Chapter 78

[English text for this chapter is available]

vaiśampāyana uvāca |
bhagavaṃstvatprasādācca śrutaṃ me pāvanaṃ vrataṃ |
aparaṃ śrotumicchāmi bradhnasya ca priyaṃ ca yat || 1 ||
[Analyze grammar]

vyāsa uvāca |
kailāsaśikhare ramye sukhāsīnaṃ maheśvaraṃ |
praṇamya śirasā bhūmau skaṃdo vacanamabravīt || 2 ||
[Analyze grammar]

arkāṅgākhyavidhistvatto mayaivaṃ vistarācchrutaḥ |
vārāderyatphalaṃ nātha śrotumicchāmi tattvataḥ || 3 ||
[Analyze grammar]

īśvara uvāca |
raktapuṣpai ravervāre tvarghyaṃ dadyādvratī naraḥ |
naktāhāraṃ haviṣyānnaṃ kṛtvā svargānna hīyate || 4 ||
[Analyze grammar]

saptamyāśca sadācāraṃ sarvamevārkavāsare |
kurvataḥ prītimāpnoti sagaṇaḥ parameśvaraḥ || 5 ||
[Analyze grammar]

śūrasya sadṛśaṃ yāti tithivārasya pālanāt |
ekena gāṇapatyasya yāvatsūro nabhastale || 6 ||
[Analyze grammar]

sarvakāmapradaṃ puṇyamaiśvaryaṃ roganāśanam |
svargadaṃ mokṣadaṃ puṇyaṃ ravervāre vrataṃ hitam || 7 ||
[Analyze grammar]

ravivāreṇa saṃkrāṃtyā saptamyā taddine śive |
vratapūjādikaṃ cāpyaṃ sarvaṃ cākṣayatāṃ vrajet || 8 ||
[Analyze grammar]

ādityavāsare śubhre grahādhipaprapūjanam |
prāṇādahatavaktreṇa niḥsārya maṃḍale nyaset || 9 ||
[Analyze grammar]

dvibhujaṃ raktapadmasthaṃ sugalaṃ raktavāsasaṃ |
sarvaraktābharaṇaṃ dhyātvā hastābhyāṃ puṣpaṃ vidhṛtasaṃghrāyaiśānyāṃ kṣipet || 10 ||
[Analyze grammar]

ādityāya vidmahe bhāskarāya dhīmahi |
tanno bhānuḥ pracodayāt || 11 ||
[Analyze grammar]

tato gurūpadiṣṭena vidhinā ca vilepanam |
vilepanāṃte saddhūpaṃ dhūpāṃte ca pradīpakam || 12 ||
[Analyze grammar]

pradīpāṃte ca naivedyaṃ tato vāri nivedayet |
tato japyaṃ stutiṃ mudrāṃ namaskāraṃ tu kārayet || 13 ||
[Analyze grammar]

aṃjali prathamā mudrā dvitīyā dhenukā smṛtā |
evaṃ yaḥ pūjayedarkaṃ ravisāyujyamāvrajet || 14 ||
[Analyze grammar]

mama brahmavadhaṃ ghoraṃ kapālaṃ karalagnakam |
ravestasyaprasādāttu muktaṃ vārāṇasītaṭe || 15 ||
[Analyze grammar]

raveḥ parataraṃ daivaṃ trailokye tu na vidyate |
yasya prasādato ghorānmuktohaṃ gurukilbiṣāt || 16 ||
[Analyze grammar]

skaṃda uvāca |
śrutvā tvatto giraṃ nātha vismayo me'bhavatprabho |
tvadanyosti na ko devaḥ kathaṃ brahmavadhaṃ tvayi || 17 ||
[Analyze grammar]

tvaṃ ca jñānīśvaro yogī loke bhoktā'kṣaro'vyayaḥ |
devānāṃ gururekastvaṃ vyāptarūpī maheśvaraḥ || 18 ||
[Analyze grammar]

sarvajño varado nityaṃ sarveṣāṃ prāṇināṃ prabhuḥ |
duṣkṛtaṃ te kuto nātha tathā krodho viśeṣataḥ || 19 ||
[Analyze grammar]

