Chapter 56

[English text for this chapter is available]

śrībhagavānuvāca |
purā śarvaḥ striyo dṛṣṭvā yuvatī rūpaśālinīḥ |
gaṃdharvakinnarāṇāṃ ca manuṣyāṇāṃ ca sarvataḥ || 1 ||
[Analyze grammar]

maṃtreṇa tāḥ samākṛṣya tvatidūre vihāyasi |
tapovyājaparo devastāsu saṃgatamānasaḥ || 2 ||
[Analyze grammar]

atiramyāṃ kuṭīṃ kṛtvā tābhiḥ saha maheśvaraḥ |
krīḍāṃ cakāra sahasā manobhava parābhavaḥ || 3 ||
[Analyze grammar]

etasminnaṃtare gauryāścittamudbhrāṃtatāṃ gatam |
apaśyaddhyānayogena krīḍaṃtaṃ jagadīśvaram || 4 ||
[Analyze grammar]

strībhiraṃtargataṃ jñātvā roṣasya vaśagābhavat |
tataḥ kṣemaṃkarī rūpā bhūtvā ca praviveśa sā || 5 ||
[Analyze grammar]

vyomaikāṃtetidūre ca kāmadeva samaprabham |
vāmātimadhyagaṃ śubhraṃ puruṣaṃ puruṣottamam || 6 ||
[Analyze grammar]

strībhiḥ saha samāligya prakrīḍaṃtaṃ muhurmuhuḥ |
cuṃbaṃtaṃ nirbharaṃ devaṃ haraṃ rāgaprapīḍitam || 7 ||
[Analyze grammar]

vṛttaṃ kṣemaṃkarī dṛṣṭvā nipapātāgratastadā |
tāsāṃ keśeṣu cākṛṣya cakāra caraṇāhatim || 8 ||
[Analyze grammar]

trapayā pīḍitaśśarvaḥ parāṅmukhamavasthitaḥ |
keśeṣvākṛṣya roṣāttāḥ pātayāmāsa bhūtale || 9 ||
[Analyze grammar]

striyaḥ sarvādharāṃ prāpya sahasā vikṛtānanāḥ |
umāśāpapradagdhāṃgā mlecchānāṃ vaśamāgatāḥ || 10 ||
[Analyze grammar]

tāścāṃḍālastriyaḥ khyātā adhavā dhavasaṃyutāḥ |
adyāpyumākṛtaṃ śāpaṃ sarvāstāśca samaśnuyuḥ || 11 ||
[Analyze grammar]

athomā śatadhā rūpaṃ kṛtveśaṃ saṃgatā tadā |
evaṃ prabhāvaṃ jānīhi kāmasya satataṃ dvija || 12 ||
[Analyze grammar]

tataścirāttayā sārddhaṃ gataḥ kailāsamaṃdiraṃ |
ataḥ kṣemaṃkarīṃ dṛṣṭvā yebhinaṃdaṃti mānavāḥ || 13 ||
[Analyze grammar]

teṣāṃ vittarddhi vibhavā bhavaṃtīha paratra ca |
kuṃkumāraktasarvāṃgi kuṃdendudhavalānane || 14 ||
[Analyze grammar]

sarvamaṃgalade devi kṣemaṃkari namostu te |
yoginīsāmyaṃ tenaiva saṃmukhā vimukhāpi vā || 15 ||
[Analyze grammar]

dṛṣṭvā tāṃ nābhivaṃdedyastasya yuddhe parājayaḥ |
rājagṛheṣu vidyāyāṃ namaskārājjayo bhavet || 16 ||
[Analyze grammar]

evaṃ kāmasya māhātmyaṃ bhavo mohavaśaṃ gataḥ |
ayaṃ devāsurāṇāṃ ca kṣamayā prabhutāṃ gataḥ || 17 ||
[Analyze grammar]

asyaiva sadṛśo loke na bhūto na bhaviṣyati |
rāmāmaṅkasthitāṃ ramyāṃ kṣamātalpagatena ca || 18 ||
[Analyze grammar]

tyaktvaiva sādhitā lokāssurāsurasudurlabhāḥ |
evaṃ vaiṣṇavamukhyaśca surāsuragaṇārcitaḥ || 19 ||
[Analyze grammar]

yo no dadāti bhuktyagryaṃ śeṣaṃ ca svayamaśnute |
evamabhyāsadhairyeṇa dīrghakāle sukhaṃgate || 20 ||
[Analyze grammar]

prāksaṃgamātsvabhāryāṃ ca dṛṣṭvā māṃ pradadau mudā |
dvādaśābdaṃ prasaṃkalpya prāgbhogo mayi veśitaḥ || 21 ||
[Analyze grammar]

tena tasya gṛhe nityaṃ tiṣṭhāmi gṛharakṣaṇāt |
tathā dhātrīphalasyāpi sadā svara samīhate || 22 ||
[Analyze grammar]

