Chapter 79

[English text for this chapter is available]

vyāsa uvāca |
madhyadeśe svarāṭ samrāṭ bhadreśvara iti śrutaḥ |
tapobhirbahubhiḥ pūto vratairnānāvidhairapi || 1 ||
[Analyze grammar]

devāṃstu pūjayennityaṃ subhāvena sadā khalu |
tasya savye'bhavatkuṣṭhaṃ kare śvetamajāyata || 2 ||
[Analyze grammar]

tato bhiṣakprayogācca lakṣaṇaṃ dṛśyate purā |
āhūya dvijamukhyāṃśca maṃtriṇaḥ sobravīdvacaḥ || 3 ||
[Analyze grammar]

rājovāca |
kilbiṣaṃ me kare viprā duḥsahaṃ lokagarhitaṃ |
tasmātpuṇyaṃ mahākṣetraṃ yatra tyakṣyāmi vigrahaṃ || 4 ||
[Analyze grammar]

ājñāpayata dharmajñāḥ paralokahitāya vai |
vaṃśahīnasya me vīrāḥ pretyāmutra hitaṃ ca yat || 5 ||
[Analyze grammar]

tadbrūta suprasannā ma uddiṣṭaṃ yatkaromyahaṃ |
dvijā ūcuḥ |
parityakte tvayā rāṣṭre dharmaśīlena dhīmatā || 6 ||
[Analyze grammar]

naṣṭaṃ jagadidaṃ rājaṃstasmānno vaktumarhasi |
ayamasya pratīkāro hyasmābhiravagamyate || 7 ||
[Analyze grammar]

sūraṃ maṃtrairmahādevaṃ yatnādārādhaya prabho |
rājovāca |
kenopāyena vipreṃdrāstoṣayiṣyāmi bhāskaraṃ || 8 ||
[Analyze grammar]

amedhyenātha kuṣṭhena lokānāṃ garhitena ca |
adṛśyaḥ sarvabhūtānāṃ garhitosmi dvijātayaḥ || 9 ||
[Analyze grammar]

kiṃ kariṣyāmi rājyaṃ ca kiṃ syādārādhanena tu |
dvijā ūcuḥ |
atra sthitvā svarājye tu samupāsya virocanaṃ || 10 ||
[Analyze grammar]

pramucya kilviṣādghorātsvargaṃ mokṣaṃ ca lapsyase |
etacchrutvā tu rājeṃdraḥ praṇipatya dvijottamān || 11 ||
[Analyze grammar]

ākārṣīttasya sūryasya paramārādhanaṃ ca yat |
nityapūjāṃ tathā maṃtrairupahārairvilepanaiḥ || 12 ||
[Analyze grammar]

phalairnānāvidhairarghairakṣatātapa taṃḍulaiḥ |
japāpuṣpārkaparṇaiśca karavīrakaraṃjakaiḥ || 13 ||
[Analyze grammar]

raktakuṃkumasindūraistathā vāsaṃtikādibhiḥ |
sugaṃdhakadalīpatraistatphalaiḥ sumanoharaiḥ || 14 ||
[Analyze grammar]

arghyamauduṃbare kṛtvā sadā sūryāya pārthivaḥ |
ādityasaṃmukho datte sadā maṃtripurohitaiḥ || 15 ||
[Analyze grammar]

mahiṣībhistathā cārgho bhoginībhiḥ samaṃtataḥ |
sarvairaṃtaḥpurasthaiśca sapatnīkaiśca rakṣibhiḥ || 16 ||
[Analyze grammar]

ceṭavargaistathānyaiśca dīyate'rgho dinedine |
arkaśāṃtibhiratyugraiḥ stotramaṃtrādibhiḥ paraiḥ || 17 ||
[Analyze grammar]

mūlamaṃtrānyamaṃtraiśca yajaṃti sma divākaraṃ |
tathārkāṃgavrataṃ cānyatkṛtaṃ taiḥ susamāhitaiḥ || 18 ||
[Analyze grammar]

