Chapter 62

[English text for this chapter is available]

| dvijāūcuḥ |
majjanādakhilaṃ pāpaṃ kṣayaṃ yāṃti suniścitam |
mahāpātakamanyacca tadādeśaṃ vadasva naḥ || 1 ||
[Analyze grammar]

pāpātpūto'kṣayaṃ nākamaśnute divi śakravat |
surayonerna hāniḥ syādupadeśaṃ vadasva naḥ || 2 ||
[Analyze grammar]

atra bhogyaṃ paraṃ sarvaṃ mṛte svarge surottamaḥ |
kalipāpahatānāṃ ca svargasopānamucyate || 3 ||
[Analyze grammar]

vyāsa uvāca |
gatiṃ ciṃtayatāṃ viprāstūrṇaṃ sāmānyajanmanām |
strīpuṃsāmīkṣaṇādyasmādgaṃgā pāpaṃ vyapohati || 4 ||
[Analyze grammar]

gaṃgeti smaraṇādeva kṣayaṃ yāti ca pātakam |
kīrtanādatipāpāni darśanādgurukalmaṣam || 5 ||
[Analyze grammar]

snānātpānācca jāhnavyāṃ pitṝṇāṃ tarpaṇāttathā |
mahāpātakavṛṃdāni kṣayaṃ yāṃti dinedine || 6 ||
[Analyze grammar]

agninā dahyate tūlaṃ tṛṇaṃ śuṣkaṃ kṣaṇādyathā |
tathā gaṃgājalasparśātpuṃsāṃ pāpaṃ dahetkṣaṇāt || 7 ||
[Analyze grammar]

saṃprāpnotyakṣayaṃ svargaṃ gaṃgāsnānena keśavam |
yaśo rājyaṃ labhetpuṇyeṃ svargamaṃte parāṃ gatim || 8 ||
[Analyze grammar]

pitṝnuddiśya gaṃgāyāṃ yastu piṃḍaṃ prayacchati |
vidhinā vākyapūrveṇa tasya puṇyaphalaṃ śṛṇu || 9 ||
[Analyze grammar]

annaikena tu sāhasraṃ varṣaṃ pūjyaḥ surālaye |
tilena dviguṇaṃ viddhi tathā medhyaphalena ca || 10 ||
[Analyze grammar]

gavyena vidhinā viprāḥ svargasyāṃto na vidyate |
evaṃ piṃḍapradānena nityaṃ kratuśataṃ bhavet || 11 ||
[Analyze grammar]

pitaro nirayasthā ye dhanyāste martyavāsinaḥ |
dhanaputrayutārogyaṃ sukhasaṃmānapūjitāḥ || 12 ||
[Analyze grammar]

rasātalagatā ye ca ye ca kīṭā mahītale |
sthāvare pakṣisaṃghādau te martyā dhanino nṛpāḥ || 13 ||
[Analyze grammar]

tattatputraiśca pautraiśca gotrairdauhitrakaistathā |
jāmātṛbhāgineyaiśca suhṛnmitraiḥ priyāpriyaiḥ || 14 ||
[Analyze grammar]

pradīyate jalaṃ piṃḍaṃ yathopakaraṇānvitam |
gaṃgātoyeṣu tīreṣu teṣāṃ svargo'kṣayo bhavet || 15 ||
[Analyze grammar]

piṃḍādūrdhvaṃ sthitā ye ca pitaro mātṛgotrajāḥ |
bhavaṃti sukhinaḥ sarve martyāśśatasahasraśaḥ || 16 ||
[Analyze grammar]

svarge tasya sthitāḥ satvā adhaḥsthā madhyavāsinaḥ |
nityaṃ vāṃñchaṃti sadgaṃgāṃ gacchaṃtu suranimnagām || 17 ||
[Analyze grammar]

eko gacchati gaṃgāṃ yaḥ pūyaṃte tasya pūruṣāḥ |
etadeva mahāpuṇyaṃ tarate tārayatyapi || 18 ||
[Analyze grammar]

gaṃgā kṛtsnaguṇaṃ vaktuṃ na śaktaścaturānanaḥ |
ataḥ kiṃcidvadāmyatra bhāgīrathyā dvijā guṇam || 19 ||
[Analyze grammar]

munayaḥ siddhagaṃdharvā ye cānye surasattamāḥ |
gaṃgātīre tapastaptvā svargaloke'cyutābhavan || 20 ||
[Analyze grammar]

