Chapter 5

[English text for this chapter is available]

śivaśarmovāca |
tapasā damaśaucābhyāṃguruśuśrūṣayā tathā |
bhaktyābhāvena tuṣṭosmi tavādya casuputraka || 1 ||
[Analyze grammar]

tyajāmi vaikṛtaṃ rūpaṃ mattaḥ sukhamavāpnuhi |
evamukvā sutaṃ vipro darśayāmāsa tāṃ tanum || 2 ||
[Analyze grammar]

yathāpūrvaṃ sthitau tau tu tathā sa dṛṣṭavāngurū |
dīptimaṃtau mahātmānau sūryabiṃbopamāvubhau || 3 ||
[Analyze grammar]

nanāma pādau sadbhaktyā ubhayostu mahātmanoḥ |
tataḥ sutaṃ samāmaṃtrya harṣeṇa mahatānvitaḥ || 4 ||
[Analyze grammar]

viṣṇoḥ prasādāddharmātmā bhāryayā saha keśavam |
jagāma nijapuṇyaiśca yogābhyāsena sattamaḥ || 5 ||
[Analyze grammar]

praviṣṭo vaiṣṇavaṃ dhāma sa munirdurlabhaṃ padam |
natvanyaiḥ prāpyate puṇyaistapobhirmuktidaṃ padam || 6 ||
[Analyze grammar]

viṣṇostu ciṃtanairnyāsadhyānajñānaiḥ stavaistathā |
na dānaistīrthayātrābhirdṛśyate madhusūdanaḥ || 7 ||
[Analyze grammar]

samādhijñānayogena dṛśyate paramaṃ padam |
mahāyogairyathā vipraḥ praviṣṭo vaiṣṇavīṃ tanum || 8 ||
[Analyze grammar]

sūta uvāca |
tatastatra tapastepe somaśarmā mahādyutiḥ |
aśmaloṣṭasamaṃ mene kāṃcanaṃbhūṣaṇaṃ punaḥ || 9 ||
[Analyze grammar]

jitāhāraḥ sa dharmātmā nidrayā parivarjitaḥ |
sa sarvānviṣayāṃstyaktvā ekāṃtamapi sevate || 10 ||
[Analyze grammar]

yogāsanasamārūḍho nirāśo niḥparigrahaḥ |
tasya velā susaṃprāptā mṛtyukālasya vai tadā || 11 ||
[Analyze grammar]

āgatā dānavā vipraṃ somaśarmāṇamaṃtike |
mṛtyukāle tu saṃprāpte prāṇayātrā pravartinaḥ || 12 ||
[Analyze grammar]

śāligrāme mahākṣetre ṛṣīṇāṃ mānavarddhane |
kecidvadaṃti vai daityāḥ kecidvadaṃti dānavāḥ || 13 ||
[Analyze grammar]

evaṃvidho mahāśabdaḥ karṇaraṃdhraṃ gatastadā |
tasyaiva vipravaryasya sucirātsomaśarmaṇaḥ || 14 ||
[Analyze grammar]

jñānadhyānavilagnasya praviṣṭaṃ daityajaṃ bhayam |
tena dhyānena tasyāpi daityabhītyaiva vai tadā || 15 ||
[Analyze grammar]

satvaraṃ caiva tatprāṇā gatāstasya mahātmanaḥ |
daityabhayena saṃyuktaḥ sa hi mṛtyuvaśaṃ gataḥ || 16 ||
[Analyze grammar]

tasmāddaityagṛhe jāto hiraṇyakaśipoḥ sutaḥ |
devāsure mahāyuddhe nihataścakrapāṇinā || 17 ||
[Analyze grammar]

yuddhyamānena tenāpi prahlādena mahātmanā |
sudṛṣṭaṃ vāsudevatvaṃ viśvarūpasamanvitam || 18 ||
[Analyze grammar]

yogābhyāsena pūrveṇa jñānamāsīnmahātmanaḥ |
sasmāra pūrvakaṃ sarvaṃ caritaṃ śivaśarmaṇaḥ || 19 ||
[Analyze grammar]

prāgahaṃ somaśarmākhyaḥ praviṣṭo dānavīṃ tanum |
asmātkāyātkadā puṇyaṃ kevalaṃ dhāma uttamam || 20 ||
[Analyze grammar]

prayāsyāmi mahāpuṇyairjñānākhyairmokṣadāyakam |
samare mriyamāṇena prahlādena mahātmanā || 21 ||
[Analyze grammar]

evaṃ ciṃtā kṛtā pūrvaṃ śrūyatāṃ dvijasattamāḥ |
evaṃ tu ca samākhyātaṃ sarvasaṃdehanāśanam || 22 ||
[Analyze grammar]

