![Padma Purana [sanskrit] - book cover](/uploads/a/Padma-Purana-Sanskrit.jpg)
Padma Purana [sanskrit]
462,305 words | ISBN-13: 9789385005305
The Padma-purana Book 2 Chapter 33 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.
Chapter 33
[English text for this chapter is available]
ṛṣaya ūcuḥ |
śaptā gaṃdharvaputreṇa suśaṃkhena mahātmanā |
tasya śāpātkathaṃ jātā kiṃ kiṃ karma kṛtaṃ tayā || 1 ||
[Analyze grammar]
sā lebhe kīdṛśaṃ putraṃ tasya śāpāddvijottama |
sunīthāyāśca caritaṃ tvaṃ no vistarato vada || 2 ||
[Analyze grammar]
sūta uvāca |
suśaṃkhenāpi tenaiva sā śaptā tanumadhyamā |
pituḥ sthānaṃ gatā sā tu sunīthā duḥkhapīḍitā || 3 ||
[Analyze grammar]
pitaraṃ cātmanaścaiva caritaṃ ca prakāśitam |
śrutavānsopi dharmātmā mṛtyuḥ satyavatāṃ vara || 4 ||
[Analyze grammar]
tāmuvāca sunīthāṃ tu sutāṃ śaptāṃ mahātmanā |
bhavatyā duṣkṛtaṃ pāpaṃ dharma tejaḥ praṇāśanam || 5 ||
[Analyze grammar]
kasmātkṛtaṃ mahābhāge suśāṃtasya hi tāḍanam |
viruddhaṃ sarvalokasya bhavatyā parikalpitam || 6 ||
[Analyze grammar]
kāmakrodhavihīnaṃ taṃ suśāṃtaṃ dharmavatsalam |
tapomārge vilīnaṃ ca parabrahmaṇi saṃsthitam || 7 ||
[Analyze grammar]
tamevaghātayedyo vai tasya pāpaṃ śṛṇuṣva hi |
pāpātmā jāyate putraḥ kilbiṣaṃ labhate bahu || 8 ||
[Analyze grammar]
tāḍaṃtaṃ tāḍayedyo vai krośaṃtaṃ krośayetpunaḥ |
tasya pāpaṃ sa vai bhuṃkte tāḍitasya na saṃśayaḥ || 9 ||
[Analyze grammar]
sa vai śāṃtaḥ sa jitātmā tāḍayaṃtaṃ na tāḍayet |
nirdoṣaṃ prati yenāpi tāḍanaṃ ca kṛtaṃ sute || 10 ||
[Analyze grammar]
paścānmohena pāpena nirdoṣe'pi ca tāḍayet |
nirdoṣaṃ prati yenāpi hṛdrogaḥ kriyate vṛthā || 11 ||
[Analyze grammar]
nirdoṣaṃ tāḍayetpaścānmohātpāpena kenacit |
sa pāpī pāpamāpnoti nirdoṣasya śarīrajam || 12 ||
[Analyze grammar]
nirdoṣo ghātayettaṃ vai tāḍaṃtaṃ pāpacetasam |
punarutthāya vegena sāhasātpāpacetanam || 13 ||
[Analyze grammar]
pāpakartuśca yatpāpaṃ nirdoṣaṃ prati gacchati |
tāḍanaṃ naiva tasmādvai kāryaṃ doṣavato'pi ca || 14 ||
[Analyze grammar]
duṣkṛtaṃ ca mahatputri tvayaiva paripālitam |
śaptā tenāpi yādyaiva tasmātpuṇyaṃ samācara || 15 ||
[Analyze grammar]
satāṃ saṃgaṃ samāsādya sadaiva parivartaya |
yogadhyānena jñānena parivartaya naṃdini || 16 ||
[Analyze grammar]
satāṃ saṃgo mahāpuṇyo bahuśreyo vidhāyakaḥ |
bāle paśya sudṛṣṭāṃtaṃ satāṃ saṃgasya yadguṇam || 17 ||
[Analyze grammar]
apāṃ saṃsparśanātpānātsnānāttatra mahādhiyaḥ |
munayaḥ siddhimāyāṃti bāhyābhyaṃtarakṣālitāḥ || 18 ||
[Analyze grammar]
śuciṣmaṃto bhavaṃtyete lokāḥ sarve carācarāḥ |
āpaḥ śāṃtāḥ suśītāśca mṛdugātrāḥ priyaṃkarāḥ || 19 ||
[Analyze grammar]
