Chapter 32

[English text for this chapter is available]

sūta uvāca |
nānāratnaiḥ sudīptāṃgo hāṭakenāpi sarvataḥ |
rājamāno giriśreṣṭho yathā sūryaḥ svaraśmibhiḥ || 1 ||
[Analyze grammar]

chāyāmaśokāṃ saṃprāpya śītalāṃ sukhadāyinīm |
dhyāyaṃti yoginaḥ sarve upaviṣṭā dṛḍhāsane || 2 ||
[Analyze grammar]

kvacittapaṃti munayaḥ kvacidgāyaṃti kinnarāḥ |
saṃtuṣṭā ṛṣigaṃdharvā vīṇātālakarāvilāḥ || 3 ||
[Analyze grammar]

tālamānalaye līnāḥ svaraiḥ saptabhiranvitaiḥ |
mūrcchanāratnisaṃyuktairvyaktaṃ gītaṃ manoharam || 4 ||
[Analyze grammar]

tasminvai parvataśreṣṭhe caṃdanacchāyasaṃśritāḥ |
gaṃdharvā gītatatvajñā gītaṃ gāyaṃti tatparāḥ || 5 ||
[Analyze grammar]

nṛtyaṃti yoṣitastatra devānāṃ parvattottame |
pāpahā puṇyado divyaḥ suśreyasāṃ pradāyakaḥ || 6 ||
[Analyze grammar]

vedadhvaniḥ samadhuraḥ śrūyate parvatottame |
caṃdanāśokapunnāgaiḥ śālaistālaistamālakaiḥ || 7 ||
[Analyze grammar]

vaṭaistu meghasaṃkāśai rājate parvatottamaḥ |
saṃtānakaiḥ kalpavṛkṣai raṃbhāpādapasaṃkulaiḥ || 8 ||
[Analyze grammar]

nageṃdro bhāti sarvatra nākavṛkṣaiḥ supuṣpitaiḥ |
nānādhātusamākīrṇo nānāratnacayo giriḥ || 9 ||
[Analyze grammar]

nānākautukasaṃyukto nānāmaṃgalasaṃyutaḥ |
vedavṛṃdaiḥ susaṃjuṣṭo hyapsarogaṇasaṃkulaḥ || 10 ||
[Analyze grammar]

ṛṣibhirmunibhiḥ siddhairgaṃdharvaiḥparibhātisaḥ |
gajaiścācalasaṃkāśaiḥ siṃhanādairvirājate || 11 ||
[Analyze grammar]

śarabhairmattaśārdūlairmṛgadhūrtairalaṃkṛtaḥ |
vāpīkūpataḍāgaiśca saṃpūrṇairvimalodakaiḥ || 12 ||
[Analyze grammar]

haṃsakāraṃḍavākīrṇaiḥ sarvatra pariśobhate |
kanakotpalaiśca śvetaiśca raktotpalairvirājate || 13 ||
[Analyze grammar]

nadīsravaṇasaṃghātairvimalaiścodakaistathā |
śālatālaiśca rūpaiśca sagajaiḥ sphāṭikaistathā || 14 ||
[Analyze grammar]

vistīrṇaiḥ kāṃcanairdivyaiḥ sūryavahnisamaprabhaiḥ |
śilātalaiśca saṃpūrṇaḥ śailarājo virājate || 15 ||
[Analyze grammar]

vimānairdevatānāṃ ca prāsādaiḥ parvatottamaiḥ |
haṃsacaṃdrapratīkāśairhemadaṃḍairalaṃkṛtaḥ || 16 ||
[Analyze grammar]

kalaśaiścāmarairyuktaiḥ prāsādaiḥ pariśobhitaḥ |
nānāguṇapramudita devavṛṃdaiśca śobhitaḥ || 17 ||
[Analyze grammar]

devavṛṃdairanekaiśca gaṃdharvaiścāraṇaistathā |
sarvatra rājate puṇyo merurgirivarottamaḥ || 18 ||
[Analyze grammar]

