Chapter 24

[English text for this chapter is available]

sūta uvāca |
hataṃ śrutvā ditiḥ putraṃ subalaṃ balameva ca |
ruditaṃ karuṇaṃ kṛtvā hā hā kaṣṭaṃ bhṛśaṃ mama || 1 ||
[Analyze grammar]

evaṃ sukaruṇaṃ kṛtvā bahukālaṃ tapasvinī |
sā gatā kaśyapaṃ kāṃtaṃ tamuvāca yaśasvinī || 2 ||
[Analyze grammar]

tava putro mahāpāpa iṃdraḥ suragaṇeśvaraḥ |
sāgaropagataṃ dṛṣṭvā balaṃ me brahmalakṣaṇam || 3 ||
[Analyze grammar]

vajreṇa ghātayāmāsa saṃdhyāmāsyaṃtameva hi |
evaṃ śrutvā tataḥ kruddho marīcitanayastadā || 4 ||
[Analyze grammar]

krodhena mahatāviṣṭaḥ prajajvāleva vahninā |
avaluṃcya jaṭāmekāṃ śucyagnau sa dvijottamaḥ || 5 ||
[Analyze grammar]

iṃdrasyaiva vadhārthāya putramutpādayāmyaham |
tasmātkuṃḍātsamutpanno hutāśanamukhādapi || 6 ||
[Analyze grammar]

kṛṣṇāṃjanacayopetaḥ piṃgākṣo bhīṣaṇākṛtiḥ |
daṃṣṭrākarālavaktrāṃto jagatāṃ bhayadāyakaḥ || 7 ||
[Analyze grammar]

mahācarvariko ghoraḥ khaḍgacarmadharastathā |
sarvāṃgatejasā dīpto mahāmeghopamo balī || 8 ||
[Analyze grammar]

uvāca kaśyapaṃ vipramādeśo mama dīyatām |
kasmādutpādito vipra bhavatā kāraṇaṃ vada || 9 ||
[Analyze grammar]

tamahaṃ sādhayiṣyāmi prasādāttava suvrata |
kaśyapa uvāca |
asyā manorathaṃ putra pūrayasva mamaiva hi || 10 ||
[Analyze grammar]

adityāstvaṃ mahāprājña jahi iṃdraṃ durātmakam |
nihate devarāje hi aiṃdraṃ padaṃ prabhuṃkṣva ca || 11 ||
[Analyze grammar]

evaṃ tena samādiṣṭaḥ kaśyapena mahātmanā |
vṛtrastu udyamaṃ cakre tasyeṃdrasya vadhāya ca || 12 ||
[Analyze grammar]

dhanurvedasya cābhyāsaṃ sa cakre pauruṣānvitaḥ |
balaṃ vīryaṃ tathā kṣātraṃ tejo dhairyasamanvitam || 13 ||
[Analyze grammar]

dṛṣṭvā hi tasya daityasya sahasrākṣo bhayāturaḥ |
upāyaṃ ciṃtitaṃ tasya vṛtrasyāpi durātmanaḥ || 14 ||
[Analyze grammar]

vadhārthaṃ devadevena samāhūya mahāmunīn |
saptarṣīnpreṣayāmāsa vṛtraṃ daityeśvaraṃ prati || 15 ||
[Analyze grammar]

bhavaṃtastatra gacchaṃtu yatra vṛtraḥ sa tiṣṭhati |
saṃdhiṃ kurvaṃtu vai tena sārddhaṃ mama munīśvarāḥ || 16 ||
[Analyze grammar]

evaṃ tena samādiṣṭā munayaḥ sapta te tadā |
vṛtrāsuraṃ tataḥ procuḥ sahasrākṣa pracālitāḥ || 17 ||
[Analyze grammar]

sakhyaṃ kartuṃ prayacchetsa kriyatāṃ daityasattama |
ṛṣayaḥ saptatattvajñā ūcurvṛtraṃ mahābalam || 18 ||
[Analyze grammar]

sahasrākṣo mahāprājño bhavatā saha sattama |
maitramicchati vai kartuṃ tatkathaṃ na karoṣi kim || 19 ||
[Analyze grammar]

ardhamaiṃdraṃ padaṃ vīra satvaṃ bhuṃkṣva sukhena vai |
vartaṃtvarddhena iṃdrastu asurā devatāstathā || 20 ||
[Analyze grammar]

sukhaṃ vartaṃtu te sarve vairaṃ caiva visṛjya vai |
vṛtra uvāca |
yadi satyena deveṃdro maitramicchati sattamaḥ || 21 ||
[Analyze grammar]

satyamāśritya caivāhaṃ kariṣye nātra saṃśayaḥ |
chadma caivaṃ puraskṛtya iṃdro drohaṃ samācaret || 22 ||
[Analyze grammar]

tadā kiṃ kriyate viprā ityarthe pratyayaṃ hi kim |
ṛṣayastviṃdramācakhyurityarthaṃ pratyayaṃ vada || 23 ||
[Analyze grammar]

tannastvaṃ satyatāṃ brūhi yadi sakhyamihecchasi |
iṃdra uvāca |
yadya'satyena vartāmi bhavadbhiḥ saha chadmanā || 24 ||
[Analyze grammar]

brahmahatyādikaiḥ pāpairlipyehaṃ nātra saṃśayaḥ |
chadma caivaṃ puraskṛtya iṃdro drohaṃ samācaret || 25 ||
[Analyze grammar]

brahmahatyādikaiḥ pāpairlipyehaṃ nātra saṃśayaḥ |
ityuvāca mahāprājña tvāmevaṃ sa puraṃdaraḥ || 26 ||
[Analyze grammar]

