Chapter 18

[English text for this chapter is available]

somaśarmovāca |
pūrvajanmakṛtaṃ pāpaṃ tvayākhyātaṃ ca me mune |
śūdratvena tu viprendra mayaiva parivarjitam || 1 ||
[Analyze grammar]

vipratvaṃ hi mayā prāptaṃ tatkathaṃ dvijasattama |
tatsarvaṃ kāraṇaṃ brūhi jñānavijñānapaṃḍita || 2 ||
[Analyze grammar]

vasiṣṭha uvāca |
yattvayā ceṣṭitaṃ pūrvaṃ karmadharmāśritaṃdvija |
tadahaṃ saṃpravakṣyāmi śrūyatāṃ yadi manyase || 3 ||
[Analyze grammar]

brāhmaṇaḥ kaścidanaghaḥ sadācāraḥ supaṃḍitaḥ |
viṣṇubhaktastu dharmātmā nityaṃ viṣṇuparāyaṇaḥ || 4 ||
[Analyze grammar]

yātrāvyājena tīrthānāṃ bhramatyekaḥ samedinīm |
aṭamānaḥ samāyātastava gehaṃ mahāmatiḥ || 5 ||
[Analyze grammar]

yācitaṃ sthānamekaṃ vai vāsārthaṃ dvijasattama |
tavaiva bhāryayā dattaṃ tvayā ca saha putrakaiḥ || 6 ||
[Analyze grammar]

eyatāmeyatāṃ brahmansukhena sugṛhe mama |
vaiṣṇavaṃ brāhmaṇaṃ puṇyamityuvāca punaḥ punaḥ || 7 ||
[Analyze grammar]

sukhena sthīyatāmatra gṛhoyaṃ tava suvrata |
adya dhanyosmyahaṃ puṇyamadya tīrthamahaṃ gataḥ || 8 ||
[Analyze grammar]

adya tīrthaphalaṃ prāptaṃ tavāṃghridvayadarśanāt |
gavāṃ sthānaṃ varaṃ puṇyaṃ nivāsāya niveditam || 9 ||
[Analyze grammar]

aṃgasaṃvāhanaṃ kṛtvā pādau caiva pramarditau |
kṣālitau capunastoyaiḥ snātaḥ pādodakena hi || 10 ||
[Analyze grammar]

sadyo ghṛtaṃ dadhikṣīramannaṃ takraṃ pradattavān |
tasmai ca brāhmaṇāyaiva bhavānitthaṃ mahātmane || 11 ||
[Analyze grammar]

evaṃ saṃtoṣito viprastvayā ca saha bhāryayā |
putraiḥ sārdhaṃ mahābhāgo vaiṣṇavo jñānapaṃḍitaḥ || 12 ||
[Analyze grammar]

atha prabhāte saṃprāpte dine puṇye subhāgyade |
āṣāḍhasya tu śuddhasyaikādaśī pāpanāśanī || 13 ||
[Analyze grammar]

tasmindine susaṃprāptā sarvapātakanāśinī |
yasyāṃ devo hṛṣīkeśo yoganidrāṃ pragacchati || 14 ||
[Analyze grammar]

tāṃ prāpya ca tato lokāstatyajurbuddhipaṃḍitāḥ |
gṛhasya sarvakarmāṇi viṣṇudhyānaratā dvija || 15 ||
[Analyze grammar]

utsavaṃ paramaṃ cakrurgītamaṃgalavādanaiḥ |
stuvaṃti brāhmaṇāḥ sarve vedaiḥ stotraiḥ sumaṃgalaiḥ || 16 ||
[Analyze grammar]

evaṃ mahotsavaṃ prāpya sa ca brāhmaṇasattamaḥ |
tasmindine sthitastatra saṃprāptaṃ samupoṣaṇam || 17 ||
[Analyze grammar]

ekādaśyāstu māhātmyaṃ paṭhitaṃ brāhmaṇena vai |
bhāryā putraiḥ sutaiḥ sārddhaṃ śrutaṃ dharmamanuttamam || 18 ||
[Analyze grammar]

śrute tasminmahāpuṇye bhāryā putraistu preritaḥ |
saṃsargādasya viprasya vratametatsamācara || 19 ||
[Analyze grammar]

tadākarṇya mahadvākyaṃ sarvapuṇyapradāyakam |
vratametaṃ kariṣyāmi iti niścitamānasaḥ || 20 ||
[Analyze grammar]

bhāryā putraiḥ samaṃ gatvā nadyāṃ snānaṃ kṛtaṃ tvayā |
hṛṣṭena manasā vipra pūjito madhusūdanaḥ || 21 ||
[Analyze grammar]

sarvopahāraiḥ puṇyaiśca gaṃdhadhūpādibhistathā |
rātrau jāgaraṇaṃ kṛtvā nṛtyagītādibhistathā || 22 ||
[Analyze grammar]

