Chapter 76

[English text for this chapter is available]

saṃjaya uvāca |
ye'surāśca mṛtā yuddhe saṃmukhe vimukhe'pi vā |
gatiṃ teṣāmahaṃ brahmanśrotumicchāmi tattvataḥ || 1 ||
[Analyze grammar]

asaṃkhyātā ime daityāstrailokye sacarācare |
adyāpyāsangatāḥ kutra etanme śaṃsa bho guro || 2 ||
[Analyze grammar]

vyāsa uvāca |
ye mṛtāssaṃmukhe śūrā daityānāṃ pravarā raṇe |
svayaṃ prāpya ca devatvaṃ bhogyamaśnaṃti śāśvatam || 3 ||
[Analyze grammar]

prāsādā yatra sauvarṇā nānāratnāvibhūṣitāḥ |
sarvakāmapradā vṛkṣāḥ svarṇadītoya saṃyutāḥ || 4 ||
[Analyze grammar]

padmotpalasukalhārairgaṃdhāḍhyairanyapuṣpakaiḥ |
dadhidugdhājyakhaṃḍaiśca yutā puṣkariṇī śubhā || 5 ||
[Analyze grammar]

atīvarūpasaṃpannāḥ sadaiva navayauvanāḥ |
tatra rājyaṃ prakurvaṃti tathaiva vasudhātale || 6 ||
[Analyze grammar]

evaṃ janmāṣṭakaṃ prāpya dhanino'dhyakṣamaṃtriṇaḥ |
ardhasaṃmukhagātreṇa divamaśnaṃti śāśvatam || 7 ||
[Analyze grammar]

vimukhāḥ kātarā bhītā ye ca māyāvino raṇe |
te yāṃti nirayaṃ ghoraṃ ye ca devadvijadviṣaḥ || 8 ||
[Analyze grammar]

patitaṃ mūrcchitaṃ bhagnamanyayoddhāramāhave |
haṃtāro nirayaṃ yāṃti te ca mlecchāḥ kuvācakāḥ || 9 ||
[Analyze grammar]

paranyāsāpahartāro vimukhāssaṃti tattvataḥ |
rātrau vā vipine naṣṭe corāssāhasakāriṇaḥ || 10 ||
[Analyze grammar]

sarvabhakṣaratā mūḍhā mlecchā gobrahmaghātakāḥ |
kuvācakāḥ pare mlecchā ete ye kūṭayonayaḥ || 11 ||
[Analyze grammar]

teṣāṃ paiśācikī bhāṣā lokācāro na vidyate |
nāsti śaucaṃ tapo jñānaṃ na devapitṛtarpaṇam || 12 ||
[Analyze grammar]

dānaśrāddhādikaṃ yajñe surāṇāṃ ca prapūjanam |
pitṝṇāṃ ca na śuśrūṣā dvijadevatapasvinām || 13 ||
[Analyze grammar]

jñānalopādatasteṣāṃ malaśaucaṃ na vidyate |
mātaraṃ bhaginīṃ cānyāṃ gṛhiṇīṃ kāmayaṃti ca || 14 ||
[Analyze grammar]

sarvo viparyayo lokātsadācāro malīmasaḥ |
tārkṣyasyodvavanānāṃ ca anyeṣāṃ gotravāsinām || 15 ||
[Analyze grammar]

kulajātāssadā daityā yeṣāṃ puṇyamakāraṇam |
durgatiṃ ca mṛtā yāṃti dvijastrīśiśughātinaḥ || 16 ||
[Analyze grammar]

gavāśino durātmāno hyabhakṣyabhakṣaṇe ratāḥ |
kīṭayoniṃ vrajaṃtyete taravaśca pipīlikāḥ || 17 ||
[Analyze grammar]

na maṃtreṣu na deveṣu kalpaṃte te suradviṣaḥ |
agrajaḥ sahajasteṣāṃ sadṛṅno grāmyavṛttayaḥ || 18 ||
[Analyze grammar]

lomakeśapraṇetāraḥ kravyabhakṣaratā bhuvi |
sāhasaṃ ca vrataṃ dānaṃ snānaṃ yajñādikaṃ ca yat || 19 ||
[Analyze grammar]

matsyamāṃsādiṣu prītā mṛṣāvacanabhāṣiṇaḥ |
sadākāmāssadā lobhāssadā krodhamadānvitāḥ || 20 ||
[Analyze grammar]

