Chapter 13

[English text for this chapter is available]

somaśarmovāca |
lakṣaṇaṃ brahmacaryasya tanme vistarato vada |
kīdṛśaṃ brahmacaryaṃ ca yadi jānāsi bhāmini || 1 ||
[Analyze grammar]

nityaṃ satye ratiryasya puṇyātmā tuṣṭitāṃ vrajet |
ṛtau prāpte vrajennārīṃ svīyāṃ doṣavivarjitaḥ || 2 ||
[Analyze grammar]

svakulasya sadācāraṃ kadānaiva vimuṃcati |
etadeva samākhyātaṃ gṛhasthasya dvijottama || 3 ||
[Analyze grammar]

brahmacaryaṃ mayā proktaṃ gṛhiṇāmuttamaṃ kila |
yatīnāṃ tu pravakṣyāmi tanme nigadataḥ śṛṇu || 4 ||
[Analyze grammar]

damasatyasamāyuktaḥ pāpādbhītastu sarvadā |
bhāryāsaṃgaṃ varjayitvā dhyānajñānapratiṣṭhitaḥ || 5 ||
[Analyze grammar]

yatīnāṃ brahmacaryaṃ ca samākhyātaṃ tavāgrataḥ |
tapa eva pravakṣyāmi tanmenigadataḥ śṛṇu || 6 ||
[Analyze grammar]

ācāreṇa pravarteta kāmakrodhavivarjitaḥ |
prāṇināmupakārāya saṃsthitaudyamāvṛtaḥ || 7 ||
[Analyze grammar]

tapa evaṃ samākhyātaṃ satyamevaṃ vadāmyaham |
paradravyeṣvaloluptvaṃ parastrīṣu tathaiva ca || 8 ||
[Analyze grammar]

dṛṣṭvā matirna yasya syātsa satyaḥ parikīrtitaḥ |
dānameva pravakṣyāmi yena jīvaṃti mānavāḥ || 9 ||
[Analyze grammar]

ātmasaukhyaṃ pratīcchedyaḥ sa ihaiva paratra vā |
annasyāpi mahādānaṃ sukhasyaiva dhruvasya vā || 10 ||
[Analyze grammar]

grāsamātraṃ tathā deyaṃ kṣudhārtāya na saṃśayaḥ |
datte sati mahatpuṇyamamṛtaṃ sośnute sadā || 11 ||
[Analyze grammar]

dinedine pradātavyaṃ yathāvibhavasaṃbhavam |
tṛṇaṃ śayyāṃ ca vacanaṃ gṛhacchāyāṃ suśītalām || 12 ||
[Analyze grammar]

bhūmimāpastathā cānnaṃ priyavākyamanuttamam |
āsanaṃ vacanālāpaṃ kauṭilyena vivarjitam || 13 ||
[Analyze grammar]

ātmano jīvanārthāya nityameva karoti yaḥ |
devānpitṝnsamabhyarcya evaṃ dānaṃ dadāti yaḥ || 14 ||
[Analyze grammar]

ihaiva modate so vai paratra hi tathaiva ca |
avaṃdhyaṃ divasaṃ yo vai dānādhyayanakarmabhiḥ || 15 ||
[Analyze grammar]

prakuryānmānuṣo bhūtvā sa devo nātra saṃśayaḥ |
niyamaṃ ca pravakṣyāmi dharmasādhanamuttamam || 16 ||
[Analyze grammar]

devānāṃ brāhmaṇānāṃ ca pūjāsvabhirato hi yaḥ |
nityaṃ niyamasaṃyukto dānavrateṣu suvrata || 17 ||
[Analyze grammar]

upakāreṣu puṇyeṣu niyamo'yaṃ prakīrtitaḥ |
kṣamārūpaṃ pravakṣyāmi śrūyatāṃ dvijasattama || 18 ||
[Analyze grammar]

parākrośaṃ hi saṃśrutya tāḍite sati kenacit |
krodhaṃ na caiva gacchettu tāḍito na hi tāḍayet || 19 ||
[Analyze grammar]

sahiṣṇuḥ syātsa dharmātmā nahi rāgaṃ prayāti ca |
samaśnāti paraṃ saukhyamiha cāmutra vāpi ca || 20 ||
[Analyze grammar]

evaṃ kṣamā samākhyātā śaucamevaṃ vadāmyaham |
sabāhyābhyaṃtare yo vai śuddho rāgavivarjitaḥ || 21 ||
[Analyze grammar]

snānācamanakaireva vyavahāreṇa vartate |
śaucamevaṃ samākhyātamahiṃsāṃ tu vadāmyaham || 22 ||
[Analyze grammar]

tṛṇamapi vinā kāryañchettavyaṃ na vijānatā |
ahiṃsānirato bhūyādyathātmani tathāpare || 23 ||
[Analyze grammar]

śāṃtimeva prakṣyāmi śāṃtyā sukhaṃ samaśnute |
śāṃtireva prakartavyā kleśānnaiva parityajet || 24 ||
[Analyze grammar]

bhūtavairaṃ visṛjyaiva mana evaṃ prakārayet |
evaṃ śāṃtiḥ samākhyātā asteyaṃ tu vadāmyaham || 25 ||
[Analyze grammar]

parasvaṃ naiva hartavyaṃ parajāyā tathaiva ca |
manobhirvacanaiḥ kāyairmana evaṃ prakārayet || 26 ||
[Analyze grammar]

damameva pravakṣyāmi tavāgre dvijasattama |
damanādiṃdriyāṇāṃ vai manasopi vikāriṇaḥ || 27 ||
[Analyze grammar]

auddhatyaṃ nāśayetteṣāṃ sa caitanyo vaśī tadā |
śuśrūṣāṃ tu pravakṣyāmi dharmaśāstreṣu yādṛśī || 28 ||
[Analyze grammar]

pūrvācāryairyathā proktā tāmevaṃ pravadāmyaham |
vācā dehena manasā gurukāryaṃ prasādhayet || 29 ||
[Analyze grammar]

jāyate'nugraho yatra śuśrūṣā sā nigadyate |
sāṃgo dharmaḥ samākhyātastavāgre dvijasattama || 30 ||
[Analyze grammar]

anyacca te pravakṣyāmi śrotumicchasi yatpate |
īdṛśe cāpi dharme tu vartate yo naraḥ sadā || 31 ||
[Analyze grammar]

saṃsāre tasya saṃbhūtiḥ punareva na jāyate |
svargaṃ gacchati dharmeṇa satyaṃsatyaṃ vadāmyaham || 32 ||
[Analyze grammar]

evaṃ jñātvā mahāprājña dharmameva vrajasva hi |
sarvaṃ hi prāpyate kāṃta yadasādhyaṃ mahītale || 33 ||
[Analyze grammar]

dharmaprasādatastasmātkuru vākyaṃ mamaiva hi |
bhāryāyāstuvacaḥ śrutvā somaśarmā subuddhimān || 34 ||
[Analyze grammar]

punaḥ provāca tāṃ bhāryāṃ sumanāṃ dharmavādinīm || 35 ||
[Analyze grammar]