brāhmaṇasya prasaṃgena nadyāṃ snānaṃ punaḥ kṛtam |
pūjito devadeveśaḥ puṣpadhūpādimaṃgalaiḥ || 23 ||
[Analyze grammar]

bhaktyā praṇamya goviṃdaṃ snāpayitvā punaḥ punaḥ |
nirvāpaṃ tādṛśaṃ dattaṃ brāhmaṇāya mahātmane || 24 ||
[Analyze grammar]

bhaktyā praṇamya taṃ vipraṃ dattā tasmai sudakṣiṇā |
kṛtavānpāraṇaṃ vipra putrairbhāryādibhiḥ samam || 25 ||
[Analyze grammar]

preṣito bhaktipūrveṇa sadbhāvena tvayaiva saḥ |
evaṃ vrataṃ samācīrṇaṃ tvayā vai dvijasattama || 26 ||
[Analyze grammar]

saṃgatyā brāhmaṇasyaiva viṣṇoścaiva prasādataḥ |
bhavānbrāhmaṇatāṃ prāptaḥ satyadharmasamanvitaḥ || 27 ||
[Analyze grammar]

tasya vratasya bhāvena tvayā prāptaṃ mahatkulam |
bhūsurāṇāṃ mahāprājñaṃ satyadharmasamāvilam || 28 ||
[Analyze grammar]

tasmai tu brāhmaṇāyaiva vaiṣṇavāya mahātmane |
śraddhayā satyabhāvena dattamannaṃ susaṃskṛtam || 29 ||
[Analyze grammar]

tasya dānasya bhāvena miṣṭānnamupatiṣṭhati |
mahāmohaiḥ pramugdho hi tṛṣṇayā vyāpitaṃ manaḥ || 30 ||
[Analyze grammar]

pūrvajanmani te vipra arthameva prasaṃcitam |
na dattaṃ brāhmaṇebhyo hi dīneṣvanyeṣu vai tvayā || 31 ||
[Analyze grammar]

dāreṣu putralobhena mriyamāṇena vai tadā |
tasya pāpasya bhāvena dāridraṃ tvāmupāviśat || 32 ||
[Analyze grammar]

putralobhaṃ parityajya snehaṃ tyaktvā pradūrataḥ |
aputravānbhavāñjātastasya pāpasya vai phalam || 33 ||
[Analyze grammar]

suputraṃ ca kulaṃ vipra dhanadhānyavarastriyaḥ |
sujanmamaraṇaṃ caiva subhogāḥ sukhameva ca || 34 ||
[Analyze grammar]

rājyaṃ svargaśca mokṣaśca yadyaddurlabhameva ca |
prasādāttasya devasya viṣṇoścaiva mahātmanaḥ || 35 ||
[Analyze grammar]

tasmādārādhya govindaṃ nārāyaṇamanāmayam |
prāpsyasi tvaṃ paraṃ sthānaṃ tadviṣṇoḥ paramaṃ padam || 36 ||
[Analyze grammar]

suputra tvaṃ dhanaṃ dhānyaṃ subhogānsukhameva ca |
pūrvajanmakṛtaṃ sarvaṃ yattvayā pariceṣṭitam || 37 ||
[Analyze grammar]

tanmayā kathitaṃ vipra tavāgre pariniṣṭhitam |
evaṃ jñātvā mahābhāga nārāyaṇaparo bhava || 38 ||
[Analyze grammar]

brahmātmajenāpi mahānubhāvaḥ sa vipravaryaḥ paribodhito hi |
harṣeṇayuktaḥ sa mahānubhāvo bhaktyā vasiṣṭhaṃ praṇipatya tatra || 39 ||
[Analyze grammar]

āmaṃtrya vipraṃ sa jagāma gehaṃ tāṃ prāpya bhāryāṃ sumanāṃ praharṣaḥ |
sarvaṃ hi vṛttaṃ mamapūrvaceṣṭitaṃ tenaiva vipreṇa tava prasādāt || 40 ||
[Analyze grammar]

bhadre vasiṣṭhena vikāśanītamadyaiva mohaṃ parināśitaṃ me |
ārādhayiṣye madhusūdanaṃ hi yāsyāmi mokṣaṃ paramaṃ padaṃ tat || 41 ||
[Analyze grammar]

ākarṇya vākyaṃ paramaṃ mahāṃtaṃ sumaṃgalaṃ maṃgaladāyakaṃ hi |
harṣeṇa yuktā tamuvāca kāṃtaṃ puṇyosi vipreṇa vibodhito'si || 42 ||
[Analyze grammar]

iti śrīpadmapurāṇe paṃcapaṃcāśatsahasrasaṃhitāyāṃ bhūmikhaṃḍe |
aiṃdre sumanopākhyāne aṣṭādaśo'dhyāyaḥ || 18 ||
[Analyze grammar]