vadhabaṃdharatodvegā dyūtasaṃgītasaṃpriyāḥ |
kubhṛtyāḥ kujanaprītāḥ pūtigaṃdharatā narāḥ || 21 ||
[Analyze grammar]

na deveṣu na vijñeṣu na dharmaśravaṇeṣu ca |
stotramaṃtrādike puṇye yathākāryeṣvaniścayāḥ || 22 ||
[Analyze grammar]

bahurogādhiroṣāśca bahurūpaparicchadāḥ |
narajātiṣu daityānāṃ cihnānyetāni bhūtale || 23 ||
[Analyze grammar]

na jānaṃti paraṃ lokaṃ na guruṃ svaṃ na cāparaṃ |
garbhapūraṇamicchaṃti nātithiṃ na gurūndvijān || 24 ||
[Analyze grammar]

na devaṃ na sutaṃ gotraṃ na mitraṃ na ca bāndhavaṃ |
svapne dānaṃ na jānaṃti bhakṣaṇānna paricchadaṃ || 25 ||
[Analyze grammar]

gopāyaṃti dhanaṃ yasmātte yakṣā nararūpiṇaḥ |
prāṇāṃtepi dhanaṃ kicinna diśaṃti ca rājani || 26 ||
[Analyze grammar]

te yakṣā durgatisthāśca parārthe bhāravāhakāḥ |
pretānāṃ lakṣaṇaṃ yadvā sarvalokavigarhitaṃ || 27 ||
[Analyze grammar]

strīṇāṃ ca puruṣāṇāṃ ca śṛṇuṣvaikamanā mama |
malapaṃkadharā nityaṃ satyaśaucavivarjitāḥ || 28 ||
[Analyze grammar]

daṃtakuṃtalavastrāṇāṃ vapuṣo malasaṃcayāḥ |
gṛhapīṭhādipātrāṇāṃ sakṛcchaucaṃ na rocate || 29 ||
[Analyze grammar]

na paśyaṃti sukhaṃ strīṇāṃ viśaṃti kānane drutaṃ |
vighasocchiṣṭapūtīnāṃ bhakṣaṇebhiratā bhuvi || 30 ||
[Analyze grammar]

annapānaṃ ca śayanamandhakāreṣu rocate |
kadācitsvasthatā nāsti kvacidvā śucitātanau || 31 ||
[Analyze grammar]

lakṣaṇaṃ naralokeṣu pretānāmīdṛśaṃ kila |
hitāhitaṃ na jānaṃti mitrāmitraṃ guṇāguṇam || 32 ||
[Analyze grammar]

pāpapuṇyādikaṃ sthānaṃ snānaṃ devadvijārcanaṃ |
arimitramudāsīnaṃ na viṃdaṃti svabhāvataḥ || 33 ||
[Analyze grammar]

martyasthāḥ paśavaste ca jñāyaṃte buddhisaṃmataiḥ |
buddhyā nānātvabhāvāśca bhramaṃti ca mṛṣā bhuvi || 34 ||
[Analyze grammar]

yakṣarūpā narāste ca sarvakarmabahiṣkṛtāḥ |
eṣāṃ bhedaṃ pravakṣyāmi lakṣaṇaṃ dharaṇītale || 35 ||
[Analyze grammar]

vijātā martyalokeṣu pāpasyaivānurūpataḥ |
malīmasa bhuviprasthaṃ nāgaraṃ chadmarūpiṇaṃ || 36 ||
[Analyze grammar]

vighasādiprabhoktāraṃ kākamāhurmanīṣiṇaḥ |
abhakṣye nirataḥ pāpaḥ kukuraḥ pūtisaṃpriyaḥ || 37 ||
[Analyze grammar]

pravṛttassarvagṛhyeṣu bhakṣyābhakṣyasajīvanaḥ |
bhūmyāṃ paśvādiyonīnāṃ kuleṣu prāptasaṃbhavāḥ || 38 ||
[Analyze grammar]

