Chapter 34

[English text for this chapter is available]

sūta uvāca |
yathā śaptā vane pūrvaṃ suśaṃkhena mahātmanā |
tāsu sarvaṃ samākhyātaṃ sakhīṣveva viceṣṭitam || 1 ||
[Analyze grammar]

ātmanaśca mahābhāgā duḥkhenātiprapīḍitā |
sunīthovāca |
anyaccaiva pravakṣyāmi sakhyaḥ śṛṇvaṃtu sāṃpratam || 2 ||
[Analyze grammar]

madīyarūpasaṃpatti vayaḥ saguṇasaṃpadaḥ |
vilokya tātaściṃtātmā saṃjāto mama kāraṇāt || 3 ||
[Analyze grammar]

devebhyo dātukāmo'sau munibhyastu mahāyaśāḥ |
māṃ ca haste vigṛhyaiva sarvānvākyamudāharat || 4 ||
[Analyze grammar]

guṇayuktā sutā bālā mameyaṃ cārulocanā |
dātukāmosmi bhadraṃ vo guṇine sumahātmane || 5 ||
[Analyze grammar]

mṛtyorvākyaṃ tato devā ṛṣayaḥ śuśruvustadā |
tamūcurbhāṣamāṇaṃ te devā iṃdra purogamāḥ || 6 ||
[Analyze grammar]

tava kanyā guṇāḍhyeyaṃ śīlānāṃ paramo nidhiḥ |
doṣeṇaikena saṃduṣṭā ṛṣiśāpena tena vai || 7 ||
[Analyze grammar]

asyāmutpatsyate putro yasya vīryātpumānkila |
bhavitā sa mahāpāpī puṇyavaṃśavināśakaḥ || 8 ||
[Analyze grammar]

gaṃgātoyena saṃpūrṇaḥ kuṃbha eva pradṛśyate |
surāyābindunālipto madyakumbhaḥ prajāyate || 9 ||
[Analyze grammar]

pāpasya pāpasaṃsargātkulaṃ pāpi prajāyate |
āranālasya vai biṃduḥ kṣīramadhye prayāti cet || 10 ||
[Analyze grammar]

paścānnāśayate kṣīramātmarūpaṃ prakāśayet |
tadvadvināśayedvaṃśaṃ pāpaḥ putro na saṃśayaḥ || 11 ||
[Analyze grammar]

anenāpi hi doṣeṇa taveyaṃ pāpabhāginī |
anyasmai dīyatāṃ gaccha devairuktaḥ pitā mama || 12 ||
[Analyze grammar]

devaiścāpi sagaṃdharvairṛṣibhiśca mahātmabhiḥ |
taiścāpi saṃparityaktaḥ pitā me duḥkhapīḍitaḥ || 13 ||
[Analyze grammar]

mamānye cāpi svīkāraṃ na kurvaṃti hi sajjanāḥ |
evaṃ pāpamayaṃ karma mayā caiva purā kṛtam || 14 ||
[Analyze grammar]

saṃtaptā duḥkhaśokena vanameva samāśritā |
tapa eva cariṣyāmi kariṣye kāyaśoṣaṇam || 15 ||
[Analyze grammar]

bhavatībhiḥ supṛṣṭāhaṃ kāryakāraṇameva hi |
mama ciṃtānugaṃ karma mayā tadvaḥ prakāśitam || 16 ||
[Analyze grammar]

evamuktvā sunīthā sā mṛtyoḥ kanyā yaśasvinī |
virarāma ca duḥkhārtā kiṃcinnovāca vai punaḥ || 17 ||
[Analyze grammar]

sakhya ūcuḥ |
duḥkhameva mahābhāge tyaja kāyavināśanam |
nāsti kasya kule doṣo devaiḥ pāpaṃ samāśritam || 18 ||
[Analyze grammar]

jihmamuktaṃ purā tena brahmaṇā harasaṃnidhau |
devaiścāpi sa hi tyakto brahmā'pūjyatamo'bhavat || 19 ||
[Analyze grammar]

brahmahatyā prayukto'sau devarājopi paśya bhoḥ |
devaiḥ sārdhaṃ mahābhāgastrailokyaṃ paribhuṃjati || 20 ||
[Analyze grammar]

gautamasya priyāṃ bhāryāmahalyāṃ gatavānpurā |
paradārābhigāmī sa devatve parivarttate || 21 ||
[Analyze grammar]

brahmahatyopamaṃ karma dāruṇaṃ kṛtavānharaḥ |
brahmaṇastu kapālena cādyāpi parivartate || 22 ||
[Analyze grammar]

devānamaṃtitaṃ devamṛṣayo vedapāragāḥ |
ādityaḥ kuṣṭhasaṃyuktastrailokyaṃ ca prakāśayet || 23 ||
[Analyze grammar]

lokānamaṃtitaṃ devaṃ devādyāḥ sacarācarāḥ |
kṛṣṇo bhuṃkte mahāśāpaṃ bhārgaveṇa kṛtaṃ purā || 24 ||
[Analyze grammar]

