Chapter 47

[English text for this chapter is available]

saptacatvāriṃśo'dhyāyaḥ |
sukalovāca |
sudevā cārusarvāṃgī tāmuvācātha sūkarīm |
paśuyoniṃ gatā tvaṃ hi kathaṃ vadasi saṃskṛtam || 1 ||
[Analyze grammar]

evaṃvidhaṃ mahājñānaṃ kasmādbhūtaṃ vadasva me |
kathaṃ jānāsi vai bhartuścaritramātmanaḥ śubhe || 2 ||
[Analyze grammar]

śūkaryuvāca |
paśorbhāvena mohena muṣṭāhaṃ varavarṇini |
nihatā khaḍgabāṇaiśca patitā raṇamūrdhani || 3 ||
[Analyze grammar]

mūrcchayābhipariklinnā jñānahīnā varānane |
tvayābhiṣiktā yenāhaṃ puṇyahastena suṃdari || 4 ||
[Analyze grammar]

puṇyodakena śītena tava hastagatena vai |
abhiṣikte hi me kāye moho naṣṭo vihāya mām || 5 ||
[Analyze grammar]

yathā vināśaṃ tejobhiraṃdhakāraḥ prayāti saḥ |
tathā tavābhiṣekeṇa mama pāpaṃ gataṃ śubhe || 6 ||
[Analyze grammar]

prasādāttava cārvaṃgi labdhaṃ jñānaṃ purātanam |
puṇyāṃ gatiṃ prayāsyāmi iti jñātaṃ mayā śubhe || 7 ||
[Analyze grammar]

śrūyatāmabhidhāsyāmi pūrvaṃ vṛttāṃtamātmanaḥ |
yatkṛtaṃ tu mayā bhadre pāpayā duṣkṛtaṃ bahu || 8 ||
[Analyze grammar]

kaliṃgākhye mahādeśe śrīpuraṃnāma pattanam |
sarvasiddhisamākīrṇaṃ caturvarṇaniṣevitam || 9 ||
[Analyze grammar]

vasati sma dvijaḥ kopi vasudatta iti śrutaḥ |
brahmācāraparonityaṃ satyadharmaparāyaṇaḥ || 10 ||
[Analyze grammar]

vedavettā jñānavettā śucimānguṇavāndhanī |
dhanadhānyasamākīrṇaḥ putrapautrairalaṃkṛtaḥ || 11 ||
[Analyze grammar]

tasyāhaṃ tanayā bhadre sodaraiḥ svajanabāṃdhavaiḥ |
alaṃkāraistu śṛṃgārairbhūṣitāsmi varānane || 12 ||
[Analyze grammar]

sudevānāma me tātaścakāra sa mahāmatiḥ |
tasyāhaṃ dayitā nityaṃ pituścāpi mahāmate || 13 ||
[Analyze grammar]

rūpeṇāpratimā jātā saṃsāre nāsti tādṛśī |
rūpayauvanagarveṇa mattāhaṃ cāruhāsinī || 14 ||
[Analyze grammar]

ahaṃ kanyā surūpā vai sarvālaṃkāraśobhitā |
māṃ ca dṛṣṭvā tato lokāḥ sarve svajanavargakāḥ || 15 ||
[Analyze grammar]

māmevaṃ yācamānāste vivāhārthe varānane |
yācitāhaṃ dvijaiḥ sarvairna dadāti pitā mama || 16 ||
[Analyze grammar]

snehāccaiva mahābhāge mumoha sa mahāmatiḥ |
na dattāhaṃ tadā tena pitrā caiva mahātmanā || 17 ||
[Analyze grammar]

saṃprāptaṃ yauvanaṃ bāle mayi bhāvasamanvitam |
rūpaṃ me tādṛśaṃ dṛṣṭvā mama mātā suduḥkhitā || 18 ||
[Analyze grammar]

pitaraṃ me uvācātha kasmātkanyā na dīyate |
tvaṃ kasmai sudvijāyaiva brāhmaṇāya mahātmane || 19 ||
[Analyze grammar]

dehi kanyāṃ mahābhāga saṃprāptā yauvanaṃ tviyam |
vasudatto dvijaśreṣṭhaḥ pratyuvāca dvijottamaḥ || 20 ||
[Analyze grammar]

mātaraṃ me mahābhāge śrūyatāṃ vacanaṃ mama |
mahāmohenamugdho'smi sutāyā varavarṇini || 21 ||
[Analyze grammar]

yo me gṛhastho vipro vai bhaviṣyati śubhe śṛṇu |
tasmai kanyāṃ pradāsyāmi jāmātre tu na saṃśayaḥ || 22 ||
[Analyze grammar]

