Chapter 57

[English text for this chapter is available]

dvijā ūcuḥ |
kīrtirdharmotha lokeṣu sarvāṇi pravarāṇi ca |
vada no muniśārdūla yadi no'sti tvanugrahaḥ || 1 ||
[Analyze grammar]

vyāsa uvāca |
yasya khāte vane gāvastṛpyaṃti māsameva ca |
yadvā saptadinātpūtaḥ sarvadevaiḥ sa pūjitaḥ || 2 ||
[Analyze grammar]

puṣkariṇyā viśeṣeṇa pūtā yā yajñakarmaṇā |
yatphalaṃ jaladānena sarvamatrāsyi tacchṛṇu || 3 ||
[Analyze grammar]

hāyane hāyane caiva kalpaṃ kalpaṃ vidhīyate |
dānātsvargamavāpnoti toyadaḥ sarvado bhuvi || 4 ||
[Analyze grammar]

meghe varṣati khāte ca jāyaṃte ye tu śīkarāḥ |
tāvadvarṣasahasrāṇi divamaśnāti mānavaḥ || 5 ||
[Analyze grammar]

toyairannādipākaiśca prasanno mānavo bhavet |
prāṇānāṃ ca vinānnaiśca dhāraṇannaiva jāyate || 6 ||
[Analyze grammar]

pitṝṇāṃ tarpaṇaṃ śaucaṃ rūpaṃ vai gaṃdhyanāśanam |
bījaṃ tvihārjitaṃ sarvaṃ sarvaṃ toye pratiṣṭhitam || 7 ||
[Analyze grammar]

vastrasya dhāvanaṃ rucyaṃ bhājanānāṃ tathaiva ca |
tenaiva sarvakāryaṃ ca pānīyaṃ medhyameva ca || 8 ||
[Analyze grammar]

tasmātsarvaprayatnena vāpīkūpataṭākakam |
kārayecca balaiḥ sarvaistathā sarvadhanena ca || 9 ||
[Analyze grammar]

tato vinirjale deśo yo dadāti jalāśayam |
vāsare vāsare tasya kalpaṃ svargaṃ vinirdiśet || 10 ||
[Analyze grammar]

triviṣṭapāccyuto vipro vedaśāstrārthapāragaḥ |
lokabaṃdhuḥ sa dharmātmā tapastaptvā divaṃ vrajet || 11 ||
[Analyze grammar]

evaṃ janmāṣṭakaṃ prāpya ekasyākṣayamiṣyate |
kṣattriyāṇāṃ kule jātaḥ sārvabhaumo bhavennṛpaḥ || 12 ||
[Analyze grammar]

viśo'kṣayaṃ dhanaṃ vidyājjanmajanmasu yatpriyam |
śūdrādayontyajāścānye labhaṃte svargatiṃ muhuḥ || 13 ||
[Analyze grammar]

caturhastapramāṇaṃ tu kūpaṃ khanati yaḥ pumān |
paropakārakaṃ nityaṃ kalpaṃ svargaṃ tu hāyane || 14 ||
[Analyze grammar]

dviguṇe dviguṇaṃ vidyācchataṃ caiva caturguṇe |
viṃśatkiṣkupramāṇāṃ tu dadyātpuṣkariṇīṃ tu yaḥ || 15 ||
[Analyze grammar]

viṣṇordhāma labhetsopi divyabhogaṃ tathaiva ca |
anaṃtaraṃ nṛpo jāto dhanī vāgīśvaro bhavet || 16 ||
[Analyze grammar]

evaṃ dvistriścaturvāpi guṇato bhogyamiṣyate |
vistīrṇe pracuraṃ viddhi sahasreṇācyuto divaḥ || 17 ||
[Analyze grammar]

sahasrāddviguṇenaiva surapūjyo bhavennaraḥ |
jaṃtavastatra ye saṃti yāvaṃto jīvanaṃ yayuḥ || 18 ||
[Analyze grammar]

tatsaṃkhyākā janāstasya kiṃkarāḥ pṛṣṭalagnakāḥ |
bhavaṃti satataṃ gehe pure janapadeṣu ca || 19 ||
[Analyze grammar]

vihāya pitaraṃ bhogyā dhane kṣīṇe yathā vanam |
pakṣiṇassūkaraścaiva mahiṣī kariṇī tathā || 20 ||
[Analyze grammar]

upadeṣṭā ca karttā ca ṣaḍete svargagāminaḥ |
divyaṃ ca pakṣiṇāṃ caiva śataṃ svargaṃ vinirdiśet || 21 ||
[Analyze grammar]

kroḍo varṣasahasraṃ tu mahiṣyayutahāyanam |
devarūpaṃ samāsthāya kariṇyā lakṣamucyate || 22 ||
[Analyze grammar]

koṭyekamupadeṣṭuśca karturakṣayameva ca |
purā dhanisutenaiva kṛtaḥ khyāto jalāśayaḥ || 23 ||
[Analyze grammar]

ayutadhanavyayenaiva prāṇenaiva balena ca |
sarvasatvopakārāya śivaśraddhāyutena ca || 24 ||
[Analyze grammar]

