Chapter 60

[English text for this chapter is available]

skaṃdauvāca |
aparasyāpi pṛcchāmi phalasya pūtatāṃ taroḥ |
sarvalokahitārthāya vada no jagadīśvara || 1 ||
[Analyze grammar]

īśvara uvāca |
dhātrīphalaṃ paraṃ pūtaṃ sarvalokeṣu viśrutam |
yasya ropānnaro nārī mucyate janmabaṃdhanāt || 2 ||
[Analyze grammar]

pāvanaṃ vāsudevasya phalaṃ prītikaraṃ śubham |
asya bhakṣaṇamātreṇa mucyate sarvakalmaṣāt || 3 ||
[Analyze grammar]

bhakṣaṇe ca bhavedāyuḥ pāne vai dharmasaṃcayaḥ |
alakṣmīnāśanaṃ snāne sarvaiśvaryamavāpnuyāt || 4 ||
[Analyze grammar]

yasmingṛhe mahāsena dhātrī tiṣṭhati sarvadā |
tasmingṛhe na gacchaṃti pretā daiteya rākṣasāḥ || 5 ||
[Analyze grammar]

na gaṃgā na gayā caiva na kāśī na ca puṣkaram |
ekaiva hi nṛṇāṃ dhātrī saṃprāpte harivāsare || 6 ||
[Analyze grammar]

ekādaśyāṃ pakṣayuge dhātrīsnānaṃ karoti yaḥ |
sarvapāpakṣayaṃ yāṃti viṣṇuloke mahīyate || 7 ||
[Analyze grammar]

dhātrīphalaṃ sadā sevyaṃ bhakṣaṇe snāna eva ca |
niyataṃ pāraṇe viṣṇoḥ snānamātre harerdine || 8 ||
[Analyze grammar]

saṃyate pāraṇe caiva dhātryekasparśane naraḥ |
bhuktvā tu laṃghayedyastu ekādaśyāṃ sitāsite || 9 ||
[Analyze grammar]

ekenaivopavāsena kṛtena tu ṣaḍānana |
saptajanmakṛtātpāpānmucyate nātra saṃśayaḥ || 10 ||
[Analyze grammar]

akṣayaṃ labhate svargaṃ viṣṇusāyujyamāvrajet |
tasmātsarvaprayatnena dhātrīvrataṃ samācara || 11 ||
[Analyze grammar]

dhātrīdraveṇa satataṃ yasya keśāḥ suraṃjitāḥ |
na pibetsa punarmātuḥ stanaṃ kaścitṣaḍānana || 12 ||
[Analyze grammar]

dhātrīdarśanasaṃsparśānnāmna uccāraṇepi vā |
varadaḥ saṃmukho viṣṇuḥ saṃtuṣṭo bhavati priyaḥ || 13 ||
[Analyze grammar]

dhātrīphalaṃ ca yatrāste tatra tiṣṭhati keśavaḥ |
tatra brahmā sthirā padmā tasmāttāṃ tu gṛhe nyaset || 14 ||
[Analyze grammar]

alakṣmīrnaśyate tatra yatra dhātrī pratiṣṭhati |
saṃtuṣṭāssarvadevāśca na tyajaṃti kṣaṇaṃ mudā || 15 ||
[Analyze grammar]

dhātrīphalena naivedyaṃ yo dadāti mahādhanam |
tasya tuṣṭo bhavedviṣṇurnānyaiḥ kratuśatairapi || 16 ||
[Analyze grammar]

snātvā dhātrīdraveṇaiva pūjayedyastu mādhavam |
sobhīṣṭaphalamāpnoti yadvā manasi vartate || 17 ||
[Analyze grammar]

tathaiva lakṣaṇaṃ smṛtvā pūjayitvā phalena tu |
suvarṇaśatasāhasraṃ phalameti narottamaḥ || 18 ||
[Analyze grammar]

yā gatirjñānināṃ skaṃda munīnāṃ yogasevinām |
gatiṃ tāṃ samavāpnoti dhātrīsevā rato naraḥ || 19 ||
[Analyze grammar]

tīrthasevābhigamane vrataiśca vividhaistathā |
sā gatirlabhyate puṃsāṃ dhātrīphalasusevayā || 20 ||
[Analyze grammar]

prītiśca sarvadevānāṃ devīnāṃ no gaṇasya ca |
saṃmukhā varadā snāne dhātrīphalaniṣevaṇe || 21 ||
[Analyze grammar]

