Chapter 51

[English text for this chapter is available]

brāhmaṇyuvāca |
gate tasmindurācāre gobhile pāpacetasi |
padmāvatī rurodātha duḥkhena mahatānvitā || 1 ||
[Analyze grammar]

tasyāstu ruditaṃ śrutvā sakhyaḥ sarvā dvijottama |
papracchustāṃ rājakanyāṃ tāḥ sarvāśca varānanāḥ || 2 ||
[Analyze grammar]

kasmādrodiṣi bhadraṃ te kathayasva hi ceṣṭitam |
kva gato'sau mahārājo māthurādhipatistava || 3 ||
[Analyze grammar]

yena tvaṃ hi samāhūtā priyetyuktvā vadasva naḥ |
tā uvāca suduḥkhena rodamānā punaḥ punaḥ || 4 ||
[Analyze grammar]

tayā āveditaṃ sarvaṃ yajjātaṃ doṣasaṃbhavam |
tābhirnītā piturgehaṃ vepamānā suduḥkhitā || 5 ||
[Analyze grammar]

mātuḥ samakṣaṃ tasyāstu ācacakṣustadā striyaḥ |
samākarṇya tato devī gatā sā bhartṛmaṃdiram || 6 ||
[Analyze grammar]

bhartāraṃ śrāvayāmāsa sutāvṛttāṃtameva hi |
samākarṇya tato rājā mahāduḥkhī ajāyata || 7 ||
[Analyze grammar]

yānācchādanakaṃ datvā parivārasamanvitām |
mathurāṃ preṣayāmāsa gatā sā priyamaṃdiram || 8 ||
[Analyze grammar]

sutādoṣaṃ samācchādya pitāmātā dvijottama |
ugrasenastu dharmātmā padmāvatīṃ samāgatām || 9 ||
[Analyze grammar]

sa dṛṣṭvā mumude cāśu uvācedaṃ vacaḥ punaḥ |
tvayā vinā na śaktosmi jīvituṃ hi varānane || 10 ||
[Analyze grammar]

bahuprabhāsi me prītā guṇaśīlaistu sarvadā |
bhaktyā satyena te kāṃte patidaivatyakairguṇaiḥ || 11 ||
[Analyze grammar]

samābhāṣya priyāṃ bhāryāṃ padmāvatīṃ nareśvaraḥ |
tayā sārdhaṃ sa vai reme ugraseno nṛpottamaḥ || 12 ||
[Analyze grammar]

vavṛdhe dāruṇo garbhaḥ sarvalokabhayapradaḥ |
padmāvatī vijānāti tasya garbhasya kāraṇam || 13 ||
[Analyze grammar]

svodare varddhamānasya ciṃtayaṃtī divāniśam |
anena kimu jātena lokanāśakareṇa vai || 14 ||
[Analyze grammar]

anenāpi na me kāryaṃ duṣṭaputreṇa sāṃpratam |
auṣadhīṃ pṛcchate sā tu garbhapātasya sarvataḥ || 15 ||
[Analyze grammar]

nārī mahauṣadhīṃ sā hi viṃdaṃtī ca dine dine |
garbhasya pātanāyaiva upāyā bahuśaḥ kṛtāḥ || 16 ||
[Analyze grammar]

vavṛdhe dāruṇo garbhaḥ sarvalokabhayaṃkaraḥ |
tāmuvāca tato garbhaḥ padmāvatīṃ ca mātaram || 17 ||
[Analyze grammar]

kasmāttvaṃ vyathase mātarauṣadhībhirdinedine |
puṇyena varddhate cāyuḥ pāpenālpaṃ tu jīvitam || 18 ||
[Analyze grammar]

ātmakarmavipākena jīvaṃti ca mriyaṃti ca |
āmagarbhāḥ prayāṃtyanye apakvāstu mahītale || 19 ||
[Analyze grammar]

jātamātrā mriyaṃte'nye kati te yauvanānvitāḥ |
bālā vṛddhāśca taruṇā āyuṣovaśatāṃ gatāḥ || 20 ||
[Analyze grammar]

sarve karmavipākena jīvaṃti ca mriyaṃti ca |
oṣadhyo maṃtradevāśca nimittāḥ syurna saṃśayaḥ || 21 ||
[Analyze grammar]

māmeva hi na jānāsi bhavatī yādṛśo hyaham |
dṛṣṭaḥ śrutastvayā pūrvaṃ kālanemirmahābalaḥ || 22 ||
[Analyze grammar]

dānavānāṃ mahāvīryastrailokyasya bhayapradaḥ |
devāsure mahāyuddhe hatohaṃ viṣṇunā purā || 23 ||
[Analyze grammar]

sādhayituṃ ca tadvairamāgato'smi tavodaram |
sāhasaṃ ca śramaṃ mātarmā kuruṣva dina dine || 24 ||
[Analyze grammar]

evamuktvā dvijaśreṣṭha mātaraṃ virarāma saḥ |
mātodyamaṃ parityajya mahāduḥkhādabhūttadā || 25 ||
[Analyze grammar]

daśābdāśca gatā yāvattāvadvṛddhimavāptavān |
paścājjajñe mahātejāḥ kaṃsobhūtsa mahābalaḥ || 26 ||
[Analyze grammar]

yena saṃtrāsitā lokāstrailokyasya nivāsinaḥ |
yo hato vāsudevena gato mokṣaṃ na saṃśayaḥ || 27 ||
[Analyze grammar]

evaṃ śrutaṃ mayā kāṃta bhaviṣyaṃ tu bhaviṣyati |
purāṇeṣveva sarveṣu niścitaṃ kathitaṃ tava || 28 ||
[Analyze grammar]