nirmalā rasavatyaśca puṇyavīryā malāpahāḥ |
tathā saṃtastvayā jñeyā niṣevyāśca prayatnataḥ || 20 ||
[Analyze grammar]
yathā vahniprasaṃgācca malaṃ tyajati kāṃcanam |
tathā satāṃ hi saṃsargātpāpaṃ tyajati mānavaḥ || 21 ||
[Analyze grammar]
satyavahniḥ pradīptaśca prajvaletpuṇyatejasā |
satyena dīptatejāstu jñānenāpi sunirmalaḥ || 22 ||
[Analyze grammar]
atyuṣṇo dhyānabhāvena aspṛśyaḥ pāpajairnaraiḥ |
satyavahneḥ prasaṃgācca pāpaṃ sarvaṃ vinaśyati || 23 ||
[Analyze grammar]
tasmātsatyasya saṃsargaḥ kartavyaḥ sarvathā tvayā |
pāpabhāraṃ parityajya puṇyamevaṃ samāśraya || 24 ||
[Analyze grammar]
sūta uvāca |
evaṃ pitrā sunīthā sā duḥkhitā pratibodhitā |
namaskṛtya pituḥ pādau gatā sā nirjanaṃ vanam || 25 ||
[Analyze grammar]
kāmaṃ krodhaṃ parityajya bālyabhāvaṃ tapasvinī |
mohadrohau ca māyāṃ ca tyaktvā ekāṃtamāsthitā || 26 ||
[Analyze grammar]
tasyāḥ sakhyaḥ samājagmuḥ krīḍārthaṃ līlayānvitāḥ |
tāṃ dadṛśurviśālākṣyaḥ sunīthāṃ duḥkhabhāginīm || 27 ||
[Analyze grammar]
dhyāyaṃtīṃ ciṃtayānāṃ tāmūcuściṃtāparāyaṇāḥ |
kasmācciṃtasi bhadre tvamanayā ciṃtayānvitā || 28 ||
[Analyze grammar]
tanno vai kāraṇaṃ brūhi ciṃtāduḥkhapradāyinī |
ekaiva sārthakī ciṃtā dharmasyārthe viciṃtyate || 29 ||
[Analyze grammar]
dvitīyā sārthakā ciṃtā yogināṃ dharmanaṃdinī |
anyā nirarthikā ciṃtā tāṃ naiva parikalpayet || 30 ||
[Analyze grammar]
kāyanāśakarī ciṃtā bala tejaḥ praṇāśinī |
nāśayetsarvasaukhyaṃ tu rūpahāniṃ nidarśayet || 31 ||
[Analyze grammar]
tṛṣṇāṃ mohaṃ tathā lobhametāṃściṃtā hi prāpayet |
pāpamutpādayecciṃtā ciṃtitā ca dine dine || 32 ||
[Analyze grammar]
ciṃtāvyādhiprakāśāya narakāya prakalpayet |
tasmācciṃtāṃ parityajya cānuvartasva śobhane || 33 ||
[Analyze grammar]
arjitaṃ karmaṇā pūrvaṃ svayameva nareṇa tu |
tadeva bhuṃkte'sau jaṃturjñānavānna viciṃtayet || 34 ||
[Analyze grammar]
tasmācciṃtāṃ parityajya sukhaduḥkhādikaṃ vada |
tāsāṃ tadvacanaṃ śrutvā sunīthā vākyamabravīt || 35 ||
[Analyze grammar]
iti śrīpadmapurāṇe paṃcapaṃcāśatsahasrasaṃhitāyāṃ bhūmikhaṃḍe venopākhyāne |
sunīthācaritaṃ nāma trayastriṃśo'dhyāyaḥ || 33 ||
[Analyze grammar]
Other editions:
Also see the following editions of the Sanskrit text or (alternative) English translations of the Padma Purana Chapter 33
Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)
Sanskrit Text and Hindi Translation with Sloka Index (Set of 7 Volumes)
Buy now!
Padma Purana (In Six Volumes)
by Chowkhamba Sanskrit Series Office (2007)
Sanskrit Text Only
Buy now!
Sri Padma Purana (Tamil)
by Azhwargal Aaivu Maiyam, Chennai (2015)
Translated by S. Jagatrakshgan
Buy now!