mama prāṇapriyā caiṣā sudevā nātra saṃśayaḥ |
evamūce madarthe sa vasudattaḥ pitā mama || 23 ||
[Analyze grammar]

kauśikasya kule jātaḥ sarvavidyāviśāradaḥ |
brāhmaṇānāṃ guṇairyuktaḥ śīlavānguṇavāñchuciḥ || 24 ||
[Analyze grammar]

vedādhyayanasaṃpannaṃ paṭhamānaṃ hi susvaram |
bhikṣārthaṃ dvāramāyāṃtaṃ pitṛmātṛvivarjitam || 25 ||
[Analyze grammar]

taṃ dṛṣṭvāsamanuprāptaṃ rūpaṃ vīkṣya mahāmatiḥ |
taṃ provāca pitā evaṃ ko bhavānvai bhaviṣyati || 26 ||
[Analyze grammar]

kiṃ te nāma kulaṃ gotramācāraṃ vada sāṃpratam |
samākarṇya piturvākyaṃ vasudattamuvāca saḥ || 27 ||
[Analyze grammar]

kauśikasyānvaye jāto vedavedāṃgapāragaḥ |
śivaśarmeti me nāma pitṛmātṛvivarjitaḥ || 28 ||
[Analyze grammar]

saṃti me bhrātaraścānye catvāro vedapāragāḥ |
evaṃ kulaṃ samākhyātamācāraḥ kulasaṃbhavaḥ || 29 ||
[Analyze grammar]

evaṃ sarvaṃ samākhyātaṃ pitaraṃ śivaśarmaṇā |
śubhe lagne tithau prāpte nakṣatre bhagadaivate || 30 ||
[Analyze grammar]

pitrā dattāsmi subhage tasmai viprāya vai tadā |
pitṛgehe vasāmyekā tena sārdhaṃ mahātmanā || 31 ||
[Analyze grammar]

naiva śuśrūṣito bhartā mayā sa pāpayā tadā |
pitṛmātṛsudravyeṇa garveṇāpi pramohitā || 32 ||
[Analyze grammar]

aṃgasaṃvāhanaṃ tasya na kṛtaṃ hi mayā kadā |
ratibhāvena snehena vacanena mayā śubhe || 33 ||
[Analyze grammar]

krūrabuddhyā hi dṛṣṭosau sarvadā pāpayā mayā |
puṃścalīnāṃ prasaṃgena tadbhāvaṃ hi gatā śubhe || 34 ||
[Analyze grammar]

mātāpitrośca bhartuśca bhrātṝṇāṃ hitameva ca |
na karomyahamevāpi yatrayatra vrajāmyaham || 35 ||
[Analyze grammar]

evaṃ me duṣkṛtaṃ dṛṣṭvā śivaśarmā patirmama |
snehācchvaśuravargasya mama bharttā mahāmatiḥ || 36 ||
[Analyze grammar]

na kiṃcidvakti māṃ sopi kṣamate duṣkṛtaṃ mama |
vāryamāṇā kuṭuṃbena ahamevaṃ supāpinī || 37 ||
[Analyze grammar]

tasya śīlaṃ viditvā te sādhutvaṃ śivaśarmaṇaḥ |
pitāmātā ca me sarve mama pāpena duḥkhitāḥ || 38 ||
[Analyze grammar]

bharttā me duṣkṛtaṃ dṛṣṭvā svagṛhānnirgato bahiḥ |
taṃ deśaṃ grāmamenaṃ ca parityajya gatastataḥ || 39 ||
[Analyze grammar]

gate bhartari me tātaḥ saṃjātaściṃtayānvitaḥ |
mama duḥkhena duḥkhātmā yathā rogeṇa pīḍitaḥ || 40 ||
[Analyze grammar]

mama mātā uvācainaṃ bhartāraṃ duḥkhapīḍitam |
kasmācciṃtayase kāṃta vada duḥkhaṃ mamāgrataḥ || 41 ||
[Analyze grammar]

vasudatta uvācaināṃ mātaraṃ mama naṃdane |
sutāṃ tyaktvā gato vipro jāmātā śṛṇu vallabhe || 42 ||
[Analyze grammar]

iyaṃ pāpasamācārā nirghṛṇā pāpacāriṇī |
anayā hi parityaktaḥ śivaśarmā mahāmatiḥ || 43 ||
[Analyze grammar]

samastasya kuṭuṃbasya dākṣiṇyena mahāmatiḥ |
mamāyaṃ sa dvijaḥ kāṃte sudevāṃ naiva bhāṣate || 44 ||
[Analyze grammar]

