Chapter 28

[English text for this chapter is available]

ṛṣaya ūcuḥ |
vistareṇa samākhyāhi janma tasya mahātmanaḥ |
pṛthoścaiva mahābhāga śrotukāmā vayaṃ punaḥ || 1 ||
[Analyze grammar]

rājñā tena yathā dugdhā iyaṃ dhātrī mahātmanā |
punardevaiśca pitṛbhirmunibhastattvavedibhiḥ || 2 ||
[Analyze grammar]

yathā daityaiśca nāgaiśca yathā yakṣairyathā drumaiḥ |
śailaiścaiva piśācaiśca gaṃdharvaiḥ puṇyakarmabhiḥ || 3 ||
[Analyze grammar]

brāhmaṇaiśca tathā siddhai rākṣasairbhīmavikramaiḥ |
pūrvameva yathā dugdhā anyaiśca sumahātmabhiḥ || 4 ||
[Analyze grammar]

teṣāmeva hi sarveṣāṃ viśeṣaṃ pātradhāraṇam |
kṣīrasyāpi vidhiṃ brūhi viśeṣaṃ ca mahāmate || 5 ||
[Analyze grammar]

venasyāpi nṛpasyaiva pāṇireva mahātmanaḥ |
ṛṣibhirmathitaḥ pūrvaṃ sa kasmādiha kāraṇāt || 6 ||
[Analyze grammar]

kruddhaścaiva mahāpuṇyaiḥ sūtaputra vadasva naḥ |
vicitreyaṃ kathā puṇyā sarvapāpapraṇāśinī || 7 ||
[Analyze grammar]

śrotukāmā mahābhāga tṛptirnaiva prajāyate |
sūta uvāca |
vainyasya hi pṛthoścaiva tasya vistarameva ca || 8 ||
[Analyze grammar]

janmavīryaṃ tathā kṣetraṃ pauruṣaṃ dvijasattamāḥ |
pravakṣyāmi yathā sarvaṃ caritraṃ tasya dhīmataḥ || 9 ||
[Analyze grammar]

śuśrūṣadhvaṃ mahābhāgā māmevaṃ dvijasattamāḥ |
abhaktāya na vaktavyamaśraddhāya śaṭhāya ca || 10 ||
[Analyze grammar]

sumūrkhāya sumohāya kuśiṣyāya tathaiva ca |
śraddhāhīnāya kūṭāya sarvanāśāya mā dvijāḥ || 11 ||
[Analyze grammar]

anyathā paṭhate yo hi nirayaṃ ca prayāti hi |
bhavaṃto bhāvasaṃyuktāḥ satyadharmaparāyaṇāḥ || 12 ||
[Analyze grammar]

bhavatāmagrataḥ sarvaṃ caritraṃ pāpanāśanam |
saṃpravakṣyāmyaśeṣeṇa śṛṇudhvaṃ dvijasattamāḥ || 13 ||
[Analyze grammar]

svargyaṃ yaśasyamāyuṣyaṃ dhanyaṃ vedaiśca saṃmitam |
rahasyamṛṣibhiḥ proktaṃ pravakṣyāmi dvijottamāḥ || 14 ||
[Analyze grammar]

yaścainaṃ kīrtayennityaṃ pṛthorvainyasya vistaram |
brāhmaṇebhyo namaskṛtvā na sa śocetkṛtākṛtam || 15 ||
[Analyze grammar]

saptajanmārjitaṃ pāpaṃ śrutamātreṇa naśyati |
brāhmaṇo vedavidvāṃśca kṣatriyo vijayī bhavet || 16 ||
[Analyze grammar]

vaiśyo dhanasamṛddhaḥ syācchūdraḥ sukhamavāpnuyāt |
evaṃ phalaṃ samāpnoti paṭhanācchravaṇādapi || 17 ||
[Analyze grammar]

pṛthorjanmacaritraṃ ca pavitraṃ pāpanāśanam |
dharmagoptā mahāprājño vedaśāstrārthakovidaḥ || 18 ||
[Analyze grammar]

atrivaṃśasamutpannaḥ pūrvamatrisamaḥ prabhuḥ |
sraṣṭā sarvasya dharmasya aṃgo nāma prajāpatiḥ || 19 ||
[Analyze grammar]

