Chapter 26

[English text for this chapter is available]

sūta uvāca |
taṃ putraṃ nihataṃ śrutvā sā ditirduḥkhapīḍitā |
putraśokena tenaiva saṃdagdhā dvijasattamāḥ || 1 ||
[Analyze grammar]

punarūce mahātmānaṃ kaśyapaṃ munipuṃgavam |
iṃdrasyāpi suduṣṭasya vadhārthaṃ dvijasattama || 2 ||
[Analyze grammar]

brahmatejomayaṃ tīvraṃ duḥsahaṃ sarvadaivataiḥ |
putraikaṃ dīyatāṃ kāṃta supriyāhaṃ yadā vibho || 3 ||
[Analyze grammar]

kaśyapa uvāca |
nihatau balavṛtrau ca mama putrau mahābalau |
aghamāśritya devena iṃdreṇāpi durātmanā || 4 ||
[Analyze grammar]

tasyaiva ca vadhārthāya putramekaṃ dadāmyaham |
varṣāṇāṃ tu śataikaṃ tvaṃ śucirbhava yaśasvini || 5 ||
[Analyze grammar]

evamuktvā sa yogīṃdro hastaṃ śirasi vai tadā |
dattvādityā sahaivāsau gato meruṃ tapovanam || 6 ||
[Analyze grammar]

tapastatāpa sā devī tapovananivāsinī |
śuciṣmatī sadā bhūtvā putrārthā dvijasattama || 7 ||
[Analyze grammar]

tato devaḥ sahasrākṣo jñātvā udyamameva ca |
dityāścaiva mahābhāga aṃtaraprekṣako'bhavat || 8 ||
[Analyze grammar]

paṃcaviṃśābdiko bhūtvā devarāḍdaivatopamaḥ |
brāhmaṇasya ca rūpeṇa tasyāścāṃtikamāgataḥ || 9 ||
[Analyze grammar]

sa tāṃ praṇamya dharmātmā mātaraṃ tapasānvitām |
tayoktastu sahasrākṣo bhavānko dvijasattama || 10 ||
[Analyze grammar]

tāmuvāca sahasrākṣaḥ putro'haṃ tava śobhane |
brāhmaṇo vedavidvāṃśca dharmaṃ jānāmi bhāmini || 11 ||
[Analyze grammar]

tapasastava sāhāyyaṃ kariṣye nātra saṃśayaḥ |
śuśrūṣati sa tāṃ devīṃ mātaraṃ tapasānvitām || 12 ||
[Analyze grammar]

tamiṃdraṃ sā na jānāti āgataṃ duṣṭakāriṇam |
dharmaputraṃ vijānāti śuśrūṣaṃtaṃ dine dine || 13 ||
[Analyze grammar]

aṃgaṃ saṃvāhayeddevyāḥ pādau prakṣālayettataḥ |
patraṃ mūlaṃ phalaṃ tatra valkalājinameva ca || 14 ||
[Analyze grammar]

dadātyevaṃ sa dharmātmā tasyai dityai sadaiva hi |
bhaktyā saṃtoṣitā tasya saṃtuṣṭā tamabhāṣata || 15 ||
[Analyze grammar]

putre jāte mahāpuṇye iṃdre ca nihate sati |
kuru rājyaṃ mahābhāga putreṇa mama daivakam || 16 ||
[Analyze grammar]

evamastu mahābhāge te prasādādbhaviṣyati |
tasyāścaivāṃtaraṃ prepsurabhavatpākaśāsanaḥ || 17 ||
[Analyze grammar]

ūne varṣaśate cāsyā dadarśāṃtaramacyutaḥ |
akṛtvā pādayoḥ śaucaṃ ditiḥ śayanamāviśat || 18 ||
[Analyze grammar]

śayyāṃte sā śiraḥ kṛtvā muktakeśātivihvalā |
nidrāmāhārayāmāsa tasyāḥ kukṣiṃ praviśya ha || 19 ||
[Analyze grammar]

vajrapāṇistato garbhaṃ saptadhā taṃ nyakṛṃtata |
vajreṇa tīkṣṇadhāreṇa ruroda udare sthitaḥ || 20 ||
[Analyze grammar]

sa garbhastatra vipreṃdrā iṃdrahastagatena vai |
rodamānaṃ mahāgarbhaṃ tamuvāca punaḥ punaḥ || 21 ||
[Analyze grammar]

śatakraturmahātejā mā rodīrityabhāṣata |
saptadhā kṛtavāñchakrastaṃ garbhaṃ ditijaṃ punaḥ || 22 ||
[Analyze grammar]

ekaikaṃ saptadhā cchittvā rudamānaṃ sa devarāṭ |
evaṃ vai maruto jātāste tu devā mahaujasaḥ || 23 ||
[Analyze grammar]

yathā iṃdreṇa te proktā babhūvurnāmabhistataḥ |
ativīrya mahākāyāstīvra tejaḥ parākramāḥ || 24 ||
[Analyze grammar]

ekonā vai babhūvuste paṃcāśanmarutastataḥ |
maruto nāma te khyātā iṃdrameva samāśritāḥ || 25 ||
[Analyze grammar]

bhūtānāmeva sarveṣāṃ rocayaṃti gaṇaṃ mahat |
nikāyeṣu nikāyeṣu hariḥ prādātprajāpatiḥ || 26 ||
[Analyze grammar]

kramaśastāni rājyāni pṛthupūrvāṇi tāni vai |
sa devaḥ puruṣaḥ kṛṣṇaḥ sarvavyāpī jagadguruḥ || 27 ||
[Analyze grammar]

tapojiṣṇurmahātejāḥ sarva ekaḥ prajāpatiḥ |
parjanyaḥ pāvakaḥ puṇyaḥ sarvātmā sarva eva hi || 28 ||
[Analyze grammar]

tasya sarvamidaṃ puṇyaṃ jagatsthāvarajaṃgamam |
bhūtasargamimaṃ samyagjānato dvijasattama || 29 ||
[Analyze grammar]

nāvṛttibhayamastīha paralokabhayaṃ kutaḥ |
imāṃ sṛṣṭiṃ mahāpuṇyāṃ sarvapāpaharāṃ śubhām || 30 ||
[Analyze grammar]

yaḥ śṛṇoti naro bhaktyā sarvapāpaiḥ pramucyate |
sa hi dhanyaśca puṇyaśca sa hi satyasamanvitaḥ || 31 ||
[Analyze grammar]

yaḥ śṛṇoti imāṃ sṛṣṭiṃ sa yāti paramāṃ gatim |
sarvapāpaviśuddhātmā viṣṇulokaṃ sa gacchati || 32 ||
[Analyze grammar]

iti śrīpadmapurāṇe bhūmikhaṃḍe marudutpattirnāma ṣaḍviṃśo'dhyāyaḥ || 26 ||
[Analyze grammar]