vasate saumyabhāvena naiva niṃdati kutsati |
sudevāṃ pāpasaṃcārāṃ sa vai paṃḍitabuddhimān || 45 ||
[Analyze grammar]

bhaviṣyati tviyaṃ duṣṭā sudevā kulanāśinī |
ahamenāṃ parityajya vrajāmi gṛhavāsini || 46 ||
[Analyze grammar]

brāhmaṇyuvāca |
adya jñātaṃ tvayā kāṃta sutāyā guṇadūṣaṇam |
tava mohena snehena naṣṭeyaṃ śṛṇu sāṃpratam || 47 ||
[Analyze grammar]

tāvadvilāḍayetputraṃ yāvatsyātpaṃcavārṣikaḥ |
śikṣābuddhyā sadā kāṃta punarmohena poṣayet || 48 ||
[Analyze grammar]

snānācchādanakairbhakṣyairbhojyaiḥ peyairna saṃśayaḥ |
guṇeṣu yojayetkāṃta sadvidyāsu ca taṃ sutam || 49 ||
[Analyze grammar]

guṇaśikṣārthaṃnirmohaḥ pitā bhavati sarvadā |
pālane poṣaṇe kāṃta saṃmohaḥ parijāyate || 50 ||
[Analyze grammar]

saguṇaṃ na vadetputraṃ kutsayecca dinedine |
kāṭhinyaṃ ca vadennityaṃ vacanaiḥ paripīḍayet || 51 ||
[Analyze grammar]

yathāhi sādhayennityaṃ suvidyāṃ jñānatatparaḥ |
abhimānecchalenāpi pāpaṃ tyaktvā pradūrataḥ || 52 ||
[Analyze grammar]

naipuṇyaṃ jāyate nityaṃ vidyāsu ca guṇeṣu ca |
mātā ca tāḍayetkanyāṃ snuṣāṃ śvaśrūrvitāḍayet || 53 ||
[Analyze grammar]

guruśca tāḍayecchiṣyaṃ tataḥ sidhyaṃti nānyathā |
bhāryāṃ ca tāḍayetkāṃta amātyaṃ nṛpatistathā || 54 ||
[Analyze grammar]

hayaṃ ca tāḍayeddhīro gajaṃ mātro dinedine |
śikṣābuddhyā prasidhyaṃti tāḍanātpālanādvibho || 55 ||
[Analyze grammar]

tvayeyaṃ nāśitā nātha sarvadaiva na saṃśayaḥ |
sārdhaṃ subrāhmaṇenāpi bhavatā śivaśarmaṇā || 56 ||
[Analyze grammar]

niraṃkuśā kṛtā gehe tena naṣṭā mahāmate |
tāvaddhi dhārayetkanyāṃ gṛhe kāṃtavacaḥ śṛṇu || 57 ||
[Analyze grammar]

aṣṭavarṣānvitā yāvatprabalāṃ naiva dhārayet |
piturgehasthitā putrī yatpāpaṃ hi prakurvatī || 58 ||
[Analyze grammar]

ubhābhyāmapi tatpāpaṃ pitṛbhyāmapi viṃdati |
tasmānna dhāryate kanyā samarthā nijamaṃdire || 59 ||
[Analyze grammar]

yasya dattā bhavetsā ca tasya gehe prapoṣayet |
tatrasthā sādhayetkāṃtaṃ saguṇaṃ bhaktipūrvakam || 60 ||
[Analyze grammar]

kulasya jāyate kīrtiḥ pitā sukhena jīvati |
tatrasthā kurute pāpaṃ tatpāpaṃ bhuṃjate patiḥ || 61 ||
[Analyze grammar]

tatrasthā varddhate nityaṃ putraiḥ pautraiḥ sadaiva sā |
pitā kīrtimavāpnoti sutāyāḥ suguṇaiḥ priya || 62 ||
[Analyze grammar]

tasmānna dhārayetkāṃta gehe putrīṃ sabhartṛkām |
ityarthe śrūyate kāṃta itihāso bhaviṣyati || 63 ||
[Analyze grammar]

aṣṭaviṃśatike prāpte yuge dvāparake mahān |
ugrasenasya vīrasya yadujyeṣṭhasya yatprabho || 64 ||
[Analyze grammar]

caritraṃ te pravakṣyami śṛṇuṣvaikamanā dvija || 65 ||
[Analyze grammar]

iti śrīpadmapurāṇe bhūmikhaṃḍe venopākhyāne sukalācaritre |
saptacatvāriṃśo'dhyāyaḥ || 47 ||
[Analyze grammar]