tasmādukto mayānyeṣāṃ vaiṣṇavānāṃ ca vaiṣṇavaḥ |
purā ye vipra me bhaktāssurā matpathagāminaḥ || 23 ||
[Analyze grammar]

taireva na kṛtaṃ yacca tadanena kṛtaṃ param |
tasmādvaiṣṇavasarvasvaṃ nāma ramyaṃ mayā kṛtam || 24 ||
[Analyze grammar]

asya veśmani tiṣṭhāmi muhūrtaṃ na calāmyaham |
ato ye caivamadbhaktāsteṣvahaṃ sulabho dvija || 25 ||
[Analyze grammar]

asmākaṃ padavīṃ tebhyo hyadya dadmi svakāraṇam |
āvayorviprasaujanyaṃ svapnabhojyādikaṃ samam || 26 ||
[Analyze grammar]

sāyujyaṃ ca sakhitvaṃ ca paśya bhūdevanāṃtaram |
tato mūkādayaḥ sarve svāgatā harimīśvaram || 27 ||
[Analyze grammar]

gaṃtukāmā divaṃ puṇyāssadārāḥ saparicchadāḥ |
ye ca teṣāṃ gṛhābhyāśepyātmano gṛhagodhikāḥ || 28 ||
[Analyze grammar]

nānā kīṭādayo ye ca teṣāmanuyayuḥ surāḥ |
vyāsa uvāca |
etasminnaṃtare devāḥ siddhāśca paramarṣayaḥ || 29 ||
[Analyze grammar]

pracakruḥ puṣpavarṣāṇi sādhusādhvityanādayan |
devaduṃdubhayo nedurvimāneṣu vaneṣu ca || 30 ||
[Analyze grammar]

samāruhya rathaṃ svaṃ svaṃ harivīthīpuraṃ yayuḥ |
tadadbhutaṃ samālokya vipro'vocajjanārdanam || 31 ||
[Analyze grammar]

upadeśaṃ ca deveśa brūhi me madhusūdana |
śrībhagavānuvāca |
gaccha svapitarau tāta śokaviklavamānasau || 32 ||
[Analyze grammar]

samārādhya prayatnena madgṛhaṃ prāpsyase'cirāt |
pitṛmātṛsamā devā na tiṣṭhaṃti surālaye || 33 ||
[Analyze grammar]

yābhyāṃ sugarhitaṃ dehaṃ śiśutve pālitaṃ sadā |
ajñānadoṣasahitaṃ prapuṣṭaṃ cāpi vardhitam || 34 ||
[Analyze grammar]

yābhyāṃ tayossamaṃ nāsti trailokye sacarācare |
tato devagaṇāssarve paṃcabhistairmudānvitāḥ || 35 ||
[Analyze grammar]

mādhavaṃ saṃstuvaṃtaśca gatāste harimaṃdiram |
khacitāṃ ca purīṃ ramyāṃ viśvakarmavinirmitām || 36 ||
[Analyze grammar]

ratnāḍhyāmiṣṭasaṃpūrṇāṃ kalpavṛkṣādibhiryutām |
śātakumbhamayairgehaissarvaratnaissakarburām || 37 ||
[Analyze grammar]

vajravaiḍūryasopānāṃ svarṇadītoyasaṃyutām |
gītavādyādisaṃpūrṇāṃ sarvadurgasamākulām || 38 ||
[Analyze grammar]

kokilālāpabahulāṃ siddhagaṃdharvasevitām |
rūpāḍhyaiḥ sujanaiḥ pūrṇāṃ prayāṃtīmiva khe purīm || 39 ||
[Analyze grammar]

tataḥ sthitvā'cyutāḥ sarve sarvalokordhvato bhṛśam |
dvijopi pitarau gatvā samārādhya prayatnataḥ || 40 ||
[Analyze grammar]

acireṇaiva kālena sakuṭuṃbo hariṃ yayau |
paṃcākhyānamidaṃ puṇyaṃ mayā te samudāhṛtam || 41 ||
[Analyze grammar]

yaḥ paṭhecchṛṇuyādvāpi tasya nāstīha durgatiḥ |
brahmahatyādibhiḥ pāpairna lipyeta kadācana || 42 ||
[Analyze grammar]

gavāṃ koṭipradānena yatphalaṃ labhate naraḥ |
tatphalaṃ samavāpnoti paṃcākhyānāvagāhanāt || 43 ||
[Analyze grammar]

snānena puṣkare nityaṃ bhāgīrathyāṃ ca sarvadā |
yatphalaṃ tadavāpnoti sakṛcchravaṇagocarāt || 44 ||
[Analyze grammar]

duḥsvapnaṃ nāśayetkṣipraṃ tathārogyaṃ prayacchati |
lakṣmyārogyakaraṃ caiva tasmācchrotavyameva hi || 45 ||
[Analyze grammar]

iti śrīpādmapurāṇe prathame sṛṣṭikhaṃḍe paṃcākhyānaṃnāma ṣaṭpaṃcāśattamo'dhyāyaḥ || 56 ||
[Analyze grammar]