śuno vigṛhya hastena mlecchānāṃ bhakṣaṇapriyāḥ |
viśeṣātsūkarāṇāṃ ca tathā ca raṇayodhināṃ || 39 ||
[Analyze grammar]

poṣaṇe bhakṣaṇe prītāḥ pūtigarhyeṣvasādhuṣu |
parvatekaraṇādvahneḥ kāṣṭhasaṃcayasaṃgrahe || 40 ||
[Analyze grammar]

vijñeyāste sadā mlecchāḥ kṣatriyāṇāṃ bhayākulāḥ |
lokānāṃ naṣṭadharme ca sadā śaucavivarjite || 41 ||
[Analyze grammar]

kulīnānāṃ tadā mlecchā bhaviṣyaṃti ca dasyavaḥ |
teṣāṃ saṃsargatonye ca saṃbaṃdhādannabhojanāt || 42 ||
[Analyze grammar]

maithunāttasya yoṣāsu tadbhāvaṃ tu vrajaṃti te |
tasminkāle janāssarve duḥkharogapratāpitāḥ || 43 ||
[Analyze grammar]

durbhikṣānna parāmūḍhāḥ sadā rājaprapīḍitāḥ |
tatrāsatyeratā martyāḥ sarvaśaucavivarjitāḥ || 44 ||
[Analyze grammar]

na śrūyaṃte janaireva purāṇāgamasaṃhitāḥ |
madyamāṃsapriyāḥ pāpāssarvabhakṣāssudāruṇāḥ || 45 ||
[Analyze grammar]

dāruṇācāraniratā nityaṃ chalaparāyaṇāḥ |
na puṣṇaṃti sutāstātaṃ prasuvaṃ ca gurūnapi || 46 ||
[Analyze grammar]

na śuśrūṣaṃti vai bhṛtyāḥ svāminaṃ guṇaśālinam |
bhartāraṃ na striyaḥ kāścicchvaśurau ca svamātaraḥ || 47 ||
[Analyze grammar]

nityakaṣṭā narāstatra kalahaśca gṛhe gṛhe |
nṛpā mlecchāḥ surāpāśca tathā maṃtripurohitāḥ || 48 ||
[Analyze grammar]

manuṣyaiśca balisteṣāṃ matsyairmāṃsairnirāmiṣaḥ |
pāṣaṃḍāyāsayogebhyaḥ pradhānā guṇavārtayoḥ || 49 ||
[Analyze grammar]

dhanikaiḥ kokilairmaṃdairvyāptaṃ taistu mahītalam |
tatonyonyaṃ priyā mūḍhā vane vā nagareṣu ca || 50 ||
[Analyze grammar]

bhakṣyābhakṣyaṃ samaśnaṃti matsyamāṃsādikaṃ narāḥ |
vane dvijātayaścānye bhuṃjate cānupāpakam || 51 ||
[Analyze grammar]

bhaktimaṃtaṃ paśuṃ cānyatsarve yāṃtyapunarbhavam |
pātayaṃti pitṝnpāpāḥ sarve te pūrvadevakāḥ || 52 ||
[Analyze grammar]

piśācā rākṣasā ye ca murtyakā guhyakā dhruvam |
ete cāvinayaprītā na devā na ca mānuṣāḥ || 53 ||
[Analyze grammar]

saṃjaya uvāca |
kathaṃ ca martyabhāveṣu lakṣaṃjānaṃtitāttvikāḥ |
etaṃ me saṃśayaṃ nātha dūrīkuru tatastataḥ || 54 ||
[Analyze grammar]

vyāsa uvāca |
kṛtapāpānurūpāstu dvijātiṣvanyajātiṣu |
asurā rākṣasāḥ pretāḥ svabhāvaṃ na tyajaṃti te || 55 ||
[Analyze grammar]

jātā ye cāsurā martye sadāte kalahotsukāḥ |
kuhakāḥ kaccarāḥ krūrāḥ vijñeyā rākṣasābhuvi || 56 ||
[Analyze grammar]

janodvignādikaṃ dānaṃ tathā devārcanaṃ bhuvi |
ugrabhāvāddhanaṃ labdhvā rājyaṃ bhuñjaṃti śāśvatam || 57 ||
[Analyze grammar]

jayaṃ śauryādikaṃ puṇyaṃ punaḥpāpakṣayaṃ vrajet |
evamurvyāṃ tathā nāke nāgaloke yamālaye || 58 ||
[Analyze grammar]

ugreṇa tapasā kaścitsuratvaṃ labhate divi |
vāsudevaṃ samārādhya prahlādaḥ surapūjitaḥ || 59 ||
[Analyze grammar]

haraṃ tathāndhako daityaḥ stutvā tatsabhyako'bhavat |
tasyaiva gaṇamukhyatvaṃ lebhe bhṛṃgī mahābalaḥ || 60 ||
[Analyze grammar]