kālena kiyatā cāpi kṣīṇavitto'bhavatkila |
kaścidarthī dhanī tasya mūlyadānāya codyataḥ || 25 ||
[Analyze grammar]

vimṛśya dhaninā coktaṃ vyāhāraṃ śṛṇutādhunā |
dīnārasyāyutaṃ vā te dāsyāmyasyāśca kāraṇāt || 26 ||
[Analyze grammar]

labdhaṃ te puṣkariṇyāśca puṇyaṃ lābhātpramanyase |
śaktyā datvātha mūlyaṃ tāṃ svīyāṃ kartuṃ vyavasthitaḥ || 27 ||
[Analyze grammar]

evamukte sa taṃ prāha vāsarepyayutaṃ punaḥ |
phalaṃ bhavati vai nityaṃ puṇyaṃ puṇyavido viduḥ || 28 ||
[Analyze grammar]

etasminnirjale deśe śivaṃ khātaṃ kṛtaṃ ca me |
snānapānādikaṃ karma sarve kurvaṃtyabhīṣṭataḥ || 29 ||
[Analyze grammar]

tasmānmepyayutārthasya naityakaṃ phalamiṣyate |
tatastasyābhavaddhāsyaṃ tathaiva ca sabhāsadām || 30 ||
[Analyze grammar]

hriyā ca pīḍitaḥ sopi vākyametaduvāca ha |
satyametadvacosmākaṃ parīkṣāṃ kuru dharmataḥ || 31 ||
[Analyze grammar]

matsarātsa tu taṃ prāha śṛṇu me vacanaṃ pitaḥ |
dīnārāyuta me tatte datvā cānīya prastaram || 32 ||
[Analyze grammar]

pātayiṣyāmi te khāte yathāyogaṃ pramajjatu |
unmajjati ca yatkāle prastaraḥ saṃtaratyapi || 33 ||
[Analyze grammar]

kṣayaṃ yāsyati no vittaṃ nocenme dharmato hi sā |
bāḍhamuktvāyutaṃ tasya gṛhītvā svagṛhaṃ gataḥ || 34 ||
[Analyze grammar]

sākṣiṇāmagratastena prastaraḥ pātitastathā |
puṣkariṇyāṃ mahatyāṃ ca dṛṣṭaṃ narasurāsuraiḥ || 35 ||
[Analyze grammar]

tato dharmatulāyāṃ tu tulitaṃ dharmasākṣiṇā |
dīnārāyutadānasya puṣkariṇyā jalasya tu || 36 ||
[Analyze grammar]

na samaṃ tu dinaikaṃ tu jalasya dharmato bhṛśam |
dhanino mānasaṃ duḥkhaṃ moghārthaṃ ca pare'hani || 37 ||
[Analyze grammar]

śiloccayo'bhavattīrṇo dvīpavacca jalopari |
tataḥ kolāhalaḥ śabdo janānāṃ samupasthitaḥ || 38 ||
[Analyze grammar]

tacchrutvādbhutavākyaṃ ca mudā tau cāgatau tataḥ |
dṛṣṭvā śailaṃ tathābhūtaṃ kṛtaṃ tenāyutaṃ tathā || 39 ||
[Analyze grammar]

tataḥ khātādhipenaiva śailaṃ dūre nipātitam |
puṇyaṃ khātasya cotkhāte praluptasya sutena hi || 40 ||
[Analyze grammar]

sopi nākaṃ samāruhya janmajanmasu nirvṛtaḥ |
gotramātṛgaṇānāṃ ca nṛpāṇāṃ suhṛdāṃ tathā || 41 ||
[Analyze grammar]

sakhīnāṃ copakartṝṇāṃ khātaṃ khātvā'kṣayaṃ phalam |
tapasvināmanāthānāṃ brāhmaṇānāṃ viśeṣataḥ || 42 ||
[Analyze grammar]

khātaṃ tu janayitvā tu svargaṃ cākṣayamaśnute |
tasmātkhātādikaṃ viprāḥ śaktito yaḥ kariṣyati || 43 ||
[Analyze grammar]

sarvapāpakṣayātpuṇyaṃ mokṣaṃ yāyānna saṃśayaḥ |
ya idaṃ śrāvayelloke dharmākhyānaṃ mahotkaṭam || 44 ||
[Analyze grammar]

sarvakhātapradānasya phalamaśnāti dhārmikaḥ |
grahaṇe bhāskarasyaiva bhāgīrathyāṃ taṭe vare || 45 ||
[Analyze grammar]

gavāṃ koṭipradānasya phalaṃ śrutvā labhennaraḥ |
na ca dāridratāmeti na śokaṃ vyādhisaṃcayam || 46 ||
[Analyze grammar]

asaṃmānaṃ mahadduḥkhamubhayornādhigacchati |
iti śrīpādmapurāṇe prathame sṛṣṭikhaṃḍe khātādikīrtanaṃnāma saptapaṃcāśattamo'dhyāyaḥ || 57 ||
[Analyze grammar]