sūta uvāca |
prahlāde nihate saṃkhye devadevena cakriṇā |
rurude kamalā sā tu hataputrā ca kāminī || 23 ||
[Analyze grammar]

prahlādasya tu yā mātā hiraṇyakaśipoḥ priyā |
prahlādasya mahāśokairdivārātrau praśocati || 24 ||
[Analyze grammar]

pativratā mahābhāgā kamalā nāma tatpriyā |
rodamānāṃ divārātrau nāradastāmuvāca ha || 25 ||
[Analyze grammar]

mā śucastvaṃ mahābhāge putrārthaṃ puṇyabhāgini |
nihato vāsudevena tava putraḥ sameṣyati || 26 ||
[Analyze grammar]

bhūyaḥ svalakṣaṇopetastvatsutaśca mahāmatiḥ |
prahlādeti ca vai nāma punarasya bhaviṣyati || 27 ||
[Analyze grammar]

vihīnaścāsurairbhāvairdevatvena samanvitaḥ |
iṃdratve modate bhadre sarvadevairnamaskṛtaḥ || 28 ||
[Analyze grammar]

sukhībhavamahābhāgetenaputreṇavaisadā |
na prakāśyā tvayā devi suvārteyaṃ ca kasyacit || 29 ||
[Analyze grammar]

karttavyamajñānabhāvaiḥ sugopyaṃ kuru tvaṃ sadā |
evamuktvā gato vipro nārado munisattamaḥ || 30 ||
[Analyze grammar]

kamalāyāścodare tu janmā syānuttamaṃ punaḥ |
prahlādeti ca vai nāma tasyākhyānaṃ mahātmanaḥ || 31 ||
[Analyze grammar]

bālyaṃ bhāvaṃ gato viprāḥ kṛṣṇameva vyaciṃtayat |
narasiṃhaprasādena devarājo bhaveddivi || 32 ||
[Analyze grammar]

devatvaṃ labhya caivāsāvaiṃdraṃ padamanuttamam |
mokṣaṃ yāsyati jñānātmā vaiṣṇavaṃ dhāma cottamam || 33 ||
[Analyze grammar]

asaṃkhyātā mahābhāgāḥ sṛṣṭerbhāvā hyanekaśaḥ |
moha evaṃ na karttavyo jñānavadbhirmahātmabhiḥ || 34 ||
[Analyze grammar]

etadvaḥ sarvamākhyātaṃ yathāpṛṣṭaṃ dvijottamāḥ |
anyaṃ pṛccha mahābhāga saṃdehaṃ te bhinadmyaham || 35 ||
[Analyze grammar]

vijayaṃ devatānāṃ tu dānavānāṃ mahatkṣayam |
kṛtaṃ hi devadevena sthāpitaṃ bhuvanatrayam || 36 ||
[Analyze grammar]

ṛṣaya ūcuḥ |
indratvaṃ kasya saṃjātaṃ devānāṃ śabdadhārakam |
kena dattaṃ tvamācakṣva vistarāddvijasattama || 37 ||
[Analyze grammar]

sūta uvāca |
vistareṇa pravakṣyāmi indratve yena sattamaḥ |
prāpta eṣa mahābhāgo yathā puṇyatamena ca || 38 ||
[Analyze grammar]

hateṣu teṣu daityeṣu samasteṣumahāhave |
atinaṣṭeṣu pāpeṣu goviṃdena mahātmanā || 39 ||
[Analyze grammar]

tato devāḥ sagaṃdharvā nāgā vidyādharāstathā |
saṃprocurmādhavaṃ sarve baddhaprāṃjalayastataḥ || 40 ||
[Analyze grammar]

bhagavandevadeveśa hṛṣīkeśa namostu te |
vijñāpayāmahe tvāṃ vai tatsarvamavadhāryatām || 41 ||
[Analyze grammar]

śāstā goptā ca puṇyātmā asmākaṃ kuru keśava |
rājānaṃ puṇyadharmāṇaṃ tvamiṃdraṃ lokaśāsanam || 42 ||
[Analyze grammar]

trailokyasya prajā deva yamāśritya sukhaṃ labhet |
vāsudeva uvāca |
mama loke mahābhāgā vaiṣṇavena samanvitaḥ || 43 ||
[Analyze grammar]

tejasā brāhmaṇaśreṣṭhaścirakālaṃ nivāsitaḥ |
tasya kālaḥ prapūrṇaśca mama loke mahātmanaḥ || 44 ||
[Analyze grammar]