śiva uvāca |
lokānāṃ ca hitārthāya pṛthagbhūtā yuge yuge |
sarvaṃ kurmo vayaṃ putra brahmaviṣṇumaheśvarāḥ || 20 ||
[Analyze grammar]

nāsmākaṃ baṃdhamokṣau ca nākāryaṃ kāryameva vā |
tathā lokasya rakṣārthaṃ carāmo vidhipūrvakam || 21 ||
[Analyze grammar]

sarvaṃ ca paramaṃ caiva sarvavighnavināśanam |
sarvarogapraśamanaṃ sarvārthapratisādhakam || 22 ||
[Analyze grammar]

ekosau bahudhā bhūtvā kālabhedādaniṃditaḥ |
māse māse tu tapati eko dvādaśatāṃ vrajet || 23 ||
[Analyze grammar]

mitro mārgaśire māsi pauṣe viṣṇuḥ sanātanaḥ |
varuṇo māghamāse tu sūryo vai phālgune tathā || 24 ||
[Analyze grammar]

caitre māsi tapedbhānurvaiśākhe tāpanaḥ smṛtaḥ |
jyeṣṭhamāse tapediṃdra āṣāḍhe tapate raviḥ || 25 ||
[Analyze grammar]

gabhastiḥ śrāvaṇe māsi yamo bhādrapade tathā |
hiraṇyaretāśvayuji kārtike tu divākaraḥ || 26 ||
[Analyze grammar]

ityete dvādaśādityā māsi māsi prakīrtitāḥ |
ururūpā mahātejā yugāṃtānalavarcasaḥ || 27 ||
[Analyze grammar]

ya idaṃ paṭhate nityaṃ tasya pāpaṃ na vidyate |
na rogo na ca dāridryaṃ nāvamāno bhavetkvacit || 28 ||
[Analyze grammar]

akṣayaṃ labhate svargaṃ sukhaṃ rājyaṃ yaśaḥ kramāt |
mahāmaṃtraṃ pravakṣyāmi sarvaprītikaraṃ param || 29 ||
[Analyze grammar]

ūṃ namaḥ sahasrabāhave ādityāya namonamaḥ |
namaste padmahastāya varuṇāya namonamaḥ || 30 ||
[Analyze grammar]

namastimiranāśāya śrīsūryāya namonamaḥ |
namaḥ sahasrajihvāya bhānave ca namonamaḥ || 31 ||
[Analyze grammar]

tvaṃ ca brahmā tvaṃ ca viṣṇū rudrastvaṃ ca namonamaḥ |
tvamagniḥ sarvabhūteṣu vāyustvaṃ ca namonamaḥ || 32 ||
[Analyze grammar]

sarvagaḥ sarvabhūteṣu nahi kiṃcittvayā vinā |
carācare jagatyasminsarvadehe vyavasthitaḥ || 33 ||
[Analyze grammar]

iti japtvā labhetkāmaṃ svargabhogyādikaṃ kramāt |
ādityo bhāskaraḥ sūryo arko bhānurdivākaraḥ || 34 ||
[Analyze grammar]

suvarṇaretā mitraśca pūṣā tvaṣṭā ca te daśa |
svayaṃbhūstimirāśaśca dvādaśaḥ parikīrtitaḥ || 35 ||
[Analyze grammar]

nāmānyetāni sūryasya śuciryastu paṭhennaraḥ |
sarvapāpācca rogācca mukto yāti parāṃ gatim || 36 ||
[Analyze grammar]

punaranyatpravakṣyāmi bhāskarasya mahātmanaḥ |
raktākhyāye raktanibhāssiṃdūrāruṇavigrahāḥ || 37 ||
[Analyze grammar]

yāni nāmāni mukhyāni tacchṛṇuṣva ṣaḍānana |
tapanastāpanaścaiva karttā harttā graheśvaraḥ || 38 ||
[Analyze grammar]

lokasākṣī trilokeṣu vyomādhipo divākaraḥ |
agnigarbho mahāvipraḥ svargaḥ saptāśvavāhanaḥ || 39 ||
[Analyze grammar]

padmahastastamobhedī ṛgvedo yajussāmagaḥ |
kālapriyaṃ puṃḍarīkaṃ mūlasthānaṃ ca bhāvitam || 40 ||
[Analyze grammar]

yaḥ smarecca sadā bhaktyā tasya rogabhayaṃ kutaḥ |
śṛṇu kārtika yatnena sarvapāpaharaṃ śubham || 41 ||
[Analyze grammar]

na saṃdeho manākkārya ādityasya mahāmate |
ūṃ iṃdrāya namaḥ ūṃ viṣṇave namaḥ || 42 ||
[Analyze grammar]

eṣa japyaśca homaśca saṃdhyopāsanameva ca |
sarvaśāṃtikaraścaiva sarvavighnavināśanaḥ || 43 ||
[Analyze grammar]

nāśayetsarvarogāṃśca lūtāvisphoṭakādikān |
kāmalādikarogāṃśca ye rogāścaiva dāruṇāḥ || 44 ||
[Analyze grammar]