grahā duṣṭāśca ye kecidugrāśca daityarākṣasāḥ |
sarve na duṣṭatāṃ yāṃtidhātrīphala susevanāt || 22 ||
[Analyze grammar]

sarvayajñeṣu kāryeṣu śastaṃ cāmalakīphalam |
sarvadevasya pūjāyāṃ varjayitvā raviṃ suta || 23 ||
[Analyze grammar]

tasmādravidine tāta saptamyāṃ ca viśeṣataḥ |
dhātrīphalāni satataṃ dūrataḥ parivarjayet || 24 ||
[Analyze grammar]

yastu snāti tathāśnāti dhātrīṃ ca ravivāsare |
āyurvittaṃ kalatraṃ ca sarvaṃ tasya vinaśyati || 25 ||
[Analyze grammar]

saṃkrāntau ca bhṛgorvāre ṣaṣṭhyāṃ pratipidi dhruvam |
navamyāṃ cāpyamāyāṃ ca dhātrīṃ dūrātparityajet || 26 ||
[Analyze grammar]

nāsikākarṇatuṃḍeṣu mṛtasya cikureṣu vā |
tiṣṭheddhātrīphalaṃ yasya sa yāti viṣṇumaṃdiram || 27 ||
[Analyze grammar]

dhātrīsaṃparkamātreṇa mṛto yātyacyutālayam |
sarvapāpakṣayastasya svargaṃ yāti rathena tu || 28 ||
[Analyze grammar]

dhātrīdravaṃ naro liptvā yastu snānaṃ samācaret |
padepadeśvamedhasya phalaṃ prāpnoti dhārmikaḥ || 29 ||
[Analyze grammar]

asya darśanamātreṇa ye vai pāpiṣṭhajaṃtavaḥ |
sarve te prapalāyaṃte grahā duṣṭāśca dāruṇāḥ || 30 ||
[Analyze grammar]

puraikaḥ pulkasaḥ skaṃda mṛgayārthaṃ vanaṃ gataḥ |
mṛgapakṣigaṇānhatvā tṛṣayā paripīḍitaḥ || 31 ||
[Analyze grammar]

kṣudhayāmalakīvṛkṣaṃ puraḥ pīnaphalānvitam |
dṛṣṭvā saṃruhya sahasā cakhāda phalamuttamam || 32 ||
[Analyze grammar]

tato daivātsavṛkṣāgrānnipapāta mahītale |
vedanāgāḍhasaṃviddhaḥ paṃcatvamagamattadā || 33 ||
[Analyze grammar]

tataḥ pretagaṇāḥ sarve rakṣobhūtagaṇāstathā |
tanuṃ voḍhuṃ mudā sarve ye vai śamanasevakāḥ || 34 ||
[Analyze grammar]

na śaknuvaṃti cāṃḍālaṃ mṛtaṃ draṣṭuṃ mahābalāḥ |
anyonyaṃ vigrahasteṣāṃ mamāyamiti bhāṣatām || 35 ||
[Analyze grammar]

grahītuṃ cāpi netuṃ ca na śaktāste parasparam |
tataste tu samālokya gatā munigaṇānprati || 36 ||
[Analyze grammar]

pretā ūcuḥ |
kimarthaṃ munayo dhīrāścāṃḍālaṃ pāpakāriṇam |
prekṣituṃ na vayaṃ śaktā na cāpi yamasevakāḥ || 37 ||
[Analyze grammar]

mriyaṃte pātitā ye ca sthirairyuddhaparāṅmukhāḥ |
sāhasaiḥ pātitā bhītā vajrāgnikāṣṭhapīḍitāḥ || 38 ||
[Analyze grammar]

siṃhavyāghrahatā martyā vyāghrairvā jalajaṃtubhiḥ |
jalasthalasthitāḥ pretāḥ vṛkṣaparvatapātitāḥ || 39 ||
[Analyze grammar]

paśupakṣihatā ye ca kārāgāre gare mṛtāḥ |
ātmaghātamṛtā ye ca śrāddhādikarmavarjitāḥ || 40 ||
[Analyze grammar]

gūḍhakarmamṛtā dhūrtā guruvipranṛpadviṣaḥ |
pāṣaṃḍāḥ kaulikāḥ krūrā garadāḥ kūṭasākṣiṇaḥ || 41 ||
[Analyze grammar]