pitṛgehesthitā kanyā nāśamevaṃ prayāti sā |
gṛhāvāsāya me kāṃta kanyā mohaṃ na kārayet || 29 ||
[Analyze grammar]

imāṃ duṣṭāṃ mahāpāpāṃ parityajya sthiro bhava |
prāptavyaṃ tu mahāpāpaṃ duḥkhaṃ dāruṇameva ca || 30 ||
[Analyze grammar]

loke śreyaḥkaraṃ kāṃta tadbhuṃkṣva tvaṃ mayā saha |
śūkaryuvāca |
etadvākyaṃ sumaṃtraṃ tu śrutvā sa hi dvijottamaḥ || 31 ||
[Analyze grammar]

tyāge matiṃ cakārāsau samāhūtā hyahaṃ tadā |
sakalaṃ vastraśṛṃgāraṃ mama dattaṃ śubhe śṛṇu || 32 ||
[Analyze grammar]

tavaiva durnayairvipraḥ śivaśarmā dvijottamaḥ |
gato vai matimānduṣṭe kuladuṣṭapracāriṇi || 33 ||
[Analyze grammar]

yatra te tiṣṭhate bhartā tatra gaccha na saṃśayaḥ |
tava yadrocate sthānaṃ yathādiṣṭaṃ tathā kuru || 34 ||
[Analyze grammar]

evamuktvā mahābhāge pitṛmātṛkuṭuṃbakaiḥ |
parityaktā gatā śīghraṃ nirlajjāhaṃ varānane || 35 ||
[Analyze grammar]

na labhāmyahamevāpi vāsasthānaṃ sukhaṃ śubhe |
bhartsayaṃti ca māṃ lokāḥ puṃścalīyaṃ samāgatā || 36 ||
[Analyze grammar]

aṭamānā gatā deśātkulamānena varjitā |
deśe gurjarake puṇye saurāṣṭre śivamaṃdire || 37 ||
[Analyze grammar]

vanasthaleti vikhyātaṃ nagaraṃ vṛddhisaṃkulam |
atīva pīḍitā devi kṣudhayāhaṃ tadā śṛṇu || 38 ||
[Analyze grammar]

karparaṃ hi kare gṛhya bhikṣārthamupacakrame |
gṛhiṇāṃ dvāradeśeṣu praviśāmi suduḥkhitā || 39 ||
[Analyze grammar]

mama rūpaṃ vipaśyaṃti lokāḥ kutsaṃti bhāmini |
na dadaṃte ca me bhikṣāṃ pāpā ceyaṃ samāgatā || 40 ||
[Analyze grammar]

evaṃ duḥkhasamāhārā dāridryaparipīḍitā |
aṭaṃtyā ca mayā dṛṣṭaṃ gṛhamekamanuttamam || 41 ||
[Analyze grammar]

tuṃgaprākārasaṃveṣṭaṃ vedaśālāsamanvitam |
vedadhvanisamākīrṇaṃ bahuviprasamākulam || 42 ||
[Analyze grammar]

dhanadhānyasamākīrṇaṃ dāsīdāsairalaṃkṛtam |
praviveśa gṛhaṃ ramyaṃ lakṣmīmuditameva tat || 43 ||
[Analyze grammar]

tadgṛhaṃ sarvatobhadraṃ tasyaiva śivaśarmaṇaḥ |
bhikṣāṃ dehītyuvācātha sudevā duḥkhapīḍitā || 44 ||
[Analyze grammar]

śivaśarmātha śuśrāva bhikṣāśabdaṃ dvijottamaḥ |
maṃgalāṃ nāma vai bhāryāṃ lakṣmīrūpāṃ varānanām || 45 ||
[Analyze grammar]

tāṃ hasanprāha dharmātmā śivaśarmā mahāmatiḥ |
iyaṃ hi durbalā prāptā bhikṣārthaṃ dvāramāgatā || 46 ||
[Analyze grammar]

samāhūya priye caināṃ dehi tvaṃ bhojanaṃ śubhe |
kṛpayā parayāviṣṭā jñātvā māṃ tu samāgatām || 47 ||
[Analyze grammar]

provāca maṃgalā kāṃtaṃ dāsyāmi priya bhojanam |
evamuktvā ca bhartāraṃ maṃgalā maṃgalānvitā || 48 ||
[Analyze grammar]

punarmāṃ bhojayāmāsa miṣṭānnena sudurbalām |
māmuvāca sa dharmātmā śivaśarmā mahāmuniḥ || 49 ||
[Analyze grammar]

kā tvamatra samāyātā kasya vā bhramase jagat |
kena kāryeṇa sarvatra kathayasva mamāgrataḥ || 50 ||
[Analyze grammar]

evamākarṇya tadvākyaṃ bhartuścaiva mahātmanaḥ |
svareṇa lakṣitaḥ kāṃto mayā vai pāpayā tadā || 51 ||
[Analyze grammar]

vrīḍayādhomukhījātā dṛṣṭo bhartā yadā mayā |
maṃgalā cārusarvāṃgī bhartāramidamabravīt || 52 ||
[Analyze grammar]

kā ceyaṃ hi samācakṣva tvāṃ dṛṣṭvā hi vilajjati |
kathayasva prasādena kā ca eṣā bhaviṣyati || 53 ||
[Analyze grammar]

iti śrīpadmapurāṇe bhūmikhaṃḍe venopākhyāne sukalācaritre |
ekapaṃcāśattamo'dhyāyaḥ || 51 ||
[Analyze grammar]