tasmādgaṃgāmahāpuṇyā puṇyatoyā mahānadī |
prasūtā puṇyatīrthāḍhyā haṃsapadmaiḥ samākulā || 19 ||
[Analyze grammar]

munibhiḥ sevyamānā sā ṛṣisaṃghairmahānadī |
evaṃguṇaṃ giriśreṣṭhaṃ puṇyakautukamaṃgalam || 20 ||
[Analyze grammar]

aṃgaścātrisutaḥ puṇyaḥ praviveśa mahāmuniḥ |
gaṃgātīre supuṇye ca ekāṃte cārukaṃdare || 21 ||
[Analyze grammar]

tatropaviśya medhāvī kāmakrodhavivarjitaḥ |
sarveṃdriyāṇi saṃyamya hṛṣīkeśaṃ manogatam || 22 ||
[Analyze grammar]

dhyāyamānaḥ sa dharmātmā kṛṣṇaṃ kleśāpahaṃ prabhum |
āsane śayane yāne dhyāne ca madhusūdanam || 23 ||
[Analyze grammar]

nityaṃ paśyati yuktātmā yogayukto jiteṃdriyaḥ |
carācareṣu jīveṣu teṣu paśyati keśavam || 24 ||
[Analyze grammar]

ārdreṣu caiva śuṣkeṣu sarveṣvanyeṣu sa dvijaḥ |
evaṃ varṣaśataṃ jātaṃ tapyamānasya tasya ca || 25 ||
[Analyze grammar]

samālokya jagannāthaścakrapāṇirdvijottamam |
bahuvighnānsughorāṃśca darśayatyeva nityaśaḥ || 26 ||
[Analyze grammar]

tejasā tasya devasya nṛsiṃhasya mahātmanaḥ |
nirātaṃkaḥ sa dharmātmā dahatyagniriveṃdhanam || 27 ||
[Analyze grammar]

niyamaiḥ saṃyamaiścānyairupavāsairdvijottamaḥ |
kṣīyamāṇastu saṃjāto dīpyamānaḥ svatejasā || 28 ||
[Analyze grammar]

sūryapāvakasaṃkāśastvaṃga evaṃ pradṛśyate |
evaṃ tapaḥsu nirataṃ dhyāyamānaṃ janārdanam || 29 ||
[Analyze grammar]

āvirbhūyābravīddevo varaṃ varaya mānada |
taṃ ca dṛṣṭvā hṛṣīkeśamaṃgaḥ parama nirvṛtaḥ || 30 ||
[Analyze grammar]

tuṣṭāva praṇato bhūtvā vāsudevaṃ prasannadhīḥ || 31 ||
[Analyze grammar]

aṃga uvāca |
tvaṃ gatiḥ sarvabhūtānāṃ bhūtabhāvana pāvana |
bhūtātmā sarvabhūteśa namastubhyaṃ guṇātmane || 32 ||
[Analyze grammar]

guṇarūpāya guhyāya guṇātītāya te namaḥ |
guṇāya guṇakartre ca guṇāḍhyāya guṇātmane || 33 ||
[Analyze grammar]

bhavāya bhavakartre ca bhaktānāṃ bhavahāriṇe |
bhavodbhavāya guhyāya namo bhavavināśine || 34 ||
[Analyze grammar]

yajñāya yajñarūpāya yajñeśāya namonamaḥ |
yajñakarmaprasaṃgāya namaḥ śaṃkhadharāya ca || 35 ||
[Analyze grammar]

namonamo hiraṇyāya namo rathāṃgadhāriṇe |
satyāya satyabhāvāya sarvasatyamayāya ca || 36 ||
[Analyze grammar]

dharmāya dharmakartre ca sarvakartre ca te namaḥ |
dharmāṃgāya suvīrāya dharmādhārāya te namaḥ || 37 ||
[Analyze grammar]

namaḥ puṇyāya putrāya hyaputrāya mahātmane |
māyāmohavināśāya sarvamāyākarāya te || 38 ||
[Analyze grammar]

māyādharāya mūrtāya tvamūrtāya namonamaḥ |
sarvamūrtidharāyaiva śaṃkarāya namonamaḥ || 39 ||
[Analyze grammar]

brahmaṇe brahmarūpāya parabrahmasvarūpiṇe |
namaste sarvadhāmne ca namo dhāmadharāya ca || 40 ||
[Analyze grammar]