āśaucānnasya bhoktāraḥ pretabhogyā na saṃśayaḥ |
mamāyamiti bhāṣaṃto netuṃ taṃ ca na śaknumaḥ || 42 ||
[Analyze grammar]

āditya iva duṣprekṣyaḥ kiṃvā kasya prabhāvataḥ |
munaya ūcuḥ |
anena bhakṣitaṃ pretāḥ pakvaṃ cāmalakīphalam || 43 ||
[Analyze grammar]

tatsaṃgaṃ yāṃti tasyaiva phalāni pracurāṇi ca |
tenaiva kāraṇenāyaṃ duṣprekṣyo bhavatāṃ dhruvam || 44 ||
[Analyze grammar]

vṛkṣāgrapatitasyātha prāṇaḥ snehānna ca tyajet |
nāyaṃ cāreṇa sūryasya na cānye pāpakāriṇaḥ || 45 ||
[Analyze grammar]

dhātrībhakṣaṇamātreṇa pāpātpūto vrajeddivam |
pretā ūcuḥ |
pṛcchāmo vo hyavijñānānna vayaṃ niṃdakāḥ kvacit || 46 ||
[Analyze grammar]

viṣṇulokādvimānaṃ tu yāvannaivātra gacchati |
ucyatāṃ muniśārdūlā vo drutaṃ manasi sthitam || 47 ||
[Analyze grammar]

yāvaddvijā na ghoṣaṃti vedamaṃtrādikalpitam |
ghoṣyaṃte yatra vedāśca maṃtrāṇi vividhāni ca || 48 ||
[Analyze grammar]

purāṇasmṛtayo yatra kṣaṇaṃ sthātuṃ na śaknumaḥ |
yajñahomajapasthānadevatārcanakarmaṇām || 49 ||
[Analyze grammar]

purato vai na tiṣṭhāmastasmādvṛttaṃ samucyatām |
kiṃ vai kṛtvā pretayoniṃ labhaṃte hi narā dvijāḥ || 50 ||
[Analyze grammar]

śrotumicchāmahe samyakkathaṃ vai vikṛtaṃ vapuḥ |
dvijā ūcuḥ |
śītavātātapakleśaiḥ kṣutpipāsāviśeṣakaiḥ || 51 ||
[Analyze grammar]

anyairapi ca duḥkhairye pīḍitāḥ kūṭasākṣiṇaḥ |
vadhabaṃdhapramītāśca pretāste nirayaṃ gatāḥ || 52 ||
[Analyze grammar]

chidrānveṣaparā ye ca dvijānāṃ karmaghātinaḥ |
tathaiva ca gurūṇāṃ ca te pretāścāpunarbhavāḥ || 53 ||
[Analyze grammar]

dīyamāne dvijāgrye tu dātāraṃ pratividhyati |
ciraṃ pretatvamāśritya narakānna nivartate || 54 ||
[Analyze grammar]

parasya vā'tmano vā gāṃ kṛtvā pīḍanavāhane |
na pālayaṃti ye mūḍhāste pretāḥ karmajā bhuvi || 55 ||
[Analyze grammar]

hīnapratijñāścāsatyāstathā bhagnavratā narāḥ |
nalinīdalabhuktāśca te pretāḥ karmajā bhuvi || 56 ||
[Analyze grammar]

vikrīṇanti sutāṃ śuddhāṃ striyaṃ sādhvīmakaṃṭakām |
pitṛvyamātulādeśca te pretāḥ karmajā bhuvi || 57 ||
[Analyze grammar]

ete cānye ca bahavaḥ pretā jātāḥ svakarmabhiḥ |
pretā ūcuḥ |
na bhavaṃti kathaṃ pretāḥ karmaṇā kena vā dvijāḥ || 58 ||
[Analyze grammar]

hitāya vadanastūrṇaṃ sarvalokahitaṃ param |
dvijā ūcuḥ |
yena caiva kṛtaṃ snānaṃ jale tīrthasya dhīmatā || 59 ||
[Analyze grammar]

namaskṛtaṃ paraṃ ligaṃ na preto jāyate naraḥ |
ekādaśyāmupoṣyaiva dvādaśyāṃ ca viśeṣataḥ || 60 ||
[Analyze grammar]

pūjayitvā hariṃ martyāḥ pretatvaṃ na vrajaṃti vai |
vedākṣaraprasūtaiśca stotramaṃtrādibhistathā || 61 ||
[Analyze grammar]