etena pratyayenāpi sakhyaṃ kuru mahāmate |
vṛtra uvāca |
bhavatāṃ śiṣṭamārgeṇa satyenānena tasya ca || 27 ||
[Analyze grammar]

maitramevaṃ kariṣyāmi tena sārddhaṃ dvijottamāḥ |
vṛtramiṃdrasyasaṃsthānaṃ nītaṃ brāhmaṇapuṅgavaiḥ || 28 ||
[Analyze grammar]

indrastamāgataṃ dṛṣṭvā vṛtraṃ mitrārthamudyataḥ |
siṃhāsanātsamutthāya arghamādāya satvaraḥ || 29 ||
[Analyze grammar]

dadau tasmai sa dharmātmā vṛtrāya dvijasattama |
ardhaṃ bhuṃkṣva mahāprājña aiṃdrametanmahatpadam || 30 ||
[Analyze grammar]

vartitavyaṃ sukhenāpi āvābhyāṃ daityasattama |
evaṃ viśvāsayandaityaṃ vṛtra maitreṇa vai tadā || 31 ||
[Analyze grammar]

gateṣu teṣu vipreṣu svasthānaṃ dvijasattama |
chidraṃ paśyati duṣṭātmā vṛtrasyāpi sadaiva hi || 32 ||
[Analyze grammar]

sāvadhānatvamiṃdropi divārātrau praciṃtayet |
tasyacchidraṃ na paśyeta vṛtrasyāpi mahātmanaḥ || 33 ||
[Analyze grammar]

upāyaṃ ciṃtayāmāsa tasyaiva vadhahetave |
raṃbhā saṃpreṣitā tena mohayasva mahāsuram || 34 ||
[Analyze grammar]

yenakenāpyupāyena yathā hatvā labhe sukham |
tathā kuruṣva kalyāṇi saṃmohāya suradviṣaḥ || 35 ||
[Analyze grammar]

vanaṃ puṇyaṃ mahādivyaṃ puṇyapādapasevitam |
bahuvṛkṣaphalopetaṃ mṛgapakṣisamākulam || 36 ||
[Analyze grammar]

vimānamaṃdirairdivyaiḥ sarvatra pariśobhitam |
divyagaṃdharvasaṃgītaṃ bhramarākulitaṃ sadā || 37 ||
[Analyze grammar]

kokilānāṃ rutaiḥ puṇyaiḥ sarvatra madhurāyataiḥ |
śikhisāraṃganādaiśca sarvatra susamākulam || 38 ||
[Analyze grammar]

divyaistu caṃdanairvṛkṣaiḥ sarvatra samalaṃkṛtam |
vāpīkuṃḍataḍāgaiśca jalapūrṇairmanoharaiḥ || 39 ||
[Analyze grammar]

kamalaiḥ śatapatraiśca puṣpitaiḥ samalaṃkṛtam |
devagaṃdharvasaṃsiddhaiścāraṇaiścaiva kinnaraiḥ || 40 ||
[Analyze grammar]

munibhiḥ śuśubhe divyairdivyodyānavareṇa ca |
apsarogaṇasaṃkīrṇaṃ nānākautukamaṃgalaiḥ || 41 ||
[Analyze grammar]

hemaprāsādasaṃbādhaṃ daṃḍacchatraiśca cāmaraiḥ |
kalaśaiśca patākābhiḥ sarvatrasamalaṃkṛtam || 42 ||
[Analyze grammar]

vedadhvanisamākīrṇaṃ gītadhvanisamākulam |
evaṃ naṃdanamāsādya sā raṃbhā cāruhāsinī || 43 ||
[Analyze grammar]

apsarobhiḥ samaṃ tatra krīḍatyevaṃ vilāsinī |
sūta uvāca |
ekadā tu sa vṛtro vai kālākṛṣṭo gato vanam || 44 ||
[Analyze grammar]

katibhirdānavaiḥ sārddhaṃ mudayā parayā yutaḥ |
alakṣye bhramate pārśvaṃ tasyaiva ca mahātmanaḥ || 45 ||
[Analyze grammar]

devarājopi vipreṃdraśchidrānveṣī dviṣāṃ kila |
sa hi vṛtro mahāprājño viśvastaḥ sarvakarmasu || 46 ||
[Analyze grammar]

iṃdraṃ mitraṃ paraṃ jānanbhayaṃ cakre na tasya saḥ |
bhramamāṇo vanaṃ paśyetsarvatra paramaṃ śubham || 47 ||
[Analyze grammar]

suramyaṃ kautukavanaṃ vanitāgaṇasaṃkulam |
caṃdanasyāpi vṛkṣasya chāyāṃ śītāṃ supuṇyadām || 48 ||
[Analyze grammar]

samāśritya viśālākṣī raṃbhā tatra pradīvyati |
sakhībhistu mahābhāgā dolārūḍhā yaśasvinī || 49 ||
[Analyze grammar]

gāyate susvaraṃ gītaṃ sarvaviśvapramohanam |
tatra vṛtraḥ samāyātaḥ kāmākulitamānasaḥ || 50 ||
[Analyze grammar]

dolārūḍhāṃ samālokya raṃbhāṃ cārusulocanām || 51 ||
[Analyze grammar]

iti śrīpadmapurāṇe paṃcapaṃcāśatsahasrasaṃhitāyāṃ bhūmikhaṃḍe vṛtra |
vaṃcanaṃnāma caturviṃśo'dhyāyaḥ || 24 ||
[Analyze grammar]