śrīmate śrīnivāsāya śrīdharāya namonamaḥ |
kṣīrasāgaravāsāya cāmṛtāya ca te namaḥ || 41 ||
[Analyze grammar]

mahauṣadhāya ghorāya mahāprajñāparāya ca |
akrūrāya pramedhyāya medhyānāṃ pataye namaḥ || 42 ||
[Analyze grammar]

anaṃtāya hyaśeṣāya cānaghāya namonamaḥ |
ākāśasya prakāśāya pakṣirūpāya te namaḥ || 43 ||
[Analyze grammar]

hutāya hutabhoktre ca havīrūpāya te namaḥ |
buddhāya budharūpāya sadābuddhāya te namaḥ || 44 ||
[Analyze grammar]

namo havyāyakavyāya svadhākārāya te namaḥ |
svāhākārāya śuddhāya hyavyaktāya mahātmane || 45 ||
[Analyze grammar]

vyāsāya vāsavāyaiva vasurūpāya te namaḥ |
vāsudevāya viśvāya vahnirūpāya te namaḥ |
haraye kevalāyaiva vāmanāya namonamaḥ || 46 ||
[Analyze grammar]

namo nṛsiṃhadevāya satvapālāya te namaḥ || 47 ||
[Analyze grammar]

namo goviṃdagopāya nama ekākṣarāya ca |
namaḥ sarvākṣarāyaiva haṃsarūpāya te namaḥ || 48 ||
[Analyze grammar]

tritattvāya namastubhyaṃ paṃcatattvāya te namaḥ |
paṃcaviṃśatitattvāya tattvādhārāya vai namaḥ || 49 ||
[Analyze grammar]

kṛṣṇāya kṛṣṇarūpāya lakṣmīnāthāya te namaḥ |
namaḥ padmapalāśāya ānaṃdāya parāya ca || 50 ||
[Analyze grammar]

namo viśvaṃbharāyaiva pāpanāśāya vai namaḥ |
namaḥ puṇyasupuṇyāya satyadharmāya te namaḥ || 51 ||
[Analyze grammar]

namonamaḥ śāśvataavyayāya namonamaḥ saṃgha nabhomayāya |
śrīpadmanābhāya maheśvarāya namāmi te keśavapādapadmam || 52 ||
[Analyze grammar]

ānaṃdakaṃda kamalāpriya vāsudeva sarveśa īśa madhusūdana dehi dāsyam |
pādau namāmi tava keśava janmajanma kṛpāṃ kuruṣva mama śāṃtida śaṃkhapāṇe || 53 ||
[Analyze grammar]

saṃsāradāruṇahutāśanatāpadagdhaṃ putrādibaṃdhumaraṇairbahuśokatāpaiḥ |
jñānāṃbudena mama plāvaya padmanābha dīnasya maccharaṇarūpabhavasva nātha || 54 ||
[Analyze grammar]

evaṃ stotraṃ samākarṇya tvaṃgasyāpi mahātmanaḥ |
darśayitvā svakaṃ rūpaṃ ghanaśyāmaṃ mahaujasam || 55 ||
[Analyze grammar]