devānāṃ pūjane raktā na vai pretā bhavaṃti te |
śrutvā paurāṇikaṃ vākyaṃ divyaṃ ca dharmasaṃhitam || 62 ||
[Analyze grammar]

pāṭhayitvā paṭhitvā ca piśācatvaṃ na gacchati |
vrataiśca vividhaiḥ pūtāḥ padmākṣadhāraṇaistathā || 63 ||
[Analyze grammar]

japtvā padmākṣamālāyāṃ pretatvaṃ naiva gacchati |
dhātrīphaladravaiḥ snātvā nityaṃ tadbhakṣaṇe ratāḥ || 64 ||
[Analyze grammar]

tena viṣṇuṃ susaṃpūjya na gachaṃti piśācatām |
pretā ūcuḥ |
satāṃ saṃdarśanātpuṇyamiti paurāṇikā viduḥ || 65 ||
[Analyze grammar]

tasmādvo darśanaṃ jātaṃ hitaṃ naḥ kartumarhatha |
pretabhāvādyathāmuktiḥ sarveṣāṃ no bhaviṣyati || 66 ||
[Analyze grammar]

vratopadeśakaṃ dhīrā yuṣmākaṃ śaraṇāgatāḥ |
tato dayālavaḥ sarve tānūcurdvijasattamāḥ || 67 ||
[Analyze grammar]

dhātrīṇāṃ bhakṣaṇaṃ śīghraṃ kurvatāṃ muktihetave |
pretā ūcuḥ |
dhātrīṇāṃ darśane viprā vayaṃ sthātuṃ na śaknumaḥ || 68 ||
[Analyze grammar]

kathaṃ teṣāṃ phalānāṃ ca śaktā vai bhakṣaṇedhunā |
dvijā ūcuḥ |
asmākaṃ vacanenātra dhātrīṇāṃ bhakṣaṇaṃ śivam || 69 ||
[Analyze grammar]

phaliṣyati paraṃ lokaṃ tasmādgaṃtuṃ samarhatha |
atha tebhyo varaṃ labdhvā dhātrīvṛkṣaṃ piśācakaiḥ || 70 ||
[Analyze grammar]

samāruhya phalaṃ prāpya bhakṣitaṃ līlayā tadā |
tato devālayāttūrṇaṃ rathaṃ pīnasuśobhanam || 71 ||
[Analyze grammar]

āgataṃ taṃ samāruhya sacāṃḍālapiśācakāḥ |
gatāste tridivaṃ putra vratairyajñaiḥ sudurlabham || 72 ||
[Analyze grammar]

skaṃda uvāca |
dhātrībhakṣaṇamātreṇa puṇyaṃ labdhvā divaṃ gatāḥ |
tadbhakṣiṇaḥ kathaṃ svargaṃ na gacchaṃti narādayaḥ || 73 ||
[Analyze grammar]

īśvara uvāca |
pūrvaṃ te jñānalopācca na jānaṃti hitāhitam |
ucchiṣṭaṃ śvabhirutspṛṣṭaṃ śleṣmamūtraṃ śakṛttu vā || 74 ||
[Analyze grammar]

matvā ca mohitāḥ śreṣṭhaṃ pretādaṃti sadaiva hi |
śakṛcchaucajalaṃ vāṃtaṃ balisūkarakukkuṭaiḥ || 75 ||
[Analyze grammar]

mṛtake sūtake japyaṃ na tyaktaṃ yena kenacit |
tasyānnaṃ ca jalaṃ pretāḥ khādaṃti tu sadaiva hi || 76 ||
[Analyze grammar]

durdāṃtā gṛhiṇī yasya śucisaṃyamavarjitā |
guruniḥsāritā duṣṭā saṃti pretāśca tatra vai || 77 ||
[Analyze grammar]

apuṅgavāḥ kulairjātyā balotsāhavivarjitāḥ |
badhirāśca kṛśā dīnāḥ piśācāḥ karmajātayaḥ || 78 ||
[Analyze grammar]

kṣaṇaṃ ca maṃgalaṃ nāsti duḥkhairdehayutā bhṛśam |
tenaiva vikṛtākārāḥ sarvabhogavivarjitāḥ || 79 ||
[Analyze grammar]

nagnakā rogasaṃtaptā mṛtā rūkṣā malīmasāḥ |
ete cānye ca duḥkhārtāḥ sadaiva pretajātayaḥ || 80 ||
[Analyze grammar]