ya āsīttasya putro vai veno nāma prajāpatiḥ |
dharmamevaṃ parityajya sarvadaiva pravartate || 20 ||
[Analyze grammar]

mṛtyoḥ kanyā mahābhāgā sunīthā nāma nāmataḥ |
tāṃ tu aṃgo mahābhāgaḥ sunīthāmupayemivān || 21 ||
[Analyze grammar]

tasyāmutpādayāmāsa venaṃ dharmapraṇāśanam |
mātāmahasya doṣeṇa venaḥ kālātmajātmajaḥ || 22 ||
[Analyze grammar]

nijadharmaṃ parityajya adharmaniratobhavat |
kāmāllobhānmahāmohātpāpameva samācarat || 23 ||
[Analyze grammar]

vedācāramayaṃ dharmaṃ parityajya narādhipaḥ |
anvavartata pāpena madamatsaramohitaḥ || 24 ||
[Analyze grammar]

vedādhyāyaṃ vinā loke prāvartaṃta tadā janāḥ |
niḥsvādhyāyavaṣaṭkārāḥ prajāstasminprajāpatau || 25 ||
[Analyze grammar]

pravṛttaṃ na papuḥ somaṃ hutaṃ yajñeṣu devatāḥ |
ityuvāca sa duṣṭātmā brāhmaṇānprati nityaśaḥ || 26 ||
[Analyze grammar]

nādhyetavyaṃ na hotavyaṃ na deyaṃ dānameva ca |
na yaṣṭavyaṃ na hotavyamiti tasya prajāpateḥ || 27 ||
[Analyze grammar]

āsītpratijñā krūreyaṃ vināśe pratyupasthite |
ahamijyaśca yaṣṭā ca yajñaśceti punaḥ punaḥ || 28 ||
[Analyze grammar]

mayi yajñā vidhātavyā mayi hotavyamityapi |
ityabravītsadā veno hyahaṃ viṣṇuḥ sanātanaḥ || 29 ||
[Analyze grammar]

ahaṃ brahmā ahaṃ rudro mitra iṃdraḥ sadāgatiḥ |
ahameva prabhoktā ca havyaṃ kavyaṃ na saṃśayaḥ || 30 ||
[Analyze grammar]

atha te munayaḥ kruddhā venaṃ prati mahābalāḥ |
ūcuste saṃgatāḥ sarve rājānaṃ pāpacetanam || 31 ||
[Analyze grammar]

ṛṣaya ūcuḥ |
rājā hi pṛthivīnāthaḥ prajāṃ pālayate sadā |
dharmamūrtiḥ sa rājeṃdra tasmāddharmaṃ hi rakṣayet || 32 ||
[Analyze grammar]

vayaṃ dīkṣāṃ pravekṣyāmo yajñe dvādaśavārṣikīm |
adharmaṃ kuru mā yāge naiṣa dharmaḥ satāṃ gatiḥ || 33 ||
[Analyze grammar]

kuru dharmaṃ mahārāja satyaṃ puṇyaṃ samācara |
prajāhaṃ pālayiṣyāmi iti te samayaḥ kṛtaḥ || 34 ||
[Analyze grammar]

tāṃstathābruvataḥ sarvānmaharṣīnabravīttadā |
venaḥ prahasya durbuddhirimamarthamanarthakam || 35 ||
[Analyze grammar]

vena uvāca |
sraṣṭā dharmasya kaścānyaḥ śrotavyaṃ kasya vā mayā |
śrutavīryatapaḥ satye mayā vā kaḥ samo bhuvi || 36 ||
[Analyze grammar]

prabhavaṃ sarvabhūtānāṃ dharmāṇāṃ ca viśeṣataḥ |
saṃmūḍhā na vidurnūnaṃ bhavaṃto māṃ vicetasaḥ || 37 ||
[Analyze grammar]

icchandaheyaṃ pṛthivīṃ plāvayeyaṃ jalaistathā |
dyāṃ bhuvaṃ caiva ruṃdheyaṃ nātra kāryā vicāraṇā || 38 ||
[Analyze grammar]

yadā na śakyate mohādavalepācca pārthiva |
apanetuṃ tadā venaṃ tataḥ kruddhā maharṣayaḥ || 39 ||
[Analyze grammar]

