Padma Purana [sanskrit]
462,305 words | ISBN-13: 9789385005305
The Padma-purana Book 2 Chapter 45 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.
Chapter 45
[English text for this chapter is available]
paṃcacatvāriṃśattamo'dhyāyaḥ |
sukalovāca |
atha te lubdhakāḥ sarve śūkarīṃ prati jagmire |
śūrāśca dāruṇāḥ prāptāḥ pāśahastāśca bhīṣaṇāḥ || 1 ||
[Analyze grammar]
caturaśca tato ḍiṃbhānkṛtvā sthitvā ca śūkarī |
kuṭuṃbena samaṃ kāṃtaṃ hataṃ dṛṣṭvā mahāhave || 2 ||
[Analyze grammar]
bharturme ciṃtitaṃ prāptamṛṣidevaiśca pūjitaḥ |
gataḥ svargaṃ mahātmāsau vīryeṇānena karmaṇā || 3 ||
[Analyze grammar]
anenāpi pathā yāsye svargaṃ bharttā sa tiṣṭhati |
tayā suniścitaṃ kṛtvā putrānprativiciṃtitam || 4 ||
[Analyze grammar]
yadā jīvaṃti me bālāścatvāro vaṃśadhārakāḥ |
bhavatyasya suvīrasya kolasyāpi mahātmanaḥ || 5 ||
[Analyze grammar]
kenopāyena putrānvai rakṣāyuktānkaromyaham |
iti ciṃtāparā bhūtvā dṛṣṭvā parvatasaṃkaṭam || 6 ||
[Analyze grammar]
tatra mārgaṃ suvistīrṇaṃ niṣkāsāya prayāsyate |
tayā suniścitaṃ kṛtvā putrānprati viciṃtitam || 7 ||
[Analyze grammar]
tānuvāca mahārāja putrānprati sumohitān |
yāvattiṣṭhāmyahaṃ putrāstāvadgacchata śīghragāḥ || 8 ||
[Analyze grammar]
teṣāṃ madhye suto jyeṣṭhaḥ kathaṃ yāsyāmi mātaram |
saṃtyajya jīvalobhācca dhiṅme mātaḥ sujīvitam || 9 ||
[Analyze grammar]
pitṛvairaṃ kariṣyāmi sādhayiṣye raṇe ripūn |
gṛhītvā tvaṃ kanīyasobhrātṝnstrīndurgakaṃdaram || 10 ||
[Analyze grammar]
pitaraṃ mātaraṃ tyaktvā yo yāti hi sa pāpadhīḥ |
narakaṃ ca prayātyeva kṛmikoṭisamākulam || 11 ||
[Analyze grammar]
tamuvāca suduḥkhārtā tvāṃ tyaktvāhaṃ kathaṃ suta |
saṃyāsyāmi mahāpāpā trayo gacchaṃtu me sutāḥ || 12 ||
[Analyze grammar]
kanīyasastrayastveva gatā girivanāṃtaram |
tau jagmatū raṇabhuvaṃ teṣāmeva supaśyatām || 13 ||
[Analyze grammar]
tejasā subalenāpi garjaṃtau ca punaḥpunaḥ |
atha te lubdhakāḥ śūrāḥ saṃprāptā vātaraṃhasaḥ || 14 ||
[Analyze grammar]
pathā tenāpi durgeṇa trayaste preṣitā nṛpa |
tiṣṭhataḥ sma pathaṃ ruddhvā dvāvetau jananīsutau || 15 ||
[Analyze grammar]
lubdhakāśca tataḥ prāptāḥ khaḍgabāṇadhanurdharāḥ |
prajaghnustomaraistīkṣṇaiścakraiśca muśalaistataḥ || 16 ||
[Analyze grammar]
mātaraṃ pṛṣṭhataḥ kṛtvā tanayo yudhyate sa taiḥ |
daṃṣṭrayā nihatāḥ kecitkecittuṃḍena ghātitāḥ || 17 ||
[Analyze grammar]
saṃjaghāna khurāgraiśca śūrāśca patitā raṇe |
yuyudhe śūkaraḥ saṃkhye dṛṣṭo rājñā mahātmanā || 18 ||
[Analyze grammar]
pituḥ sakāśācchūroyamiti jñātvā sasammukhaḥ |
bāṇapāṇirmahātejā manusūnuḥ pratāpavān || 19 ||
[Analyze grammar]
niśitenāpi bāṇena arddhacaṃdrānukāriṇā |
rājñā hataḥ papātorvyāṃ viddhorasko mahātmanā || 20 ||
[Analyze grammar]
mamāra sahasā bhūmau papāta sa hi śūkaraḥ |
putramohaṃ paraṃ prāptā tasyopari gatā svayam || 21 ||
[Analyze grammar]
tayā ca nihatāḥ śūrāstuṃḍaghātairmahītale |
nipeturlubdhakāḥ śūrāḥ katinaṣṭā mṛtā nṛpa || 22 ||
[Analyze grammar]
drāvayaṃtī mahatsainyaṃ daṃṣṭrayā sūkarī tataḥ |
yathā kṛtyā samudbhūtā mahābhayavidhāyikā || 23 ||
[Analyze grammar]
tamuvāca tato rājñī devarājasutopamam |
anayā nihataṃ rājanmahatsainyaṃ tavaiva hi || 24 ||
[Analyze grammar]
kasmādupekṣase kāṃta tanme tvaṃ kāraṇaṃ vada |
tāmuvāca mahārājo nāhaṃ hanmi imāṃ striyam || 25 ||
[Analyze grammar]
mahādoṣaṃ priye dṛṣṭaṃ strīvadhe daivataiḥ kila |
tasmānna ghātayennārīṃ preṣayehaṃ na kaṃcana || 26 ||
[Analyze grammar]
asyā vadhanimittārthe pāpādbibhemi suṃdari |
evamuktvā tadā rājā virarāma mahīpatiḥ || 27 ||
[Analyze grammar]
lubdhako jhārjharo nāma dadṛśe sa tu sūkarīm |
kurvaṃtīṃ kadanaṃ teṣāṃ duḥsahāṃ subhaṭairapi || 28 ||
[Analyze grammar]
āvivyādha suvegena bāṇena niśitena hi |
saṃlagnena tu bāṇena śoṇitena pariplutā || 29 ||
[Analyze grammar]
śobhamānā tvarāṃ prāptā vīraśriyā samākulā |
tuṃḍenāpi hataḥ saṃkhye jhārjharaḥ sa tayā punaḥ || 30 ||
[Analyze grammar]
patamānena tenāpi jhārjhareṇa tadā hatā |
khaḍgena niśitenāpi papāta vidalīkṛtā || 31 ||
[Analyze grammar]
śvasamānā raṇenāpi mūrcchanābhi pariplutā |
duḥkhena mahatāviṣṭā jīvamānā mahītale || 32 ||
[Analyze grammar]
iti śrīpadmapurāṇe bhūmikhaṃḍe venopākhyāne sukalācaritre |
paṃcacatvāriṃśo'dhyāyaḥ || 45 ||
[Analyze grammar]
Other editions:
Also see the following editions of the Sanskrit text or (alternative) English translations of the Padma Purana Chapter 45
Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)
Sanskrit Text and Hindi Translation with Sloka Index (Set of 7 Volumes)
Buy now!
Padma Purana (In Six Volumes)
by Chowkhamba Sanskrit Series Office (2007)
Sanskrit Text Only
Buy now!
Sri Padma Purana (Tamil)
by Azhwargal Aaivu Maiyam, Chennai (2015)
Translated by S. Jagatrakshgan
Buy now!