Chapter 4

[English text for this chapter is available]

sūta uvāca |
gateṣu teṣu golokaṃ vaiṣṇavaṃ tamasaḥ param |
śivaśarmā mahāprājñaḥ kaniṣṭhaṃ vākyamabravīt || 1 ||
[Analyze grammar]

brāhmaṇa uvāca |
somaśarmanmahāprājña tvaṃ piturbhaktitatparaḥ |
amṛtasya mahākuṃbhaṃ rakṣa dattaṃ mayādhunā || 2 ||
[Analyze grammar]

tīrthayātrāṃ prayāsyāmi anayā bhāryayā saha |
evamastu mahābhāga kariṣye rakṣaṇaṃ śubham || 3 ||
[Analyze grammar]

kuṃbhaṃ datvā sa medhāvī tasya haste mahātmanaḥ |
daśavarṣapramāṇaṃ tu tapastepe niraṃtaram || 4 ||
[Analyze grammar]

kuṃbhaṃ rakṣati dharmātmā divārātramataṃdritaḥ |
punaḥ sa hi samāyātaḥ śivaśarmā mahāyaśāḥ || 5 ||
[Analyze grammar]

māyāṃ kṛtvā mahāprājño bhāryayā saha taṃ sutam |
kuṣṭharogāturo bhūtvā tasya bhāryā ca tādṛśī || 6 ||
[Analyze grammar]

māṃsapiṃḍopamau jātau dvāvetau māyayā kṛtau |
saṃnidhiṃ tasya ghorasya viprasya somaśarmaṇaḥ || 7 ||
[Analyze grammar]

samāgatau hi tau dṛṣṭvā sarvato hi suduḥkhitau |
kṛpayā parayāviṣṭaḥ somaśarmā mahāyaśāḥ || 8 ||
[Analyze grammar]

tayoḥ pādaṃ namaskṛtya bhaktyā namitakaṃdharaḥ |
bhavādṛśau na paśyāmi tapasābhisamanvitam || 9 ||
[Analyze grammar]

guṇavrātaiḥ supuṇyaiśca kimidaṃ vartitaṃ tvayi |
dāsavaddevatāḥ sarvā vartaṃte sarvadā tava || 10 ||
[Analyze grammar]

ādeśaṃ prāpya vipreṃdra ākṛṣṭāstejasā tava |
tavāṃge kena pāpena gadoyaṃ vedanānvitaḥ || 11 ||
[Analyze grammar]

saṃjāto brāhmaṇaśreṣṭha tanme kathaya kāraṇam |
iyaṃ puṇyavatī mātā mahāpuṇyā pativratā || 12 ||
[Analyze grammar]

yā hi bhartṛprasādena trailokyaṃ kartumicchati |
sā kathaṃ duḥkhamāpnoti kiṃ nāsti tapasaḥ phalam || 13 ||
[Analyze grammar]

rāgadveṣau parityajya vividhenāpi karmaṇā |
yā ca śuśrūṣate kāṃtaṃ devavadguruvatsalā || 14 ||
[Analyze grammar]

sā kathaṃ duḥkhamāpnoti kuṣṭharogaṃ suduḥkhadam |
śivaśarmovāca |
mā śucastvaṃ mahābhāga bhujyate karmajaṃ phalam || 15 ||
[Analyze grammar]

nareṇa karmayuktena pāpapuṇyamayena hi |
śodhanaṃ ca kuruṣva tvamubhayo rogayuktayoḥ || 16 ||
[Analyze grammar]

śuśrūṣaṇaṃ mahābhāga yadi puṇyamihecchasi |
evamukte śubhe vākye somaśarmā mahāyaśāḥ || 17 ||
[Analyze grammar]

śuśrūṣāṃ vā kariṣyāmi yuvayoḥ puṇyayuktayoḥ |
mayā pāpena duṣṭena kṛpaṇena dvijottama || 18 ||
[Analyze grammar]

kiṃ kartavyamihādyaiva yo guruṃ na hi pūjayet |
evamābhāṣya duḥkhādvā tayorduḥkhena duḥkhitaḥ || 19 ||
[Analyze grammar]