visphuraṃtaṃ tadā venaṃ balādgṛhya tato ruṣā |
venasya tasya savyoruṃ mamaṃthurjātamanyavaḥ || 40 ||
[Analyze grammar]

kṛṣṇāṃjanacayopetamatihrasvaṃ vilakṣaṇam |
dīrghāsyaṃ ca virūpākṣaṃ nīlakaṃcukavarcasam || 41 ||
[Analyze grammar]

laṃbodaraṃ vyūḍhakarṇamatibhītaṃ durodaram |
dadṛśuste mahātmāno niṣīdetyabruvaṃstataḥ || 42 ||
[Analyze grammar]

teṣāṃ tadvacanaṃ śrutvā niṣasāda bhayāturaḥ |
parvateṣu vaneṣveva tasya vaṃśaḥ pratiṣṭhitaḥ || 43 ||
[Analyze grammar]

niṣādāśca kirātāśca bhillānāhalakāstathā |
bhramarāśca puliṃdāśca ye cānye mlecchajātayaḥ || 44 ||
[Analyze grammar]

pāpācārāstu te sarve tasmādaṃgātprajajñire |
atha te ṛṣayaḥ sarve prasannamanasastataḥ || 45 ||
[Analyze grammar]

gatakalmaṣamevaṃ taṃ jātaṃ venaṃ nṛpottamam |
mamaṃthurdakṣiṇaṃ pāṇiṃ tasyaiva ca mahātmanaḥ || 46 ||
[Analyze grammar]

mathite tasya pāṇau tu saṃjātaṃ svedameva hi |
punarmamaṃthuste viprā dakṣiṇaṃ pāṇimeva ca || 47 ||
[Analyze grammar]

sukarātpuruṣo jajñe dvādaśādityasannibhaḥ |
taptakāṃcanavarṇāṃgo divyamālyāṃbarāvṛtaḥ || 48 ||
[Analyze grammar]

divyābharaṇaśobhāṃgo divyagaṃdhānulepanaḥ |
mukuṭenārkavarṇena kuṃḍalābhyāṃ virājate || 49 ||
[Analyze grammar]

mahākāyo mahābāhū rūpeṇāpratimo bhuvi |
khaḍgabāṇadharo dhanvī kavacī ca mahāprabhuḥ || 50 ||
[Analyze grammar]

sarvalakṣaṇasaṃpannaḥ sarvālaṃkārabhūṣaṇaḥ |
tejasā rūpabhāvena suvarṇaiśca mahāmatiḥ || 51 ||
[Analyze grammar]

divi iṃdro yathā bhāti bhuvi venātmajastathā |
tasmiñjāte mahābhāge devāśca ṛṣayomalāḥ || 52 ||
[Analyze grammar]

utsavaṃ cakrire sarve venasya tanayaṃ prati |
dīpyamānaḥ svavapuṣā sākṣādagnirivojjvalaḥ || 53 ||
[Analyze grammar]

ādyamājagavaṃ nāma dhanurgṛhya mahāvaram |
śarāndivyāṃśca rakṣārthe kavacaṃ ca mahāprabham || 54 ||
[Analyze grammar]

jāte sati mahābhāge pṛthau vīre mahātmani |
saṃprahraṣṭāni bhūtāni samastāni dvijottama || 55 ||
[Analyze grammar]

sarvatīrthāni toyāni puṇyāni vividhāni ca |
tasyābhiṣeke vipreṃdrāḥ sarva eva pratasthire || 56 ||
[Analyze grammar]

pitāmahādyā devāstu bhūtāni vividhāni ca |
sthāvarāṇi carāṇyeva abhyaṣiṃcannarādhipam || 57 ||
[Analyze grammar]

mahāvīraṃ prajāpālaṃ pṛthumeva dvijottama |
pṛthurvainyo rājarājye abhigamya carācaraiḥ || 58 ||
[Analyze grammar]

devairvipraistathā sarvairabhiṣikto mahāmanāḥ |
rājñāṃ samadhirājye vai pṛthurvainyaḥ pratāpavān || 59 ||
[Analyze grammar]

tasya pitrā prajāḥ sarvāḥ kadā naivānuraṃjitāḥ |
tenānuraṃjitāḥ sarvā mumudire sukhena vai || 60 ||
[Analyze grammar]

anurāgāttasya vīrasya nāma rājetyajāyata |
prayātasya suvīrasya samudrasya dvijottama || 61 ||
[Analyze grammar]