śaṃkhacakragadāpāṇiṃ padmahastaṃ mahāprabhum |
vainateyasamārūḍhamātmarūpaṃ pradarśitam || 56 ||
[Analyze grammar]

sarvābharaṇaśobhāṃgaṃ hārakaṃkaṇakuṃḍalaiḥ |
rājamānaṃ paraṃ divyaṃ nirmalaṃ vanamālayā || 57 ||
[Analyze grammar]

aṃgasyāgre hṛṣīkeśaḥ śobhamāna mahatprabhaḥ |
śrīvatsāṃkena puṇyena kaustubhena janārdanaḥ || 58 ||
[Analyze grammar]

darśayitvā svakaṃ dehaṃ sarvadevamayo hariḥ |
sa uvāca mahātmānaṃ tamaṃgamṛṣisattamam || 59 ||
[Analyze grammar]

bho bho vipra mahābhāga śrūyatāṃ vacanaṃ śubham |
meghagaṃbhīraghoṣeṇa samābhāṣya dvijottamam || 60 ||
[Analyze grammar]

tapasānena tuṣṭosmi varaṃ varaya śobhanam |
tuṣyamāṇaṃ hṛṣīkeśaṃ taṃ dṛṣṭvā kamalāpatim || 61 ||
[Analyze grammar]

dīpyamānaṃ virājaṃtaṃ viśvarūpaṃ janeśvaram |
pādāṃbujadvayaṃ tasya praṇamya ca punaḥpunaḥ || 62 ||
[Analyze grammar]

harṣeṇa mahatāviṣṭastamuvāca janārdanam |
dāsohaṃ tava deveśa śaṃkhacakragadādhara || 63 ||
[Analyze grammar]

varaṃ me dātukāmosi dehi tvaṃ vaṃśajaṃ sutam |
divi śakro yathā'bhāti sarvatejaḥ samanvitaḥ || 64 ||
[Analyze grammar]

tādṛśaṃ dehi me putraṃ sarvalokasya rakṣakam |
sarvadevapriyaṃ deva brahmaṇyaṃ dharmapaṃḍitam || 65 ||
[Analyze grammar]

dātāraṃ jñānasaṃpannaṃ dharmatejaḥ samanvitam |
trailokyarakṣakaṃ kṛṣṇa satyadharmānupālakam || 66 ||
[Analyze grammar]

yajvanāmuttamaṃ caikaṃ śūraṃ trailokyabhūṣaṇam |
brahmaṇyaṃ vedavidvāṃsaṃ satyasaṃdhaṃ jiteṃdriyam || 67 ||
[Analyze grammar]

ajitaṃ sarvajetāraṃ viṣṇuṃ tejaḥsamaprabham |
vaiṣṇavaṃ puṇyakartāraṃ puṇyajaṃ puṇyalakṣaṇam || 68 ||
[Analyze grammar]

śāṃtaṃ tu tapasopetaṃ sarvaśāstraviśāradam |
vedajñaṃ yogināṃ śreṣṭhaṃ bhavato guṇasaṃnibham || 69 ||
[Analyze grammar]

īdṛśaṃ dehi me putraṃ dātukāmo yadā varam |
śrīvāsudeva uvāca |
ebhirguṇaiḥ samopetastava putro bhaviṣyati || 70 ||
[Analyze grammar]

atrivaṃśasya vai dhartā viśvasyāsya mahāmate |
tejasā yaśasā puṇyaiḥ pitaraṃ coddhariṣyati || 71 ||
[Analyze grammar]

uddhariṣyati yaḥ satyaiḥ pitaraṃ ca pitāmaham |
bhavānyāsyati me sthānaṃ tadviṣṇoḥ paramaṃ padam || 72 ||
[Analyze grammar]

ityuktvā devadeveśastamaṃgaṃ prati sa dvija |
kasyacitpuṇyavīryasya puṇyāṃ kanyāṃ vivāhaya || 73 ||
[Analyze grammar]

tasyāmutpādaya sutaṃ śubhaṃ puṇyāvaha priyam |
sa bhaviṣyati dharmātmā matprasādānmahāmate || 74 ||
[Analyze grammar]

sarvajñaḥ sarvavettā ca yādṛśo vāṃchitastvayā |
evaṃ varaṃ tato datvā aṃtardhānaṃ gato hariḥ || 75 ||
[Analyze grammar]

iti śrīpadmapurāṇe bhūmikhaṃḍe venopākhyāne aṃgavarapradānaṃ |
nāma dvātriṃśo'dhyāyaḥ || 32 ||
[Analyze grammar]