ete cānye ca bahavo baliriṃdro bhaviṣyati |
gacchaṃti sadgatiṃ tāta ihāmutra ca sarvadā || 61 ||
[Analyze grammar]

keciddaityakule jātāḥ pṛthivyāṃ surasattamāḥ |
bhāvayaṃti pitṝnsarvānśataśotha sahasraśaḥ || 62 ||
[Analyze grammar]

ekenāpi suputreṇa kulatrāṇaṃ ca dhīmatā |
ekopi vaiṣṇavaḥ putraḥ kulakoṭiṃ samuddharet || 63 ||
[Analyze grammar]

jiteṃdriyopi dharmātmā dvijadevārcane rataḥ |
kṣaye dharme kalau śeṣe pure janapadeṣu ca || 64 ||
[Analyze grammar]

eko rakṣati dharmātmā pure grāmaṃ janaṃ kulam |
vijñātṛmeduraṃ cāsīdbrāhmaṇānāṃ puraṃ mahat || 65 ||
[Analyze grammar]

tatra sarve dvijāḥ śaśvatsaṃdhyopāsanatatparāḥ |
vedapāṭharatā dhīrā devātithidvijārcakāḥ || 66 ||
[Analyze grammar]

yajñavratāgnikarmāṇaḥ ṣaṭkarmapariniścayāḥ |
atikṛcchre ca teṣāṃ vai na pāpe vartate manaḥ || 67 ||
[Analyze grammar]

kurvaṃti satataṃ vīrā vrataṃ yajñaṃ sanātanam |
kadāciddaivayogācca gṛhasthaśca sa kovidaḥ || 68 ||
[Analyze grammar]

vahnau juhoti viprarṣi rājyaṃ maṃtreṇa maṃtravit |
tasminkāle ca tasyaiva mūtrakṛcchraṃ sudāruṇam || 69 ||
[Analyze grammar]

tatprojjhituṃ gataḥ sopi rakṣārthaṃ sthāpya ceṭikām |
tasyāstvanavadhānena śunā cājyaṃ ca bhakṣitam || 70 ||
[Analyze grammar]

bhiyā tayā tataḥ pātraṃ svīyamūtreṇa saṃbhṛtam |
asaṃlakṣyā juhodagnau sa viprastvarayā tataḥ || 71 ||
[Analyze grammar]

āścaryaṃ ca tato vahnau lakṣitaṃ tena tatkṣaṇāt |
kūṭaṃ hemamayaṃ sākṣātsvarṇaṃ jāṃbūnadaprabhaṃ || 72 ||
[Analyze grammar]

gṛhītvā tanmudā vipraḥ pāpayogaṃ cakāra ha |
papraccha vismayāddāsīṃ kathametadvada priye || 73 ||
[Analyze grammar]

mudā tatra yathāvṛttaṃ kathitaṃ tu tayā dvija |
tato nityaṃ yathākālaṃ tacca tasya pravartate || 74 ||
[Analyze grammar]

samṛddhiradbhutā gehe lokavismayakāriṇī |
tataḥ parasparācchrutvā sarvaireva ca tatpure || 75 ||
[Analyze grammar]

kṛtaṃ karma durācāraṃ śrutvā lobhādasādhubhiḥ |
gurulobhācca sumahatsvāṃte paṃkaṃ viśatyapi || 76 ||
[Analyze grammar]

paṃkādeva bhayānmohānmatibhraṃśo'bhavattataḥ |
atha kilbiṣakūṭena dagdhameva puraṃ ca tat || 77 ||
[Analyze grammar]

striyo duṣṭā janā duṣṭāḥ sarve pāpabalāttadā |
vṛddho jñātā dvijastatra tatkārye na matiṃ dadhau || 78 ||
[Analyze grammar]

tasya bhāryā tadā sādhvī puruduḥkhena saṃyutā |
bhartāraṃ kṛcchrasantaptā purakāryaṃ jagāda sā || 79 ||
[Analyze grammar]

brāhmaṇyuvāca |
kaṣṭaṃ me vartate nātha dṛṣṭvā tvāṃ duḥkhasaṃyutam |
grāmācāramimaṃ yadvāpya'paraṃ kartumarhasi || 80 ||
[Analyze grammar]

tatastatra sa doṣajñaḥ smitvā vacanamabravīt |
yastu jīvati pāpena tyaktvā dharmaṃ paraṃ hitam || 81 ||
[Analyze grammar]