āpastastaṃbhire sarvā bhayāttasya mahātmanaḥ |
durgaṃ mārgaṃ vilopyaiva sumārgaṃ parvatā daduḥ || 62 ||
[Analyze grammar]

dhvajabhaṃgaṃ na cakruste girayaḥ sarva eva te |
akṛṣṭapacyā pṛthivī sarvatra kāmadhenavaḥ || 63 ||
[Analyze grammar]

parjanyaḥ kāmavarṣī ca vedayajñānmahotsavān |
kurvaṃti brāhmaṇāḥ sarve kṣatriyāśca tathā pare || 64 ||
[Analyze grammar]

sarvakāmaphalā vṛkṣāstasmiñchāsati pārthive |
na durbhikṣaṃ na ca vyādhirnākālamaraṇaṃ nṛṇām || 65 ||
[Analyze grammar]

sarve sukhena jīvaṃti lokā dharmaparāyaṇāḥ |
tasmiñchāsati durdharṣe rājarāje mahātmani || 66 ||
[Analyze grammar]

etasminneva kāle tu yajñe paitāmahe śubhe |
sūta sūtyāṃ samutpannaḥ saumyehani mahātmani || 67 ||
[Analyze grammar]

tasminneva mahāyajñe jajñe prājño'tha māgadhaḥ |
pṛthoḥstavārthaṃ tau tatra samāhūtau maharṣibhiḥ || 68 ||
[Analyze grammar]

sūtasya lakṣaṇaṃ vakṣye mahāpuṇyaṃ dvijottamāḥ |
śikhāsūtreṇa saṃyukto vedādhyayanatatparaḥ || 69 ||
[Analyze grammar]

sarvaśāstrārthavettāsāvagnihotramupāsate |
dānādhyayanasaṃpanno brahmācāraparāyaṇaḥ || 70 ||
[Analyze grammar]

devānāṃ brāhmaṇānāṃ ca pūjanābhirataḥ sadā |
yācakastāvakaiḥ puṇyairvedamaṃtrairyajetkila || 71 ||
[Analyze grammar]

brahmācāraparo nityaṃ saṃbaṃdhaṃ brāhmaṇaiḥ saha |
evaṃ sa māgadho jajñe vedādhyayanavarjitaḥ || 72 ||
[Analyze grammar]

baṃdinaścāraṇāḥ sarve brahmācāravivarjitāḥ |
jñeyāste ca mahābhāgāḥ stāvakāḥ prabhavaṃti te || 73 ||
[Analyze grammar]

stavanārthamubhau sṛṣṭau nipuṇau sūtamāgadhau |
tāvūcurṛṣayaḥ sarve stūyatāmeṣa pārthivaḥ || 74 ||
[Analyze grammar]

karmaitadanurūpaṃ ca yādṛśoyaṃ narādhipaḥ |
tāvūcatustadā sarvāṃstānṛṣīnbaṃdimāgadhau || 75 ||
[Analyze grammar]

āvāṃ devānṛṣīṃścaiva prīṇayāvaḥ svakarmabhiḥ |
na cāsya vidvo vai karma na tathā lakṣaṇaṃ yaśaḥ || 76 ||
[Analyze grammar]

karmaṇā yena kuryāvaḥ stotramasya mahātmanaḥ |
jānīvastanna vipreṃdrā avijñātaguṇasya hi || 77 ||
[Analyze grammar]

bhaviṣyaistairguṇaiḥ puṇyaiḥ stotavyoyaṃ narottamaḥ |
kṛtavānyāni karmāṇi pṛthureva mahāyaśāḥ || 78 ||
[Analyze grammar]