divyena vapuṣā sarve kāmagena rathena ca |
adyāpi na nivartaṃte ratnapūrṇakṣayeṣu vai || 21 ||
[Analyze grammar]

prāsādā yatra sauvarṇāssarvalokordhvagāśśivāḥ |
iṣṭadravyaiḥ susaṃpūrṇāḥ striyo yatra manoramāḥ || 22 ||
[Analyze grammar]

pārijātaḥ samāḥ puṣpavṛkṣāḥ kalpadrumopamāḥ |
gaṃgātīre tapastaptvā tatraiśvaryaṃ labhaṃti hi || 23 ||
[Analyze grammar]

tapobhirbahubhiryajñairvratairnānāvidhaistathā |
purudānairgatiryā ca gaṃgāṃ saṃsevatāṃ ca sā || 24 ||
[Analyze grammar]

jārajaṃ patitaṃ duṣṭamaṃtyajaṃ gurughātinam |
sarvadroheṇa saṃyuktaṃ sarvapātakasaṃyutam || 25 ||
[Analyze grammar]

tyajaṃti pitaraṃ putrāḥ priyaṃ patnyaḥ suhṛdgaṇāḥ |
anye ca bāṃdhavāḥ sarve gaṃgā tu na parityajet || 26 ||
[Analyze grammar]

yathā mātā svayaṃ janmamalaśaucaṃ ca kārayet |
kroḍīkṛtya tathā teṣāṃ gaṃgā prakṣālayenmalam || 27 ||
[Analyze grammar]

bhavaṃti te suvikhyātā bhogyālaṃkārapūjitāḥ |
darśane kriyate gaṃgā sakṛdbhaktyā naraistu yaiḥ || 28 ||
[Analyze grammar]

teṣāṃ kulānāṃ lakṣaṃ tu bhavāttārayate śivā |
smṛtārti hartrī yairdhyātā saṃstutā sādhumoditā || 29 ||
[Analyze grammar]

gaṃgā tārayate nṝṇāmubhau vaṃśau bhavārṇavāt |
saṃkrāṃtiṣu vyatīpāte grahaṇe caṃdrasūryayoḥ || 30 ||
[Analyze grammar]

puṇye snātvā tu gaṃgāyāṃ kulakoṭiṃ samuddharet |
śuklapakṣe divāmartyā gaṃgāyāmuttarāyaṇe || 31 ||
[Analyze grammar]

dhanyā dehaṃ vimuṃcaṃti hṛdisthe ca janārdane |
anena vidhinā yastu bhāgīrathyā jale śubhe || 32 ||
[Analyze grammar]

prāṇāṃstyaktvā vrajetsvargaṃ punarāvṛttivarjitam |
yo gaṃgānugato nityaṃ sarvadevānugo hi saḥ || 33 ||
[Analyze grammar]

sarvadevamayo viṣṇurgaṃgā viṣṇumayī yataḥ |
gaṃgāyāṃ piṃḍadānena pitṝṇāṃ vai tilodakaiḥ || 34 ||
[Analyze grammar]

narakasthā divaṃ yāṃti svargasthā mokṣamāpnuyuḥ |
paradāraparadravya bādhā drohaparasya ca || 35 ||
[Analyze grammar]

gatirmanuṣyamātrasya gaṃgaiva paramā gatiḥ |
vedaśāstravihīnasya guruniṃdāparasya ca || 36 ||
[Analyze grammar]

samayācārahīnasya nāsti gaṃgāsamā gatiḥ |
kiṃ yajñairbahuvittāḍhyaiḥ kiṃ tapobhiḥ suduṣkaraiḥ || 37 ||
[Analyze grammar]

svargamokṣapradā gaṃgā sukhasaubhāgyapūjitā |
niyamaiḥ paramairnityaṃ kiṃ yogaiścittarodhakaiḥ || 38 ||
[Analyze grammar]

bhuktimuktipradā gaṃgā sukhamokṣāgrataḥ sthitā |
anekajanmasaṃghāta pāpaṃ puṃsāṃ vinaśyati || 39 ||
[Analyze grammar]

snānamātreṇa gaṃgāyāṃ sadyaḥ syātpuṇyabhāṅnaraḥ |
prabhāse gosahasrasya rāhugraste divākare || 40 ||
[Analyze grammar]

labhate yatphalaṃ dāne gaṃgāsnānāddinedine |
dṛṣṭvā tu harate pāpaṃ spṛṣṭvā tu labhate divam || 41 ||
[Analyze grammar]