kramātsamāṃsamāsādya rogasyāṃtaṃ gato nṛpaḥ |
bādhite cāmaye ghore sa rājā nikhilaṃ jagat || 19 ||
[Analyze grammar]

niyamya kārayāmāsa kalye ca yājanavratam |
evameva japāpuṣpaṃ sugaṃdhaṃ kadalīphalam || 20 ||
[Analyze grammar]

bāṇairjāyābhirālabhyamarkaparṇānyapuṣpakaṃ |
evameva mahāpuṇyaṃ kṛtvā sarvajanapriyaṃ || 21 ||
[Analyze grammar]

haviṣyānno nirāhāro jano yajati bhāskaram |
evameva tribhirvargairarcitastairvibhākaraḥ || 22 ||
[Analyze grammar]

saṃtuṣṭo bhūpamāgamya kṛpayā cābravīdvacaḥ |
varaṃ varaya cābhīṣṭaṃ yaste manasi vartate || 23 ||
[Analyze grammar]

sarveṣāṃ vo hitārthāya sānugaḥ puravāsinām |
rājovāca |
yadīcchasi varaṃ dātuṃ sarvalocanamatpriyam || 24 ||
[Analyze grammar]

sarveṣāṃ naḥ paraṃ svargaṃ tvatsakāśe bhavatviti |
sūrya uvāca |
amātyāste dvijā viprāḥ sadārāssaparicchadāḥ || 25 ||
[Analyze grammar]

navīnayauvanāḥ śuddhā yāvadābhūtasaṃplavam |
tiṣṭhaṃtu matpure ramye sarvabhogairnirāmayāḥ || 26 ||
[Analyze grammar]

suradrumaiḥ susaṃpūrṇaiḥ prāsādairdrumakalpakaiḥ |
pramadābhirmahābhāga nṛtyagītādibhiḥ paraiḥ || 27 ||
[Analyze grammar]

paṃcakalpāṃtare rājā manvādau tvaṃ bhaviṣyasi |
amī te manujā bhūpa purasthāśca purodhasaḥ || 28 ||
[Analyze grammar]

tathā janapadasthāśca vidvāṃso dhanino narāḥ |
tatra matto varaṃ labdhvā sukhaṃ svargamavāpsyatha || 29 ||
[Analyze grammar]

evamuktvā jagaccakṣustatraivāṃtaradhīyata |
tato bhadreśvaro rājā sapuro divi modate || 30 ||
[Analyze grammar]

tatra kīṭādayo ye ca te pītāḥ sasutādayaḥ |
svarge devadrume bhogyaṃ kurvaṃti mahadadbhutam || 31 ||
[Analyze grammar]

evameva nṛpā viprā munayaśśaṃsitavratāḥ |
ye ca kṣatrādayo varṇāssūra svargaṃ yayurdrutam || 32 ||
[Analyze grammar]

kaiścidabhyarthitaṃ vittaṃ putradārāstathāparaiḥ |
sukhaṃ svargaṃ tathārogyaṃ bhāskarasya prasādataḥ || 33 ||
[Analyze grammar]

puṇyakūṭamidaṃ bhadraṃ yaḥ paṭhenmānavaḥ śuciḥ |
sarvapāpakṣayastasya rudravatpūjito bhuvi || 34 ||
[Analyze grammar]

sarvasākṣī bhavetsvarge varado bhāskarapriyaḥ |
śṛṇoti saṃyato martyaḥ sobhīṣṭaṃ phalamāpnuyāt || 35 ||
[Analyze grammar]

pāragaḥ sarvapāpānāṃ bhāskarasyaiva saṃsadi |
vāvadūko bhavennityaṃ śravaṇātpuṇyavāndhanī || 36 ||
[Analyze grammar]

idaṃ guhyātiguhyaṃ ca bhāskareṇa pracāritaṃ |
idaṃ yamāya kathitaṃ kṣitau vyāsena kīrtitam || 37 ||
[Analyze grammar]

iti śrīpādmapurāṇe prathame sṛṣṭikhaṃḍe bhadreśvarākhyānaṃ nāmaikonāśītitamo'dhyāyaḥ || 79 ||
[Analyze grammar]