ūcuste munayaḥ sarve guṇāndivyānmahātmanaḥ |
satyavāñjñānasaṃpanno buddhimānkhyātavikramaḥ || 79 ||
[Analyze grammar]

sadā śūro guṇagrāhī puṇyavāṃstyāgavānguṇī |
dhārmikaḥ satyavādī ca yajñānāṃ yājakottamaḥ || 80 ||
[Analyze grammar]

priyavāksatyavādī ca dhānyavāndhanavānguṇī |
guṇajñaḥ saguṇagrāhī dharmajñaḥ satyavatsalaḥ || 81 ||
[Analyze grammar]

sarvagaḥ sarvavettā ca brahmaṇyo vedavitsudhīḥ |
prajñāvānsusvaraścaiva vedavedāṃgapāragaḥ || 82 ||
[Analyze grammar]

dhātā goptā prajānāṃ sa vijayī samarāṃgaṇe |
rājasūyādikānāṃ tu yajñānāṃ rājasattamaḥ || 83 ||
[Analyze grammar]

āhartā bhūtale caikaḥ sarvadharmasamanvitaḥ |
ete guṇā asya cāṃge bhaviṣyaṃti mahātmanaḥ || 84 ||
[Analyze grammar]

ṛṣibhistau niyuktau tu kurvāṇau sūtamāgadhau |
guṇaiścaiva bhaviṣyaiśca stotraṃ tasya mahātmanaḥ || 85 ||
[Analyze grammar]

tadā prabhṛti vai lokāstavaistuṣṭā mahāmate |
purataśca bhaviṣyaṃti dātāraḥ stāvanairguṇaiḥ || 86 ||
[Analyze grammar]

tataḥ prabhṛti lokesminstaveṣu dvijasattamāḥ |
āśīrvādāḥ prayujyaṃte teṣāṃ draviṇamuttamam || 87 ||
[Analyze grammar]

sūtāya māgadhāyaiva baṃdine ca mahodayam |
cāraṇāya tataḥ prādāttailaṃgaṃ deśamuttamam || 88 ||
[Analyze grammar]

pṛthuḥ prasādāddharmātmā haihayaṃ deśameva ca |
revātīre puraṃ kṛtvā svanāmnā nṛpanaṃdanaḥ || 89 ||
[Analyze grammar]

brāhmaṇebhyo dvijaśreṣṭha yajandātā pṛthuḥ purā |
sarvajñaṃ sarvadātāraṃ dharmavīryaṃ narottamam || 90 ||
[Analyze grammar]

taṃ dadṛśuḥ prajāḥ sarvā munayaśca tapomalāḥ |
ūcuḥ parasparaṃ puṇyā eṣa rājā mahāmatiḥ || 91 ||
[Analyze grammar]

devādīnāṃ vṛttidātā asmākaṃ ca viśeṣataḥ |
prajānāṃ pālakaścaiva vṛttido hi bhaviṣyati || 92 ||
[Analyze grammar]

iyaṃ dhātrī mahāprājñā uptaṃ bījaṃ purā kila |
jīvanārthaṃ prajābhistu grāsayitvā sthirābhavat || 93 ||
[Analyze grammar]

tataḥ pṛthuṃ dvijaśreṣṭha prajāḥ samabhidudruvuḥ |
vidhatsveti suvṛttiṃ no munīnāṃ vacanaṃ tadā || 94 ||
[Analyze grammar]

grāsayitvā tadānnāni pṛthvī jātā suniścalā |
bhayaṃ prajānāṃ sumahatsa dṛṣṭvā rājasattamaḥ || 95 ||
[Analyze grammar]

maharṣivacanātsopi pragṛhya saśaraṃ dhanuḥ |
abhyadhāvata vegena pṛthvīṃ kruddho narādhipaḥ || 96 ||
[Analyze grammar]

kauṃjaraṃ rūpamāsthāya bhayāttasya tu medinī |
vaneṣu durgadeśeṣu guptā bhūtvā cacāra sā || 97 ||
[Analyze grammar]

na paśyati mahāprājñaḥ kurūpaṃ dvijasattamāḥ |
ācacakṣurmahāprājñaṃ kuṃjaraṃ rūpamāsthitā || 98 ||
[Analyze grammar]

tataḥ kuṃjararūpāṃtāmabhidudrāva pārthivaḥ |
tāḍyamānā ca sā tena niśitairmārgaṇaistataḥ || 99 ||
[Analyze grammar]

harirūpaṃ samāsthāya palāyanaparābhavat |
harerūpaṃ samāsthāya abhidudrāva pārthivaḥ || 100 ||
[Analyze grammar]

sotikruddho mahāprājño roṣāruṇasulocanaḥ |
subāṇairniśitaistīkṣṇairājaghāna sa medinīm || 101 ||
[Analyze grammar]