prasaṃgādapi sā gaṃgā mokṣadā tvavagāhitā |
sarvendriyāṇāṃ cāpalyaṃ vāsanāśaktisaṃbhavam || 42 ||
[Analyze grammar]

nirghṛṇatvaṃ tato gaṃgā darśanātpravinaśyati |
paradravyābhikāṃkṣitvaṃ paradārābhilāṣitā || 43 ||
[Analyze grammar]

paradharme ruciścaiva darśanādeva naśyati |
yadṛcchālābha saṃtoṣassvadharmeṣu pravartate || 44 ||
[Analyze grammar]

sarvabhūtasamatvaṃ ca gaṅgāyāṃ majjanādbhavet |
yastu gaṃgāṃ samāśritya sukhaṃ tiṣṭhati mānavaḥ || 45 ||
[Analyze grammar]

jīvanmuktassa eveha sarveṣāmuttamottamaḥ |
gaṃgāṃ saṃśritya yastiṣṭhettasya kāryaṃ na vidyate || 46 ||
[Analyze grammar]

kṛtakṛtyassa vai mukto jīvanmuktaśca mānavaḥ |
yajño dānaṃ tapo japyaṃ śrāddhaṃ ca surapūjanam || 47 ||
[Analyze grammar]

gaṃgāyāṃ tu kṛtaṃ nityaṃ koṭikoṭi guṇaṃ bhavet |
anyasthāne kṛtaṃ pāpaṃ gaṃgātīre vinaśyati || 48 ||
[Analyze grammar]

gaṃgātīre kṛtaṃ pāpaṃ gaṃgāsnānena naśyati |
ātmano janmanakṣatre jāhnavīsaṃgate dine || 49 ||
[Analyze grammar]

naraḥ snātvā tu gaṃgāyāṃ svakulaṃ ca samuddharet |
ādareṇa yathā stauti dhanavaṃtaṃ sadā naraḥ || 50 ||
[Analyze grammar]

sakṛdgaṃgāṃ tathā stutvā bhavetsvargasya bhājanam |
aśraddhayāpi gaṃgāyāṃ yosau nāmānukīrtanaṃ || 51 ||
[Analyze grammar]

karoti puṇyavāhinyāssa vai svargasya bhājanam |
kṣitau bhāvayato martyānnāgāṃstārayatepyadhaḥ || 52 ||
[Analyze grammar]

divi tārayate devāngaṃgā tripathagā smṛtā |
jñānatojñānato vāpi kāmato'kāmatopi vā || 53 ||
[Analyze grammar]

gaṃgāyāṃ ca mṛto martyaḥ svargaṃ mokṣaṃ ca viṃdati |
yā gatiryogayuktasya satvasthasya manīṣiṇaḥ || 54 ||
[Analyze grammar]

sā gatistyajataḥ prāṇāngaṃgāyāṃ tu śarīriṇaḥ |
cāṃdrāyaṇasahasrāṇi yaścaretkāyaśodhanam || 55 ||
[Analyze grammar]

pānaṃ kuryādyathecchaṃ ca gaṃgāṃbhaḥ sa viśiṣyate |
tāvatprabhāvastīrthānāṃ devānāṃ tu viśeṣataḥ || 56 ||
[Analyze grammar]

tāvatprabhāvo vedānāṃ yāvannāpnoti jāhnavīm |
tisraḥ koṭyordhakoṭī ca tīrthānāṃ vāyurabravīt || 57 ||
[Analyze grammar]

divibhuvyantarikṣe ca tāni te santi jāhnavi |
viṣṇupādābjasaṃbhūte gaṃge tripathagāmini || 58 ||
[Analyze grammar]

dharmadraveti vikhyāte pāpaṃ me hara jāhnavi |
viṣṇupādaprasūtāsi vaiṣṇavī viṣṇupūjitā || 59 ||
[Analyze grammar]

trāhi māmenasastasmādājanmamaraṇāṃtikāt |
śraddhayā dharmasaṃpūrṇe śrīmatā rajasā ca te || 60 ||
[Analyze grammar]

amṛtena mahādevi bhāgīrathi punīhi māṃ |
tribhiḥ ślokavarairebhiryaḥ snāyājjāhnavī jale || 61 ||
[Analyze grammar]

janmakoṭikṛtātpāpānmucyate nātra saṃśayaḥ |
mūlamaṃtraṃ pravakṣyāmi jāhnavyā harabhāṣitam || 62 ||
[Analyze grammar]