sa vaidheyo mahābhāge pragacchatyapunarbhavam |
ete viprā durācārāḥ sadārāssaparicchadāḥ || 82 ||
[Analyze grammar]

atipātakayogācca mahāpātakasaṃmatāḥ |
saha pāpena mahatā prayāsyaṃti rasātalam || 83 ||
[Analyze grammar]

aṃte'punarbhavaṃ prāpyāparādhāṃto na vidyate |
ahamekotra tiṣṭhāmi svapuṇyaparirakṣaṇāt || 84 ||
[Analyze grammar]

tatassā tamuvācedaṃ lokahāsyavacastava |
vaktumarhasi naścāgre na puro'nyasya kasyacit || 85 ||
[Analyze grammar]

dvija uvāca |
yadi yāsyāmi cānyatra ito'haṃ tatkṣaṇātpriye |
savittaiḥ svajanaireva purīyāsyatyathogatim || 86 ||
[Analyze grammar]

ityuktvā paramaprītaḥ saṃgṛhya ca dhanaṃ svakam |
kṣipraṃ sa ca tayā sārdhaṃ yayau sīmāṃtaraṃ dvijaḥ || 87 ||
[Analyze grammar]

sthitvā'paśyatpurī tāvatsthirā tiṣṭhati pūrvavat |
sā cāha taṃ patiṃ sādhvī purī ceyaṃ na naśyati || 88 ||
[Analyze grammar]

vimṛśyatāmuvācedaṃ vipravaryassuvismitaḥ |
kiṃ nu tiṣṭhati tatraiva dravyamasmadgṛhādbahiḥ || 89 ||
[Analyze grammar]

vicārya sā dhavaṃ prāha mayā bhrāṃtyā upānahau |
nānīte tiṣṭhatastatra dhārayiṣyāmi kiṃ nu vai || 90 ||
[Analyze grammar]

evamuktvā patiṃ sādhvī gṛhītvā te upāgatā |
patyurabhyāśato dṛṣṭaṃ puraṃ nirvyathanaṃ gatam || 91 ||
[Analyze grammar]

tato viprādayo varṇāḥ kaccarāḥ puravāsinaḥ |
tiṣṭhaṃti narake ghore duḥkhitāścāpunarbhave || 92 ||
[Analyze grammar]

kṛcchādyamapuraṃ yāṃti nāsti teṣāṃ ca niṣkṛtiḥ |
pūtigaṃdhaṃ tato medhyaṃ varjanīyaṃ prakīrtitam || 93 ||
[Analyze grammar]

pūrvavadbhakṣaṇe prīto hyadyapāpaṃ karoti ca |
steyaśīlo niśācārī budhairjñeyassa vaṃcakaḥ || 94 ||
[Analyze grammar]

abudhaḥ sarvakāryeṣu ajñātaḥ sarvakarmasu |
samayācārahīnastu paśureva sa bāliśaḥ || 95 ||
[Analyze grammar]

evamuṣṭrādayassaṃti bhakṣādi nakulādayaḥ |
hiṃsro jñātijanodvegarite yuddhe ca kātaraḥ || 96 ||
[Analyze grammar]

vighasādipriyo nityaṃ naraḥ śvā kīrtito budhaiḥ |
cauryakarmarato nityaṃ bahumitrapravaṃcakaḥ || 97 ||
[Analyze grammar]

mithune kalaho nityaṃ martyastu parikīrtitaḥ |
prakṛtyā capalo nityaṃ sadā bhojanacaṃcalaḥ || 98 ||
[Analyze grammar]

plavagaḥ kānanaprīto naraḥ śākhāmṛgo bhuvi |
sūcako bhāṣayā budhyā svajane'nyajaneṣu ca || 99 ||
[Analyze grammar]

udvegajanakatvācca sa pumānuragaḥ smṛtaḥ |
balavānkrāṃtaśīlaśca satataṃ cānapatrapaḥ || 100 ||
[Analyze grammar]

pūtimāṃsapriyo bhogī nṛsiṃhassamudāhṛtaḥ |
tatsvanādeva sīdaṃti bhītā anye vṛkādayaḥ || 101 ||
[Analyze grammar]

dviradādi narā ye ca jñāyaṃte dūradarśinaḥ |
evamādi krameṇaiva vijānīyānnareṣu ca || 102 ||
[Analyze grammar]