vasatastasya viprasya madbhaktasya surottamāḥ |
tejasā vaiṣṇavenaiva bhavatāṃ pālako hi saḥ || 45 ||
[Analyze grammar]

bhaviṣyati sa dharmātmā sa ca dharmānuraṃjakaḥ |
pālako dhārakaścaiva sa ca brāhmaṇasattamaḥ || 46 ||
[Analyze grammar]

bhaviṣyati sa dharmātmā bhavatāṃ trāṇakāraṇāt |
adityāstanayaścaiva suvratākhyo mahāmanāḥ || 47 ||
[Analyze grammar]

mahābalo mahāvīryaḥ sa va iṃdro bhaviṣyati |
sūta uvāca |
evaṃ varānsa deveśo datvā devebhya uttamam || 48 ||
[Analyze grammar]

devā vijayinaḥ sarve viṣṇunā saha sattamāḥ |
kaśyapaṃ pitaraṃ dṛṣṭuṃ mātaraṃ ca tato gatāḥ || 49 ||
[Analyze grammar]

praṇemuste mahātmāna ubhāvetau sukhāsanau |
ūcuḥ prāṃjalayaḥ sarve harṣeṇa mahatānvitāḥ || 50 ||
[Analyze grammar]

yuvayośca prasādena devatvaṃ hi gatā vayam |
harṣeṇa mahatāviṣṭo devānvākyamuvāca saḥ || 51 ||
[Analyze grammar]

kaśyapa uvāca |
yūyaṃ vai satyadharmeṇa vartamānāḥ sadaiva hi |
āvayośca prasādena tapasaśca prabhāvataḥ || 52 ||
[Analyze grammar]

prāptavaṃto bhavaṃtastu devatvaṃ cākṣayaṃ padam |
varameva dadāmyeṣāṃ bahuprītisamanvitāḥ || 53 ||
[Analyze grammar]

amarā nirjarāścaiva akṣayāśca bhaviṣyatha |
sarvakāmasamṛddhārthāḥ sarvasiddhisamanvitāḥ || 54 ||
[Analyze grammar]

devā nāgāśca gaṃdharvā matprasādānmahāsurāḥ |
viṣṇuruvāca |
varaṃ varaya bhadraṃ te devamātaryaśasvini || 55 ||
[Analyze grammar]

manasā cepsitaṃ sarvaṃ tatte dadmi suniścitam |
aditiruvāca |
pūrvaṃ putravatī bhūtā prasādāttava mādhava || 56 ||
[Analyze grammar]

amarā nirjarāḥ sarve akṣayāḥ puṇyavatsalāḥ |
amī putrā mayā labdhāḥ śrūyatāṃ madhusūdana || 57 ||
[Analyze grammar]

sutarāṃ tvaṃ ca goviṃda sarvakāmasamṛddhidaḥ |
mama garbhe vasaṃścaiva bhavāṃśca mama naṃdanaḥ || 58 ||
[Analyze grammar]

tvayā putreṇa nityaṃ ca yathā naṃdāmi keśava |
evaṃ mahodayaṃ nātha pūrayasva manoratham || 59 ||
[Analyze grammar]

vāsudeva uvāca |
bhavatyā devakāryārthaṃ gaṃtavyaṃ mānuṣīṃ tanum |
tadāhaṃ tava garbhe vai vāsaṃ yāsyāmi niścitam || 60 ||
[Analyze grammar]

yuge dvādaśake prāpte bhūbhāraharaṇāya vai |
jamadagnisuto devi rāmo nāma dvijottamaḥ || 61 ||
[Analyze grammar]

pratāpatejasāyuktaḥ sarvakṣatravadhāya ca |
tava putro bhaviṣyāmi sarvaśastrabhṛtāṃ varaḥ || 62 ||
[Analyze grammar]

saptaviṃśatike prāpte tretākhye tu tathā yuge |
rāmo nāma bhaviṣyāmi tava putraḥ pativrate || 63 ||
[Analyze grammar]

punaḥ putro bhaviṣyāmi tavaiva śṛṇu puṇyadheḥ |
aṣṭāviṃśatike prāpte dvāparāṃte yuge tadā || 64 ||
[Analyze grammar]

sarvadaityavināśārthe bhūbhāraharaṇāya ca |
vāsudevākhyaste putro bhaviṣyāmi na saṃśayaḥ || 65 ||
[Analyze grammar]

idānīṃ kuru kalyāṇi madvākyaṃ dharmasaṃyutam |
sarvalakṣaṇasaṃpannaṃ satyadharmasamanvitam || 66 ||
[Analyze grammar]