śleṣmamūtrapurīṣaṃ ca ubhayoḥ paryaśodhayat |
pādaprakṣālanaṃ cakre aṃgasaṃvāhanaṃ tathā || 20 ||
[Analyze grammar]

snānasthānādikaṃ sopi tayorbhaktyānvitaḥ svayam |
dvāvetau hi gurū vipraḥ somaśarmā mahāyaśāḥ || 21 ||
[Analyze grammar]

tīrthaṃ nayati dharmātmā skaṃdhamāropya sattamaḥ |
dvāvetau hi svahastena snāpayitvā tu maṃgalaiḥ || 22 ||
[Analyze grammar]

sumaṃtrairvedaviccaiva snānasya vidhipūrvakam |
tarpaṇaṃ ca pitṝṇāṃ tu devatānāṃ tu pūjanam || 23 ||
[Analyze grammar]

dvābhyāmapi sa dharmātmā sa kārayati nityaśaḥ |
svayaṃ homaṃ dadātyagnau pacatyannamanuttamam || 24 ||
[Analyze grammar]

saṃjñāpayati suprītau dvāvetau ca mahāgurū |
śayyāsane ca tau vipraḥ prasvāpayati nityaśaḥ || 25 ||
[Analyze grammar]

vastrapuṣpādikaṃ sarvaṃ tābhyāṃ nityaṃ prayacchati |
tāṃbūlaṃ bahugaṃdhāḍhyamubhayorarpayetsa tu || 26 ||
[Analyze grammar]

somaśarmā mahābhāgastābhyāmapi ca pūrayet |
mūlaṃ payaḥ subhakṣyādyaṃ nityameva dadātyasau || 27 ||
[Analyze grammar]

tayostu vāṃchitaṃ nityaṃ somaśarmā mahāyaśāḥ |
anena kramayogena nityameva prasādayet || 28 ||
[Analyze grammar]

somaśarmā sudharmātmā pitarau paripūjayet |
somaśarmāṇamāhūya pitā kutsati niṣṭhuraḥ || 29 ||
[Analyze grammar]

niṃditairniṣṭhurairvākyaistāḍayenmunisannidhau |
kṛtakārye kṛte puṇye nityameva sute punaḥ || 30 ||
[Analyze grammar]

na kṛtaṃ śobhanaṃ mahyaṃ tvayaiva kulapāṃsana |
evaṃ nānāvidhairvākyairniṣṭhurairduḥkhadāyakaiḥ || 31 ||
[Analyze grammar]

atāḍayaddaṃḍaghātaiḥ śivaśarmā sadāturaḥ |
evaṃ kṛtepi dharmātmā naiva kupyati karhicit || 32 ||
[Analyze grammar]

manasā vacasā caiva karmaṇā trividhena ca |
saṃtuṣṭaḥ sarvadā sopi pitaraṃ paripūjayet || 33 ||
[Analyze grammar]

tadvatsa somaśarmā vai mātaraṃ ca dinedine |
yajjñātvā śivaśarmā ca caritaṃ svīyamīkṣate || 34 ||
[Analyze grammar]

amṛtaṃ matkṛte cāpi ānītaṃ viṣṇuśarmaṇā |
puṇyayuktaḥ sa dharmātmā pitṛbhaktiparaḥ sadā || 35 ||
[Analyze grammar]

evaṃ bahutithe kāle śatasaṃkhye gate sati |
śivaśarmā pitasyaiva bhaktiṃ dṛṣṭvā viciṃtya vai || 36 ||
[Analyze grammar]

mayā vai pūrvamityuktaṃ suputraṃ yajñasaṃjñakam |
mātṛkhaṃḍānimānputra yatra tatra kṣipasva hi || 37 ||
[Analyze grammar]

madvākyaṃ pālitaṃ tena kṛtā na mātari kṛpā |
etatsvalpataraṃ duḥkhaṃ nirjīve ghātamicchataḥ || 38 ||
[Analyze grammar]

sāhasaṃ tu kṛtaṃ tena putreṇa vedaśarmaṇā |
asyādhikamahaṃ manye yato'yaṃ calate na ca || 39 ||
[Analyze grammar]

nimeṣamātramevāpi sāhasaṃ kārayetpunaḥ |
aparaṃ satyasaṃpannaṃ prabhāvaṃ tapasaḥ punaḥ || 40 ||
[Analyze grammar]

nityaṃ samārādhanepi adhikaṃ cāsya dṛśyate |
tasmādasya parīkṣā ca samaye tapasaḥ kṛtā || 41 ||
[Analyze grammar]

bhaktibhāvāttathā satyānnaiva putraḥ praṇaśyati |
māyayā ca nijāṃge'pi kuṣṭharogo nidarśitaḥ || 42 ||
[Analyze grammar]

