Chapter 25

[English text for this chapter is available]

sūta uvāca |
iyaṃ hi kā gāyati cārulocanā vilāsabhāvaiḥ pariviśvameva |
atīva bālā śuśubhe manoharā saṃpūrṇabhāvaiḥ parimohayejjanam || 1 ||
[Analyze grammar]

dṛṣṭvā sa raṃbhāṃ kamalāyatākṣīṃ pīnastanīṃ carcitakuṃkumāṃgīm |
padmānanāṃ kāmagṛhaṃ mamaiṣā no vā ratiścārumanohareyam || 2 ||
[Analyze grammar]

saṃpūrṇabhāvāṃ parirūpayuktāṃ kāmāṃgaśīlāmatiśīlabhāvām |
yāsyāmyahaṃ vaśyamihaiva asyā manobhavenādya ihaiva preṣitaḥ || 3 ||
[Analyze grammar]

itīva daityaḥ suviciṃtayānvitaḥ kāmena mugdho bahukālanoditaḥ |
samāturastatra jagāma satvaramuvāca tāṃ dīnamanāḥ sulocanām || 4 ||
[Analyze grammar]

kasyāsi vā suṃdari kena preṣitā kiṃ nāma te puṇyatamaṃ vadasva me |
tavaiva rūpeṇa mahātitejasā mugdhosmi bāle mama vaśyatāṃ vraja || 5 ||
[Analyze grammar]

evamuktā viśālākṣī vṛtraṃ kāmākulaṃ prati |
ahaṃ raṃbhā mahābhāga krīḍārthaṃ vanamuttamam || 6 ||
[Analyze grammar]

sakhīsārdhaṃ samāyātā naṃdanaṃ vanamuttamam |
tvaṃ tu ko vā kimarthaṃ hi mama pārśvaṃ samāgataḥ || 7 ||
[Analyze grammar]

vṛtra uvāca |
śrūyatāmabhidhāsyāmi yohaṃ bāle samāgataḥ |
hutāśanātsamutpannaḥ kaśyapasya sutaḥ śubhe || 8 ||
[Analyze grammar]

sakhāhaṃ devadevasya iṃdra syāpi varānane |
aiṃdraṃ padaṃ varārohe ardhaṃ me bhuktimāgatam || 9 ||
[Analyze grammar]

ahaṃ vṛtraḥ kathaṃ devi māmevaṃ na tu viṃdasi |
trailokyaṃ vaśamāyātaṃ yasyaiva varavarṇini || 10 ||
[Analyze grammar]

ahaṃ śaraṇamāyātaḥ kāmādrakṣa varānane |
bhajasva māṃ viśālākṣi kāmenākulitaṃ priye || 11 ||
[Analyze grammar]

raṃbhovāca |
vaśagā haṃ tavaivādya bhaviṣyāmi na saṃśayaḥ |
yaṃ yaṃ vadāmyahaṃ vīra taṃ taṃ kāryaṃ tvayaiva hi || 12 ||
[Analyze grammar]

evamastu mahābhāge taṃ taṃ sarvaṃ karomyaham |
evaṃ saṃbaṃdhakaṃ kṛtvā tayā saha mahābalaḥ || 13 ||
[Analyze grammar]

tasminvane mahāpuṇye reme dānavasattamaḥ |
tasyā gītena nṛtyena hāsyena lalitena ca || 14 ||
[Analyze grammar]

atimugdho mahādaityaḥ sa tasyāḥ suratena ca |
tamuvāca mahābhāgaṃ vṛtraṃ dānavasattamam || 15 ||
[Analyze grammar]

surāpānaṃ kuruṣveha pibasva madhumādhavīm |
tāmuvāca viśālākṣīṃ raṃbhāṃ śaśinibhānanām || 16 ||
[Analyze grammar]

putrohaṃ brāhmaṇasyāpi vedavedāṃgapāragaḥ |
surāpānaṃ kathaṃ bhadre kariṣyami viniṃditam || 17 ||
[Analyze grammar]

tayā tu raṃbhayā devyā prītyā dattā surā haṭhāt |
tasyā dākṣiṇyabhāvena surāpānaṃ kṛtaṃ tadā || 18 ||
[Analyze grammar]

atīvamugdhaṃ surayā jñānabhraṣṭo yadābhavat |
tadaṃtare sureṃdreṇa vajreṇa nihatastadā || 19 ||
[Analyze grammar]

brahmahatyādikaiḥ pāpaiḥ sa lipto vṛtrahā tataḥ |
brāhmaṇāstu tataḥ procuriṃdra pāpaṃ kṛtaṃ tvayā || 20 ||
[Analyze grammar]

asmādvākyāttu viśvasto vṛtro nāma mahābalaḥ |
hato viśvāsabhāvena evaṃ pāpaṃ tvayā kṛtam || 21 ||
[Analyze grammar]

iṃdra uvāca |
yena kenāpyupāyena haṃtavyoriḥ sadaiva hi |
devabrāhmaṇahaṃtāraṃ yajñānāṃ dharmakaṃṭakam || 22 ||
[Analyze grammar]

nihataṃ dānavaṃ duṣṭaṃ trailokyasyāpi nāyakam |
tadarthaṃ kupitā yūyametannyāyasya lakṣaṇam || 23 ||
[Analyze grammar]

vicāramevaṃ karttavyaṃ bhavadbhirdvijasattamāḥ |
paścātkopaṃ prakarttavyamanyāyaṃ mama ciṃtyatām || 24 ||
[Analyze grammar]

evaṃ saṃbodhitā viprā iṃdreṇāpi mahātmanā |
brahmādibhiḥ suraiḥ sarvairbodhitāste ca sattamāḥ || 25 ||
[Analyze grammar]

jagmuḥ svasthānamevaṃ hi nihate dharmakaṃṭake || 26 ||
[Analyze grammar]

iti śrīpadmapurāṇe bhūmikhaṃḍe vṛtrāsuravadhonāma paṃcaviṃśo'dhyāyaḥ || 25 ||
[Analyze grammar]