surāṇāṃ lakṣaṇaṃ brūmo nararūpaṃ vyavasthitam |
dvijadevātithīnāṃ ca gurusādhutapasvinām || 103 ||
[Analyze grammar]

pūjātaporatonityaṃ dharmaśāstreṣu nītiṣu |
kṣamāśīlo jitakrodhaḥ satyavādī jiteṃdriṃyaḥ || 104 ||
[Analyze grammar]

dayālurdayito loke rūpavānmadhurasvaraḥ |
vāgīśaḥ sarvakāryeṣu guṇī dakṣo mahābalaḥ || 105 ||
[Analyze grammar]

sākṣaraścāpi vidvāṃśca gītanṛtyārthatattvavit |
ātmavidyādikāryeṣu sarvataṃtrīsvareṣu ca || 106 ||
[Analyze grammar]

haviṣyeṣu ca sarveṣu gavyeṣu ca nirāmiṣe |
sadyogāsvādadravye ca pratyagre cātiśobhane || 107 ||
[Analyze grammar]

gaṃdhamālyeṣu vastreṣu śāstreṣvābharaṇeṣu ca |
saṃprītaścātithau dāne pārvaṇādiṣu karmasu || 108 ||
[Analyze grammar]

snānadānādibhiḥ kārye vratairyajñaiḥ surārcanaiḥ |
kālo gacchati pāṭhaiśca na klībaṃ vāsaraṃ bhavet || 109 ||
[Analyze grammar]

ayameva manuṣyāṇāṃ sadācāro niraṃtaram |
devavanmānavācāro gīyate munisattamaiḥ || 110 ||
[Analyze grammar]

kiṃtu sattvādhiko devo manuṣyo bhīta eva ca |
gaṃbhīraḥ sarvadā devaḥ sadaiva mānavo mṛduḥ || 111 ||
[Analyze grammar]

dvayostutyā ca saṃprītirna daityādau bhavetkila |
prītibhāvaṃ paraṃ saukhyaṃ sauhṛdaṃ sukṛtaṃ śubham || 112 ||
[Analyze grammar]

daivamānuṣayoreva daityarākṣasayostathā |
pretādīnāṃ ca preteṣu paśau prītiḥ paśorapi || 113 ||
[Analyze grammar]

kākādayaḥ svajātau ca tathānye ca svajātiṣu |
prītā bhavaṃti cāprītā vidyā teṣāṃ ca lakṣaṇam || 114 ||
[Analyze grammar]

evaṃ puṇyaviśeṣeṇa saviśeṣā sujātiṣu |
priyāpriyaṃ vijānīyātpuṇyāpuṇyaṃ guṇāguṇam || 115 ||
[Analyze grammar]

daṃpatyorna sukhaṃ kiṃcijjātibhedānnṛṇāṃ bhuvi |
svajātiṣu bhavetprītirmukto vā nirayepi vā || 116 ||
[Analyze grammar]

atipuṇyāllabhedāyuḥ śobhanāḥ puṇyakāriṇaḥ |
pāpātmāno labhaṃte'ntaṃ ye ca daityādayo narāḥ || 117 ||
[Analyze grammar]

kṛte jātāḥ surā bhūmau na daityāścānyajātayaḥ |
tretāyāmekapādaṃ ca dvipadaṃ dvāpare yuge || 118 ||
[Analyze grammar]

saṃdhyāyāṃ ca kalereva sarvapādaṃ ca saṃkulam |
devādīnāṃ bhavejjātaṃ bhārataṃ yatpravartitam || 119 ||
[Analyze grammar]

ye te duryodhanasyaiva yodhāḥ sainyādayastathā |
te ca daityādayaḥ sarve ye ca karṇādayo bhuvi || 120 ||
[Analyze grammar]

gāṃgeyo vasumukhyaśca droṇo devamuniḥ prabhuḥ |
aśvatthāmā haraḥ sākṣāddharirnaṃdakulodbhavaḥ || 121 ||
[Analyze grammar]

paṃceṃdrāḥ pāṃḍavā jātā viduro dharma eva ca |
gāṃdhārī draupadī kuṃtī caitā devyo dharātale || 122 ||
[Analyze grammar]

devadaityāḥ kalermadhye daityāśśeṣe ca mānavāḥ |
utpatsyaṃte sadā pretāḥ kravyādāḥ paśupakṣiṇaḥ || 123 ||
[Analyze grammar]