sakṛjjapānnaraḥ pūto viṣṇudehe pratiṣṭhati |
maṃtraścāyaṃ |
oṃnamo gaṃgāyai viśvarūpiṇyai nārāyaṇyai namonamaḥ || 63 ||
[Analyze grammar]

jāhnavītīrasaṃbhūtāṃ mṛdaṃ mūrdhnā bibharti yaḥ |
sarvapāpavinirmukto gaṃgāsnānaṃ vinā naraḥ || 64 ||
[Analyze grammar]

gaṃgājalorminirdhūta pavanaṃ spṛśate yadi |
sa pūtaḥ kalmaṣādghorātsvargaṃ cākṣayamaśnute || 65 ||
[Analyze grammar]

yāvadasthi manuṣyasya gaṃgātoye pratiṣṭhati |
tāvadvarṣasahasrāṇi svargaloke mahīyate || 66 ||
[Analyze grammar]

pitrorbaṃdhujanānāṃ ca anāthānāṃ gurorapi |
gaṃgāyāmasthipātena naraḥ svargānna hīyate || 67 ||
[Analyze grammar]

gaṃgāṃ prativahedyastu pitṝṇāmasthikhaṃḍakam |
padepadeśvamedhasya phalaṃ prāpnoti mānavaḥ || 68 ||
[Analyze grammar]

dhanyā jānapadā ye ca paśavaḥ pakṣikīṭakāḥ |
sthāvarā jaṃgamāścānye gaṃgātīrasamāśritāḥ || 69 ||
[Analyze grammar]

krośāṃtara mṛtā ye ca jāhnavyā dvijasattamāḥ |
mānavā devatāssaṃti itare mānavā bhuvi || 70 ||
[Analyze grammar]

gaṃgāsnānāya saṃgacchanpathi saṃmriyate yadi |
sa ca svargamavāpnoti gaṃgāsnānaphalaṃ labhet || 71 ||
[Analyze grammar]

gaṃgājale prayāsyaṃti te jīvāḥ pathi ye mṛtāḥ |
kīṭāḥ paṃtaṃgāśśalabhāḥ pādāghātena gacchatāṃ || 72 ||
[Analyze grammar]

ye vadaṃti samuddeśaṃ gaṃgāṃ prati janaṃ dvijāḥ |
te ca yāṃti paraṃ puṇyaṃ gaṃgāsnānaphalaṃ narāḥ || 73 ||
[Analyze grammar]

jāhnavīṃ ye ca niṃdaṃti pāṣaṇḍairhatacetasaḥ |
te yāṃti narakaṃ ghoraṃ punarāvṛttidurlabham || 74 ||
[Analyze grammar]

dusthovāpi smarannityaṃ gaṃgeti parikīrtayan |
paṭhansvargamavāpnoti kimanyairbahubhāṣitaiḥ || 75 ||
[Analyze grammar]

gaṃgāgaṃgeti yo brūyādyojanānāṃ śatairapi |
mucyate sarvapāpebhyo viṣṇulokaṃ sa gacchati || 76 ||
[Analyze grammar]

aṃdhāśca paṃgavaste ca vṛthābhava samudbhavāḥ |
garbhapātādvipadyaṃte ye gaṃgāṃ na gatā narāḥ || 77 ||
[Analyze grammar]

na kīrtayaṃti ye gaṃgāṃ jaḍatulyā narādhamāḥ |
parānnopadiśaṃti sma vātūlāścittavibhramāḥ || 78 ||
[Analyze grammar]

na paṭhaṃti janā ye ca teṣāṃ śāstraṃ viniṣphalam |
gaṃgāpuṇyaphalaṃ viprāḥ kudhiyaḥ patitādhamāḥ || 79 ||
[Analyze grammar]

pāṭhayaṃti janā ye ca śraddhayā nipaṭhaṃti ca |
gacchaṃti te divaṃ dhīrāstārayaṃti pitṝngurūn || 80 ||
[Analyze grammar]

pātheyakaṃ gacchatāṃ yo vasu śaktyā prayacchati |
bhāgīrathyā labhetsnānaṃ yaḥ parānnena gacchati || 81 ||
[Analyze grammar]

kartuḥ snānaphalaṃ vidyāddviguṇaṃ prerakasya ca |
icchayānicchayā cāpi preraṇenānyasevayā || 82 ||
[Analyze grammar]

jāhnavīṃ yo gataḥ puṇyāṃ sa gacchennirjarālayam |
dvijā ūcuḥ |
gaṃgāyāḥ kīrtanaṃ vyāsa śrutaṃ tvatto vinirmalam || 83 ||
[Analyze grammar]