tena karmavipākena jāyaṃte kāmamīdṛśāḥ |
pitṛmātṛgurūṇāṃ ca devaniṃdāparāśca ye || 81 ||
[Analyze grammar]

pāṣaṃḍāḥ kaulikāḥ pāpāste pretāḥ karmajā bhuvi |
galapāśairjalaiḥ śastrairgaralairātmaghātakāḥ || 82 ||
[Analyze grammar]

ihaloke ca te pretāścāṃḍālādiṣu saṃbhavāḥ |
aṃtyajāḥ patitāścaiva pāparogamṛtāśca ye || 83 ||
[Analyze grammar]

aṃtyajairghātitā yuddhe te pretā niścitā bhuvi |
mahāpātakasaṃyuktā vivāhe ca bahiṣkṛtāḥ || 84 ||
[Analyze grammar]

śauryātsāhasikā ye ca te pretāḥ karmajā bhuvi |
rājadrohakarā ye ca pitṝṇāṃ drohaciṃtakāḥ || 85 ||
[Analyze grammar]

dhyānādhyayanahīnāśca vratairdevārcanādibhiḥ |
amaṃtrāḥ snānahīnāśca gurustrīgamane ratāḥ || 86 ||
[Analyze grammar]

tathaiva cāṃtyajastrīṣu durgatāsu ca saṃgatāḥ |
mṛtāḥ krūropavāsena mlecchadeśasthitā mṛtāḥ || 87 ||
[Analyze grammar]

mlecchabhāṣāyutāśuddhāstathāmlecchopajīvinaḥ |
anuvartaṃti ye mlecchānstrīdhanairupajīvakāḥ || 88 ||
[Analyze grammar]

striyo yaiśca na rakṣyaṃte te pretā nātra saṃśayaḥ |
kṣudhāsaṃtaptadehaṃ tu śrāṃtaṃ vipraṃ gṛhāgatam || 89 ||
[Analyze grammar]

guṇapuṇyātithiṃ tyaktvā piśācatvaṃ vrajaṃti te |
vikrīṇaṃti ca vai gāśca mleccheṣu ca gavāśiṣu || 90 ||
[Analyze grammar]

pretaloke sukhaṃ sthitvā te ca yāṃtyapunarbhavam |
aśaucābhyaṃtare ye ca jātāśca paśavo mṛtāḥ || 91 ||
[Analyze grammar]

ciraṃ pretāḥ piśācāśca mṛtā jātāḥ punaḥ punaḥ |
jātakarmamukhaiścaiva saṃskārairye vivirjitāḥ || 92 ||
[Analyze grammar]

ekaikasmiśca saṃskāre pretatvaṃ parihīyate |
snānasaṃdhyāsurārcābhirvedayajñavratākṣaraiḥ || 93 ||
[Analyze grammar]

ājanmavarjitāḥ pāpāste pretāścāpunarbhavāḥ |
bhojanocchiṣṭapātrāṇi yāni dehamalāni ca || 94 ||
[Analyze grammar]

nipātayaṃti ye tīrthe te pretā nātra saṃśayaḥ |
dānamānārcanairnaiva yairviprā bhuvi tarpitāḥ || 95 ||
[Analyze grammar]

pitaro guravaścaiva pretāste karmajā bhṛśam |
patiṃ tyaktvā ca yā nāryo vasaṃti cetarairjanaiḥ || 96 ||
[Analyze grammar]

pretaloke ciraṃ sthitvā jāyaṃte cāṃtyayoniṣu |
patiṃ ca vaṃcayitvā yā viṣayeṃdriyamohitāḥ || 97 ||
[Analyze grammar]

miṣṭaṃ cādaṃti yāḥ pāpāstāstu pretāściraṃ bhuvi |
viṇmūtrabhakṣakā ye ca brahmasva bhakṣaṇe ratāḥ || 98 ||
[Analyze grammar]

abhakṣyabhakṣakāścānye te pretāścāpunarbhavāḥ |
balādye paravastūni gṛhṇaṃti na dadatyapi || 99 ||
[Analyze grammar]

atithīnavamanyaṃte pretā nirayamāsthitāḥ |
tasmādāmalakīṃ bhuktvā snātvā tasya draveṇa ca || 100 ||
[Analyze grammar]

sarvapāpādvinirmukto viṣṇuloke mahīyate |
tasmātsarvaprayatnena sevayāmalakīṃ śivām || 101 ||
[Analyze grammar]

ya idaṃ śṛṇuyānnityaṃ puṇyākhyānamidaṃ śubham |
sarvapāpa prapūtātmā viṣṇuloke mahīyate || 102 ||
[Analyze grammar]

