grammar]

gavāṃ goṣṭhe vane cāgneḥ pure grāme ca dīpanam |
iti pāpāni ghorāṇi surāpānasamāni tu || 61 ||
[Analyze grammar]

dīnasarvasvaharaṇaṃ parastrīgajavājinām |
gobhūrajatavastrāṇāmoṣadhīnāṃ rasasya ca || 62 ||
[Analyze grammar]

caṃdanāgurukarpūra kastūrī paṭṭa vāsasām |
paranyāsāpaharaṇaṃ rukmasteyasamaṃ smṛtam || 63 ||
[Analyze grammar]

kanyāyā varayogyāyā adānaṃ sadṛśe vare |
putramitrakalatreṣu gamanaṃ bhaginīṣu ca || 64 ||
[Analyze grammar]

kumārīsāhasaṃ ghoramaṃtyajastrīniṣevaṇam |
savarṇāyāśca gamanaṃ gurutalpasamaṃ smṛtam || 65 ||
[Analyze grammar]

mahāpātakatulyāni pāpānyuktāni yāni tu |
tāni pātakasaṃjñāni tannyūnamupapātakam || 66 ||
[Analyze grammar]

dvijāyārthaṃ pratijñāya na prayacchati yaḥ punaḥ |
tatra vismarate viprastulyaṃ tadupapātakam || 67 ||
[Analyze grammar]

dvijadravyāpaharaṇaṃ maryādāyā vyatikramam |
atimānātikopaśca dāṃbhikatvaṃ kṛtaghnatā || 68 ||
[Analyze grammar]

anyatra viṣayāsaktiḥ kārparṇyaṃ śāṭhyamatsaram |
paradārābhigamanaṃ sādhvīkanyābhidūṣaṇam || 69 ||
[Analyze grammar]

parivittiḥ parivettā yayā ca parividyate |
tayordānaṃ ca kanyāyāstayoreva ca yājanam || 70 ||
[Analyze grammar]

putramitrakalatrāṇāmabhāve svāminastathā |
bhāryāṇāṃ ca parityāgaḥ sādhūnāṃ ca tapasvinām || 71 ||
[Analyze grammar]

gavāṃ kṣatriyavaiśyānāṃ strīśūdrāṇāṃ ca ghātanam |
śivāyatanavṛkṣāṇāṃ puṇyārāma vināśanam || 72 ||
[Analyze grammar]

yaḥ pīḍāmāśramasthānāmācaredalpikāmapi |
tadbhṛtyaparivargasya paśudhānyavanasya ca || 73 ||
[Analyze grammar]

karṣa dhānya paśusteyamayājyānāṃ ca yājanam |
yajñārāmataḍāgānāṃ dārāpatyasya vikrayaḥ || 74 ||
[Analyze grammar]

tīrthayātropavāsānāṃ vratānāṃ ca sukarmaṇām |
strīdhanānyupajīvaṃti strībhagātyaṃtajīvitā || 75 ||
[Analyze grammar]

svadharmaṃ vikrayedyastu adharmaṃ varṇate naraḥ |
paradoṣapravādī ca paracchidrāvalokakaḥ || 76 ||
[Analyze grammar]

paradravyābhilāṣī ca paradārāvalokakaḥ |
ete goghnasamānāśca jñātavyā nṛpanaṃdana || 77 ||
[Analyze grammar]

yaḥ kartā sarvaśāstrāṇāṃ gohartā gośca vikrayī |
nirdayo'tīva bhṛtyeṣu paśūnāṃ damakaśca yaḥ || 78 ||
[Analyze grammar]

mithyā pravadate vācamākarṇayati yaḥ paraiḥ |
svāmidrohī gurudrohī māyāvī capalaḥ śaṭhaḥ || 79 ||
[Analyze grammar]

yo bhāryāputramitrāṇi bālavṛddhakṛśāturān |
bhṛtyānatithibaṃdhūṃśca tyaktvāśnāti bubhukṣitān || 80 ||
[Analyze grammar]

ye tu mṛṣṭaṃ samaśnaṃti no vāṃcchaṃtaṃ dadaṃti ca |
pṛthakpākī sa vijñeyo brahmavādiṣu garhitaḥ || 81 ||
[Analyze grammar]

niyamānsvayamādāya ye tyajaṃtyajiteṃdriyāḥ |
pravrajyāgamitā yaiśca saṃyuktā ye ca madyapaiḥ || 82 ||
[Analyze grammar]

ye cāpi kṣayarogārtāṃ gāṃ pipāsā kṣudhāturām |
na pālayaṃti yatnena te goghnā nārakāḥ smṛtāḥ || 83 ||
[Analyze grammar]

sarvapāparatā ye ca catuṣpātkṣetrabhedakāḥ |
sādhūnviprāngurūṃścaiva yaśca gāṃ hi pratāḍayet || 84 ||
[Analyze grammar]

ye tāḍayaṃtyadoṣāṃ ca nārīṃ sādhupadesthitām |
ālasyabaddhasarvāṃgo yaḥ svapiti muhurmuhuḥ || 85 ||
[Analyze grammar]

durbalāṃśca na puṣṇaṃti naṣṭānnānveṣayaṃti ca |
pīḍayaṃtyatibhāreṇa sakṣatānvāhayaṃti ca || 86 ||
[Analyze grammar]

sarvapāparatā ye ca saṃyuktā ye ca bhuṃjate |
bhagnāṃgīṃ kṣatarogārtāṃ gorūpāṃ ca kṣudhāturām || 87 ||
[Analyze grammar]

na pālayaṃti yatnena te janā nārakāḥ smṛtāḥ |
vṛṣāṇāṃ vṛṣaṇau ye ca pāpiṣṭhā ghātayaṃti ca || 88 ||
[Analyze grammar]

bādhayaṃti ca govatsānmahānārakiṇo narāḥ |
āśayā samanuprāptaṃ kṣuttṛṣāśramapīḍitam || 89 ||
[Analyze grammar]

ye cātithiṃ na manyaṃte te vai nirayagāminaḥ |
anāthaṃ vikalaṃ dīnaṃ bālaṃ vṛddhaṃ bhṛśāturam || 90 ||
[Analyze grammar]

nānukaṃpaṃti ye mūḍhāste yāṃti narakārṇavam |
ajāviko māhiṣiko yaḥ śūdrā vṛṣalīpatiḥ || 91 ||
[Analyze grammar]