gaṃgā kasmātkimākārā kutaḥ sā hyatipāvanī |
vyāsa uvāca |
śṛṇudhvaṃ kathayāmyadya kathāṃ puṇyāṃ purātanīṃ || 84 ||
[Analyze grammar]

yāṃ śrutvā mokṣamārgaṃ ca prāpnoti narasattamaḥ |
brahmalokaṃ purā gatvā nārado munipuṃgavaḥ || 85 ||
[Analyze grammar]

natvā vidhiṃ ca papraccha pūtaṃ trailokyapāvanam |
kiṃ sṛṣṭaṃ ca tvayā tāta saṃmataṃ śaṃbhukṛṣṇayoḥ || 86 ||
[Analyze grammar]

sarvalokahitārthāya bhuvaḥsthāne samīhitam |
devī vā devatā kā vā sarvāsāmuttamottamā || 87 ||
[Analyze grammar]

yāṃ samāsādya devāśca daityamānuṣapannagāḥ |
aṃḍajāḥ svedajā vṛkṣā ye cānya udbhijjādayaḥ || 88 ||
[Analyze grammar]

sarve yāṃti śivaṃ brahmansamagraṃ vibhavaṃ dhruvam |
brahmovāca |
sṛjatā ca purā proktā māyā prakṛtirūpiṇī || 89 ||
[Analyze grammar]

ādyā bhava svalokānāṃ tvatto bhavaṃ sṛjāmyaham |
etacchrutvā parā sā ca saptadhā cābhavattadā || 90 ||
[Analyze grammar]

gāyatrīvākca svarlakṣmīssarvasasya vasupradā |
jñānavidyā umādevī śaktibījā tapasvinī || 91 ||
[Analyze grammar]

varṇikā dharmadravā ca etāssapta prakīrtitāḥ |
gāyatrīprabhavā vedā vedātsarvaṃ sthitaṃ jagat || 92 ||
[Analyze grammar]

svasti svāhā svadhā dīkṣā etā gāyatrijā smṛtāḥ |
uccārayetsadā yajñe gāyatrīṃ mātṛkādibhiḥ || 93 ||
[Analyze grammar]

kratau devāḥ svadhāṃ prāpya bhaveyurajarāmarāḥ |
tatassudhārasaṃ devā mumucurdharaṇītale || 94 ||
[Analyze grammar]

atha sasyavatī pṛthvī oṣadhīnāṃ parā śubhā |
phalamūlairasairbhakṣyairjanāḥ susthatarābhavan || 95 ||
[Analyze grammar]

bhāratī sarvalokānāṃ cānane mānase sthitā |
tathaiva sarvaśāstreṣu dharmoddeśaṃ karoti sā || 96 ||
[Analyze grammar]

vijñānaṃ kalahaṃ śokaṃ mohāmohaṃ śivāśivam |
tayā vinā jagatsarvaṃ yātyatattvamiti smṛtam || 97 ||
[Analyze grammar]

kamalāsaṃbhavaścaiva vastrabhūṣaṇasaṃcayaḥ |
sukhaṃ rājyaṃ triloke tu tataḥ sā harivallabhā || 98 ||
[Analyze grammar]

umayā hetunā śaṃbhorjñānaṃ lokeṣu saṃtatam |
jñānamātā ca sā jñeyā śaṃbhorardhāṅgavāsinī || 99 ||
[Analyze grammar]

varṇikāśaktiratyugrā sarvalokapramohinī |
sarvalokeṣu lokānāṃ sthitisaṃhārakāriṇī || 100 ||
[Analyze grammar]

devyā ca nihatau pūrvamasurau madhukaiṭabhau |
ruruścāpi hato ghoraḥ sarvalokapariśrutaḥ || 101 ||
[Analyze grammar]

sarvadevaikajetāraṃ sā jaghne mahiṣāsuram |
nihatā līlayā devyā ye'surā daityapuṃgavāḥ || 102 ||
[Analyze grammar]

evaṃ balāni daityānāṃ nihatya sarvadā tayā |
pālitaṃ moditaṃ caiva kṛtsnametajjagattrayam || 103 ||
[Analyze grammar]

dharmadravasvarūpā ca sarvadharmapratiṣṭhitā |
mahatīṃ tāṃ samālokya mayā kamaṃḍalau dhṛtā || 104 ||
[Analyze grammar]

viṣṇupādābjasambhūtā śaṃbhunā śirasā dhṛtā |
asmābhiśca tribhiryuktā brahmaviṣṇumaheśvaraiḥ || 105 ||
[Analyze grammar]

