Chapter 21

[English text for this chapter is available]

sūta uvāca |
ekadā vyāsa devo'sau brahmāṇaṃ jagataḥ patim |
suvratākhyānakaṃ sarvaṃ papracchātīva vismitaḥ || 1 ||
[Analyze grammar]

vyāsa uvāca |
lokātmaṃllokavinyāsa devadeva mahāprabho |
suvratasyātha caritaṃ śrotumicchāmi sāṃpratam || 2 ||
[Analyze grammar]

brahmovāca |
pārāśaryamahābhāga śrūyatāṃ puṇyamuttamam |
suvratasya suviprasya tapaścaryāsamanvitam || 3 ||
[Analyze grammar]

suvrato nāma medhāvī bālyādapi sa ciṃtayan |
garbhe nārāyaṇaṃ devaṃ dṛṣṭavānpuruṣottamam || 4 ||
[Analyze grammar]

sa pūrvakarmābhyāsena harerdhyānaṃ gatastadā |
śaṃkhacakradharaṃ devaṃ padmanābhaṃ supuṇyadam || 5 ||
[Analyze grammar]

dhyāyate ciṃtayetso hi gīte jñāne prapāṭhane |
evaṃ devaṃ hariṃ dhyāyansadaiva dvijasattamaḥ || 6 ||
[Analyze grammar]

krīḍatyevaṃ sadā ḍiṃbhaiḥ sārddhaṃ ca bālakottamaḥ |
bālakānāṃ svakaṃ nāma hareścaiva mahātmanaḥ || 7 ||
[Analyze grammar]

cakāra sa hi medhāvī puṇyātmā puṇyavatsalaḥ |
samāhvayati vai mitraṃ harernāmnā mahāmatiḥ || 8 ||
[Analyze grammar]

bhobhoḥ keśava ehyehi ehi mādhavacakradhṛk |
krīḍasva ca mayā sārdhaṃ tvameva puruṣottama || 9 ||
[Analyze grammar]

samamevaṃ pragaṃtavyamāvābhyāṃ madhusūdana |
evameva samāhvānaṃ nāmabhiśca harerdvijaḥ || 10 ||
[Analyze grammar]

krīḍane paṭhane hāsye śayane gītaprekṣaṇe |
yāne ca hyāsane dhyāne maṃtre jñāne sukarmasu || 11 ||
[Analyze grammar]

paśyatyevaṃ vadatyevaṃ jagannāthaṃ janārdanam |
sa dhyāyate tamekaṃ hi viśvanāthaṃ maheśvaram || 12 ||
[Analyze grammar]

tṛṇe kāṣṭhe ca pāṣāṇe śuṣke sārdre hi keśavam |
paśyatyevaṃ sa dharmātmā goviṃdaṃ kamalekṣaṇam || 13 ||
[Analyze grammar]

ākāśe bhūmimadhye tu parvateṣu vaneṣu ca |
jale sthale ca pāṣāṇe jīveṣveva mahāmatiḥ || 14 ||
[Analyze grammar]

nṛsiṃhaṃ paśyate vipraḥ suvrataḥ sumanāsutaḥ |
bālakrīḍāṃ samāsādya ramatyevaṃ dinedine || 15 ||
[Analyze grammar]

gītaiśca gāyate kṛṣṇaṃ surāgairmadhurākṣaraiḥ |
tālairlayasamāyuktaiḥ susvarairmūrcchanānvitaiḥ || 16 ||
[Analyze grammar]

suvrata uvāca |
dhyāyaṃti vedaviduṣaḥ satataṃ surāriṃ yasyāṃgamadhye sakalaṃ hi viśvam |
yogeśvaraṃ sakalapāpavināśanaṃ ca vrajāmi śaraṇaṃ madhusūdanasya || 17 ||
[Analyze grammar]

lokeṣu yo hi sakaleṣvanuvartate yo lokāśca yasminnivasaṃti sarve |
doṣairvihīnamakhilaiḥ parameśvaraṃ taṃ tasyaiva pādayugalaṃ satataṃ namāmi || 18 ||
[Analyze grammar]

nārāyaṇaṃ guṇanidhānamanaṃtavīryaṃ vedāṃtaśuddhamatayaḥ prapaṭhaṃti nityam |
saṃsārasāgaramanaṃtamagādhadurgamuttāraṇārthamakhilaṃ śaraṇaṃ prapadye || 19 ||
[Analyze grammar]