gurubhāryāṃgataścaṃdraḥ kṣayī tena prajāyate |
bhaviṣyati mahātejā rājarājaḥ pratāpavān || 25 ||
[Analyze grammar]

pāṃḍuputro mahāprājño dharmātmā sa yudhiṣṭhiraḥ |
guroścaiva vadhārthāya anṛtaṃ sa vadiṣyati || 26 ||
[Analyze grammar]

eteṣveva mahatpāpaṃ vartate ca mahatsu ca |
vaiguṇyaṃ kasya vai nāsti kasya nāsti ca lāṃchanam || 27 ||
[Analyze grammar]

bhavatī svalpadoṣeṇa viliptāsi varānane |
upakāraṃ kariṣyāmastavaiva varavarṇini || 28 ||
[Analyze grammar]

tavāṃge ye guṇāḥ saṃti satyastrīṇāṃ yathā śubhe |
anyatrāpi na paśyāmastānguṇāṃścārulocane || 29 ||
[Analyze grammar]

rūpameva guṇaḥ strīṇāṃ prathamaṃ bhūṣaṇaṃ śubhe |
śīlameva dvitīyaṃ ca tṛtīyaṃ satyameva ca || 30 ||
[Analyze grammar]

ārjavatvaṃ caturthaṃ ca paṃcamaṃ dharmameva hi |
madhuratvaṃ tataḥ proktaṃ ṣaṣṭhameva varānane || 31 ||
[Analyze grammar]

śuddhatvaṃ saptamaṃ bāle aṃtarbāhyeṣu yoṣitam |
aṣṭamaṃ hi piturbhāvaḥ śuśrūṣā navamaṃ kila || 32 ||
[Analyze grammar]

sahiṣṇurdaśamaṃ proktaṃ ratiścaikādaśaṃ tathā |
pātivratyaṃ tataḥ proktaṃ dvādaśaṃ varavarṇini || 33 ||
[Analyze grammar]

taistvaṃ saṃbhūṣitā bāle mā bibheṣi varānane |
yenopāyena te bhartā bhaviṣyati sudharmadhṛk || 34 ||
[Analyze grammar]

tamupāyaṃ prapaśyāmastavārthaṃ vayameva hi |
tāmūcustā varāḥ sakhyo mā tvaṃ vai sāhasaṃ kuru || 35 ||
[Analyze grammar]

sūta uvāca |
evamuktā sunīthā sā punarūce sakhīstu tāḥ |
kathayadhvaṃ mamopāyaṃ yena bhartā bhaviṣyati || 36 ||
[Analyze grammar]

tāmūcustā varā nāryo raṃbhādyāścārulocanāḥ |
rūpamādhuryasaṃyuktā bhavatī bhūtivarddhanī || 37 ||
[Analyze grammar]

brahmaśāpena saṃbhītā vayamatra samāgatāḥ |
tāṃ procuśca viśālākṣīṃ mṛtyoḥ kanyāṃ sulocanām || 38 ||
[Analyze grammar]

vidyāmekāṃ pradāsyāmaḥ puruṣāṇāṃ pramohinīm |
sarvamāyāvidāṃ bhadre sarvabhadrapradāyinīm || 39 ||
[Analyze grammar]

vidyābalaṃ tato dadyustasyaitāḥ sukhadāyakam |
yaṃ yaṃ mohayituṃ bhadre icchasyevaṃ surādikam || 40 ||
[Analyze grammar]

taṃ taṃ sadyo mohaya vā ityuktā sā tathā'karot |
vidyāyāṃ hi susiddhāyāṃ sā sunīthā sunaṃditā || 41 ||
[Analyze grammar]

bhramatyevaṃ sakhībhistu puruṣānsā vipaśyati |
aṭamānāgatā puṇyaṃ naṃdanaṃ vanamuttamam || 42 ||
[Analyze grammar]

gaṃgātīre tato dṛṣṭvā brāhmaṇaṃ rūpasaṃyutam |
sarvalakṣaṇasaṃpannaṃ sūryatejaḥ samaprabham || 43 ||
[Analyze grammar]

rūpeṇāpratimaṃ loke dvitīyamiva manmatham |
devarūpaṃ mahābhāgaṃ bhāgyavaṃtaṃ subhāgyadam || 44 ||
[Analyze grammar]

anaupamyaṃ mahātmānaṃ viṣṇutejaḥ samaprabham |
vaiṣṇavaṃ sarvapāpaghnaṃ viṣṇutulyaparākramam || 45 ||
[Analyze grammar]

kāmakrodhavihīnaṃ tamatrivaṃśavibhūṣaṇam || 46 ||
[Analyze grammar]

dṛṣṭvā surūpaṃ tapasāṃ svarūpaṃ divyaprabhāvaṃ paritapyamānam |
papraccha raṃbhāṃ susakhīṃ sarāgā koyaṃ diviṣṭhaḥ pravaro mahātmā || 47 ||
[Analyze grammar]

iti śrīpadmapurāṇe bhūmikhaṃḍe venopākhyāne catustriṃśo'dhyāyaḥ || 34 ||
[Analyze grammar]