Chapter 27

[English text for this chapter is available]

sūta uvāca |
sa prabhuḥ sarvalokeśo hyabhiṣicya tato nṛpam |
pṛthuṃ venasya tanayaṃ sarvarājye mahāprabhum || 1 ||
[Analyze grammar]

mahābāhuṃ mahākāyaṃ yatheṃdraṃ ca sureśvaram |
krameṇāpi tato brahmā rājyāni ca vicārya vai || 2 ||
[Analyze grammar]

yadyasyāpi bhavedyogyaṃ dātuṃ tadupacakrame |
vṛkṣāṇāṃ brāhmaṇānāṃ ca graharkṣāṇāṃ tathaiva ca || 3 ||
[Analyze grammar]

somaṃ rājye sobhyaṣiṃcattapasāṃ ca mahāmatiḥ |
dharmāṇāṃ dharmayajñānāṃ puṇyānāṃ puṇyatejasām || 4 ||
[Analyze grammar]

apāṃ madhye tathā devaṃ tīrthānāṃ hi tathaiva ca |
varuṇaṃ sobhiṣicyaiva ratnānāṃ ca dvijottama || 5 ||
[Analyze grammar]

anyeṣāṃ sarvayakṣāṇāṃ rājye vaiśravaṇaṃ punaḥ |
viṣṇumeva mahāprājñamādityānāṃ pitāmahaḥ || 6 ||
[Analyze grammar]

rājye saṃsthāpayāmāsa janatā hitahetave |
sarveṣāmeva puṇyānāṃ dakṣameva prajāpatim || 7 ||
[Analyze grammar]

samarthaṃ sarvadharmajñaṃ prajāpatigaṇeśvaram |
prahrādaṃ sarvadharmajñaṃ sa hi rājye nyarūpayat || 8 ||
[Analyze grammar]

daityānāṃ dānavānāṃ ca viṣṇutejaḥ samanvitam |
yamaṃ vaivasvataṃ dharmaṃ paitrye rājyebhiṣicya ca || 9 ||
[Analyze grammar]

yakṣarākṣasabhūtānāṃ piśācoragasarpiṇām |
yoginīnāṃ ca sarvāsāṃ vaitālānāṃ mahātmanām || 10 ||
[Analyze grammar]

kaṃkālānāṃ hi sarveṣāṃ kūṣmāṃḍānāṃ tathaiva ca |
pārthivānāṃ ca sarveṣāṃ giriśaṃ śūlapāṇinam || 11 ||
[Analyze grammar]

parvatānāṃ hi sarveṣāṃ himavaṃtaṃ mahāgirim |
nadīnāṃ ca taḍāgānāṃ vāpikānāṃ tathaiva ca || 12 ||
[Analyze grammar]

kuṃḍānāṃ kūparājye hi divyeṣu ca sureśvaraḥ |
sāgaraṃ sthāpitaṃ puṇyaṃ sarvatīrthamanuttamam || 13 ||
[Analyze grammar]

gaṃdharvāṇāṃ tu sarveṣāṃ rājye puṇye tathaiva ca |
citrarathaṃ tato brahmā abhiṣicya sureśvaraḥ || 14 ||
[Analyze grammar]

nāgānāṃ puṇyavīryāṇāṃ vāsukiṃ ca caturmukhaḥ |
sarpāṇāṃ tu tathā rājye abhiṣicya sa takṣakam || 15 ||
[Analyze grammar]

vāraṇānāṃ tato rājye airāvaṇamasiṃcata |
aśvānāṃ caiva sarveṣāmuccaiḥśravasameva ca || 16 ||
[Analyze grammar]

pakṣiṇāṃ caiva sarveṣāṃ vainateyamathāpi saḥ |
mṛgāṇāṃ ca tato rājye brahmā siṃhamathādiśat || 17 ||
[Analyze grammar]

govṛṣaṃ tu gavāṃ madhye abhiṣicya prajāpatiḥ |
vanaspatīnāṃ sarveṣāṃ plakṣameva pitāmahaḥ || 18 ||
[Analyze grammar]

evaṃ rājyāni sarvāṇi saṃsthāpya ca pitāmahaḥ |
diśāpālāṃstato brahmā sthāpayāmāsa sattamaḥ || 19 ||
[Analyze grammar]

vairājasya tathā putraṃ pūrvasyāṃ diśi sattamaḥ |
sudhanvānaṃ diśaḥpālaṃ rājānaṃ sobhyaṣiṃcata || 20 ||
[Analyze grammar]

dakṣiṇasyāṃ mahātmānaṃ kardamasya prajāpateḥ |
putraṃ śaṃkhapadaṃ nāma rājānaṃ sobhyaṣiṃcata || 21 ||
[Analyze grammar]

paścimāyāṃ tathā brahmā varuṇasya prajāpateḥ |
putraṃ ca puṣkaraṃ nāma so'bhyaṣiṃcatprajāpatiḥ || 22 ||
[Analyze grammar]

uttarasyāṃ diśi brahma nalakūbarameva ca |
evaṃ caivābhyaṣiṃcacca dikpālānsamahaujasaḥ || 23 ||
[Analyze grammar]

yairiyaṃ pṛthivī sarvā saptadvīpā sapattanā |
yathāpradeśamadyāpi dharmeṇa pratipālyate || 24 ||
[Analyze grammar]

pṛthuścaivaṃ mahābhāgaḥ sobhiṣikto narādhipaḥ |
rājasūyādibhiḥ sarvairabhiṣikto mahāmakhaiḥ || 25 ||
[Analyze grammar]

vidhinā vedadṛṣṭena rājarājye mahīpatiḥ |
cākṣuṣe nāmni saṃpuṇye atīte ca mahaujasi || 26 ||
[Analyze grammar]

manvaṃtare mahābhāga devapuṇyahitaiṣiṇi |
tato vaivasvatāyaiva manave rājyamādiśat || 27 ||
[Analyze grammar]

vistaraṃ cāpi vyākhyāsye pṛthoścaiva mahātmanaḥ |
yadi māmeva viprendra śuśrūṣasi ataṃdritaḥ || 28 ||
[Analyze grammar]

etadevamadhiṣṭhānaṃ mahatpuṇyaṃ prakīrtitam |
sarveṣveva purāṇeṣu etaddhi niścitaṃ sadā || 29 ||
[Analyze grammar]

puṇyaṃ yaśasyamāyuṣyaṃ svargavāsakaraṃ śubham |
dhanyaṃ pavitramāyuṣyaṃ putradaṃ vṛddhidāyakam || 30 ||
[Analyze grammar]

yaḥ śṛṇoti naro bhaktyā bhāvadhyānasamanvitaḥ |
aśvamedhaphalaṃ tasya jāyate nātra saṃśayaḥ || 31 ||
[Analyze grammar]

iti śrīpadmapurāṇe paṃcapaṃcāśatsahasrasaṃhitāyāṃ bhūmikhaṃḍe |
rājyābhiṣekonāma saptaviṃśo'dhyāyaḥ || 27 ||
[Analyze grammar]