teṣāṃ ca kulaṭā dāsī nityakaṣṭā yavīyasī |
nityaṃ dvaṃdveṣu saṃprītyā teṣāmācārabhāṣiṇī || 124 ||
[Analyze grammar]

kilbiṣeṣu ca sarveṣu kalahe'nyāyakarmaṇi |
ratā daityādayo ye te sarve nirayagāminaḥ || 125 ||
[Analyze grammar]

vaiśaṃpāyana uvāca |
daityādīnāṃ mṛṣābhāvātsuratvaṃ na surālayam |
kathaṃ bhogyaṃ kathaṃ saukhyamārogyaṃ balasaṃcayam || 126 ||
[Analyze grammar]

rājyamāyustathā kīrtirabhīṣṭaṃ dayitaṃ balam |
nītividyādikaṃ bhāvyaṃ janmavṛddhaṃ sanātanam || 127 ||
[Analyze grammar]

dānādhyayanakarmāṇi yajñādi ca kathaṃ prabho |
etadāptāya śiṣyāya mahyaṃ bho vaktumarhasi || 128 ||
[Analyze grammar]

vyāsa uvāca |
daityānāṃ sāhasādeva tapo bhavati niścitam |
vrataṃ yajñādikaṃ caiva saṃprītiḥ svajanasya ca || 129 ||
[Analyze grammar]

yo dāṃto viguṇairmukto nītiśāsrārthatattvagaḥ |
etaiśca vividhaiḥ pūtaḥ sa bhavetsuralakṣaṇaḥ || 130 ||
[Analyze grammar]

purāṇāgamakarmāṇi nākeṣvatra ca vai dvija |
svayamācarate puṇyaṃ sa dharoddharaṇakṣamaḥ || 131 ||
[Analyze grammar]

viśeṣādvaiṣṇavaṃ dṛṣṭvā prīyate pūjayecca yaḥ |
vimuktassarvapāpebhyassa dharoddharaṇakṣamaḥ || 132 ||
[Analyze grammar]

ṣaṭkarmanirato viprassarvayajñaratassadā |
dharmākhyānapriyo nityaṃ sa dharoddharaṇakṣamaḥ || 133 ||
[Analyze grammar]

viśvāsaghātino ye ca kṛtaghnā vratalopinaḥ |
dvijadeveṣu vidviṣṭāḥ śātayaṃti dharāṃ narāḥ || 134 ||
[Analyze grammar]

ye ca madyaratāḥ pāpā dyūtakarmaratāstathā |
pāṣaṃḍapatitālāpāḥ śātayaṃti dharāṃ narāḥ || 135 ||
[Analyze grammar]

sukarmarahitā ye ca nityodvegāśca nirbhayāḥ |
smṛtiśāstrārthakodvignāśśātayaṃti dharāṃ narāḥ || 136 ||
[Analyze grammar]

nijavṛttiṃ parityajya kurvaṃti cādhamāṃ ca ye |
guruniṃdāratā dveṣācchātayaṃti dharāṃ narāḥ || 137 ||
[Analyze grammar]

dātāraṃ ye rodhayaṃti pātake prerayaṃti ca |
dīnānāthānpīḍayaṃti śātayaṃti dharāṃ narāḥ || 138 ||
[Analyze grammar]

ete cānye ca bahavaḥ pāpakarmakṛto narāḥ |
puruṣānpātayitvā tu śātayaṃti dharāṃ narāḥ || 139 ||
[Analyze grammar]

ya idaṃ śṛṇuyādramyaṃ guhyādguhyaṃ paraṃ hitam |
na tasya durgatirduḥkhaṃ daurbhāgyaṃ dīnatā bhuvi || 140 ||
[Analyze grammar]

na daityādau bhavejjanma svarloke śāśvataṃ sukham |
nākāle maraṇaṃ tasya na ca pāpaiḥ pralipyate || 141 ||
[Analyze grammar]

iha sarvajanādhyakṣastridive tridiveśvaraḥ |
kalpaṃkalpaṃ divaṃ bhuktvā mokṣamārgaṃ vrajatyasau || 142 ||
[Analyze grammar]

iti śrīpādmapurāṇe prathame sṛṣṭikhaṃḍe puṇyavyaktirnāma ṣaṭsaptatitamo'dhyāyaḥ || 76 ||
[Analyze grammar]