yogīṃdra mānasasarovararājahaṃsaṃ śuddhaṃ prabhāvamakhilaṃ satataṃ hi yasya |
tasyaiva pādayugalaṃ vimalaṃ viśālaṃ dīnasya me'suraripo kuru tasya rakṣām || 20 ||
[Analyze grammar]

dhyāye'khilasya bhuvanaṃ svapatiṃ ca devaṃ duḥkhāṃdhakāradalanārthamihaiva caṃdram |
lokasya pālanakṛte pariṇītadharmaṃ satyānvitaṃ sakalalokaguruṃ sureśam || 21 ||
[Analyze grammar]

gāyāmyahaṃ surasagītakatālamānaiḥ śrīraṃgamekamaniśaṃ bhuvanasya devam |
ajñānanāśakamalaṃ ca dineśatulyamānaṃdakaṃdamakhilaṃ mahimā sametam || 22 ||
[Analyze grammar]

saṃpūrṇamevamamṛtasyakalānidhānaṃ taṃ gītakauśalamananyarasaiḥ pragāye |
yuktaṃ svayogakaraṇaiḥ paramārthadṛṣṭiṃ viśvaṃ sa paśyati carācarameva nityam || 23 ||
[Analyze grammar]

paśyaṃti naiva yamihātha supāpalokāstaṃ keśavaṃ śaraṇamevamupaiti nityam || 24 ||
[Analyze grammar]

karābhyāṃ vādyamānastu tālaṃ tālasamanvitam |
gītenagāyate kṛṣṇaṃ bālakaiḥ saha modate || 25 ||
[Analyze grammar]

evaṃ krīḍārato nityaṃ bālabhāvena vai tadā |
suvrataḥ sumanāputro viṣṇudhyānaparāyaṇaḥ || 26 ||
[Analyze grammar]

krīḍamānaṃ prāha mātā suvrataṃ cārulakṣaṇam |
bhojanaṃ kuru me vatsa kṣudhā tvāṃ paripīḍayet || 27 ||
[Analyze grammar]

tāmuvāca punaḥ prājñaḥ sumanā mātaraṃ punaḥ |
mahāmṛtena tṛptosmi haridhyānarasena vai || 28 ||
[Analyze grammar]

bhojanāsanamārūḍho miṣṭamannaṃ prapaśyati |
idamannaṃ svayaṃ viṣṇurātmā hyannaṃ samāśritaḥ || 29 ||
[Analyze grammar]

ātmarūpeṇa yo viṣṇuranenānnena tṛpyatu |
kṣīrasāgarasaṃvāso yasyaiva parisaṃsthitaḥ || 30 ||
[Analyze grammar]

jalenānena puṇyena tṛptimāyātu keśavaḥ |
tāṃbūlacaṃdanairgaṃdhairebhiḥ puṣpairmanoharaiḥ || 31 ||
[Analyze grammar]

ātmasvarūpeṇa tṛptastṛptimāyātu keśavaḥ |
śayane yāti dharmātmā tadā kṛṣṇaṃ praciṃtayet || 32 ||
[Analyze grammar]

yoganidrānvitaṃ kṛṣṇaṃ tamahaṃ śaraṇaṃ gataḥ |
bhojanācchādaneṣvevamāsane śayane dvijaḥ || 33 ||
[Analyze grammar]

ciṃtayedvāsudevaṃ taṃ tasmai sarvaṃ prakalpayet |
tāruṇyaṃ prāpya dharmātmā kāmabhogānvihāya vai || 34 ||
[Analyze grammar]

sa yuktaḥ keśavadhyāne vaiḍūryaparvatottame |
yatra siddheśvaraṃ liṃgaṃ vaiṣṇavaṃ pāpanāśanam || 35 ||
[Analyze grammar]

rudramoṃkārasaṃjñaṃ ca dhyātvā caiva maheśvaram |
brahmaṇā varddhitaṃ devaṃ narmadādakṣiṇe taṭe || 36 ||
[Analyze grammar]

siddheśvaraṃ samāśritya tapobhāvaṃ vyaciṃtayat || 37 ||
[Analyze grammar]

iti śrīpadmapurāṇe paṃcapaṃcāśatsahasrasaṃhitāyāṃ bhūmikhaṃḍe aiṃdre sumanopākhyāne ekaviṃśo'dhyāyaḥ || 21 ||
[Analyze grammar]