śleṣmamūtramalānāṃ ca ghṛṇāṃ naiva karoti ca |
vraṇānviśodhayennityaṃ svahastena mahāyaśāḥ || 43 ||
[Analyze grammar]

pādasaṃvāhanaṃ dadyācchaucaṃ caiva mahāmatiḥ |
duḥsahaṃ vacanaṃ mahyaṃ dāruṇaṃ sahate sadā || 44 ||
[Analyze grammar]

bhartsane tāḍane caiva sadābhīṣṭapravācakaḥ |
evaṃ duḥkhasamācāro mama putro mahāmatiḥ || 45 ||
[Analyze grammar]

duḥkhānāṃ sāgaraṃ manye bahukleśaistu kleśitaḥ |
apaneṣyāmyahaṃ duḥkhaṃ viṣṇoścaiva prasādataḥ || 46 ||
[Analyze grammar]

vicārya manasā vipraḥ śivaśarmā mahāmatiḥ |
punarmāyāṃ cakārātha kuṃbhādapahṛtaṃ payaḥ || 47 ||
[Analyze grammar]

paścāttaṃ ca samāhūya somaśarmāṇamabravīt |
tava haste mayā dattamamṛtaṃ vyādhināśanam || 48 ||
[Analyze grammar]

tanme śīghraṃ prayacchasva yathā pānaṃ karomyaham |
yena nīrugbhavāmyadya prasādādviṣṇuśarmaṇaḥ || 49 ||
[Analyze grammar]

evamukte tadā vākye ṛṣiṇā śivaśarmaṇā |
samutthāya tvarāyuktaḥ somaśarmā kamaṃḍalum || 50 ||
[Analyze grammar]

taṃ ca riktaṃ tato dṛṣṭvā hyamṛtena vinā kṛtam |
kasya pāpasya vai karma kena me vipriyaṃ kṛtam || 51 ||
[Analyze grammar]

iti ciṃtāparo bhūtvā somaśarmā suduḥkhitaḥ |
pituragre ca vṛttāṃtaṃ kathayiṣyāmyahaṃ yadā || 52 ||
[Analyze grammar]

tataḥ kopaṃ prayāsyeta gururme vyādhipīḍitaḥ |
suciraṃ ciṃtayitvā tu somaśarmā mahāmatiḥ || 53 ||
[Analyze grammar]

yadi me satyamastīti guruśuśrūṣaṇaṃ yadi |
tapastaptaṃ mayāpūrvaṃ nirvyalīkena cetasā || 54 ||
[Analyze grammar]

damaśaucādibhiḥ satyaṃ dharmameva prapālitam |
tadā ghaṭo'mṛtayuto bhavatveṣa na saṃśayaḥ || 55 ||
[Analyze grammar]

yāvadeva mahābhāgaściṃtayitvā vilokayet |
tāvaccāmṛtapūrṇastu punarevābhavadghaṭaḥ || 56 ||
[Analyze grammar]

taṃ dṛṣṭvā harṣasaṃyuktaḥ somaśarmā mahāyaśāḥ |
gatvā guruṃ namaskṛtya kuṃbhamādāya satvaram || 57 ||
[Analyze grammar]

gṛhāṇa tvaṃ pitaścemaṃ payaḥ kuṃbhaṃ samāgatam |
pānaṃ kuru mahābhāga gadānmukto bhavāciram || 58 ||
[Analyze grammar]

etadvākyaṃ mahāpuṇyaṃ satyadharmārthakaṃ punaḥ |
śivaśarmā sutasyāpi śrutvā ca madhurākṣaram || 59 ||
[Analyze grammar]

harṣeṇa mahatāviṣṭa idaṃ vacanamabravīt || 60 ||
[Analyze grammar]

iti śrīpadmapurāṇe bhūmikhaṃḍe śivaśarmopākhyāne caturtho'dhyāyaḥ || 4 ||
[Analyze grammar]