Chapter 2

[English text for this chapter is available]

sūta uvāca |
tadādāya mahātmā'sau nirjagāma tvarānvitaḥ |
pitṛbhaktyā tapobhiśca satyārjavabalena saḥ || 1 ||
[Analyze grammar]

dharmamākṛṣṭavāṃścaiva dharmaśarmā tatastadā |
samākṛṣṭastu vai dharmastapasā tasya dhīmataḥ || 2 ||
[Analyze grammar]

dharmaśarmāṇamāyātaṃ idaṃ vacanamabravīt |
kasmāttvayā samāhūto dharmaśarmansamāgataḥ || 3 ||
[Analyze grammar]

tanme kathaya kāryaṃ tvaṃ tatkaromi na saṃśayaḥ |
dharmaśarmovāca |
yadyasti guruśuśrūṣā yadi niṣṭhā'calaṃ tapaḥ || 4 ||
[Analyze grammar]

tena satyena me dharma vedaśarmā sa jīvatu |
dharma uvāca |
damaśaucena satyena tapasā tava suvrata || 5 ||
[Analyze grammar]

pitṛbhaktyā tava bhrātā vedaśarmā mahābhujaḥ |
punareva mahātmāsau jīvanaṃ ca labhiṣyati || 6 ||
[Analyze grammar]

tapasānena tuṣṭosmi pitṛbhaktyā mahāmate |
varaṃ varaya bhadraṃ te durlabhaṃ dharmavittamaiḥ || 7 ||
[Analyze grammar]

evamākarṇitaṃ tena suvākyaṃ dharmaśarmaṇā |
vaivasvataṃ mahātmānaṃ samuvāca mahāyaśāḥ || 8 ||
[Analyze grammar]

dehi me tvacalāṃ bhaktiṃ pituḥ pādārhaṇe punaḥ |
dharme ratiṃ tathā mokṣaṃ suprasanno yadā mama || 9 ||
[Analyze grammar]

tamuvāca tato dharmo matprasādādbhaviṣyati |
evamukte mahāvākye vedaśarmā tadotthitaḥ || 10 ||
[Analyze grammar]

prasuptavanmahāprājño dharmaśarmāṇamabravīt |
kva sā devī gatā bhrātaḥ kva sa tāto bhavediti || 11 ||
[Analyze grammar]

samāsena samākhyātaṃ yathā pitrā niyojitaḥ |
samājñāya tato hṛṣṭo dharmaśarmā tamabravīt || 12 ||
[Analyze grammar]

mamādyaiva mahābhāga śirasā jīvitena ca |
saṃmukhī bhava vai bhrātaḥ konyo me tvādṛśo bhuvi || 13 ||
[Analyze grammar]

bhrātaraṃ caivamābhāṣya utsukaḥ pitaraṃ prati |
gamanāya matiṃ cakre bhrātrā ca dharmaśarmaṇā || 14 ||
[Analyze grammar]

dvāvetau tu gatau tatra pitaraṃ hṛṣṭamānasau |
dvābhyāṃ tatra samāsthāya śivaśarmāṇamuttamam || 15 ||
[Analyze grammar]

dharmaśarmā tadovāca pitaraṃ dīptisaṃyutam |
mamādyaiva mahābhāga tapasā jīvitena ca || 16 ||
[Analyze grammar]

vedaśarmā samānītastaṃ putraṃ pragṛhāṇa bhoḥ |
śivaśarmā tato hṛṣṭo bhaktiṃ vijñāya tasya ca || 17 ||
[Analyze grammar]

na kiṃcidabravīttaṃ tu punaściṃtāmupeyivān |
purato vinayenāpi vartamānaṃ mahāmatim || 18 ||
[Analyze grammar]

viṣṇuśarmāṇamābhāṣīdvatsa me vacanaṃ kuru |
iṃdralokaṃ vrajasvādya tasmādānaya cāmṛtam || 19 ||
[Analyze grammar]

anayā kāntayā sārddhaṃ sthātumicchāmi sāṃpratam |
sāgarādyatsamutpannamamṛtaṃ vyādhināśanam || 20 ||
[Analyze grammar]

sādhunecchati māmeṣā yathaināṃ tu labhāmyaham |
tathā kuruṣva śīghraṃ tvamanyathānyaṃ prayāsyati || 21 ||
[Analyze grammar]

vṛddhaṃ jñātvāvamanyeta iyaṃ bālā surūpiṇī |
adya devyānayā sārddhaṃ priyayā bhuvanatraye || 22 ||
[Analyze grammar]

nirdoṣo vyādhinirmukto yathā tāta bhavāmyaham |
tathā kuruṣva me vatsa madbhaktosi yadā bhuvi || 23 ||
[Analyze grammar]

evamākarṇya tadvākyaṃ pitustasya mahātmanaḥ |
viṣṇuśarmā tadovāca pitaraṃ dīptatejasam || 24 ||
[Analyze grammar]

sarvametatkariṣyāmi bhavataḥ sukhamuttamam |
evamābhāṣya dharmātmā viṣṇuśarmā mahāmatiḥ || 25 ||
[Analyze grammar]

pitaraṃ taṃ namaskṛtya punaḥ kṛtvā pradakṣiṇam |
balena mahatā sopi tapasā niyamena ca || 26 ||
[Analyze grammar]

aṃtarikṣagataścāsīdgacchamānasya dhīmataḥ |
sa mahāvāyuvegena aiṃdraṃ saṃpratigacchati || 27 ||
[Analyze grammar]

iti śrīpadmapurāṇe bhūmikhaṃḍe śivaśarmacarite dvitīyo'dhyāyaḥ || 2 ||
[Analyze grammar]