Chapter 80

[English text for this chapter is available]

vaiśaṃpāyana uvāca |
śruto graheśvarasyaiṣa prabhāvastvatprasādataḥ |
ravyādīnāṃ grahāṇāṃ ca sādhanaṃ no vada dvija || 1 ||
[Analyze grammar]

ke te ravyādayasteṣāṃ kathaṃ toṣaḥ kathaṃ priyam |
kāle deśe tu saṃprāpte darśanaṃ tacchivāśivam || 2 ||
[Analyze grammar]

vyāsa uvāca |
grahādayo ye loke tu bhuṃjaṃti puṇyapātakam |
śivāśivaṃ ca kurvaṃti viśvakarmakṣayāya vai || 3 ||
[Analyze grammar]

sūraḥ kāloṃtako jñeyo janeṣu ca graheṣu ca |
tigmasaumyācca yogātsa nigrahānugrahe prabhuḥ || 4 ||
[Analyze grammar]

grahabhāvācca tasyaiva saṃtoṣaṃ nigadāmyaham |
udumbarapalāśābhyāṃ pallavābhyāṃ juhoti yaḥ || 5 ||
[Analyze grammar]

ākṛṣṇeneti maṃtreṇa mūlakenātha śāṃtaye |
juhuyādājyayuktābhyāmabhīṣṭaphalahetave || 6 ||
[Analyze grammar]

śāṃtaye sarvarogāṇāṃ vadhabaṃdhavimocane |
ekaikena tu maṃtreṇa hotavyaṃ ca śataṃśatam || 7 ||
[Analyze grammar]

śitaṃ cacchāgalaṃ dadyātsūrāyādityavāsare |
bhojayedbrāhmaṇānśaktyā havyakavyairmanoharaiḥ || 8 ||
[Analyze grammar]

saptamyāṃ ca site pakṣe paṃcadaśyāṃ tathaiva ca |
rogādvimucyate rogī na rogātkṛcchrameṣyati || 9 ||
[Analyze grammar]

paramaṃ cāmaraṃ satvamābrahmastaṃbamātrake |
brahmāṃḍe cāṇumātre ca sūraḥ saṃbhāvayiṣyate || 10 ||
[Analyze grammar]

saṃhārāṃtaṃ kramātsarvamutpattisthitikāraṇāt |
prāṇasarge janānāṃ sa pātā viśvacarastanau || 11 ||
[Analyze grammar]

mṛtyukāle tanormadhyātprāṇena saha gacchati |
śīrṣāntasthaḥ sadā caṃdro dviraṣṭakalayā yutaḥ || 12 ||
[Analyze grammar]

aharniśaṃ sudhāvṛṣṭiṃ dehe varṣatyadhomukhaḥ |
jaṃtavastena jīvaṃti mahāsatvānumātrakāḥ || 13 ||
[Analyze grammar]

urvyāṃ sasyāni puṣṇāti tathā sthāvarajaṃgamān |
etābhyāṃ puṣpavadbhyāṃ ca dhāritaṃ janitaṃ jagat || 14 ||
[Analyze grammar]

tayorārādhanātpuṣṭiḥ sadā puṇyāparārdhikā |
sādhayetsarvakāryāṇi sādhakaḥ sarvadā śuciḥ || 15 ||
[Analyze grammar]

na pūjayati yo mohātsudhāṃśuṃ mānavādhamaḥ |
āyustasya kṣayaṃ yāti narakaṃ cādhigacchati || 16 ||
[Analyze grammar]

niṣkalaṃka kalādhāra gaṃgādhara śiromaṇe |
dvitīyāyāṃ jagannātha tubhyaṃ caṃdra namostu te || 17 ||
[Analyze grammar]

tithimanyāmanuprāpya namaskāraṃ vidhorapi |
prakaroti naro yastu sobhīṣṭaṃ phalamāpnuyāt || 18 ||
[Analyze grammar]

atrinetrodbhava śrīmankṣīroda mathanodbhava |
maheśamukaṭāvāsa tubhyaṃ caṃdra namostute || 19 ||
[Analyze grammar]

divyarūpa namastubhyaṃ sudhākara jagatpate |
śuklapakṣe tathā kṛṣṇe triyāmāyāṃ vidurbudhāḥ || 20 ||
[Analyze grammar]

ūṃ hrāṃ hrīṃ somāya namaḥ iti japyamaṃtraḥ |
prabhāte japanīyaḥ |
evaṃ yaḥ pūjayetsomaṃ śrāvayecca śṛṇoti vā |
sa pīyūṣasamo loke bhavejjanmani janmani || 21 ||
[Analyze grammar]

evaṃ sahasranāmnā yaḥ stauti pūjayate bhuvi |
so'kṣayaṃ labhate svargaṃ punarāvṛttidurlabham || 22 ||
[Analyze grammar]

iti somapūjā |
pittale bhājane kāṃsye dadhipūrṇe ghṛte śive |
nyūno'dhikastu vibhavācchrutvā karmavimatsaraḥ || 23 ||
[Analyze grammar]

svarṇe vā rājate vāre saumye kṛṣṇabhave budham |
saṃsthāpya sarvasaṃsthāne dadyādbahusutāya ca || 24 ||
[Analyze grammar]

paraṃ bhavati saubhāgyaṃ pīyūṣādadhikaṃ bhṛśam |
strīṇāṃ ca puruṣāṇāṃ ca na daurbhāgyaṃ kadācana || 25 ||
[Analyze grammar]

rūpasaubhāgyakāmohaṃ dadhipūrṇaṃ ca bhājanam |
dadāmi kāṃsyapātrasthaṃ dehi saubhāgyarūpakam || 26 ||
[Analyze grammar]

dvijāya vākyapūrveṇa dadyādvimatsaro naraḥ |
śaktito dakṣiṇā deyā tathā vastrādikaṃ navam || 27 ||
[Analyze grammar]

bhojyānnaṃ sarvasampūrṇaṃ tāṃbūlaṃ sumanoharam |
puṣpamālādikaṃ dadyādrūpasaubhāgyahetave || 28 ||
[Analyze grammar]

evaṃ yaḥ kurute dānaṃ somoddiṣṭaṃ dvijātaye |
svarloke naraloke vā rūpasaubhāgyabhugbhavet || 29 ||
[Analyze grammar]

iti śrīpādmapurāṇe prathame sṛṣṭikhaṃḍe somārcanaṃ |
nāmāśītitamo'dhyāyaḥ || 80 ||
[Analyze grammar]