sarvajñaṃ sarvade devi putramutpādya suṃdaram |
iṃdratvaṃ tasya dāsyāmi iṃdraḥ sopi bhaviṣyati || 67 ||
[Analyze grammar]

evaṃ saṃbhāṣitaṃ śrutvā mahāharṣasamanvitā |
devadevaprasādena iṃdraḥ putro bhaviṣyati || 68 ||
[Analyze grammar]

evamastu mahābhāga tava vākyaṃ karomyaham |
tatastā devatāḥ sarvā jagmuḥ svasthānameva hi || 69 ||
[Analyze grammar]

hariṇā saha te sarve nirātaṃkā mudānvitāḥ |
sūta uvāca |
aditiḥ kaśyapaṃ prāha ṛtuṃ prāpya manasvinī || 70 ||
[Analyze grammar]

bhagavandīyatāṃ putraḥ sureṃdrapadabhojakaḥ |
ciṃtayitvā kṣaṇaṃ viprastāmuvāca manasvinīm || 71 ||
[Analyze grammar]

evamastu mahābhāge tava putro bhaviṣyati |
trailokyasyāpi kartā sa yajñabhoktā sa eva ca || 72 ||
[Analyze grammar]

tasyāḥ śirasi sanyasya svahastaṃ ca dvijottamaḥ |
tapaścacāra tejasvī satyadharmasamanvitaḥ || 73 ||
[Analyze grammar]

suvrato nāma tejasvī viṣṇuloke vasetsadā |
tasya puṇyakṣaye jāte viṣṇulokāddvijottamāḥ || 74 ||
[Analyze grammar]

patanaṃ karmavaśatastatastasya dvijottamāḥ |
puṇyagarbhaṃ gato vipra adityāstu mahātapāḥ || 75 ||
[Analyze grammar]

iṃdratvaṃ bhoktukāmārthaṃ satyapuṇyena karmaṇā |
garbhaṃ dadhāra sā devī puṇyena tapasā kila || 76 ||
[Analyze grammar]

tapastepe nirālasyā vanavāsaṃ gatā satī |
divyaṃ varṣaśataṃ yātaṃ tapaṃtyāṃ devamātari || 77 ||
[Analyze grammar]

tapaṃtyatha tapastīvraṃ duṣkaraṃ devatāsuraiḥ |
tataḥ sā tapasā tena tejasā ca prabhānvitā || 78 ||
[Analyze grammar]

sūryatejaḥ pratīkāśā dvitīya iva bhāskaraḥ |
śuśubhe sā yathā dīptā paramaṃ dhyānamāsthitā || 79 ||
[Analyze grammar]

rūpeṇādhikatāṃ yātā tapasastejasā tadā |
tapodhyānaparā sā ca vāyubhakṣā tapasvinī || 80 ||
[Analyze grammar]

adhikaṃ śuśubhe devī dakṣasya tanayā tadā |
siddhāśca ṛṣayaḥ sarve devāścāpi mahaujasaḥ || 81 ||
[Analyze grammar]

stuvaṃti tāṃ mahābhāgāṃ rakṣaṃti ca sutatparāḥ |
pūrṇe varṣaśate tasyā viṣṇustatra samāgataḥ || 82 ||
[Analyze grammar]

tāmuvāca mahābhāgāmaditiṃ tapasānvitām |
devi garbhaḥ susaṃpūrṇaḥ sūtikālaḥ pravartate || 83 ||
[Analyze grammar]

tavaiva tapasā puṣṭastejasā ca pravarddhitaḥ |
adyaiva garbhametaṃ tvaṃ muṃca muṃca yaśasvini || 84 ||
[Analyze grammar]

evamābhāṣya deveśaḥ sa jagāma svakaṃ gṛham |
asūta putraṃ sā devī kāle prāpte mahodaye || 85 ||
[Analyze grammar]

sā putraṃ dīptisaṃyuktaṃ dvitīyamiva bhāskaram |
subhagaṃ cārusarvāṃgaṃ sarvalakṣaṇasaṃyutam || 86 ||
[Analyze grammar]

caturbāhuṃ mahākāyaṃ lokapālaṃ sureśvaram |
tejojvālāsamākīrṇaṃ cakrapadmasuhastakam || 87 ||
[Analyze grammar]

caṃdrabiṃbānukāreṇa vadanena mahāmatiḥ |
rājamānaṃ mahāprājñaṃ tejasā vaiṣṇavena ca || 88 ||
[Analyze grammar]

anyaiśca lakṣaṇairdivyairdivyabhāvairalaṃkṛtam |
sarvalakṣaṇasaṃpūrṇaṃ caṃdrāsyaṃ kamalekṣaṇam || 89 ||
[Analyze grammar]