dharmadravā parikhyātā jalarūpā kamaṃḍalau |
baliyajñeṣu saṃbhūtā viṣṇunā prabhaviṣṇunā || 106 ||
[Analyze grammar]

chadmanā chalitaḥ pūrvaṃ balirbalavatāṃ varaḥ |
tataḥ pādadvayenaiva krāṃtaṃ sarvaṃ mahītalam || 107 ||
[Analyze grammar]

nabhaḥ pādaśca brahmāṇḍaṃ bhitvā mama puraḥ sthitaḥ |
mayā saṃpūjitaḥ pādaḥ kamaṇḍalujalena vai || 108 ||
[Analyze grammar]

prakṣālyaivārcitātpādāddhemakūṭe'patajjalam |
tatkūṭācchaṃkaraṃ prāpya bhramate sā jaṭāsthitā || 109 ||
[Analyze grammar]

tato bhagīrathenaiva samārādhya śivaṃ bhuvi |
ānīyārādhito nityaṃ tapasā gajapuṃgavaḥ || 110 ||
[Analyze grammar]

tena bhitvā nagaṃ vīryāttribhirdaṃtaiḥ kṛtaṃ bilam |
tatastribilagā yasmāttrisrotā lokaviśrutā || 111 ||
[Analyze grammar]

haribrahmaharayogātpūtā lokasya pāvanī |
samāsādya ca tāṃ devīṃ sarvadharmaphalaṃ labhet || 112 ||
[Analyze grammar]

pāṭhayajñaparaiḥ sarvairmaṃtra homa surārcanaiḥ |
sā gatirna bhavejjaṃtorgaṃgā saṃsevayā ca yā || 113 ||
[Analyze grammar]

dharmasya sādhanopāyo hyataḥ paro na vidyate |
trailokyapuṇyasaṃyogāttasmāttāṃ vraja nārada || 114 ||
[Analyze grammar]

gaṃgātoyāsthisaṃyogātsutāste sagarasya ca |
svargatāḥ pitṛbhiścaiva svapūrvāparajaiḥ saha || 115 ||
[Analyze grammar]

tato brahmamukhācchrutvā nārado munipuṃgavaḥ |
gaṃgādvāre tapaḥ kṛtvā brahmaṇā sadṛśobhavat || 116 ||
[Analyze grammar]

sarvatra sulabhā gaṃgā triṣusthāneṣu durlabhā |
gaṃgādvāre prayāge ca gaṃgāsāgarasaṃgame || 117 ||
[Analyze grammar]

trirātreṇaikarātreṇa naro yāti parāṃ gatim |
tasmātsarvaprayatnena sadyo muktiṃ viciṃtayet || 118 ||
[Analyze grammar]

tato gacchata dharmajñāḥ śivāṃ bhāgīrathīmiha |
acireṇaiva kālena svargaṃ mokṣaṃ pragacchatha || 119 ||
[Analyze grammar]

viśeṣātkalikāle ca gaṃgā mokṣapradā nṛṇāṃ |
kṛcchrācca kṣīṇasatvānāmanaṃtaḥ puṇyasaṃbhavaḥ || 120 ||
[Analyze grammar]

tataste brāhmaṇā hṛṣṭāḥ śrutvā vyāsādgiraṃ śubhām |
gaṃgāyāṃ tu tapastaptvā mokṣamārgaṃ yayustadā || 121 ||
[Analyze grammar]

ya idaṃ śṛṇuyānmartyaḥ puṇyākhyānamanuttamam |
sarvaṃ tarati duḥkhaugha gaṃgāsnānaphalaṃ labhet || 122 ||
[Analyze grammar]

sakṛduccārite caiva sarvayajñaphalaṃ labhet |
dānaṃ japyaṃ tathā dhyānaṃ stotraṃ maṃtraṃ surārcanam || 123 ||
[Analyze grammar]

tatraiva kārayedyastu sa cānaṃtaphalaṃ labhet |
tasmāttatraiva karttavyaṃ japahomādikaṃ naraiḥ || 124 ||
[Analyze grammar]

anaṃtaṃ ca phalaṃ proktaṃ janmajanmasu labhyate || 125 ||
[Analyze grammar]

iti śrīpādmapurāṇe prathame sṛṣṭikhaṃḍe gaṃgāmāhātmyaṃnāma |
dviṣaṣṭitamo'dhyāyaḥ || 62 ||
[Analyze grammar]