ākulavyākulā jātā bāṇāghātahatā tadā |
māhiṣaṃ rūpamāsthāya palāyanaparābhavat || 102 ||
[Analyze grammar]

abhyadhāvata vegena bāṇapāṇirdhanurdharaḥ |
sā gaurbhūtvā dvijaśreṣṭhā svargameva gatā dhruvam || 103 ||
[Analyze grammar]

brahmaṇaḥ śaraṇaṃ prāptā viṣṇoścaiva mahātmanaḥ |
rudrādīnāṃ ca devānāṃ trāṇasthānaṃ na viṃdati || 104 ||
[Analyze grammar]

alabhaṃtī bhṛśaṃ trāṇaṃ vainyamevānvaviṃdata |
tasya pārśvaṃ punaḥ prāptā bāṇaghātasamākulā || 105 ||
[Analyze grammar]

baddhāṃjalipuṭābhūtvā taṃ pṛthuṃ vākyamabravīt |
trāhitrāhīti rājeṃdra sā rājānamabhāṣata || 106 ||
[Analyze grammar]

ahaṃ dhātrī mahābhāga sarvādhārā vasuṃdharā |
nihatāyāṃ mayi nṛpa nihataṃ lokasaptakam || 107 ||
[Analyze grammar]

kṛtāṃjalipuṭā bhūtvā pūjyā lokaistribhiḥ sadā |
uvāca cainaṃ rājānamavadhyā strī sadā nṛpa || 108 ||
[Analyze grammar]

strīṇāṃ vadhe mahatpāpaṃ dṛṣṭamasti dvijottamaiḥ |
gavāṃ vadhe mahatpāpaṃ dṛṣṭamasti dvijottamaiḥ || 109 ||
[Analyze grammar]

mayā vinā mahārāja kathaṃ dhārayase prajāḥ |
ahaṃ yadāsthirā rājaṃstadā lokāścarācarāḥ || 110 ||
[Analyze grammar]

sthiratvaṃ yāṃti te sarve sthirībhūtā yadā hyaham |
māṃ vinā tu ime lokā vinaśyeyuścarācarāḥ || 111 ||
[Analyze grammar]

tataḥ prajā vinaśyeyurmama nāśe samāgate |
kathaṃ dhārayitā cāsi prajā rājanmayā vinā || 112 ||
[Analyze grammar]

mayi lokāḥ sthirā rājanmayedaṃ dhāryate jagat |
madvināśe vinaśyeyuḥ prajāḥ sarvā na saṃśayaḥ || 113 ||
[Analyze grammar]

na māmarhasi vai haṃtuṃ śreyaścettvaṃ cikīrṣasi |
prajānāṃ pṛthivīpāla śṛṇu deva vaco mama || 114 ||
[Analyze grammar]

upāyaiśca mahābhāga susiddhiṃ yāṃtyupakramāḥ |
samālokya hyupāyaṃ tvaṃ prajā yena dhariṣyati || 115 ||
[Analyze grammar]

māṃ hatvā tvaṃ mahārāja dhāraṇe pālane sadā |
poṣaṇe ca mahāprājña madvinā hi kathaṃ nṛpa || 116 ||
[Analyze grammar]

dhariṣyasi prajāṃ cemāṃ kopaṃ yaccha tvamātmanaḥ |
annamayī bhaviṣyāmi dhariṣyāmi prajāmimām || 117 ||
[Analyze grammar]

ahaṃ nārī avadhyā ca prāyaścittī bhaviṣyasi |
avadhyāṃ tu striyaṃ prāhustiryagyonigatāmapi || 118 ||
[Analyze grammar]

vicāryaivaṃ mahārāja na dharmaṃ tyaktumarhasi |
evaṃ nānāvidhairvākyairukto dhātryā narādhipaḥ || 119 ||
[Analyze grammar]

kopamenaṃ mahārāja tyaja dāruṇameva hi |
prasanne tvayi rājeṃdra tadā svasthā bhavāmyaham || 120 ||
[Analyze grammar]

evamuktastayā rājā pṛthurvainyaḥ prajāpatiḥ |
tāmuvāca mahābhāgāṃ dharitrīṃ dvijasattamāḥ || 121 ||
[Analyze grammar]