Chapter 67

[English text for this chapter is available]

vyāsa uvāca |
etacchrutvā tu daityeṃdro hiraṇyākṣo mahābalaḥ |
saroṣaścātitāmrākṣo hyasurānādideśa ha || 1 ||
[Analyze grammar]

svayaṃ gacchāmi yuddhāya devānāṃ vijighāṃsayā |
nāgacchaṃti na yuddhyaṃte tena mārgādviśantvitaḥ || 2 ||
[Analyze grammar]

etacchrutvā tu vacanaṃ śeṣā daityagaṇādhipāḥ |
yuddhāya prayayuḥ sarve śūlapāśātipaṃḍitāḥ || 3 ||
[Analyze grammar]

adhikaṃ pūrvasainyāśca tathā śataguṇairapi |
niraṃtaraṃ tathākāśaṃ prayayuryuddhakāṃkṣiṇaḥ || 4 ||
[Analyze grammar]

tato rudrāssa sādhyāśca viśve ca vasavastathā |
skaṃdaśca gaṇapaścaiva viṣṇujiṣṇupurogamāḥ || 5 ||
[Analyze grammar]

sarve yoddhuṃ gatāste ca hṛṣṭā raṇasamutsukāḥ |
etasminnaṃtare yuddhaṃ devadānavayorapi || 6 ||
[Analyze grammar]

na bhūtaṃ na śrutaṃ pūrvaṃ sarvalokabhayaṃkaram |
śastrāstraibarhudhā yuktaṃ śiśireṇeva kānanam || 7 ||
[Analyze grammar]

dharāṃ svargauka ākāśaṃ saṃrudhya yuddhamābabhau |
anyonyaṃ jaghnurākāśe tathānyonyaṃ mahītale || 8 ||
[Analyze grammar]

śaktibhirmusalairbhallairbahubhiḥ śaravṛṣṭibhiḥ |
dāruṇaiḥ khaḍgapātaiśca tathā cakraparaḥśvadhaiḥ || 9 ||
[Analyze grammar]

anyāyudhaiśca vividhairnirjaghnuste parasparam |
abhavanghorarūpāṇi dharākāśe vyayāni ca || 10 ||
[Analyze grammar]

śastraiḥ śarairasṛkpātaiḥ kaṃkavāyasajaṃbukaiḥ |
yathā musaladhārābhirghanā varṣaṃti lohitam || 11 ||
[Analyze grammar]

tathaiva kṣatajaiḥ srastaiḥ svāṅgācca devadānavāḥ |
kecitpataṃti muhyaṃti skhalaṃti ca hasaṃti ca || 12 ||
[Analyze grammar]

muṃcaṃti cārtanādāṃśca siṃhanādaṃ muhurmuhuḥ |
keṣāṃcidbāhavaśchinnāśchinnapādāstathāpare || 13 ||
[Analyze grammar]

chinnapārśvodarāḥ kecinnipetuḥ śataśo bhuvi |
koṭikoṭisahasrāṇi gajavājyasurāṇi ca || 14 ||
[Analyze grammar]

apatandharaṇīpṛṣṭhe raktaughe bahudhā bhuvi |
tatastu dharaṇīpṛṣṭhe tvabhavallohitārṇavaḥ || 15 ||
[Analyze grammar]

viparītāstato nadyaḥ sadyastatra visusruvuḥ |
tṛṇakāṣṭhaparāstatra śaktayo dārusaṃcayāḥ || 16 ||
[Analyze grammar]

mudgarā musalāḥ śūlā makarādyā bhavaṃti ca |
jayaṃtikā dhvajā mīnāḥ kamaṭhāścarmakāyakāḥ || 17 ||
[Analyze grammar]

śarādibhirmahoṣṭraiśca niruddhāḥ pracuraistathā |
keśacāmaraśaivālāḥ saṃpūrṇāstāstataḥstataḥ || 18 ||
[Analyze grammar]

patadbhiśca tathānyaiśca vividhaiḥ kṣatajārṇavaḥ |
tadā vasuṃdharā sarvā saśailavanakānanā || 19 ||
[Analyze grammar]

rudhiraughā mahāghorā sarvalokabhayaṃkarā |
skaṃdasya śaktipātena gatā daityā yamakṣayam || 20 ||
[Analyze grammar]

parśunā parameṇaiva agnināgniśikhaiḥ śaraiḥ |
varuṇasya ca pāśena baddhā magnā yamakṣaye || 21 ||
[Analyze grammar]

yeṣāṃ putraiśca pautraiśca purogaiḥ sacivaistathā |
nipātitāśca daiteyāḥ śaraśaktyṛṣṭivṛṣṭibhiḥ || 22 ||
[Analyze grammar]

grahaiśca śvasanaireva yakṣagaṃdharvakinnaraiḥ |
mahatyā gadayā caiva kubereṇa ca dhīmatā || 23 ||
[Analyze grammar]

ghanānāṃ nikarairvajraistuṣārairvidhuneritaiḥ |
pannagānāṃ viṣairghorairdaityāḥ peturdharātale || 24 ||
[Analyze grammar]

anyaiśca vividhairdevaiḥ koṭikoṭisahasraśaḥ |
pātitāḥ prayayussarve dharaṇyāṃ tu gatāsavaḥ || 25 ||
[Analyze grammar]

dehāṃstyaktvā divaṃ yāṃti kecicca yamamaṃdiram |
kecidgacchaṃti pātālaṃ puṇyāpuṇyaprayogataḥ || 26 ||
[Analyze grammar]