śrāvayetsatataṃ loke vaiṣṇaveṣu viśeṣataḥ |
sa yāti viṣṇusāyujyamiti paurāṇikā viduḥ || 103 ||
[Analyze grammar]

skaṃda uvāca |
mahīruha phalaṃ jñātaṃ prapūtaṃ dvividhaṃ prabho |
idānīṃ śrotumicchāmi patraṃ puṣpaṃ sumokṣadam || 104 ||
[Analyze grammar]

īśvara uvāca |
sarvebhyaḥ patrapuṣpebhyaḥ sattamā tulasī śivā |
sarvakāmapradā śuddhā vaiṣṇavī viṣṇusupriyā || 105 ||
[Analyze grammar]

bhuktimuktipradā mukhyā sarvalokaparā śubhā |
yāmāśritya gatāḥ svargamakṣayaṃ munisattamāḥ || 106 ||
[Analyze grammar]

hitārthaṃ sarvalokānāṃ viṣṇunāropitā purā |
tulasīpatrapuṣpaṃ ca sarvadharmapratiṣṭhitam || 107 ||
[Analyze grammar]

yathā viṣṇoḥ priyālakṣmīryathāhaṃ priya eva ca |
tatheyaṃ tulasīdevī caturtho nopapadyate || 108 ||
[Analyze grammar]

tulasīpatramekaṃ tu śatahemaphalapradam |
nānyaiḥ puṣpaistathāpatrairnānyairgaṃdhānulepanaiḥ || 109 ||
[Analyze grammar]

tuṣyate daityahā viṣṇustulasyāśca dalairvinā |
anena pūjito yena harirnityaṃ parāśayā || 110 ||
[Analyze grammar]

tena dattaṃ hutaṃ jñātaṃ kṛtaṃ yajñavratādikam |
janmajanmani bhāsitvaṃ sukhaṃ bhāgyaṃ yaśaḥ śriyaṃ || 111 ||
[Analyze grammar]

kulaṃ śīlaṃ kalatraṃ ca putraṃ duhitaraṃ tathā |
dhanaṃ rājyamarogatvaṃ jñānaṃ vijñānameva ca || 112 ||
[Analyze grammar]

vedavedāṃgaśāstraṃ ca purāṇāgamasaṃhitāḥ |
sarvaṃ karagataṃ manye tulasyābhyarcane hareḥ || 113 ||
[Analyze grammar]

yathā gaṃgā pavitrāṃgī suraloke vimokṣadā |
yathā bhāgīrathī puṇyā tathaivaṃ tulasī śivā || 114 ||
[Analyze grammar]

kiṃ ca gaṃgājale naiva kiṃca puṣkarasevayā |
tulasīdalamiśreṇa jalenaiva pramodyate || 115 ||
[Analyze grammar]

mādhavaḥ saṃmukho yasya janmajanmasudhīmataḥ |
tasya śraddhā bhavechrutvā tulasyā harimarcitum || 116 ||
[Analyze grammar]

yo maṃjarīdalaireva tulasyā viṣṇumarcayet |
tasya puṇyaphalaṃ skanda kathituṃ naiva śakyate || 117 ||
[Analyze grammar]

tatra keśavasānnidhyaṃ yatrāsti tulasīvanam |
tatra brahmā ca kamalā sarvadevagaṇaiḥ saha || 118 ||
[Analyze grammar]

tasmāttāṃ saṃnikṛṣṭe tu sadā devīṃ prapūjayet |
stotramaṃtrādikaṃ yadvā sarvamānaṃtyamaśnute || 119 ||
[Analyze grammar]

ye ca pretāśca kūśmāṃḍāḥ piśācā brahmarākṣasāḥ |
bhūtadaityādayastatra palāyaṃte sadaiva hi || 120 ||
[Analyze grammar]

alakṣmīrnāśinī ghūrṇā yā ḍākinyādi mātaraḥ |
sarvāḥ saṃkocitāṃ yāṃti dṛṣṭvā tu tulasīdalaṃ || 121 ||
[Analyze grammar]