ekāhikaṃ tryahikaṃ ca jvaraṃ cāturthikaṃ tathā |
kuṣṭhaṃ rogaṃ kṣayaṃ rogaṃ kukṣirogaṃ jvaraṃ tathā || 45 ||
[Analyze grammar]

aśmarīmūtraṃkṛcchrāṃśca nānārogāmayāṃstathā |
ye vātaprabhavā rogā ye rogā garbhasaṃbhavāḥ || 46 ||
[Analyze grammar]

mardayanto mahārogā marditā vedanātmakāḥ |
vilayaṃ yāṃti te sarva ādityoccāraṇena tu || 47 ||
[Analyze grammar]

rakṣa māṃ devadeveśa graharogabhayeṣu ca |
praśamaṃ yāṃti te sarve kīrtite tu divākare || 48 ||
[Analyze grammar]

mūlamaṃtraṃ pravakṣyāmi sarvakāmārthasādhakam |
bhuktimuktipradaṃ nityaṃ bhāskarasya mahātmanaḥ || 49 ||
[Analyze grammar]

maṃtraścāyaṃ oṃ hrāṃ hrīṃ saḥ sūryāya namaḥ |
anena maṃtreṇa sadā sarvasiddhirbhaveddhruvaṃ || 50 ||
[Analyze grammar]

vyādhayo vai na bādhaṃte na cāniṣṭaṃ bhayaṃ bhavet |
sūryāvartodakaṃ yastu gṛhītvā tu krameṇa tu || 51 ||
[Analyze grammar]

tasya prāśanamātreṇa naro rogātpramucyate |
na dātavyaṃ na khyātavyaṃ japtavyaṃ ca prayatnataḥ || 52 ||
[Analyze grammar]

abhakteṣvanapatyeṣu pāṣaṇḍalaukikeṣu ca |
kaṭutailasamāyuktaṃ nasye pāne ca dāpayet || 53 ||
[Analyze grammar]

sūryāvartajalaṃ putra sarvarogādvimucyate |
mūlamaṃtrastu japtavyaḥ saṃdhyāyāṃ homakarmasu || 54 ||
[Analyze grammar]

japyamāne tu naśyaṃti rogāḥ krūragrahāstathā |
kimanyairbahubhiḥ śāstrairmaṃtrairvā bahuvistaraiḥ || 55 ||
[Analyze grammar]

sarvaśāṃtiriyaṃ vatsa sarvārthapratisādhikā |
nāstikāya na dātavyā devabrāhmaṇaniṃdake || 56 ||
[Analyze grammar]

gurubhaktāya dātavyā nānyebhyopi kadācana |
prātarutthāya yo nityaṃ kīrtayiṣyati mānavaḥ || 57 ||
[Analyze grammar]

goghnaḥ kṛtaghnakaścaiva mucyate sarvapātakaiḥ |
śarīrārogyakṛccaiva dhanavṛddhiyaśaskaraḥ || 58 ||
[Analyze grammar]

jāyate nātra saṃdeho yasya tuṣyeddivākaraḥ |
ekakālaṃ dvikālaṃ vā trikālaṃ nityameva ca || 59 ||
[Analyze grammar]

yaḥ paṭhedravisānnidhye so'bhīṣṭaṃ phalamāpnuyāt |
putrārthī labhate putraṃ kanyārthī kanyakāṃ labhet || 60 ||
[Analyze grammar]

vidyārthī labhate vidyāṃ dhanārthī labhate dhanaṃ |
śṛṇuyātsaṃyuto bhaktyā śuddhācārasamanvitaḥ || 61 ||
[Analyze grammar]

sarvapāpavinirmuktassūryalokaṃ vrajatyapi |
bhāskarasya vrate yacca vratācāramakheṣu ca || 62 ||
[Analyze grammar]

puṇyasthāneṣu tīrtheṣu paṭhetkoṭiguṇaṃ bhavet |
grahe bhojyeṣu pūjāyāṃ brahmabhojye dvijāgrataḥ || 63 ||
[Analyze grammar]

ya idaṃ paṭhate viprastasyānaṃtaphalaṃ bhavet |
tapasvināṃ ca viprāṇāṃ devānāmagrataḥ sudhīḥ || 64 ||
[Analyze grammar]

yaḥ paṭhetpāṭhayedvāpi suraloke mahīyate || 65 ||
[Analyze grammar]

iti śrīpādmapurāṇe prathame sṛṣṭikhaṃḍe sūryaśāṃtirnāmāṣṭasaptatitamo'dhyāyaḥ || 78 ||
[Analyze grammar]