etasminnaṃtare vedāñjajalpuḥ paramarṣayaḥ |
svastyastu brāhmaṇebhyaśca gobhyaḥ strībhyastapasviṣu || 27 ||
[Analyze grammar]

prayudhyamāneṣvanyeṣu sāṃprataṃ sarvajaṃtuṣu |
vibudhairarditā daityāḥ śeṣāḥ parvatamāśritāḥ || 28 ||
[Analyze grammar]

prajagmuśca diśaḥ sarvāḥ kātarā raṇabhīravaḥ |
daityavyūhe prabhagne ca balo nāma mahābalaḥ || 29 ||
[Analyze grammar]

ardayāmāsa devāṃśca saṃyamyāgnisamaiḥ śaraiḥ |
tasya bāṇārditā devā bahavo baladarpitāḥ || 30 ||
[Analyze grammar]

patitā dharaṇīpṛṣṭhe kecidbhagnā raṇājire |
dṛṣṭvā tasya mahatkarma dāruṇaṃ lokabhīṣaṇam || 31 ||
[Analyze grammar]

śaśaṃsurṛṣayo devāstatra śiṣṭāḥ pracukruśuḥ |
atha kruddho mahātejāśśatakraturariṃdamaḥ || 32 ||
[Analyze grammar]

jaghāna śarasaṃdohairbalaṃ balavatāṃ varam |
sopi kruddho balo yuddhe tathā śakraṃ sasaṃbhramaḥ || 33 ||
[Analyze grammar]

rudhireṇāvasiktāṃgau prasṛtena mahābalau |
tau yathā mādhave māsi puṣpitau kiṃśukadrumau || 34 ||
[Analyze grammar]

cakrāṇi ca sahasrāṇi śūlāni musalāni ca |
nicakhāna raṇe śakre capale cāsurottamaḥ || 35 ||
[Analyze grammar]

tāni cakrāṇi śūlāni nicakartta śarottamaiḥ |
surarāṭsahasā bhrāṃto līlayā samare balī || 36 ||
[Analyze grammar]

sa ca daityo mahātejāḥ śaktyā caiva puraṃdaram |
nijaghāna tadā tūrṇaṃ gajasthaṃ ca stanāṃtare || 37 ||
[Analyze grammar]

tayā vinihataḥ śakraḥ pracacāla gajopari |
labdhasaṃjño balaṃ jiṣṇurbibheda danujaṃ kṣaṇāt || 38 ||
[Analyze grammar]

rathasaṃsthasya hastau ca dhanuściccheda ceṣuṇā |
carmatīkṣṇaṃ dhvajaṃ tasya śareṇaikena vīrahā || 39 ||
[Analyze grammar]

caturbhirniśitairbāṇairvivyādha caturo hayān |
śareṇaikena sūtasya śiraściccheda tatkṣaṇāt || 40 ||
[Analyze grammar]

chinnadhanvā hataratho hatāśvo hatasārathiḥ |
nipatya mūrcchitaḥ pṛthvyāṃ muhūrtānmṛtyumāpa saḥ || 41 ||
[Analyze grammar]

atha kruddho mahādaityo namuciḥ suradarpahā |
gadāmādāya sahasā sa jaghāna mahāgajam || 42 ||
[Analyze grammar]

yathā merugireḥ śṛṃge vajrapāto bhaveddhruvam |
tathaiva ca mahāśabdo hyabhavallomaharṣaṇaḥ || 43 ||
[Analyze grammar]

prahāreṇārditaḥ padmī saṃcacāla sa vihvalaḥ |
rudhireṇāvasiktāṃgo vimukho vedanāturaḥ || 44 ||
[Analyze grammar]

śatakratuṃ vidhāvaṃti śataśotha sahasraśaḥ |
ardhacaṃdraikṣuḥrapraiśca ciccheda pākaśāsanaḥ || 45 ||
[Analyze grammar]

jaṃtubhistasya māyābhirarditāssurapuṃgavāḥ |
bhūmau nipatitāḥ kecitkecitsuptā rathopari || 46 ||
[Analyze grammar]

dṛṣṭvā tasya mahatkarma mādhavo viśikhāṃstathā |
jaṃtubhūtānsa cakreṇa ciccheda dehalagnakān || 47 ||
[Analyze grammar]

tato jiṣṇustribhirbāṇaiḥ pātayāmāsa bhūtale |
pṛthivyāṃ patito daityo mūrcchitaskhalitaḥ punaḥ || 48 ||
[Analyze grammar]

dadhāra mudgaraṃ ghoraṃ śakraṃ haṃtuṃ samudyataḥ |
tato jaghāna maghavā kuliśena mahāsuram || 49 ||
[Analyze grammar]

sa papāta mahīpṛṣṭhe kṣatavakṣā mahābalaḥ |
sādhusādhviti devāśca siddhāścaiva maharṣayaḥ || 50 ||
[Analyze grammar]

apūjayaṃstadā śakraṃ bahubhiḥ puṣpavṛṣṭibhiḥ |
tato daityagaṇāḥ sarve bhītāstatra pradudruvuḥ |
gītaṃ gāyaṃti gaṃdharvā nanṛtuścāpsarogaṇāḥ || 51 ||
[Analyze grammar]

iti śrīpādmapurāṇe prathame sṛṣṭikhaṃḍe balanamucivadhonāma saptaṣaṣṭitamo'dhyāyaḥ || 67 ||
[Analyze grammar]