śūdro viprasya kṣatrasya ya ācāreṇa vartate |
śilpinaḥ kāravo vaidyāstathā devalakā narāḥ || 92 ||
[Analyze grammar]

bhṛtakāmātyakarmāṇaḥ sarve nirayagāminaḥ |
yaścoditamatikramya svecchayā āharetkaram || 93 ||
[Analyze grammar]

narakeṣu sa pacyeta yaśca daṃḍaṃ vṛthā nayet |
utkocakairadhikṛtaistaskaraiśca prapīḍyate || 94 ||
[Analyze grammar]

yasya rājñaḥ prajā rājye pacyate narakeṣu saḥ |
ye dvijāḥ pratigṛhṇaṃti nṛpasya pāpavartinaḥ || 95 ||
[Analyze grammar]

prayāṃti tepi ghoreṣu narakeṣu na saṃśayaḥ |
pāradārikacaurāṇāṃ yatpāpaṃ pārthivasya ca || 96 ||
[Analyze grammar]

bhavatyarakṣato ghoro rājñastasya parigrahaḥ |
acauraṃ cauravadyaśca cauraṃ cācauravatpunaḥ || 97 ||
[Analyze grammar]

avicārya nṛpaḥ kuryātso'pi vai narakaṃ vrajet |
ghṛtatailānnapānādi madhumāṃsa surāsavam || 98 ||
[Analyze grammar]

guḍekṣukṣīraśākādi dadhimūlaphalāni ca |
tṛṇakāṣṭhaṃ puṣpapatraṃ kāṃsyabhājanameva ca || 99 ||
[Analyze grammar]

upānacchatrakaṭaka śibikāmāsanaṃ mṛdu |
tāmraṃ sīsaṃ trapukāṃsyaṃ śaṃkhādyaṃ ca jalodbhavam || 100 ||
[Analyze grammar]

vāditraṃ veṇuvaṃśādyaṃ gṛhopaskaraṇāni ca |
ūrṇākārpāsakauśeya raṃgapadmodbhavāni ca || 101 ||
[Analyze grammar]

tūlaṃ sūkṣmāṇivastrāṇi ye lobhena haraṃti ca |
evamādīni cānyāni dravyāṇi vividhāni ca || 102 ||
[Analyze grammar]

narakeṣu drutaṃ gacchedapahṛtyālpakānyapi |
yadvā tadvā paradravyamapi sarṣapamātrakam || 103 ||
[Analyze grammar]

apahṛtya naro yāti narake nātra saṃśayaḥ |
bahvalpakādyapi tathā parasya mamatākṛtam || 104 ||
[Analyze grammar]

apahṛtya naro yāti narake nātra saṃśayaḥ |
evamādyairnaraḥ pāpairutkrāṃtisamanaṃtaram || 105 ||
[Analyze grammar]

śarīraghātanārthāya pūrvākāramavāpnuyāt |
yamalokaṃ vrajaṃtyete śarīrasthā yamājñayā || 106 ||
[Analyze grammar]

yamadūtairmahāghorairnīyamānāḥ suduḥkhitāḥ |
devatiryaṅmanuṣyāṇāmadharmaniyatātmanām || 107 ||
[Analyze grammar]

dharmarājaḥ smṛtaḥ śāstā sughorairvividhairvadhaiḥ |
vinayācārayuktānāṃ pramādānmalinātmanām || 108 ||
[Analyze grammar]

prāyaścittairguruḥ śāstā na ca tairīkṣyate yamaḥ |
pāradārikacaurāṇāmanyāyavyavahāriṇām || 109 ||
[Analyze grammar]

nṛpatiḥ śāsakaḥ proktaḥ pracchannānāṃ ca dharmarāṭ |
tasmātkṛtasya pāpasya prāyaścittaṃ samācaret || 110 ||
[Analyze grammar]

nābhuktasyānyathā nāśaḥ kalpakoṭiśatairapi |
yaḥ karoti svayaṃ karma kārayedvānumodayet || 111 ||
[Analyze grammar]

kāyena manasā vācā tasya cādhogatiḥ phalam |
iti saṃkṣepataḥ proktāḥ pāpabhedāstridhādhunā || 112 ||
[Analyze grammar]

kathyaṃte gatayaścitrā narāṇāṃ pāpakarmaṇām |
etatte nṛpate dharma phalaṃ proktaṃ suvistarāt || 113 ||
[Analyze grammar]

anyatkiṃte pravakṣyāmi tanme brūhi narottama |
adharmasya phalaṃ proktaṃ dharmasyāpi vadāmyaham || 114 ||
[Analyze grammar]

ityuktvā mātalistatra rājānaṃ sarvavatsalam |
tasmindharmaprasaṃgena ityākhyātaṃ mahātmanā || 115 ||
[Analyze grammar]

iti śrīpadmapurāṇe bhūmikhaṃḍe venopākhyāne pitṛtīrthavarṇane yayāticaritre |
saptaṣaṣṭitamo'dhyāyaḥ || 67 ||
[Analyze grammar]