brahmahatyādayaḥ pāpavyādhayaḥ pāpasaṃbhavāḥ |
kumaṃtriṇā kṛtā ye ca sarve naśyaṃti tatra vai || 122 ||
[Analyze grammar]

bhūtale vāpi taṃ yena haryarthaṃ tulasīvanam |
kṛtaṃ kratuśataṃ tena vidhivatpriyadakṣiṇam || 123 ||
[Analyze grammar]

hariliṃgeṣu cānyeṣu sālagrāmaśilāsu ca |
tulasīgrahaṇaṃ kṛtvā viṣṇoḥ sāyujyamāvrajet || 124 ||
[Analyze grammar]

naṃdaṃti puruṣāstasya mādhavārthe kṣitau tu yaḥ |
tulasīṃ ropayeddhīraḥ sa yāti mādhavālayam || 125 ||
[Analyze grammar]

pūjayitvā hariṃ devaṃ nirmālyaṃ tulasīdalam |
dhārayedyaḥ svaśīrṣe tu pāpātpūto divaṃ vrajet || 126 ||
[Analyze grammar]

pūjane kīrttane dhyāne ropaṇe dhāraṇe kalau |
tulasī dahate pāpaṃ rsvargaṃ mokṣaṃ dadāti ca || 127 ||
[Analyze grammar]

upadeśaṃ diśedasyāḥ svayamācarate punaḥ || 128 ||
[Analyze grammar]

sa yāti paramaṃ sthānaṃ mādhavasya niketanam |
hareḥ priyakaraṃ yacca tanme priyataraṃ bhavet || 129 ||
[Analyze grammar]

sarveṣāmapi devānāṃ devīnāṃ ca samaṃtataḥ |
śrāddheṣu yajñakāryeṣu parṇamekaṃ ṣaḍānana || 130 ||
[Analyze grammar]

tasmātsarvaprayatnena tulasīsevanaṃ kuru |
tulasī sevitā yena tena sarvaṃ tu sevitam || 131 ||
[Analyze grammar]

guruṃ vipraṃ devatīrthaṃ tasmātsevaya ṣaṇmukha |
śikhāyāṃ tulasīṃ kṛtvā yastu prāṇānparityajet || 132 ||
[Analyze grammar]

duṣkṛtaughādvinirmuktaḥ svargameti nirāmayam |
rājasūyādibhiryajñairvrataiśca vividhairyamaiḥ || 133 ||
[Analyze grammar]

yā gatiḥ prāpyate dhīraiḥ tulasīsevināṃ bhavet |
tulasīdalena caikena pūjayitvā hariṃ naraḥ || 134 ||
[Analyze grammar]

vaiṣṇavatvamavāpnoti kimanyaiḥ śāstravistaraiḥ |
na pibetsa payo mātustulasyāḥ koṭisaṃkhyakaiḥ || 135 ||
[Analyze grammar]

arcitaḥ keśavo yena śākhāmṛdulapallavaiḥ |
bhāvayetpuruṣānmartyaḥ śataśotha sahasraśaḥ || 136 ||
[Analyze grammar]

pūjayitvā hariṃ nityaṃ komalaistulasīdalaiḥ |
pradhānato guṇāstāta tulasyā gaditā mayā || 137 ||
[Analyze grammar]

nikhilaṃ purukālena guṇaṃ vaktuṃ na śaknumaḥ |
yastvidaṃ śṛṇuyānnityamākhyānaṃ puṇyasaṃcayam || 138 ||
[Analyze grammar]

pūrvajanmakṛtātpāpānmucyate janmabaṃdhanāt |
sakṛtpaṭhanamātreṇa vahniṣṭomaphalaṃ labhet || 139 ||
[Analyze grammar]

na tasya vyādhayaḥ putra mūrkhatvaṃ na kadācana |
sarvadā jayamāpnoti na gacchetsa parājayaṃ || 140 ||
[Analyze grammar]

lekhastiṣṭhedgṛhe yasya tasya lakṣmīḥ pravartate |
na cādhayo na ca pretā na śoko nāvamānanā || 141 ||
[Analyze grammar]

na tiṣṭhaṃti kṣaṇaṃ tatra yatreyaṃ vartate lipiḥ || 142 ||
[Analyze grammar]

iti śrīpādmapurāṇe prathame sṛṣṭikhaṃḍe tulasīmāhātmyaṃ nāma ṣaṣṭitamo'dhyāyaḥ || 60 ||
[Analyze grammar]