ājagmuste trayo devā ṛṣayo vedapāragāḥ |
gaṃdharvāśca tato nāgāḥ siddhāvidyādharāstathā || 90 ||
[Analyze grammar]

ṛṣayaḥ sapta te divyāḥ pūrvāparamahaujasaḥ |
anye ca munayaḥ puṇyāḥ puṇyamaṃgaladāyinaḥ || 91 ||
[Analyze grammar]

ājagmuste mahātmāno harṣanirbharamānasāḥ |
tasmiñjāte mahābhāge bhagavaṃto mahaujasi || 92 ||
[Analyze grammar]

ājagmurdevatāḥ sarve parvatāstu tapasvinaḥ |
kṣīrādyāḥ sāgarāḥ sarve nadyaścaiva tathāmalāḥ || 93 ||
[Analyze grammar]

prītimaṃtastataḥ sarve ye cānye hi carācarāḥ |
maṃgalaistu mahotsāhaṃ cakruḥ sarve sureśvarāḥ || 94 ||
[Analyze grammar]

nanṛtuścāpsarāḥ saṃghā gaṃdharvā lalitaṃ jaguḥ |
vedamaṃtraistato devā brāhmaṇā vedapāragāḥ || 95 ||
[Analyze grammar]

stuvaṃti taṃ mahātmānaṃ sutaṃ vai kaśyapasya ca |
brahmā viṣṇuśca rudraśca vedāścaiva samāgatāḥ || 96 ||
[Analyze grammar]

sāṃgopāṃgaiśca saṃyuktāstasmiñjāte mahaujasi |
trailokye yāni satvāni puṇyayuktāni sattama || 97 ||
[Analyze grammar]

samāgatāni tatraiva tasmiñjāte mahaujasi |
maṃgalaṃ cakrire sarve gītapuṇyairmahotsavaiḥ || 98 ||
[Analyze grammar]

harṣeṇa nirbharāḥ sarve pūjayaṃto mahaujasaḥ |
brahmādyāśca trayo devāḥ kaśyapotha bṛhaspatiḥ || 99 ||
[Analyze grammar]

cakrire nāmakarmāṇi tasyaiva hi mahātmanaḥ |
vasudatteti vikhyāto vasudeti punastava || 100 ||
[Analyze grammar]

ākhaṃḍaleti tannāma marutvānnāma te punaḥ |
maghavāṃśca biḍaujāstvaṃ pākaśāsana ityapi || 101 ||
[Analyze grammar]

śakraścaiva hi vikhyāta iṃdraścaiveti te sutaḥ |
ityetāni ca nāmāni tasyaiva ca mahātmanaḥ || 102 ||
[Analyze grammar]

cakruśca devatāḥ sarvāḥ saṃtuṣṭā hṛṣṭamānasāḥ |
snānaṃ tu kārayāmāsuḥ saṃskārāṇi mahāsuraḥ || 103 ||
[Analyze grammar]

viśvakarmāṇamāhūya dadurābharaṇāni ca |
tāni puṇyāni divyāni tasmai te tu mahātmane || 104 ||
[Analyze grammar]

jāte tasminmahābhāge devarāje mahātmani |
evaṃ mudaṃ tataḥ prāpuḥ sarve devā mahaujasaḥ || 105 ||
[Analyze grammar]

puṇye tithau tathā ṛkṣe sumuhūrte mahātmabhiḥ |
iṃdratve sthāpito devairabhiṣiktaḥ sumaṃgalaiḥ || 106 ||
[Analyze grammar]

prāptamaiṃdrapadaṃ tena prasādāttasya cakriṇaḥ |
tapaścakāra tejasvī vasudattaḥ sureśvaraḥ || 107 ||
[Analyze grammar]

ugreṇa tejasā yukto vajrapāśāṃkuśāyudhaḥ || 108 ||
[Analyze grammar]

sūta uvāca |
ugraṃ samastaṃ tapasaḥ prabhāvaṃ vilokya śukro nijagāda gāthām |
lokeṣu konyo na bhaviṣyatīti yathā hi cāyaṃ ca sudarśanīyaḥ || 109 ||
[Analyze grammar]

viṣṇoḥ prasādānna paro mahātmā saṃprāptamaiśvaryamihaiva divyam || 110 ||
[Analyze grammar]

anena tulyo na bhaviṣyatīti lokeṣu cānyastapasogravīryaḥ || 111 ||
[Analyze grammar]

iti śrīpadmapurāṇe bhūmikhaṃḍe devāsure iṃdrābhiṣekonāma paṃcamo'dhyāyaḥ || 5 ||
[Analyze grammar]